ਰਾਂਚੀ, (ਭਾਸ਼ਾ) ਬੰਗਾਲ ਅਤੇ ਹਰਿਆਣਾ ਨੇ ਮੰਗਲਵਾਰ ਨੂੰ ਇੱਥੇ ਰਾਸ਼ਟਰੀ ਮਹਿਲਾ ਹਾਕੀ ਲੀਗ 2024 ਵਿਚ ਉੜੀਸਾ ਅਤੇ ਮਹਾਰਾਸ਼ਟਰ ਨੂੰ ਕ੍ਰਮਵਾਰ 2-1 ਦੇ ਬਰਾਬਰ ਫਰਕ ਨਾਲ ਜਿੱਤ ਦਰਜ ਕੀਤੀ। ਮੈਚ ਵਿੱਚ ਬੰਗਾਲ ਦਾ ਦਬਦਬਾ ਰਿਹਾ ਅਤੇ ਦੋਵੇਂ ਗੋਲ ਸ਼ਾਂਤੀ ਹੋਰੋ (23ਵੇਂ ਅਤੇ 39ਵੇਂ ਮਿੰਟ) ਨੇ ਕੀਤੇ। ਮੈਚ ਦੇ ਆਖਰੀ ਕੁਆਰਟਰ ਵਿੱਚ ਦੀਪੀ ਮੋਨਿਕਾ ਟੋਪੋ (51ਵੇਂ ਮਿੰਟ) ਨੇ ਪੈਨਲਟੀ ਕਾਰਨਰ ਨੂੰ ਗੋਲ ਵਿੱਚ ਬਦਲ ਕੇ ਉੜੀਸਾ ਲਈ ਵਾਪਸੀ ਕੀਤੀ ਪਰ ਟੀਮ ਇਸ ਤੋਂ ਬਾਅਦ ਕੋਈ ਹੋਰ ਗੋਲ ਕਰਨ ਵਿੱਚ ਨਾਕਾਮ ਰਹੀ। ਇਸ ਹਾਰ ਦੇ ਬਾਵਜੂਦ ਉੜੀਸਾ ਛੇ ਮੈਚਾਂ ਵਿੱਚ 12 ਅੰਕਾਂ ਨਾਲ ਅੰਕ ਸੂਚੀ ਵਿੱਚ ਸਿਖਰ ’ਤੇ ਬਰਕਰਾਰ ਹੈ। ਦਿਨ ਦੇ ਦੂਜੇ ਮੈਚ ਵਿੱਚ ਹਰਿਆਣਾ ਨੇ ਸ਼ੁਰੂ ਤੋਂ ਹੀ ਆਪਣਾ ਦਬਦਬਾ ਕਾਇਮ ਰੱਖਿਆ। ਮੰਜੂ ਚੌਰਸੀਆ ਨੇ 12ਵੇਂ ਮਿੰਟ 'ਚ ਟੀਮ ਨੂੰ ਬੜ੍ਹਤ ਦਿਵਾਈ, ਜਦਕਿ ਦੂਜੇ ਹਾਫ 'ਚ ਪੂਜਾ (37ਵੇਂ ਮਿੰਟ) ਨੇ ਪੈਨਲਟੀ ਕਾਰਨਰ 'ਤੇ ਗੋਲ ਕਰ ਕੇ ਹਰਿਆਣਾ ਦੀ ਬੜ੍ਹਤ ਨੂੰ ਦੁੱਗਣਾ ਕਰ ਦਿੱਤਾ। ਮਹਾਰਾਸ਼ਟਰ ਨੇ ਚਾਰ ਪੈਨਲਟੀ ਕਾਰਨਰ ਸਮੇਤ ਕਈ ਮੌਕੇ ਬਣਾਉਣ ਦੀ ਕੋਸ਼ਿਸ਼ ਜਾਰੀ ਰੱਖੀ। ਟੀਮ ਲਈ ਸੁਕੰਨਿਆ ਧਾਵਰੇ (55) ਆਖਰੀ ਮਿੰਟਾਂ 'ਚ ਮੈਦਾਨੀ ਗੋਲ ਕਰਕੇ ਹਾਰ ਦਾ ਫਰਕ ਘੱਟ ਕਰਨ 'ਚ ਸਫਲ ਰਹੀ।
ਇਗੋਰ ਸਿਟਮਕ ਨੇ ਵਿਸ਼ਵ ਕੱਪ ਕੁਆਲੀਫਾਇਰ ਲਈ ਦੂਜੀ ਸੂਚੀ ਦਾ ਐਲਾਨ ਕੀਤਾ, ਜ਼ਖ਼ਮੀ ਝਿੰਗਨ ਬਾਹਰ
NEXT STORY 
