ਦੁਬਈ— ਪਾਕਿਸਤਾਨ ਕ੍ਰਿਕਟ ਬੋਰਡ (ਪੀ. ਸੀ. ਬੀ.) ਨੇ ਕਿਹਾ ਕਿ ਗੋਡੇ ਦੀ ਸੱਟ ਨਾਲ ਜੂਝ ਰਹੇ ਨੌਜਵਾਨ ਤੇਜ਼ ਗੇਂਦਬਾਜ਼ ਸ਼ਾਹੀਨ ਸ਼ਾਹ ਅਫਰੀਦੀ ਆਪਣਾ ਰਿਹੈਬ ਪੂਰਾ ਕਰਨ ਲਈ ਲੰਡਨ ਲਈ ਰਵਾਨਾ ਹੋ ਗਏ ਹਨ। ਪੀ. ਸੀ. ਬੀ. ਦੇ ਚੀਫ਼ ਮੈਡੀਕਲ ਅਫ਼ਸਰ ਡਾ: ਨਜੀਬੁੱਲਾ ਸੂਮਰੋ ਨੇ ਕਿਹਾ ਕਿ ਸ਼ਾਹੀਨ ਸ਼ਾਹ ਅਫ਼ਰੀਦੀ ਨੂੰ ਗੋਡਿਆਂ ਦੇ ਮਾਹਿਰ ਦੇ ਇਲਾਜ ਦੀ ਲੋੜ ਹੈ ਅਤੇ ਲੰਡਨ ਵਿੱਚ ਦੁਨੀਆ ਦੀਆਂ ਕੁਝ ਬਿਹਤਰੀਨ ਸਪੋਰਟਸ ਮੈਡੀਕਲ ਅਤੇ ਰੀਹੈਬਲੀਟੇਸ਼ਨ ਸਹੂਲਤਾਂ ਹਨ। ਅਸੀਂ ਸ਼ਾਹੀਨ ਦੇ ਹਿੱਤ ਵਿੱਚ ਉਨ੍ਹਾਂ ਨੂੰ ਉੱਥੇ ਭੇਜਣ ਦਾ ਫੈਸਲਾ ਕੀਤਾ ਹੈ।
ਉਨ੍ਹਾਂ ਕਿਹਾ ਕਿ ਸ਼ਾਹੀਨ ਦੇ ਲੰਡਨ ਵਿਚ ਰਹਿਣ ਦੌਰਾਨ ਮੈਡੀਕਲ ਵਿਭਾਗ ਉਸ ਦੀ ਸੱਟ 'ਤੇ ਸੁਧਾਰ ਬਾਰੇ ਰੋਜ਼ਾਨਾ ਅੱਪਡੇਟ ਲਵੇਗਾ। ਸਾਨੂੰ ਵਿਸ਼ਵਾਸ ਹੈ ਕਿ ਸ਼ਾਹੀਨ ਆਈ. ਸੀ. ਸੀ. ਪੁਰਸ਼ ਟੀ-20 ਵਿਸ਼ਵ ਕੱਪ ਤੋਂ ਪਹਿਲਾਂ ਪੂਰੀ ਤਰ੍ਹਾਂ ਫਿੱਟ ਹੋ ਜਾਣਗੇ। ਪੀ. ਸੀ. ਬੀ. ਨੇ ਕਿਹਾ ਕਿ ਸ਼ਾਹੀਨ ਲੰਡਨ ਵਿੱਚ ਪੀ. ਸੀ. ਬੀ. ਮੈਡੀਕਲ ਸਲਾਹਕਾਰ ਕਮੇਟੀ ਦੀ ਨਿਗਰਾਨੀ ਹੇਠ ਹੋਵੇਗਾ, ਜਿਸ ਵਿੱਚ ਲੰਡਨ 'ਚ ਰਹਿਣ ਵਾਲੇ ਡਾਕਟਰ ਇਮਤਿਆਜ਼ ਅਹਿਮਦ ਅਤੇ ਡਾਕਟਰ ਜ਼ਫਰ ਇਕਬਾਲ ਸ਼ਾਮਲ ਹਨ।
ਜ਼ਿਕਰਯੋਗ ਹੈ ਕਿ ਸ਼ਾਹੀਨ ਜੁਲਾਈ 'ਚ ਸ਼੍ਰੀਲੰਕਾ ਖਿਲਾਫ ਪਹਿਲੇ ਟੈਸਟ 'ਚ ਫੀਲਡਿੰਗ ਕਰਦੇ ਸਮੇਂ ਜ਼ਖਮੀ ਹੋ ਗਏ ਸਨ। ਸ਼ਾਹੀਨ ਸੱਟ ਕਾਰਨ ਏਸ਼ੀਆ ਕੱਪ 2022 'ਚ ਹਿੱਸਾ ਨਹੀਂ ਲੈ ਸਕਿਆ ਸੀ, ਜਿੱਥੇ ਪਾਕਿਸਤਾਨ ਨੂੰ ਪਹਿਲੇ ਮੈਚ 'ਚ ਭਾਰਤ ਹੱਥੋਂ ਪੰਜ ਵਿਕਟਾਂ ਨਾਲ ਹਾਰ ਦਾ ਸਾਹਮਣਾ ਕਰਨਾ ਪਿਆ ਸੀ।
ਏਸ਼ੀਆ ਕੱਪ 'ਚ ਭਾਰਤ ਤੋਂ ਕਰੀਬੀ ਹਾਰ ਦੇ ਬਾਅਦ ਸਾਬਕਾ ਧਾਕੜਾਂ ਨੇ ਕੀਤੀ ਪਾਕਿ ਕ੍ਰਿਕਟ ਟੀਮ ਦੀ ਸ਼ਲਾਘਾ
NEXT STORY 
