ਨਵੀਂ ਦਿੱਲੀ : ਭਾਰਤੀ ਕ੍ਰਿਕਟ ਕੰਟਰੋਲ ਬੋਰਡ (BCCI) ਅਗਲੇ ਪੰਜ ਸਾਲਾਂ ਵਿੱਚ ਮਾਰਚ 2028 ਤਕ 88 ਘਰੇਲੂ ਮੈਚਾਂ ਲਈ ਟੀਵੀ ਤੇ ਡਿਜੀਟਲ ਅਧਿਕਾਰਾਂ ਦੀ ਵਿਕਰੀ ਤੋਂ ਇਕ ਅਰਬ ਡਾਲਰ (ਲਗਪਗ 8,200 ਕਰੋੜ ਰੁਪਏ) ਕਮਾਉਣ ਦੀ ਕੋਸ਼ਿਸ਼ ਕਰ ਰਿਹਾ ਹੈ। ਨਵੇਂ ਚੱਕਰ ਵਿੱਚ ਆਸਟ੍ਰੇਲੀਆ ਦੇ ਖਿਲਾਫ 21 ਘਰੇਲੂ ਮੈਚ (ਪੰਜ ਟੈਸਟ, ਛੇ ਵਨਡੇ ਅਤੇ 10 ਟੀ-20) ਅਤੇ ਇੰਗਲੈਂਡ ਦੇ ਖਿਲਾਫ 18 ਮੈਚ (10 ਟੈਸਟ, ਤਿੰਨ ਵਨਡੇ ਅਤੇ ਪੰਜ ਟੀ-20) ਸ਼ਾਮਲ ਹਨ।
ਇਸ ਦੌਰਾਨ ਭਾਰਤ ਨੂੰ ਕੁੱਲ 25 ਟੈਸਟ, 27 ਵਨਡੇ ਅਤੇ 36 ਟੀ-20 ਮੈਚ ਖੇਡਣੇ ਹਨ। ਬੀਸੀਸੀਆਈ ਨੇ 2018 ਤੋਂ 2023 ਦੇ ਚੱਕਰ ਵਿੱਚ ਸਟਾਰ ਇੰਡੀਆ ਤੋਂ $944 ਮਿਲੀਅਨ (ਲਗਭਗ 6138 ਕਰੋੜ ਰੁਪਏ) ਪ੍ਰਾਪਤ ਕੀਤੇ ਸਨ, ਜਿਸ ਵਿੱਚ 60 ਕਰੋੜ ਰੁਪਏ ਪ੍ਰਤੀ ਮੈਚ (ਡਿਜੀਟਲ ਅਤੇ ਟੀਵੀ) ਸ਼ਾਮਲ ਹਨ। ਇਸ ਵਾਰ ਬੀਸੀਸੀਆਈ ਡਿਜੀਟਲ ਅਤੇ ਟੀਵੀ ਅਧਿਕਾਰਾਂ ਲਈ ਵੱਖ-ਵੱਖ ਬੋਲੀ ਮੰਗੇਗਾ।
ਇਹ ਵੀ ਪੜ੍ਹੋ : ਭਾਰਤ ਦੀ ਅਦਿੱਤੀ ਨੇ ਰਚਿਆ ਇਤਿਹਾਸ, 17 ਸਾਲ ਦੀ ਉਮਰ ’ਚ ਬਣੀ ਵਿਸ਼ਵ ਤੀਰਅੰਦਾਜ਼ੀ ਚੈਂਪੀਅਨ
