ਬੇਲਗ੍ਰੇਡ- ਸਰਬੀਆਈ ਟੈਨਿਸ ਦਿੱਗਜ ਨੋਵਾਕ ਜੋਕੋਵਿਚ ਨੇ ਹੈਮਸਟ੍ਰਿੰਗ ਦੀ ਸੱਟ ਕਾਰਨ ਡੇਵਿਸ ਕੱਪ ਤੋਂ ਆਪਣਾ ਨਾਮ ਵਾਪਸ ਲੈ ਲਿਆ ਹੈ। ਜੋਕੋਵਿਚ ਨੂੰ ਇਹ ਸੱਟ ਆਪਣੇ ਆਸਟ੍ਰੇਲੀਅਨ ਓਪਨ ਸੈਮੀਫਾਈਨਲ ਮੈਚ ਦੌਰਾਨ ਲੱਗੀ ਸੀ ਅਤੇ ਇੱਕ ਸੈੱਟ ਹਾਰਨ ਤੋਂ ਬਾਅਦ ਉਸਨੂੰ ਮੈਚ ਤੋਂ ਹਟਣਾ ਪਿਆ।
ਸਰਬੀਆ ਸ਼ੁੱਕਰਵਾਰ ਨੂੰ ਪਹਿਲੇ ਦੌਰ ਦੇ ਕੁਆਲੀਫਾਇੰਗ ਵਿੱਚ ਡੈਨਮਾਰਕ ਨਾਲ ਭਿੜੇਗਾ। ਸਰਬੀਆ ਦੇ ਕਪਤਾਨ ਵਿਕਟਰ ਟ੍ਰੋਈਕੀ ਨੇ ਕਿਹਾ: "ਨੋਵਾਕ ਦੀ ਗੈਰਹਾਜ਼ਰੀ ਨੇ ਸਾਨੂੰ ਕਮਜ਼ੋਰ ਕਰ ਦਿੱਤਾ ਹੈ ਪਰ ਅਸੀਂ ਫਿਰ ਵੀ ਜਿੱਤਣ ਦੀ ਕੋਸ਼ਿਸ਼ ਕਰਾਂਗੇ।" ਡੈਨਮਾਰਕ ਕੋਲ ਹੋਲਗਰ ਰੂਨ ਦੇ ਰੂਪ ਵਿੱਚ ਇੱਕ ਵਧੀਆ ਖਿਡਾਰੀ ਹੈ। ਉਸਨੇ ਕਿਹਾ, ਸਾਡੇ ਖਿਡਾਰੀ ਵੀ ਸ਼ਾਨਦਾਰ ਹਨ ਅਤੇ ਮੈਨੂੰ ਆਪਣੀ ਟੀਮ 'ਤੇ ਪੂਰਾ ਭਰੋਸਾ ਹੈ।
ਸ਼੍ਰੀਕਾਂਤ ਥਾਈਲੈਂਡ ਮਾਸਟਰਜ਼ ਦੇ ਦੂਜੇ ਦੌਰ ਵਿੱਚ
NEXT STORY 
