ਉੱਚ ਨੈਤਿਕ ਕਦਰਾਂ-ਕੀਮਤਾਂ ਦੇ ਲਈ ਵਿਸ਼ਵ ਪ੍ਰਸਿੱਧ ਰਹੇ ਸਾਡੇ ਦੇਸ਼ ’ਚ ਪਿਛਲੇ ਕੁਝ ਸਾਲਾਂ ਤੋਂ ਕਈ ਅਨੈਤਿਕ ਤੇ ਗੈਰ-ਮਨੁੱਖੀ ਕਾਰੇ ਹੋ ਰਹੇ ਹਨ। ਸਿਰਫ ਇਕ ਹਫਤੇ ਦੇ ਦੌਰਾਨ ਸਾਹਮਣੇ ਆਈਆਂ ਇਸੇ ਤਰ੍ਹਾਂ ਦੀਆਂ ਹੇਠਲੀਆਂ ਘਟਨਾਵਾਂ ਨੂੰ ਦੇਖਦੇ ਹੋਏ ਅਚਾਨਕ ਹੀ ਮਨ ’ਚ ਇਹ ਸਵਾਲ ਚੁੱਭਦਾ-ਉਠਦਾ ਹੈ ਕਿ ਇਹ ਕੀ ਹੋ ਰਿਹਾ ਹੈ, ਇਹ ਕੀ ਕਰ ਰਹੇ ਹੋ :
* 7 ਫਰਵਰੀ ਨੂੰ ਬੇਂਗਲੁਰੂ ਦੀ ਇਕ ਅਦਾਲਤ ਨੇ ਤੀਜੀ ਜਮਾਤ ’ਚ ਪੜ੍ਹਨ ਵਾਲੀ ਆਪਣੀ ਮਾਸੂਮ ਪੋਤੀ ਨਾਲ ਜਬਰ-ਜ਼ਨਾਹ ਕਰਨ ਦੇ ਦੋਸ਼ ’ਚ ਇਕ 70 ਸਾਲਾ ਵਿਅਕਤੀ ਨੂੰ 20 ਸਾਲ ਕੈਦ ਦੀ ਸਜ਼ਾ ਅਤੇ 1.3 ਲੱਖ ਰੁਪਏ ਜੁਰਮਾਨਾ ਕੀਤਾ।
* 7 ਫਰਵਰੀ ਨੂੰ ਹੀ ਹਿਸਾਰ (ਹਰਿਆਣਾ) ਦੇ ਇਕ ਪਿੰਡ ਦੇ ਸਰਕਾਰੀ ਸਕੂਲ ਦੇ ਚਪੜਾਸੀ ਨੇ 6ਵੀਂ ਜਮਾਤ ਦੀ 11 ਸਾਲਾ ਮਾਸੂਮ ਵਿਦਿਆਰਥਣ ਨਾਲ ਜਬਰ-ਜ਼ਨਾਹ ਕਰ ਦਿੱਤਾ।
* 7 ਫਰਵਰੀ ਨੂੰ ਹੀ ਜਾਲੌਰ (ਰਾਜਸਥਾਨ) ਦੇ ਇਕ ਪਿੰਡ ’ਚ ਇਕ ਲੜਕੀ ਨੂੰ ਮਿਲਣ ਆਏ ਵਿਅਕਤੀ ਨੂੰ ਫੜ ਕੇ ਰੁਖ ਨਾਲ ਬੰਨ੍ਹ ਕੇ ਕੁੱਟਣ ਅਤੇ ਪੇਸ਼ਾਬ ਪੀਣ ਲਈ ਮਜਬੂਰ ਕਰਨ ਦੇ ਦੋਸ਼ ’ਚ ਪੁਲਸ ਨੇ 6 ਵਿਅਕਤੀਆਂ ਨੂੰ ਹਿਰਾਸਤ ’ਚ ਲਿਆ।
* 8 ਫਰਵਰੀ ਨੂੰ ਨਵੀਂ ਦਿੱਲੀ ਦੇ ਇਕ ਸਕੂਲ ’ਚ ਇਕ ਅਧਿਆਪਕ ਨੂੰ ਤੀਜੀ ਜਮਾਤ ਦੀ ਵਿਦਿਆਰਥਣ ਨਾਲ ਜਬਰ-ਜ਼ਨਾਹ ਕਰਨ ਦੇ ਦੋਸ਼ ’ਚ ਗ੍ਰਿਫਤਾਰ ਕੀਤਾ ਗਿਆ।
