ਵੇਲਿੰਗਟਨ—ਸ਼ਾਰਟ ਪਿੱਚ ਗੇਂਦਾਂ ਦੇ ਮਾਹਿਰ ਨੀਲ ਵੈਗਨਰ ਦੀ ਸ਼ਾਨਦਾਰ ਗੇਂਦਬਾਜ਼ੀ ਨਾਲ ਨਿਊਜੀਲੈਂਡ ਨੇ ਦੋ ਦਿਨ ਮੀਂਹ ਦੀ ਭੇਂਟ ਚੜ੍ਹਨ ਦੇ ਬਾਵਜੂਦ ਬੰਗਲਾਦੇਸ਼ ਨੂੰ ਦੂਜੇ ਟੈਸਟ ਮੈਚ 'ਚ ਮੰਗਲਵਾਰ ਨੂੰ ਇਕ ਪਾਰੀ ਤੇ 12 ਦੌੜਾਂ ਨਾਲ ਹਰਾ ਕੇ ਇਕ ਮੈਚ ਪਹਿਲਾਂ ਹੀ ਤਿੰਨ ਮੈਚਾਂ ਦੀ ਸੀਰੀਜ਼ ਨੂੰ ਆਪਣੇ ਨਾਂ ਕੀਤੀ। ਮੀਂਹ ਦੇ ਕਾਰਨ ਪਹਿਲਾਂ ਦੋ ਦਿਨ ਖੇਡ ਨਹੀਂ ਹੋ ਪਾਇਆ ਸੀ ਪਰ ਤਦ ਵੀ ਮੈਚ ਖੇਡ ਦੇ ਪੰਜਵੇਂ ਤੇ ਆਖਰੀ ਦਿਨ ਪਹਿਲੇ ਸੈਸ਼ਨ 'ਚ ਹੀ ਖ਼ਤਮ ਹੋ ਗਿਆ। ਇਸ ਤਰ੍ਹਾਂ ਨਾਲ ਨਿਊਜ਼ੀਲੈਂਡ ਨੇ 2-0 ਨਾਲ ਸੀਰੀਜ਼ 'ਚ ਬੜ੍ਹਤ ਬਣਾਈ ਤੇ ਪਹਿਲੀ ਵਾਰ ਲਗਾਤਾਰ ਪੰਜ ਸੀਰੀਜ਼ ਜਿੱਤਣ 'ਚ ਵੀ ਕਾਮਯਾਬ ਰਹੀ। ਨਿਊਜ਼ੀਲੈਂਡ ਨੇ ਪਹਿਲਾ ਟੈਸਟ ਪਾਰੀ ਤੇ 52 ਦੌੜਾਂ ਨਾਲ ਜਿੱਤਿਆ ਸੀ। ਵੈਗਨਰ (45 ਦੌੜਾਂ ਦੇ ਕੇ ਪੰਜ ਵਿਕਟ) ਦੇ ਬਾਊਂਸਰ ਦਾ ਬੰਗਲਾਦੇਸ਼ ਦੇ ਬੱਲੇਬਾਜ਼ਾ ਦੇ ਕੋਲ ਕੋਈ ਜਵਾਬ ਨਹੀਂ ਸੀ ਤੇ ਉਸ ਦੀ ਪੂਰੀ ਟੀਮ 209 ਦੌੜਾਂ 'ਤੇ ਆਊਟ ਹੋ ਗਈ।
ਬੰਗਲਾਦੇਸ਼ ਨੇ ਪਹਿਲੀ ਪਾਰੀ 'ਚ 211 ਦੌੜਾਂ ਬਣਾਈਆਂ ਸਨ ਜਿਸ ਦੇ ਜਵਾਬ 'ਚ ਨਿਊਜ਼ੀਲੈਂਡ ਨੇ ਮੈਨ ਆਫ ਦ ਮੈਚ ਰੌਸ ਟੇਲਰ (200) ਦੇ ਦੋਹਰੇ ਸੈਂਕੜੇ ਦੀ ਮਦਦ ਨਾਲ ਆਪਣੀ ਪਾਰੀ ਛੇ ਵਿਕੇਟ 'ਤੇ 432 ਦੌੜਾਂ ਬਣਾ ਕੇ ਖ਼ਤਮ ਕਰਨ ਦਾ ਐਲਾਨ ਕਰ ਦਿੱਤਾ ਸੀ। ਵੈਗਨਰ ਨੂੰ ਟਰੇਂਟ ਬੋਲਟ ਦਾ ਚੰਗਾ ਸਾਥ ਮਿਲਿਆ ਜਿਸ ਨੇ 52 ਦੌੜਾਂ ਦੇ ਕੇ ਚਾਰ ਵਿਕਟਾਂ ਲਈਆਂ। ਬੰਗਲਾਦੇਸ਼ ਨੇ ਸਵੇਰੇ ਤਿੰਨ ਵਿਕਟ 'ਤੇ 80 ਦੌੜਾਂ ਤੋਂ ਅੱਗੇ ਖੇਡਣਾ ਸ਼ੁਰੂ ਕੀਤਾ ਪਰ ਕਪਤਾਨ ਮਹਿਮੁਦੁਲਾਹ ਤੇ ਮੁਹੰਮਦ ਮਿਥੁਨ (47) ਨੂੰ ਛੱਡ ਕੇ ਉਸ ਦਾ ਕੋਈ ਵੀ ਹੋਰ ਬੱਲੇਬਾਜ਼ ਵਿਸ਼ਵਾਸ ਦੇ ਨਾਲ ਬੱਲੇਬਾਜ਼ੀ ਨਹੀਂ ਕਰ ਸਕੇਆ। ਮਹਿਮੁਦੁਲਾਹ ਨੇ 69 ਗੇਂਦਾਂ 'ਤੇ 67 ਦੌੜਾਂ ਬਣਾਈਆਂ ਪਰ ਉਹ ਪਾਰੀ ਦੀ ਹਾਰ ਨਹੀਂ ਟਾਲ ਪਾਏ। ਤੀਜਾ ਤੇ ਆਖਰੀ ਟੈਸਟ ਮੈਚ ਸ਼ਨੀਵਾਰ ਤੋਂ ਕ੍ਰਾਇਸਟਚਰਚ 'ਚ ਸ਼ੁਰੂ ਹੋਵੇਗਾ।
ਵਿਰਾਟ ਦੀ ਇਹ ਗਲਤੀ ਗੁਆ ਸਕਦੀ ਹੈ ਚੌਥਾ ਮੈਚ, ਪਹਿਲਾਂ ਵੀ ਲੈ ਚੁੱਕੇ ਹਨ ਗਲਤ ਫੈਸਲੇ
NEXT STORY 
