ਕੁੜੀਆਂ ਤਾਂ ਚਿੜੀਆਂ ਦਾ ਚੰਬਾ, ਸਾਰੀ ਦੁਨੀਆ ਕਹਿੰਦੀ,
ਬਚਪਨ ਦੇ 'ਚ ਲਾਡ ਲਡਾਇਆ ਮਾਂ ਬਾਪ ਤੇ ਭੈਣ ਭਰਾਵਾਂ,
ਮਾਂ ਦੀ ਲਾਡਲੀ ਮਾਂ ਦੇ ਨੇੜੇ ਹੋ-ਹੋ ਬਹਿੰਦੀ,
ਮਾਂ ਦੀ ਸਿੱਖਿਆ ਧੀਆਂ ਧਨ ਪਰਾਇਆ, ਸੁਣਦੀ ਉਠਦੀ ਬਹਿੰਦੀ,
ਸੁਰਤ ਸੰਭਲੇ ਤਾਂ ਹੋ ਜਾਏ ਪਰਾਈ ਹੱਥੀਂ ਲਾ ਸ਼ਗਨਾਂ ਦੀ ਮਹਿੰਦੀ,
ਕੁੜੀਆਂ ਤਾਂ ਚਿੜੀਆਂ ਦਾ ਚੰਬਾ....
ਸਹੁਰੇ ਘਰ ਪੈਰ ਰੱਖੇ ਤਾਂ ਸੱਸ ਪਾਣੀ ਵਾਰ ਕੇ ਪੀਂਦੀ,
ਸੱਸ 'ਚੋਂ ਮਾਂ ਸਹੁਰੇ 'ਚੋਂ ਬਾਪ ਦਾ ਸਾਇਆ ਤੱਕਦੀ ਰਹਿੰਦੀ
ਪਰ ਕਿਸਮਤ ਦੇਖੋ ਇਸ ਧੀ ਦੀ
ਬੇਗਾਨੀ ਧੀ ਕਹਿ ਸੱਸ ਹਰਦਮ ਝਿੜਕਦੀ ਰਹਿੰਦੀ,
ਕੁੜੀਆਂ ਤਾਂ ਚਿੜੀਆਂ ਦਾ ਚੰਬਾ....
ਮਿਲੇ ਪਤੀ ਦਾ ਪਿਆਰ ਲੈ ਇਹੀ ਅਰਮਾਨ,
ਸਾਰੇ ਦੁੱਖ ਹੈ ਸਹਿੰਦੀ ਪਰ ਵਾਹ ਰੇ ਕਿਸਮਤ,
ਪਤੀ ਵੀ ਤਾਂ ਪੁੱਤ ਉਸੇ ਮਾਂ ਦਾ
ਜੋ ਹੋਵੇ ਪੈਦਾ ਵਾਰਿਸ ਉਸ ਦੀ ਕੁੱਖ ਚੋਂ ਜਪਦੀ ਉੱਠਦੀ ਬਹਿੰਦੀ
ਕੁੜੀਆਂ ਤਾਂ ਚਿੜੀਆਂ ਦਾ ਚੰਬਾ....
ਪੁੱਤਰ ਹੋਣ ਜਵਾਨ ਤਾਂ ਬਦਲੇਗੀ ਇਹ ਦੁਨੀਆ,
ਪੁੱਤ ਦੇ ਮੂੰਹ ਵੱਲ ਵੇਖਦੀ ਰਹਿੰਦੀ,
ਪੁੱਤ ਵਿਆਹੇ ਸ਼ਗਨ ਮਨਾਏ ਲਾ ਫਿਰ ਹੱਥਾਂ ਤੇ ਮਹਿੰਦੀ,
ਭੁੱਲ ਗਏ ਦੁੱਖ ਸਾਰੇ ਕੁਝ ਦੇਰ ਲਈ, ਜੋ ਸੀ ਸਹਿੰਦੀ ਉੱਠਦੀ ਬਹਿੰਦੀ
ਪਰ ਇਹ ਕੀ!
ਹੋਏ ਘਰ ਉਹ ਪੁੱਤਰਾਂ ਦੇ ਹੁਣ ਨੂੰਹ ਹਰ ਵੇਲੇ ਘੂਰਦੀ ਰਹਿੰਦੀ,
ਕੁੜੀਆਂ ਤਾਂ ਚਿੜੀਆਂ ਦਾ ਚੰਬਾ....
ਦੱਸੋਂ ਵੇ ਤੁਸੀਂ ਦੱਸੋ ਲੋਕੋਂ ਫਿਰ ਇਸ ਔਰਤ ਦਾ
ਘਰ ਹੋਇਆ ਕਿਹੜਾ ਕਿਸ ਲਈ ਸਾਰੀ ਉਮਰ
ਇਹ ਦੁੱਖੜੇ ਸਹਿੰਦੀ
ਕੁੜੀਆਂ ਤਾਂ ਚਿੜੀਆਂ ਦਾ ਚੰਬਾ....
ਧੀ ਸੀ ਤਾਂ ਧਨ ਪਰਾਇਆ, ਨੂੰਹ ਸੀ ਤੀਂ ਬੇਗਾਨੀ ਧੀ
ਜੇ ਸੱਸ ਬਣ ਗਈ ਤਾਂ ਵੀ ਕੋਈ ਸੁਣਵਾਈ ਨਾ ਪੈਂਦੀ
ਦੱਸੋਂ ਵੇ ਤੁਸੀਂ ਦੱਸੋ ਲੋਕੋਂ
ਕੁੜੀਆਂ ਤਾਂ ਚਿੜੀਆਂ ਦਾ ਚੰਬਾ, ਸਾਰੀ ਦੁਨੀਆ ਕਹਿੰਦੀ
ਅਮਰਜੀਤ ਕੌਰ
ਕੀ ਪੰਜਾਬ ਮੁੜ ਸੰਘਰਸ਼ ਵੱਲ ਵੱਧ ਰਿਹਾ ਹੈ?
NEXT STORY 
