ਕਰਨਾਟਕ ’ਚ ਸੱਤਾਧਾਰੀ ਕਾਂਗਰਸ ਦੇ ਅੰਦਰ ਸੱਤਾ ਦੀ ਲੜਾਈ ਰੁਕਣ ਦਾ ਨਾਂ ਨਹੀਂ ਲੈ ਰਹੀ ਹੈ ਪਰ ਅਜਿਹਾ ਲੱਗਦਾ ਹੈ ਕਿ ਕਾਂਗਰਸ ਹਾਈਕਮਾਨ ਆਖਿਰਕਾਰ ਕਰਨਾਟਕ ’ਚ ਚੱਲ ਰਹੇ ਮੁਸ਼ਕਲ ਲੀਡਰਸ਼ਿਪ ਸੰਕਟ ਨੂੰ ਸੁਲਝਾਉਣ ਲਈ ਜਾਗ ਗਈ ਹੈ। ਏ. ਆਈ. ਸੀ. ਸੀ. ਪ੍ਰਧਾਨ ਮੱਲਿਕਾਰਜੁਨ ਖੜਗੇ ਨੇ ਵੀਰਵਾਰ ਨੂੰ ਕਿਹਾ ਕਿ ਮੁੱਖ ਮੰਤਰੀ ਸਿੱਧਰਮਈਆ ਅਤੇ ਡਿਪਟੀ ਮੁੱਖ ਮੰਤਰੀ ਡੀ. ਕੇ. ਸ਼ਿਵਕੁਮਾਰ ਦੋਵਾਂ ਨੂੰ ਇਸ ਮੁੱਦੇ ਨੂੰ ਸੁਲਝਾਉਣ ਲਈ ਗੱਲਬਾਤ ਲਈ ਦਿੱਲੀ ਬੁਲਾਇਆ ਜਾਵੇਗਾ। ਸਿੱਧਰਮਈਆ ਅਤੇ ਸ਼ਿਵਕੁਮਾਰ ਜੋ ਹਾਈਕਮਾਨ ਨੂੰ ਮਿਲਣ ਅਤੇ ਸੀ. ਐੱਮ. ਅਹੁਦੇ ’ਤੇ ਦਾਅਵਾ ਕਰਨ ਲਈ ਬੇਤਾਬ ਹਨ, ਦੋਵਾਂ ਨੇ ਨਤੀਜੇ ਦੀ ਉਡੀਕ ਕੀਤੀ ਹੈ।
ਮੁੱਖ ਮੰਤਰੀ ਸਿੱਧਰਮਈਆ ਨੇ ਕਿਹਾ ਕਿ ਵਿਧਾਇਕ ਪਾਰਟੀ ਲੀਡਰਸ਼ਿਪ ਨਾਲ ਮਿਲਣ ਅਤੇ ਆਪਣੀ ਰਾਏ ਸ਼ੇਅਰ ਕਰਨ ਲਈ ਆਜ਼ਾਦ ਹੈ ਅਤੇ ਇਹ ਵੀ ਕਿ ਪਾਰਟੀ ਹਾਈਕਮਾਨ ਨੂੰ ਆਖਿਰਕਾਰ ਇਸ ਕਨਫਿਊਜ਼ਨ ਨੂੰ ਪੂਰੀ ਤਰ੍ਹਾਂ ਖਤਮ ਕਰਨ ਦਾ ਫੈਸਲਾ ਲੈਣਾ ਚਾਹੀਦਾ ਹੈ। ਸ਼ਿਵਕੁਮਾਰ ਦੇ ਸਮਰਥਕ ਦੇ ਮੁਤਾਬਕ, ਸਮਝੌਤੇ ’ਚ ਇਹ ਤੈਅ ਸੀ ਕਿ ਸਿੱਧਰਮਈਆ 5 ਸਾਲ ਦੀ ਮਿਆਦ ਦੇ ਅੱਧੇ ਸਮੇਂ ’ਚ ਹਟ ਜਾਣਗੇ ਤਾਂ ਕਿ ਸ਼ਿਵਕੁਮਾਰ ਮੁੱਖ ਮੰਤਰੀ ਬਣ ਸਕਣ, ਜਦੋਂ ਕਿ ਸਿੱਧਰਮਈਆ ਗੁੱਟ ਨਾ ਸਿਰਫ ਅਜਿਹੇ ਕਿਸੇ ਵੀ ਸਮਝੌਤੇ ਤੋਂ ਸਾਫ ਇਨਕਾਰ ਕਰਦਾ ਹੈ ਸਗੋਂ ਇਹ ਕਹਿੰਦਾ ਹੈ ਕਿ ਉਨ੍ਹਾਂ ਨੂੰ ਕਾਂਗਰਸ ਦੇ ਜ਼ਿਆਦਾਤਰ ਵਿਧਾਇਕਾਂ ਦੀ ਹਮਾਇਤ ਹਾਸਲ ਹੈ। ਇਸ ਦੌਰਾਨ, ਕਾਂਗਰਸ ਨੂੰ ਲੱਗਦਾ ਹੈ ਕਿ ਸਿੱਧਰਮਈਆ ਨੂੰ ਬਦਲਣ ਨਾਲ ਅਹਿੰਦਾ ਵੋਟ ਬੈਂਕ ਪਾਰਟੀ ਵਿਰੁੱਧ ਹੋ ਸਕਦਾ ਹੈ।
ਇਸ ਲਿਹਾਜ ਨਾਲ, ਇਹ 2 ਚਿਹਰਿਆਂ ਵਿਚਾਲੇ ਕੋਈ ਬਾਈਨਰੀ ਨਹੀਂ ਹੈ, ਜਿਸ ਨਾਲ ਫੈਸਲਾ ਕਿਤੇ ਜ਼ਿਆਦਾ ਮੁਸ਼ਕਲ ਹੋ ਜਾਂਦਾ ਹੈ। ਇਹ ਵੀ ਕੋਈ ਸੀਕ੍ਰੇਟ ਨਹੀਂ ਹੈ ਕਿ ਰਾਹੁਲ ਗਾਂਧੀ ਸਿੱਧਰਮਈਆ ਦਾ ਬਹੁਤ ਸਨਮਾਨ ਕਰਦੇ ਹਨ, ਜਦਕਿ ਅਹਿੰਦਾ ਵੋਟ ਬੇਸ ਪੂਰੀ ਤਰ੍ਹਾਂ ਨਾਲ ਸਿੱਧਰਮਈਆ ਦੇ ਪਿੱਛੇ ਹੈ ਪਰ ਿਸ਼ਵਕੁਮਾਰ ਨੂੰ ਵੋਕਾਲਿਗਾ ਲੋਕਾਂ ਦੀ ਪੂਰੀ ਹਮਾਇਤ ਨਹੀਂ ਹੈ ਜੋ ਕਾਂਗਰਸ ਅਤੇ ਜੇ. ਡੀ. (ਐੱਸ.) ਵਿਚਾਲੇ ਵੰਡੇ ਹੋਏ ਹਨ। ਸਿੱਧਰਮਈਆ ਓ. ਬੀ. ਐੱਸ. ਕਮਿਊਨਿਟੀ ਤੋਂ ਆਉਣ ਵਾਲੇ ਇਕੱਲੇ ਸੀ. ਐੱਮ. ਹਨ ਅਤੇ ਉਨ੍ਹਾਂ ਨੂੰ ਕਰਨਾਟਕ ’ਚ ਜਾਤੀ ਜਨਗਣਨਾ ਨੂੰ ਆਸਾਨੀ ਨਾਲ ਪੂਰਾ ਕਰਨ ਲਈ ਅਹਿਮ ਮੰਨਿਆ ਜਾਂਦਾ ਹੈ। ਪਾਰਟੀ ਨੂੰ ਇਹ ਵੀ ਲੱਗਦਾ ਹੈ ਕਿ ਉਨ੍ਹਾਂ ਨੂੰ ਵੋਕਾਲਿਗਾ (ਸ਼ਿਵਕੁਮਾਰ) ਨਾਲ ਬਦਲਣ ਨਾਲ ਰਾਹੁਲ ਗਾਂਧੀ ਦਾ ਸੋਸ਼ਲ ਜਸਟਿਸ ਦਾ ਮੁੱਦਾ ਅਜਿਹੇ ਸਮੇਂ ’ਚ ਪਟੜੀ ਤੋਂ ਉਤਰ ਸਕਦਾ ਹੈ ਜਦੋਂ ਅਗਲੇ ਸਾਲ ਕੇਰਲ ਅਤੇ ਤਾਮਿਲਨਾਡੂ ’ਚ ਚੋਣਾਂ ਹੋਣ ਵਾਲੀਆਂ ਹਨ।
ਹਾਲਾਂਕਿ, ਸਿੱਧਰਮਈਆ ਆਪਣੀ ਕੈਬਨਿਟ ’ਚ ਫੇਰਬਦਲ ਲਈ ਜ਼ੋਰ ਦੇ ਰਹੇ ਹਨ, ਸ਼ਿਵਕੁਮਾਰ ਚਾਹੁੰਦੇ ਹਨ ਕਿ ਪਾਰਟੀ ਪਹਿਲਾਂ ਲੀਡਰਸ਼ਿਪ ’ਤੇ ਫੈਸਲਾ ਕਰੇ। ਪਾਰਟੀ ਦੇ ਕਈ ਅੰਦਰੂਨੀ ਸੂਤਰਾਂ ਮੁਤਾਬਕ ਜੇਕਰ ਕਾਂਗਰਸ ਹਾਈਕਮਾਨ ਕੈਬਨਿਟ ’ਚ ਫੇਰਬਦਲ ਨੂੰ ਮਨਜ਼ੂਰੀ ਦੇ ਦਿੰਦੀ ਹੈ ਤਾਂ ਇਸ ਦਾ ਮਤਲਬ ਹੋਵੇਗਾ ਕਿ ਮੁੱਖ ਮੰਤਰੀ ਸਿੱਧਰਮਈਆ ਪੂਰੇ 5 ਸਾਲ ਦਾ ਕਾਰਜਕਾਲ ਪੂਰਾ ਕਰਨਗੇ, ਜਿਸ ਨਾਲ ਸ਼ਿਵਕੁਮਾਰ ਦੇ ਇਸ ਅਹਿਮ ਅਹੁਦੇ ’ਤੇ ਬੈਠਣ ਦੀ ਉਮੀਦ ਖਤਮ ਹੋ ਜਾਵੇਗੀ।
ਮਹਾਰਾਸ਼ਟਰ ’ਚ ਕਾਂਗਰਸ ਇਕੱਲਿਆਂ ਚੋਣ ਲੜਨਾ ਚਾਹੁੰਦੀ ਹੈ : ਮਹਾਰਾਸ਼ਟਰ ’ਚ ਰਾਜਨੀਤਿਕ ਮਾਹੌਲ ਉਦੋਂ ਹੋਰ ਵਿਗੜ ਿਗਆ ਜਦੋਂ ਕਾਂਗਰਸ ਇਕੱਲਿਆਂ ਚੋਣ ਲੜਨਾ ਚਾਹੁੰਦੀ ਹੈ, ਰਾਜ ਠਾਕਰੇ ਦੀ ਮਹਾਰਾਸ਼ਟਰ ਨਵਨਿਰਮਾਣ ਸੈਨਾ (ਮਨਸੇ) ਦੇ ਨਾਲ ਠਾਕਰੇ ਗੱਠਜੋੜ ਕਰਨ ਦੀ ਯੋਜਨਾ ਬਣਾ ਰਹੇ ਹਨ ਅਤੇ ਦੋਵੇਂ ਪੱਖ ਚਾਹੁੰਦੇ ਹਨ ਕਿ ਸ਼ਰਦ ਪਵਾਰ ਅਗਲੇ ਸਾਲ ਹੋਣ ਵਾਲੀਆਂ ਬ੍ਰਹਿਨਮੁੰਬਈ ਨਗਰ ਨਿਗਮ (ਬੀ. ਐੱਮ. ਸੀ.) ਚੋਣਾਂ ਲਈ ਉਨ੍ਹਾਂ ਦਾ ਸਾਥ ਦੇਣ। ਮੁੰਬਈ ’ਚ, ਪਵਾਰ ਕੋਲ ਅਸਲ ’ਚ ਕੋਈ ਆਪਸ਼ਨ ਨਹੀਂ ਹੈ। ਉਨ੍ਹਾਂ ਨੂੰ ਕਿਸੇ ਇਕ ਦੇ ਨਾਲ ਗੱਠਜੋੜ ਕਰਨਾ ਹੀ ਹੋਵੇਗਾ ਕਿਉਂਕਿ ਐੱਨ. ਸੀ. ਪੀ. (ਐੱਸ. ਪੀ.) ਦਾ ਮਹਾਨਗਰ ’ਚ ਸੀਮਤ ਆਧਾਰ ਹੈ।
ਜਦਕਿ ਪਵਾਰ ਦਾ ਮੰਨਣਾ ਹੈ ਕਿ ਇਕੋ ਜਿਹੀ ਸੋਚ ਵਾਲੇ ਸਾਰੇ ਲੋਕਾਂ ਨੂੰ ਭਾਜਪਾ ਨੂੰ ਹਰਾਉਣ ਲਈ ਅੱਗੇ ਆਉਣਾ ਚਾਹੀਦਾ ਹੈ ਅਤੇ ਜੇਕਰ ਮਨਸੇ ਨਾਲ ਹੈ ਤਾਂ ਰਾਜ ਦੀ ਪਾਰਟੀ ਨੂੰ ਵੀ ਨਾਲ ਲਿਆਉਣ ’ਚ ਕੋਈ ਬੁਰਾਈ ਨਹੀਂ ਹੈ। ਹਾਲਾਂਕਿ ਅਜੇ ਤੱਕ ਕੋਈ ਰਸਮੀ ਐਲਾਨ ਨਹੀਂ ਹੋਇਆ ਹੈ ਪਰ ਉਮੀਦ ਹੈ ਕਿ ਜੇਕਰ ਰਾਜ ਠਾਕਰੇ ਦੀ ਮਨਸੇ ਊਧਵ ਦੀ ਸੈਨਾ ’ਚ ਸ਼ਾਮਲ ਹੁੰਦੀ ਹੈ ਤਾਂ ਉਹ ਵੱਡੇ ਐੱਮ. ਵੀ. ਏ. ਦਾ ਹਿੱਸਾ ਬਣ ਜਾਣਗੇ-ਇਕ ਅਜਿਹਾ ਕਦਮ ਜਿਸ ’ਤੇ ਕਈ ਕਾਂਗਰਸ ਨੇਤਾਵਾਂ ਨੇ ਖੁੱਲ੍ਹ ਕੇ ਇਤਰਾਜ਼ ਜਤਾਇਆ ਹੈ। ਸੂਤਰਾਂ ਨੇ ਇਹ ਵੀ ਕਿਹਾ ਕਿ ਐੱਨ. ਸੀ. ਪੀ. (ਐੱਸ. ਪੀ.) ਅਤੇ ਦੂਜੀਆਂ ਲੋਕਲ ਬਾਡੀਜ਼ ਚੋਣਾਂ ਲਈ ਗੱਠਜੋੜ ਨੂੰ ਲੈ ਕੇ ਸ਼ਿਵਸੈਨਾ (ਯੂ. ਬੀ. ਟੀ.) ਦੇ ਨਾਲ ਸਮਾਨਾਂਤਰ ਗੱਲਬਾਤ ਕਰ ਰਹੀ ਹੈ। ਬੀ. ਐੱਮ. ਸੀ. ਚੋਣਾਂ ਦੀਆਂ ਤਰੀਕਾਂ ਦਾ ਐਲਾਨ ਹੋਣ ਤੋਂ ਬਾਅਦ ਐੱਨ. ਸੀ. ਪੀ. (ਐੱਸ. ਪੀ.) ਮੌਜੂਦਾ ਰਾਜਨੀਤਿਕ ਹਾਲਾਤ ਦੇ ਆਧਾਰ ’ਤੇ ਆਖਰੀ ਫੈਸਲਾ ਲਵੇਗੀ।
ਆਪਣੇ ਮੌਜੂਦਾ ਪਤੇ-10, ਸਰਕੂਲਰ ਰੋਡ, ਪਟਨਾ ਤੋਂ ਬਾਹਰ ਨਹੀਂ ਜਾਵੇਗੀ ਰਾਬੜੀ ਦੇਵੀ : ਬਿਹਾਰ ਸਰਕਾਰ ਵਲੋਂ ਰਾਜਦ ਨੇਤਾ ਰਾਬੜੀ ਦੇਵੀ ਨੂੰ ਦੂਜਾ ਘਰ ਦੇਣ ਦਾ ਲੈਟਰ ਜਾਰੀ ਹੋਣ ਤੋਂ ਬਾਅਦ, ਪਾਰਟੀ ਨੇ ਕਿਹਾ ਕਿ ਵਿਧਾਨ ਪ੍ਰੀਸ਼ਦ ’ਚ ਵਿਰੋਧੀ ਧਿਰ ਦੀ ਲੀਡਰ ਆਪਣੇ ਮੌਜੂਦਾ ਪਤੇ-10, ਸਰਕੂਲਰ ਰੋਡ, ਪਟਨਾ ਤੋਂ ਬਾਹਰ ਨਹੀਂ ਜਾਵੇਗੀ ਅਤੇ ਦਾਅਵਾ ਕੀਤਾ ਕਿ ਇਹ ਫੈਸਲਾ ਪਾਲੀਟਿਕਸ ਤੋਂ ਬਣਾਇਆ ਿਗਆ ਅਤੇ ਪ੍ਰੇਰਿਤ ਲੱਗਦਾ ਹੈ।
ਰਾਜ ਦੇ ਬਿਲਡਿੰਗ ਕੰਸਟ੍ਰਕਸ਼ਨ ਡਿਪਾਰਟਮੈਂਟ ਵਲੋਂ ਜਾਰੀ ਇਕ ਨੋਟੀਫਿਕੇਸ਼ਨ ਮੁਤਾਬਕ, ਰਾਬੜੀ ਦੇਵੀ ਨੂੰ 39 ਹਾਰਡਿੰਗ ਰੋਡ ਦਿੱਤਾ ਿਗਆ ਹੈ। 10 ਸਰਕੂਲਰ ਰੋਡ, ਜਿੱਥੇ ਉਹ 2005 ਤੋਂ ਰਹਿ ਰਹੀ ਹੈ ਅਤੇ ਘਰ ਦੀ ਲੋਕੇਸ਼ਨ ਜ਼ਿਆਦਾ ਮਸ਼ਹੂਰ ਹੈ ਕਿਉਂਕਿ ਇਹ ਬਿਹਾਰ ਦੇ ਰਾਜਦ ਦੇ ਘਰ ਅਤੇ ਰਾਜਭਵਨ ਕੋਲ ਹੈ। ਇਹ ਪ੍ਰਾਪਰਟੀ 2005 ਤੋਂ ਹਮੇਸ਼ਾ ਰਾਸ਼ਟਰੀ ਜਨਤਾ ਦਲ ਦਾ ਹੱਬ ਰਹੀ ਹੈ, ਜਿੱਥੇ ਜ਼ਰੂਰੀ ਮੀਟਿੰਗਾਂ ਅਤੇ ਚਰਚਾਵਾਂ ਹੁੰਦੀਆਂ ਹਨ।