ਬੋਰਡ ਨੇ ਆਈਪੀਐਲ ਦੌਰਾਨ ਮੀਡੀਆ ਅਧਿਕਾਰਾਂ ਤੋਂ 48,390 ਕਰੋੜ ਰੁਪਏ ਦੀ ਕਮਾਈ ਕੀਤੀ, ਜਿਸ ਵਿੱਚ ਡਿਜੀਟਲ ਅਧਿਕਾਰ ਰਿਲਾਇੰਸ ਦੁਆਰਾ ਅਤੇ ਟੀਵੀ ਅਧਿਕਾਰ ਸਟਾਰ ਟੀਵੀ ਦੁਆਰਾ ਖਰੀਦੇ ਗਏ ਸਨ। ਭਾਰਤ ਦੇ ਘਰੇਲੂ ਮੈਚਾਂ ਲਈ ਡਿਜ਼ਨੀ-ਹਾਟਸਟਾਰ ਅਤੇ ਰਿਲਾਇੰਸ-ਵਾਇਕਾਮ ਮੁੱਖ ਦਾਅਵੇਦਾਰ ਹੋਣਗੇ। ਜੇ ਸਤੰਬਰ ਦੇ ਪਹਿਲੇ ਹਫ਼ਤੇ ਨਿਲਾਮੀ ਤੋਂ ਪਹਿਲਾਂ ਸੇਨੀ ਟੀਵੀ ਨਾਲ ਰਲੇਵਾਂ ਹੋ ਜਾਂਦਾ ਹੈ ਤਾਂ ਜ਼ੀ ਵੀ ਬੋਲੀ ਲਗਾ ਸਕਦੀ ਹੈ।
ਇਸ ਸਮੱਸਿਆ ਦਾ ਕਰਨਾ ਪੈ ਸਕਦਾ ਹੈ ਸਾਹਮਣਾ
ਡਿਜ਼ਨੀ, ਸਟਾਰ, ਰਿਲਾਇੰਸ, ਵਾਇਕਾਮ ਭਾਰਤ ਦੇ ਘਰੇਲੂ ਮੈਚਾਂ ਲਈ ਮੁੱਖ ਦਾਅਵੇਦਾਰ ਹੋਣਗੇ ਤੇ ਅਤੇ ਜ਼ੀ ਬੋਲੀ ਲਗਾ ਸਕਦਾ ਹੈ ਜੇਕਰ ਇਹ ਸਤੰਬਰ ਦੇ ਪਹਿਲੇ ਹਫ਼ਤੇ ਨਿਲਾਮੀ ਤੋਂ ਪਹਿਲਾਂ ਸੋਨੀ ਨਾਲ ਰਲੇਵੇਂ ਕਰ ਲੈਂਦਾ ਹੈ। ਵਿਸ਼ਵ ਕੱਪ ਤਿੰਨ ਮਹੀਨੇ ਦੂਰ ਹੈ ਅਤੇ ਜੇਕਰ ਭਾਰਤ ਨਹੀਂ ਜਿੱਤਦਾ ਤਾਂ ਇਸ਼ਤਿਹਾਰਾਂ ਦੀ ਆਮਦਨ ਪ੍ਰਭਾਵਿਤ ਹੋਵੇਗੀ। ਇਕ ਹੋਰ ਪ੍ਰਸਾਰਕ ਨੇ ਕਿਹਾ ਕਿ ਇਸ ਚੱਕਰ ਵਿਚ 25 ਘਰੇਲੂ ਟੈਸਟ ਹੋਣਗੇ। ਜੇਕਰ ਤੁਸੀਂ ਪਿਛਲਾ ਚੱਕਰ ਦੇਖਦੇ ਹੋ, ਤਾਂ 5ਵੇਂ ਦਿਨ ਤੱਕ ਕਿੰਨੇ ਟੈਸਟ ਚੱਲੇ? ਉਨ੍ਹਾਂ ਵਿੱਚੋਂ ਜ਼ਿਆਦਾਤਰ 3 ਦਿਨਾਂ ਵਿੱਚ ਖਤਮ ਹੋ ਗਏ। ਇਹ ਵੀ ਇੱਕ ਪਹਿਲੂ ਹੈ।
ਨੋਟ - ਇਸ ਖ਼ਬਰ ਬਾਰੇ ਕੀ ਹੈ ਤੁਹਾਡੀ ਰਾਏ। ਕੁਮੈਂਟ ਕਰਕੇ ਦਿਓ ਜਵਾਬ।
ਏਸ਼ੀਆ ਤੇ ਵਿਸ਼ਵ ਕੱਪ ਨੂੰ ਲੈ ਕੇ ਆਪਣੀ ਟੀਮ 'ਚ ਥਾਂ ਪੱਕੀ ਕਰਨ 'ਤੇ ਚਾਹਲ ਦਾ ਬਿਆਨ ਆਇਆ ਸਾਹਮਣੇ
NEXT STORY 
