ਰੋਪੜ (ਛਿੰਜੀ ਲਡ਼ੋਆ)-ਜ਼ਿਲਾ ਸ਼ਹੀਦ ਭਗਤ ਸਿੰਘ ਨਗਰ ਦੇ ਡਰੱਗ ਇੰਸਪੈਕਟ ਰ ਤੇਜਿੰਦਰ ਸਿੰਘ ਨੇ ਬਲਾਕ ਔਡ਼ ਦੇ ਮੈਡੀਕਲ ਸਟੋਰ ਚਾਲਕਾਂ ਨਾਲ ਮੀਟਿੰਗ ਕੀਤੀ। ਉਨ੍ਹਾਂ ਸਾਰੇ ਮੈਡੀਕਲ ਸਟੋਰ ਚਾਲਕਾਂ ਨੂੰ ਕਿਹਾ ਕਿ ਜੇਕਰ ਤੁਹਾਡੇ ਆਸ ਪਾਸ ਕੋਈ ਵੀ ਵਿਅਕਤੀ ਨਸ਼ੇ ਦਾ ਸੇਵਨ ਕਰਦਾ ਹੈ ਜਾਂ ਨਸ਼ਾ ਵੇਚਦਾ ਹੈ ਉਸ ਬਾਰੇ ਤੁਰੰਤ ਸਾਡੇ ਨਾਲ ਅਤੇ ਸਬੰਧਤ ਥਾਣੇ ਨਾਲ ਸੰਪਰਕ ਕੀਤਾ ਜਾਵੇ ਅਤੇ ਜਿਹਡ਼ੀ ਵੀ ਕੋਈ ਥਾਂ ’ਤੇ ਨਸ਼ੇਡ਼ੀ ਨਸ਼ੇ ਕਰਦੇ ਹਨ ਉਸ ਥਾਂ ਦੀ ਇਤਲਾਹ ਵੀ ਦਿੱਤੀ ਜਾਵੇ। ਜੇਕਰ ਤੁਹਾਡੇ ਆਸ ਪਾਸ ਕੋਈ ਵੀ ਵਿਅਕਤੀ ਕਿਸੇ ਵੀ ਤਰ੍ਹਾਂ ਦਾ ਨਸ਼ਾ ਕਰਦਾ ਹੈ ਤਾਂ ਉਸ ਨੂੰ ਓਟ ਸੈਂਟਰ ਜਿਵੇਂ ਮੁਕੰਦਪੁਰ, ਬੰਗਾ, ਨਵਾਂਸ਼ਹਿਰ ਹਸਪਤਾਲ ’ਚ ਇਲਾਜ ਕਰਵਾਉਣ ਲਈ ਪ੍ਰੇਰਿਆ ਜਾਣਾ ਜ਼ਰੂਰੀ ਬਣਾਇਆ ਜਾਵੇ ਤਾਂ ਜੋ ਪੰਜਾਬ ’ਚੋਂ ਨਸ਼ਿਆਂ ਦੇ ਕੋਹਡ਼ ਤੋਂ ਬਚਿਆ ਜਾ ਸਕੇ। ਉਨ੍ਹਾਂ ਮੈਡੀਕਲ ਸਟੋਰ ਚਾਲਕਾਂ ਨੂੰ ਦਵਾਈਆਂ ਦਾ ਰਜਿਸਟਰ ਲਗਾਉਣ ਅਤੇ ਹਰ ਇਕ ਦਵਾਈ ਦਾ ਹਿਸਾਬ ਰੱਖਣ ਲਈ ਕਿਹਾ। ਉਨ੍ਹਾਂ ਕਿਹਾ ਕਿ ਕਿਸੇ ਵੀ ਨਸ਼ਾ ਵੇਚਣ ਵਾਲੇ ਵਿਅਕਤੀ ਨੂੰ ਕਿਸੇ ਕੀਮਤ ’ਤੇ ਬਖਸ਼ਿਆ ਨਹੀਂ ਜਾਵੇਗਾ। ਇਸ ਮੌਕੇ ਜਗਤਾਰ ਤਾਰੀ, ਵਕੀਲ ਚੰਦ ਕਪਿਲਾ, ਰਮੇਸ਼ ਭਾਟੀਆ, ਜਸਵੀਰ ਸਿੰਘ ਚਾਹਲ ਖੁਰਦ, ਅਸ਼ਵਨੀ ਰਾਏ, ਕ੍ਰਿਸ਼ਨ ਤੋਂ ਇਲਾਵਾ ਹੋਰ ਮੈਡੀਕਲ ਸਟੋਰਾਂ ਦੇ ਮਾਲਕ ਵੀ ਹਾਜ਼ਰ ਸਨ।
ਘਟੀਆ ਨਿਰਮਾਣ ਕੰਮਾਂ ਦੀ ਸ਼ਿਕਾਇਤ ਮਿਲਣ ’ਤੇ ਹੋਵੇਗੀ ਸਖਤ ਕਾਰਵਾਈ : ਸਿੰਗਲਾ
NEXT STORY 