ਬਿਹਾਰ ਚੋਣਾਂ ਵਿਚ ਕਾਂਗਰਸ ਦੇ ਮਾੜੇ ਪ੍ਰਦਰਸ਼ਨ ਤੋਂ ਬਾਅਦ ਪਹਿਲੀ ਵੱਡੀ ਸਮੀਖਿਆ : ਬਿਹਾਰ ਚੋਣਾਂ ’ਚ ਪਾਰਟੀ ਦੇ ਮਾੜੇ ਪ੍ਰਦਰਸ਼ਨ ਤੋਂ ਬਾਅਦ ਪਹਿਲੀ ਵੱਡੀ ਸਮੀਖਿਆ ਵਿਚ, ਕਾਂਗਰਸ ਦੇ ਸੂਬਾਈ ਆਗੂਆਂ ਨੇ ਪਾਰਟੀ ਦੀ ਕੇਂਦਰੀ ਲੀਡਰਸ਼ਿਪ ਨੂੰ ਦੱਸਿਆ ਕਿ ਨਿਤੀਸ਼ ਕੁਮਾਰ ਵੱਲੋਂ ਮਹਿਲਾ ਲਾਭਪਾਤਰੀਆਂ ਨੂੰ 10,000 ਰੁਪਏ ਨਕਦ ਟ੍ਰਾਂਸਫਰ, ‘ਇੰਡੀਆ’ ਬਲਾਕ ਦੁਆਰਾ ਸੀਟ-ਸ਼ੇਅਰਿੰਗ ਵਿਚ ਦੇਰੀ, ਉਮੀਦਵਾਰਾਂ ਦੀ ਤਬਦੀਲੀ ਅਤੇ ਸੂਚੀ ’ਚ ਗੜਬੜੀਆਂ, ਅੰਦਰੂਨੀ ਫੁੱਟ, ਵਿਸ਼ੇਸ਼ ਤੀਬਰ ਸੋਧ ਅਤੇ ਚੋਣ ਗਲਤੀਆਂ ਪਾਰਟੀ ਦੀ ਹਾਰ ਦੇ ਕੁਝ ਕਾਰਨ ਸਨ।
ਕਾਂਗਰਸ ਹੈੱਡਕੁਆਰਟਰ, ਇੰਦਰਾ ਭਵਨ ’ਚ ਹੋਈ ਰੀਵਿਊ ਮੀਟਿੰਗ ’ਚ ਪਾਰਟੀ ਪ੍ਰਧਾਨ ਮੱਲਿਕਾਰਜੁਨ ਖੜਗੇ, ਲੋਕ ਸਭਾ ਵਿਚ ਵਿਰੋਧੀ ਧਿਰ ਦੇ ਨੇਤਾ ਰਾਹੁਲ ਗਾਂਧੀ ਅਤੇ ਜਨਰਲ ਸਕੱਤਰ (ਸੰਗਠਨ) ਕੇ. ਸੀ. ਵੇਣੂਗੋਪਾਲ ਨੇ ਉਨ੍ਹਾਂ ਉਮੀਦਵਾਰਾਂ ਨਾਲ ਗੱਲਬਾਤ ਕੀਤੀ ਜਿਨ੍ਹਾਂ ਨੇ ਚੋਣਾਂ ਵਿਚ ਕਾਮਯਾਬੀ ਅਤੇ ਨਾਕਾਮਯਾਬੀ ਹਾਸਲ ਕੀਤੀ।
–ਰਾਹਿਲ ਨੌਰਾ ਚੋਪੜਾ
ਸਾਡਾ ਸੰਵਿਧਾਨ ਸੁਰੱਖਿਆ ਕਵਚ ਹੈ ਇਹ ਡਰਾਉਂਦਾ ਨਹੀਂ
NEXT STORY 
