ਸਾਵਰ : ਭਾਰਤ ਦੀ ਅੰਡਰ-19 ਟੀਮ ਨੇ ਅੰਡਰ-19 ਏਸ਼ੀਆ ਕੱਪ ਕ੍ਰਿਕਟ ਟੂਰਨਾਮੈਂਟ ਵਿਚ ਆਪਣੀ ਸ਼ਾਨਦਾਰ ਮੁਹਿੰਮ ਜਾਰੀ ਰੱਖਦਿਆਂ ਓਪਨਰ ਅਨੁਜ ਰਾਵਤ (102) ਅਤੇ ਦਵਦਤ ਪੱਡੀਕਲ (121) ਦੇ ਸ਼ਾਨਦਾਰ ਸੈਂਕੜਿਆਂ ਦੀ ਬਦੌਲਤ ਸੰਯੁਕਤ ਅਰਬ ਅਮੀਰਾਤ ਨੂੰ ਐਤਵਾਰ ਗਰੁਪ-ਏ ਵਿਚ 227 ਦੌੜਾਂ ਦੇ ਵੱਡੇ ਫਰਕ ਨਾਲ ਹਰਾਇਆ। ਭਾਰਤ ਨੇ ਆਪਣੇ ਪਹਿਲੇ ਮੈਚ ਵਿਚ ਨੇਪਾਲ ਨੂੰ 171 ਦੌੜਾਂ ਦੇ ਵੱਡੇ ਫਰਕ ਨਾਲ ਹਰਾਇਆ ਸੀ। ਭਾਰਤੀ ਸਲਾਮੀ ਬੱਲੇਬਾਜ਼ਾਂ ਅਨੁਜ ਰਾਵਤ ਅਤੇ ਦੇਵਦਤ ਪੱਡੀਕਲ ਦੇ ਸੈਂਕੜਿਆ ਅਤੇ ਉਨ੍ਹਾਂ ਵਿਚਾਲੇ 205 ਦੌੜਾਂ ਦੀ ਓਪਨਿੰਗ ਸਾਂਝੇਦਾਰੀ ਦੀ ਬਦੌਲਤ 50 ਓਵਰਾਂ ਵਿਚ 6 ਵਿਕਟਾਂ 'ਤੇ 354 ਦੌੜਾਂ ਦਾ ਵਿਸ਼ਾਲ ਸਕੋਰ ਬਣਾਇਆ ਅਤੇ ਯੂ. ਏ. ਈ. ਦੀ ਟੀਮ ਨੂੰ 33.5 ਓਵਰਾਂ ਵਿਚ 127 ਦੌੜਾਂ 'ਤੇ ਢੇਰ ਕਰ ਦਿੱਤਾ। ਅਨੁਜ ਰਾਵਤ ਨੇ 115 ਗੇਂਦਾਂ 'ਤੇ 102 ਦੌੜਾਂ ਵਿਚ 10 ਚੌਕੇ ਅਤੇ 5 ਛੱਕੇ ਲਗਾਏ ਜਦਕਿ ਦੇਵਦਤ ਪੱਡੀਕਲ ਨੇ 115 ਗੇਂਦਾਂ 'ਤੇ 15 ਚੌਕੇ ਅਤੇ 2 ਛੱਕਿਆਂ ਦੀ ਮਦਦ ਨਾਲ 121 ਦੌੜਾਂ ਦੀ ਧਮਾਕੇਦਾਰ ਪਾਰੀ ਖੇਡੀ। ਕਪਤਾਨ ਪਵਨ ਸ਼ਾਹ ਨੇ 45, ਸਮੀਰ ਚੌਧਰੀ ਨੇ 42 ਅਤੇ ਆਯੁਸ਼ ਬਦੌਨੀ ਨੇ ਅਜੇਤੂ 22 ਦੌੜਾਂ ਦਾ ਯੋਗਦਾਨ ਦਿੱਤਾ। ਭਾਰਤ ਦੇ ਲੈਫਟ ਆਰਮ ਸਪਿਨਰ ਦੇਸਾਈ ਨੇ ਸ਼ਾਨਦਾਰ ਗੇਂਦਬਾਜ਼ੀ ਕਰਦਿਆਂ 8.5 ਓਵਰਾਂ ਵਿਚ ਸਿਰਫ 24 ਦੌੜਾਂ ਦੇ ਕੇ 6 ਵਿਕਟਾਂ ਹਾਸਲ ਕਰ ਯੂ. ਏ. ਈ. ਨੂੰ 127 ਦੌੜਾਂ 'ਤੇ ਆਲ-ਆਊਟ ਕਰ ਦਿੱਤਾ। ਯੂ. ਏ. ਈ. ਲਈ ਅਲੀ ਮਿਰਜਾ ਨੇ ਸਭ ਤੋਂ ਵੱਧ 41 ਦੌੜਾਂ ਬਣਾਈਆਂ। ਭਾਰਤ ਦਾ ਅਗਲਾ ਮੁਕਾਬਲਾ ਅਫਗਾਨਿਸਤਾਨ ਨਾਲ 2 ਅਕਤੂਬਰ ਤੋਂ ਹੋਵੇਗਾ। ਦਿਨ ਦੇ ਇਕ ਹੋਰ ਮੈਚ ਵਿਚ ਸ਼੍ਰੀਲੰਕਾ ਨੇ ਹਾਂਗਕਾਂਗ ਨੂੰ 10 ਵਿਕਟਾਂ ਨਾਲ ਹਰਾਇਆ।
ਇੰਦੌਰ 'ਚ ਭਾਰਤ-ਵੈਸਟਇੰਡੀਜ਼ ਦੇ ਟੈਸਟ ਮੈਚ 'ਤੇ ਮਡਰਾਇਆ ਖਤਰਾ
NEXT STORY 
