ਕਰਾਚੀ : ਪਾਜ਼ੇਟਿਵ, ਨੈਗਟਿਵ ਅਤੇ ਪਾਜ਼ੇਟਿਵ, ਮੁਹੰਮਦ ਹਫੀਜ਼ ਦੀ ਕੋਰੋਨਾ ਵਾਇਰਸ ਜਾਂਚ ਦੀ ਗੁੱਥੀ ਸੁਲਝਣ ਦਾ ਨਾਂ ਨਹੀਂ ਲੈ ਰਹੀ ਜਦਕਿ ਪਾਕਿਸਤਾਨ ਕ੍ਰਿਕਟ ਬੋਰਡ ਏਕਾਂਤਵਾਸ ਪ੍ਰੋਟੋਕਾਲ ਤੋੜਨ ਲਈ ਉਸ ਦੇ ਖ਼ਿਲਾਫ਼ ਅਨੁਸ਼ਾਸਨਾਤਮਕ ਕਾਰਵਾਈ ਕਰਨ 'ਤੇ ਵਿਚਾਰ ਕਰ ਰਿਹਾ ਹੈ। ਹਫੀਜ਼ ਨੂੰ ਬੋਰ਼ਡ ਵੱਲੋਂ ਕਰਾਏ ਗਏ ਪਹਿਲੇ ਦੌਰ ਦੇ ਟੈਸਟ ਵਿਚ ਪਾਜ਼ੇਟਿਵ ਪਾਇਆ ਗਿਆ ਸੀ।
ਐਤਵਾਰ ਨੂੰ ਇੰਗਲੈਂਡ ਦੌਰੇ 'ਤੇ ਰਵਾਨਾ ਹੋ ਰਹੇ 29 ਖਿਡਾਰੀਆਂ ਦਾ ਟੈਸਟ ਕਰਾਇਆ ਗਿਆ ਸੀ। ਹਫੀਜ਼ ਤੋਂ ਇਲਾਵਾ 9 ਖਿਡਾਰੀਆਂ ਤੇ ਇਕ ਅਧਿਕਾਰੀ ਦਾ ਨਤੀਜਾ ਪਾਜ਼ੇਟਿਵ ਆਇਆਸੀ। ਅਗਲੀ ਹੀ ਦਿਨ ਹਫੀਜ਼ ਨੇ ਇਕ ਟਵੀਟ ਵਿਚ ਨਿਜੀ ਮੈਡੀਕਲ ਕੇਂਦਰ ਦੀ ਰਿਪੋਰਟ ਪੋਸਟ ਕੀਤੀ ਜਿਸ ਵਿਚ ਨਤੀਜਾ ਨੈਗਟਿਵ ਸੀ। ਬੋਰਡ ਏਕਾਂਤਵਾਸ ਵਿਚ ਰਹਿਣ ਤੋਂ ਮਨ੍ਹਾ ਕਰਨ ਵਾਲੇ ਹਫੀਜ਼ ਨਾਲ ਪਹਿਲਾਂ ਤੋਂ ਹੀ ਨਾਰਾਜ਼ ਹੈ।
ਬੋਰਡ ਦੇ ਸੂਤਰਾਂ ਮੁਤਾਬਕ ਸ਼ੌਕਤ ਖਾਨਮ ਹਸਪਤਾਲ ਵਿਚ ਹਫੀਜ਼ ਦਾ ਫਿਰ ਤੋਂ ਟੈਸਟ ਹੋਇਆ ਜਿਸ ਵਿਚ ਉਸ ਦੀ ਰਿਪੋਰਟ ਨੈਗਟਿਵ ਆਈ ਹੈ। ਬੋਰਡ ਨੇ ਕਿਹਾ ਕਿ ਉਹ ਸਾਰੇ ਟੈਸਟ ਦੇ ਨਤੀਜੇ ਸ਼ਨੀਵਾਰ ਨੂੰ ਦੱਸੇਗਾ। ਸੂਤਰਾਂ ਮੁਤਾਬਕ ਹਫੀਜ਼ ਜੇਕਰ ਪਾਜ਼ੇਟਿਵ ਆਉਂਦਾ ਹੈ ਤਾਂ ਬੋਰਡ ਉਸ ਦੇ ਖ਼ਿਲਾਫ਼ ਕਾਰਵਾਈ ਕਰ ਸਕਦਾ ਹੈ ਕਿਉਂਕਿ ਉਸ ਨੇ ਏਕਾਂਤਵਾਸ ਵਿਚ ਜਾਣ ਦੀ ਬਜਾਏ ਦੂਜਾ ਟੈਸਟ ਕਰਾਇਆ ਸੀ।
ਭਾਰਤ ਦੀ ਵੈਸ਼ਾਲੀ ਦਾ ਕਮਾਲ: ਬੀਬੀਆਂ ਦੀ ਫਿਡੇ ਸਪੀਡ ਗ੍ਰਾਂ. ਪ੍ਰੀ. ਦੇ ਸੈਮੀਫਾਈਨਲ ’ਚ ਪਹੁੰਚੀ
NEXT STORY 