*9 ਫਰਵਰੀ ਨੂੰ ਪਿਥੌਰਾਗੜ੍ਹ (ਉੱਤਰਾਖੰਡ) ’ਚ ਮੁਕੇਸ਼ ਸਿੰਘ ਬਿਸ਼ਟ ਨਾਂ ਦੇ ਇਕ ਨੌਜਵਾਨ ਨੇ ਇਕ 80 ਸਾਲਾ ਬਜ਼ੁਰਗ ਨਾਲ ਕੁੱਟਮਾਰ ਅਤੇ ਜਬਰ-ਜ਼ਨਾਹ ਕਰ ਦਿੱਤਾ।
* 9 ਫਰਵਰੀ ਨੂੰ ਹੀ ਉਨਾਵ (ਉੱਤਰ ਪ੍ਰਦੇਸ਼) ’ਚ ਸਕੂਲ ਤੋਂ ਘਰ ਪਰਤ ਰਹੀ ਦੂਜੀ ਜਮਾਤ ਦੀ ਵਿਦਿਆਰਥਣ ਨੂੰ ਉਸੇ ਦੇ ਮੁਹੱਲੇ ਦੇ ਇਕ ਨੌਜਵਾਨ ਨੇ ਅਗਵਾ ਕਰਨ ਦੇ ਬਾਅਦ ਆਪਣੇ ਘਰ ਲਿਜਾ ਕੇ ਉਸ ਨਾਲ ਜਬਰ-ਜ਼ਨਾਹ ਕਰ ਦਿੱਤਾ।
* 9-10 ਫਰਵਰੀ ਦੀ ਰਾਤ ਨੂੰ ਦਿੱਲੀ ਦੇ ਬਾਬਾ ਹਰਿਦਾਸ ਨਗਰ ’ਚ ਸਾਹਿਲ ਨਾਂ ਦੇ ਲੜਕੇ ਨੇ ਆਪਣੀ ਗਰਲਫ੍ਰੈਂਡ ਦੀ ਡਾਟਾ ਕੇਬਲ ਨਾਲ ਗਲਾ ਘੁੱਟ ਕੇ ਹੱਤਿਆ ਕਰਨ ਦੇ ਬਾਅਦ ਉਸ ਦੀ ਲਾਸ਼ ਫਰਿਜ ’ਚ ਲੁਕਾ ਿਦੱਤੀ ਅਤੇ ਉਸੇ ਦਿਨ ਇਕ ਦੂਜੀ ਲੜਕੀ ਨਾਲ ਵਿਆਹ ਵੀ ਰਚਾ ਲਿਆ।
* 10 ਫਰਵਰੀ ਨੂੰ ਬੁਲੰਦਸ਼ਹਿਰ (ਉੱਤਰ ਪ੍ਰਦੇਸ਼) ’ਚ ਇਕ ਬੀਮਾਰ ਬੱਚੇ ਦਾ ਇਲਾਜ ਕਰਨ ਦੇ ਬਹਾਨੇ ਤਾਂਤਰਿਕ ਨੇ ਪਹਿਲਾਂ ਤਾਂ ਉਸ ਦੇ ਕੁਝ ਦੰਦ ਤੋੜ ਦਿੱਤੇ ਜਿਸ ਨਾਲ ਉਹ ਬੇਹੋਸ਼ ਹੋ ਗਿਆ ਤੇ ਫਿਰ ਉਸ ਨੂੰ ਹੋਸ਼ ’ਚ ਲਿਆਉਣ ਦੇ ਨਾਂ ’ਤੇ ਜ਼ਮੀਨ ’ਤੇ ਪਟਕ ਦਿੱਤਾ ਜਿਸ ਨਾਲ ਬੱਚੇ ਦੀ ਮੌਤ ਹੋ ਗਈ।
* 10 ਫਰਵਰੀ ਨੂੰ ਹੀ ਨਸ਼ੇ ਦੀ ਹਾਲਤ ’ਚ ਇਕ 42 ਸਾਲਾ ਵਿਅਕਤੀ ਨੇ 8 ਸਾਲਾ ਬੱਚੀ ਨਾਲ ਜਬਰ-ਜ਼ਨਾਹ ਕਰਨ ਦੇ ਬਾਅਦ ਉਸ ਦੇ ਸਿਰ ’ਤੇ ਪੱਥਰ ਨਾਲ ਵਾਰ-ਵਾਰ ਹਮਲਾ ਕਰ ਕੇ ਉਸ ਨੂੰ ਮਾਰ ਿਦੱਤਾ। ਪੋਸਟਮਾਰਟਮ ਦੀ ਰਿਪੋਰਟ ਦੇ ਅਨੁਸਾਰ ਉਸ ਦੇ ਗਲੇ, ਗੁਪਤੰਗ, ਪੇਟ, ਮੋਢਿਆਂ ਅਤੇ ਮੂੰਹ ਸਮੇਤ ਸਰੀਰ ਦੇ ਹੋਰਨਾਂ ਹਿੱਸਿਆਂ ’ਤੇ ਸੱਟਾਂ ਦੇ ਨਿਸ਼ਾਨ ਪਾਏ ਗਏ।
* 12 ਫਰਵਰੀ ਨੂੰ ਪੋਰਬੰਦਰ (ਗੁਜਰਾਤ) ’ਚ ਖੰਘ ਦਾ ਇਲਾਜ ਕਰਨ ਦੇ ਨਾਂ ’ਤੇ ਝੋਲਾ ਛਾਪ ਡਾਕਟਰ ਨੇ 2 ਮਹੀਨਿਆਂ ਦੀ ਮਾਸੂਮ ਦੀ ਛਾਤੀ ਤੇ ਪੇਟ ਨੂੰ ਗਰਮ ਲੋਹੇ ਦੀ ਛ਼ੜ ਨਾਲ ਦਾਗ ਿਦੱਤਾ ਜਿਸ ਨਾਲ ਬੱਚੀ ਗੰਭੀਰ ਰੂਪ ’ਚ ਜ਼ਖਮੀ ਹੋ ਗਈ।
* 12 ਫਰਵਰੀ ਨੂੰ ਹੀ ਗੜਵਾ (ਝਾਰਖੰਡ) ਜ਼ਿਲੇ ਦੇ ਅਜਨੀਆ’ ਪਿੰਡ ’ਚ ਇਕ ਨੌਜਵਾਨ ਨੇ ਆਪਣੀ 17 ਸਾਲਾ ਅੱਲੜ ਪ੍ਰੇਮਿਕਾ ਨਾਲ ਜਬਰ-ਜ਼ਨਾਹ ਦੇ ਬਾਅਦ ਉਸ ਦੇ ਪ੍ਰਾਈਵੇਟ ਪਾਰਟ ’ਚ ਲੋਹੇ ਦੀ ਰਾਡ ਪਾ ਕੇ ਉਸ ਦੀ ਹੱਤਿਆ ਕਰ ਦਿੱਤੀ।
* 13 ਫਰਵਰੀ ਨੂੰ ਸ਼ਿਵਪੁਰੀ (ਮੱਧ ਪ੍ਰਦੇਸ਼) ’ਚ ਇਕ 14 ਸਾਲਾ ਨਾਬਾਲਿਗ ਨੂੰ ਇਕ 6 ਸਾਲਾ ਬੱਚੀ ਨਾਲ ਜਬਰ-ਜ਼ਨਾਹ ਤੇ ਕੁੱਟਮਾਰ ਕਰ ਕੇ ਉਸ ਦਾ ਲਿਵਰ ਨੁਕਸਾਨ ਕਰਨ ਦੇ ਬਾਅਦ ਗਲਾ ਘੁੱਟ ਕੇ ਮਾਰ ਸੁੱਟਣ ਦੇ ਦੋਸ਼ ’ਚ ਹਿਰਾਸਤ ’ਚ ਲਿਆ ਗਿਆ।
* 13 ਫਰਵਰੀ ਨੂੰ ਹੀ ਕਯੋਂਝਰ (ਓਡਿਸ਼ਾ) ਜ਼ਿਲੇ ਦੇ ‘ਦੁਰੂਕੁਲੀਆ’ ਪਿੰਡ ’ਚ ਇਕ ਮਹਿਲਾ ਨੇ ਆਪਣੇ 4 ਅਤੇ 2 ਸਾਲਾ ਦੋਵਾਂ ਪੁੱਤਰਾਂ ਦੀ ਹੱਤਿਆ ਕਰ ਦਿੱਤੀ।
* 14 ਫਰਵਰੀ ਨੂੰ ਮਥੁਰਾ (ਉੱਤਰ ਪ੍ਰਦੇਸ਼) ਦੇ ਰਿਫਾਇਨਰੀ ਥਾਣਾ ਖੇਤਰ ਦੇ ਇਕ ਪਿੰਡ ‘ਭਾਹਈ’ ’ਚ ਗੰਗਾ ਸਿੰਘ ਨਾਂ ਦੇ ਇਕ ਵਿਅਕਤੀ ਨੇ ਕਿਸੇ ਗੱਲ ’ਤੇ ਆਪਣੀ ਪਤਨੀ ਨਾਲ ਝਗੜਾ ਹੋਣ ਦੇ ਬਾਅਦ ਪੁਲਸ ਦੇ ਸਾਹਮਣੇ ਹੀ ਗੋਲੀ ਮਾਰ ਕੇ ਉਸ ਦੀ ਹੱਤਿਆ ਕਰ ਿਦੱਤੀ।
* 14 ਫਰਵਰੀ ਨੂੰ ਹੀ ਨਵੀਂ ਦਿੱਲੀ ਦੇ ਪ੍ਰੇਮਨਗਰ ਇਲਾਕੇ ’ਚ ਸ਼ਾਹਰੁਖ ਨਾਂ ਦੇ ਇਕ ਨਸ਼ੇੜੀ ਨੌਜਵਾਨ ਨੇ ਆਪਣੇ ਪਿਤਾ ਨੂੰ ਕਿਸੇ ਗੱਲ ’ਤੇ ਕੁੱਟ-ਕੁੱਟ ਕੇ ਬੇਹੋਸ਼ ਕਰ ਦਿੱਤਾ ਅਤੇ ਜਦੋਂ ਉਸ ਦੀ 90 ਸਾਲਾ ਦਾਦੀ ਨੇ ਇਸ ਦਾ ਵਿਰੋਧ ਕੀਤਾ ਤਾਂ ਸ਼ਾਹਰੁਖ ਨੇ ਕੰਧ ਨਾਲ ਉਸ ਦਾ ਸਿਰ ਪਟਕ ਪਟਕ ਕੇ ਉਸ ਦੀ ਹੱਤਿਆ ਕਰ ਦਿੱਤੀ।
ਜਬਰ-ਜ਼ਨਾਹ ਅਤੇ ਘਰੇਲੂ ਕਲੇਸ਼ ਆਦਿ ਦੇ ਕਾਰਨ ਆਪਣੇ ਹੀ ਪਰਿਵਾਰਕ ਮੈਂਬਰਾਂ ਨਾਲ ਕੁੱਟਮਾਰ ਤੇ ਹੱਤਿਆ,ਜਬਰ-ਜ਼ਨਾਹ, ਇਲਾਜ ਦੇ ਨਾਂ ’ਤੇ ਜਾਦੂ-ਟੂਣਾ ਆਦਿ ਨਾਲ ਜੁੜੀਆਂ ਉਕਤ ਘਟਨਾਵਾਂ ਗਵਾਹ ਹਨ ਕਿ ਜਿੱਥੇ ਅਜਿਹੀਆਂ ਘਟਨਾਵਾਂ ਨਾਲ ਦੇਸ਼ ਦਾ ਮਾਹੌਲ ਖਰਾਬ ਹੁੰਦਾ ਜਾ ਰਿਹਾ ਹੈ, ਉਥੇ ਹੀ ਇਨ੍ਹਾਂ ਨਾਲ ਵਿਦੇਸ਼ਾਂ ’ਚ ਭਾਰਤ ਦਾ ਅਕਸ ਵੀ ਧੁੰਦਲਾ ਹੋ ਰਿਹਾ ਹੈ। ਇਸ ਲਈ ਇਸ ਰੁਝਾਣ ’ਤੇ ਰੋਕ ਲਗਾਉਣ ਲਈ ਸਖਤ ਸਜ਼ਾ ਵਾਲੇ ਉਪਾਅ ਕਰਨ ਦੀ ਫੌਰੀ ਲੋੜ ਹੈ।
- ਵਿਜੇ ਕੁਮਾਰ
ਪੁਰਤਗਾਲ ਕੈਥੋਲਿਕ ਚਰਚ ’ਚ ਹੁਣ ਬਾਲ ਸੈਕਸ ਸ਼ੋਸ਼ਣ ਦੇ ਮਾਮਲੇ ਆਏ ਸਾਹਮਣੇ
NEXT STORY 
