ਈਸਟਬੋਰਨ (ਯੂਕੇ) : ਐਮਾ ਰਾਡੂਕਾਨੂ ਨੇ ਮੰਗਲਵਾਰ ਨੂੰ ਇੱਥੇ ਈਸਟਬੋਰਨ ਅੰਤਰਰਾਸ਼ਟਰੀ ਟੈਨਿਸ ਟੂਰਨਾਮੈਂਟ ਦੇ ਪਹਿਲੇ ਦੌਰ ਵਿੱਚ ਸਲੋਏਨ ਸਟੀਫਨਜ਼ ਨੂੰ ਸਿੱਧੇ ਸੈੱਟਾਂ ਵਿੱਚ ਹਰਾਇਆ। ਯੂਐੱਸ ਓਪਨ 2021 ਦੇ ਚੈਂਪੀਅਨ ਰਾਡੂਕਾਨੂ ਨੇ ਇਸ ਗਰਾਸ ਕੋਰਟ ਟੂਰਨਾਮੈਂਟ ਦੇ ਪਹਿਲੇ ਦੌਰ ਵਿੱਚ ਸਟੀਫਨਜ਼ ਖ਼ਿਲਾਫ਼ 6-4, 6-0 ਨਾਲ ਜਿੱਤ ਦਰਜ ਕੀਤੀ।
ਰਾਡੂਕਾਨੂ ਨੇ ਫ੍ਰੈਂਚ ਓਪਨ 'ਚ ਹਿੱਸਾ ਨਹੀਂ ਲਿਆ ਅਤੇ ਨਾ ਹੀ ਓਲੰਪਿਕ 'ਚ ਨਾ ਖੇਡਣ ਦਾ ਫੈਸਲਾ ਕੀਤਾ ਹੈ। ਰਾਡੂਕਾਨੂ ਨੂੰ ਅਗਲੇ ਹਫਤੇ ਸ਼ੁਰੂ ਹੋਣ ਵਾਲੇ ਵਿੰਬਲਡਨ ਲਈ ਵਾਈਲਡ ਕਾਰਡ ਐਂਟਰੀ ਦਿੱਤੀ ਗਈ ਹੈ। ਹੱਥ ਅਤੇ ਗਿੱਟੇ ਦੀ ਸੱਟ ਕਾਰਨ ਉਹ ਪਿਛਲੇ ਸਾਲ ਵਿੰਬਲਡਨ ਨਹੀਂ ਖੇਡ ਸਕੀ ਸੀ।
ਰਾਡੂਕਾਨੂ ਦਾ ਅਗਲਾ ਮੁਕਾਬਲਾ ਜੈਸਿਕਾ ਪੇਗੁਲਾ ਨਾਲ ਹੋਵੇਗਾ, ਜਿਸ ਨੇ ਐਤਵਾਰ ਨੂੰ ਬਰਲਿਨ ਲੇਡੀਜ਼ ਓਪਨ ਦਾ ਖਿਤਾਬ ਜਿੱਤਿਆ ਸੀ। ਸੋਮਵਾਰ ਨੂੰ ਚੋਟੀ ਦਾ ਦਰਜਾ ਪ੍ਰਾਪਤ ਅਤੇ 2022 ਵਿੰਬਲਡਨ ਚੈਂਪੀਅਨ ਏਲੇਨਾ ਰਾਇਬਾਕੀਨਾ ਈਸਟਬੋਰਨ ਟੂਰਨਾਮੈਂਟ ਤੋਂ ਹਟ ਗਈ।
ਪੁਰਸ਼ ਸਿੰਗਲਜ਼ ਦੇ ਪਹਿਲੇ ਦੌਰ ਵਿੱਚ ਲੋਰੇਂਜ਼ੋ ਸੋਨੇਗੋ ਨੇ ਹੈਨਰੀ ਸਿਰੇਲੀ ਨੂੰ 6-3, 6-2 ਨਾਲ ਹਰਾਇਆ ਜਦਕਿ ਏਮਿਲ ਰੁਸੁਵੂਰੀ ਨੇ ਕੈਮਰੂਨ ਨੋਰੀ ਨੂੰ 7-6, 6-3 ਨਾਲ ਹਰਾਇਆ।
T20 WC Semi-Final : ਭਾਰਤ ਮੌਜੂਦਾ ਚੈਂਪੀਅਨ ਇੰਗਲੈਂਡ ਨੂੰ ਹਰਾ ਕੇ ਆਪਣਾ ਬਦਲਾ ਲੈਣਾ ਚਾਹੇਗਾ
NEXT STORY 
