ਡਲਾਸ: ਸ਼੍ਰੀਲੰਕਾ ਨੂੰ ਖੇਡ ਦੇ ਹਰ ਖੇਤਰ ਵਿੱਚ ਬੌਣਾ ਸਾਬਤ ਕਰਦੇ ਹੋਏ ਬੰਗਲਾਦੇਸ਼ ਨੇ ਸ਼ਨੀਵਾਰ ਨੂੰ ਟੀ-20 ਵਿਸ਼ਵ ਕੱਪ ਦੇ ਰੋਮਾਂਚਕ ਮੈਚ ਵਿੱਚ ਉਸ ਨੂੰ 2 ਵਿਕਟਾਂ ਨਾਲ ਹਰਾ ਦਿੱਤਾ। ਸ਼੍ਰੀਲੰਕਾ ਨੇ ਪਹਿਲਾਂ ਖੇਡਦੇ ਹੋਏ ਗ੍ਰੈਂਡ ਪ੍ਰਾਇਰੀ ਸਟੇਡੀਅਮ 'ਚ 9 ਵਿਕਟਾਂ 'ਤੇ 124 ਦੌੜਾਂ ਬਣਾਈਆਂ, ਜਿਸ ਦੇ ਜਵਾਬ 'ਚ ਬੰਗਲਾਦੇਸ਼ ਨੇ 125 ਦੌੜਾਂ ਦਾ ਟੀਚਾ 6 ਗੇਂਦਾਂ ਬਾਕੀ ਰਹਿੰਦਿਆਂ 8 ਵਿਕਟਾਂ ਦੇ ਨੁਕਸਾਨ 'ਤੇ ਹਾਸਲ ਕਰ ਲਿਆ। ਟੀ-20 ਵਿਸ਼ਵ ਕੱਪ ਦੇ ਇਤਿਹਾਸ 'ਚ ਬੰਗਲਾਦੇਸ਼ ਦੀ ਸ਼੍ਰੀਲੰਕਾ ਖਿਲਾਫ ਇਹ ਪਹਿਲੀ ਜਿੱਤ ਹੈ।
ਸ੍ਰੀਲੰਕਾ: 124/9 (20 ਓਵਰ)
ਇੱਕ ਸਮੇਂ ਸ੍ਰੀਲੰਕਾ ਚਾਰ ਵਿਕਟਾਂ ’ਤੇ 100 ਦੌੜਾਂ ਬਣਾ ਕੇ ਮਜ਼ਬੂਤ ਸਕੋਰ ਵੱਲ ਵਧ ਰਿਹਾ ਸੀ ਪਰ ਰਿਸ਼ਾਦ ਹੁਸੈਨ (22 ਦੌੜਾਂ ’ਤੇ ਤਿੰਨ ਵਿਕਟਾਂ) ਨੇ 15ਵੇਂ ਓਵਰ ਵਿੱਚ ਲਗਾਤਾਰ ਦੋ ਗੇਂਦਾਂ ’ਤੇ ਚਰਿਥ ਅਸਾਲੰਕਾ (19) ਅਤੇ ਕਪਤਾਨ ਵਾਨਿੰਦੂ ਹਸਾਰੰਗਾ (0) ਨੂੰ ਆਊਟ ਕਰ ਦਿੱਤਾ। ਉਸ ਨੇ 21 ਦੇ ਸਕੋਰ 'ਤੇ ਵਿਕੇਟ ਲੈ ਕੇ ਸ਼੍ਰੀਲੰਕਾ ਨੂੰ ਵੱਡਾ ਝਟਕਾ ਦਿੱਤਾ, ਜਦੋਂ ਕਿ ਉਨ੍ਹਾਂ ਨੇ ਆਪਣੇ ਅਗਲੇ ਓਵਰ 'ਚ ਧਨੰਜੇ ਡੀ ਸਿਲਵਾ (21) ਨੂੰ ਆਊਟ ਕੀਤਾ, ਜਿਸ ਤੋਂ ਬਾਅਦ ਸ਼੍ਰੀਲੰਕਾ ਦੀ ਪਾਰੀ ਦਾ ਪਤਨ ਤੇਜ਼ੀ ਨਾਲ ਸ਼ੁਰੂ ਹੋਇਆ ਅਤੇ ਉਸ ਦੇ 5 ਖਿਡਾਰੀ ਆਪਣੀ ਟੀਮ ਦੇ ਸਕੋਰ 'ਚ ਸਿਰਫ਼ 24 ਦੌੜਾਂ ਦਾ ਹੀ ਵਾਧਾ ਕਰ ਸਕੇ। ਰਿਸ਼ਾਦ ਹੁਸੈਨ ਤੋਂ ਇਲਾਵਾ ਮੁਸਤਫਿਜ਼ੁਰ ਰਹਿਮਾਨ (17 ਦੌੜਾਂ 'ਤੇ ਤਿੰਨ ਵਿਕਟਾਂ) ਨੇ ਸ਼੍ਰੀਲੰਕਾ ਨੂੰ ਸ਼ੁਰੂਆਤੀ ਝਟਕੇ ਦਿੱਤੇ ਅਤੇ ਉਨ੍ਹਾਂ ਨੂੰ ਰਫਤਾਰ ਫੜਨ ਦਾ ਮੌਕਾ ਨਹੀਂ ਦਿੱਤਾ। ਤਸਕੀਨ ਅਹਿਮਦ ਨੇ ਦੋ ਵਿਕਟਾਂ ਲਈਆਂ। ਪਥੁਮ ਨਿਸਾਂਕਾ (47) ਨੇ ਹਾਲਾਂਕਿ ਇਕ ਸਿਰਾ ਫੜ ਕੇ ਬੰਗਲਾਦੇਸ਼ ਦੇ ਗੇਂਦਬਾਜ਼ਾਂ ਦੀ ਸਖ਼ਤ ਪ੍ਰੀਖਿਆ ਦਿੱਤੀ। ਉਨ੍ਹਾਂ ਨੇ 28 ਗੇਂਦਾਂ ਦੀ ਆਪਣੀ ਛੋਟੀ ਪਾਰੀ ਵਿੱਚ ਸੱਤ ਚੌਕੇ ਅਤੇ ਇੱਕ ਛੱਕਾ ਲਗਾਇਆ।
ਬੰਗਲਾਦੇਸ਼: 125/8 (19 ਓਵਰ)
ਟੀਚੇ ਦਾ ਪਿੱਛਾ ਕਰਦੇ ਹੋਏ ਬੰਗਲਾਦੇਸ਼ ਦੀ ਟੀਮ ਸਿਰਫ਼ 28 ਦੌੜਾਂ 'ਤੇ ਤਿੰਨ ਵਿਕਟਾਂ ਗੁਆ ਕੇ ਸੰਘਰਸ਼ ਦੀ ਸਥਿਤੀ 'ਚ ਸੀ ਪਰ ਤੌਹੀਦ ਹਿਰਦੋਏ (40) ਅਤੇ ਲਿਟਨ ਦਾਸ (36) ਨੇ ਹਮਲਾਵਰ ਅੰਦਾਜ਼ ਅਪਣਾਉਂਦੇ ਹੋਏ ਸ੍ਰੀਲੰਕਾ ਦੇ ਗੇਂਦਬਾਜ਼ਾਂ ਨੂੰ ਮਾਤ ਦਿੱਤੀ। ਤੌਹੀਦ ਨੇ ਸਿਰਫ 20 ਗੇਂਦਾਂ 'ਤੇ 200 ਦੇ ਸਟ੍ਰਾਈਕ ਰੇਟ ਨਾਲ ਬੱਲੇਬਾਜ਼ੀ ਕੀਤੀ ਅਤੇ ਚਾਰ ਛੱਕੇ ਲਗਾਏ। ਉਹ ਹਸਾਰੰਗਾ ਦੀ ਗੇਂਦ 'ਤੇ ਆਊਟ ਹੋਏ, ਦੂਜੇ ਸਿਰੇ 'ਤੇ ਦਾਸ ਵੀ ਹਸਾਰੰਗਾ ਦਾ 108ਵਾਂ ਸ਼ਿਕਾਰ ਬਣ ਗਏ, ਜਿਸ ਨਾਲ ਹਸਾਰੰਗਾ ਨੇ ਟੀ-20 ਕਰੀਅਰ 'ਚ ਆਪਣੇ ਸੀਨੀਅਰ ਲਸਿਥ ਮਲਿੰਗਾ ਦੇ ਸਭ ਤੋਂ ਵੱਧ ਵਿਕਟਾਂ ਲੈਣ ਦਾ ਰਿਕਾਰਡ ਤੋੜ ਦਿੱਤਾ ਹੈ। ਪਾਰੀ ਦੇ 18ਵੇਂ ਓਵਰ 'ਚ ਨੁਵਾਨ ਤੁਸ਼ਾਰਾ ਨੇ ਲਗਾਤਾਰ ਦੋ ਗੇਂਦਾਂ 'ਤੇ ਰਿਸ਼ਾਦ ਹੁਸੈਨ ਅਤੇ ਤਸਕੀਨ ਅਹਿਮਦ ਨੂੰ ਆਊਟ ਕਰਕੇ ਮੈਚ 'ਚ ਰੋਮਾਂਚ ਪੈਦਾ ਕਰ ਦਿੱਤਾ ਸੀ ਪਰ ਜਿੱਤ ਦੇ ਲਈ ਆਖਿਰੀ ਦੋ ਓਵਰਾਂ 'ਚ ਜ਼ਰੂਰੀ 12 ਦੌੜਾਂ ਨੂੰ ਮਹਿਮੂਦੁੱਲਾ (ਅਜੇਤੂ 16) ਨੇ 19ਵੇਂ ਓਵਰ ਪਾ ਕੇ ਬੰਗਲਾਦੇਸ਼ ਦੀ ਜਿੱਤ ਦਾ ਮਾਰਗ ਪੱਧਰਾ ਕਰ ਦਿੱਤਾ।
ਦੋਵੇਂ ਟੀਮਾਂ ਦੀ ਪਲੇਇੰਗ 11
ਸ਼੍ਰੀਲੰਕਾ: ਪਥੁਮ ਨਿਸਾਂਕਾ, ਕੁਸਲ ਮੈਂਡਿਸ (ਵਿਕਟਕੀਪਰ), ਕਮਿੰਡੂ ਮੈਂਡਿਸ, ਧਨੰਜੈ ਡੀ ਸਿਲਵਾ, ਚਰਿਥ ਅਸਾਲੰਕਾ, ਵਾਨਿੰਦੁ ਹਸਾਰੰਗਾ (ਕਪਤਾਨ), ਐਂਜੇਲੋ ਮੈਥਿਊਜ਼, ਦਾਸੁਨ ਸ਼ਨਾਕਾ, ਮਹਿਸ਼ ਥੀਕਸ਼ਾਨਾ, ਨੁਵਾਨ ਤੁਸ਼ਾਰਾ, ਮਥੀਸ਼ਾ ਪਾਥੀਰਾਨਾ।
ਬੰਗਲਾਦੇਸ਼ : ਤਨਜੀਦ ਹਸਨ, ਸੌਮਿਆ ਸਰਕਾਰ, ਲਿਟਨ ਦਾਸ (ਕਪਤਾਨ), ਨਜ਼ਮੁਲ ਹੁਸੈਨ ਸ਼ਾਂਤੋ (ਕਪਤਾਨ), ਤੌਹੀਦ ਹਰੀਦੌਏ, ਸ਼ਾਕਿਬ ਅਲ ਹਸਨ, ਮਹਿਮੂਦੁੱਲਾ, ਰਿਸ਼ਾਦ ਹੁਸੈਨ, ਤਸਕੀਨ ਅਹਿਮਦ, ਮੁਸਤਫਿਜ਼ੁਰ ਰਹਿਮਾਨ, ਤਨਜ਼ੀਮ ਹਸਨ ਸ਼ਾਕਿਬ।
T20 WC 2024 : ਨਿਊਜ਼ੀਲੈਂਡ 75 ਦੌੜਾਂ 'ਤੇ ਆਲਆਊਟ, ਅਫਗਾਨਿਸਤਾਨ ਨੇ ਮੈਚ ਜਿੱਤ ਕੇ ਰਚਿਆ ਇਤਿਹਾਸ
NEXT STORY 
