ਨਵੀਂ ਦਿੱਲੀ—ਮਾਰਜਨ ਅਤੇ ਦਬਾਅ ਤੋਂ ਨਿਪਟਨ ਅਤੇ ਮੰਗ 'ਚ ਵਾਧੇ ਦੀ ਉਮੀਦ ਨਾਲ ਘਰੇਲੂ ਪਹਿਲ ਇਸਪਾਤ ਉਤਪਾਦਕਾਂ ਨੇ ਦਸੰਬਰ ਤੋਂ ਉਤਪਾਦਕਾਂ ਦੇ ਭਾਅ 'ਚ 2.5 ਤੋਂ ਤਿੰਨ ਫੀਸਦੀ ਤੱਕ ਦਾ ਵਾਧਾ ਕੀਤਾ ਹੈ। ਜੇ.ਐੱਸ.ਡਬਲਿਊ.ਸਟੀਲ ਦੇ ਨਿਰਦੇਸ਼ਕ (ਵਪਾਰਕ ਅਤੇ ਵੰਡ) ਜਯੰਤ ਆਚਾਰਿਆ ਨੇ ਦੱਸਿਆ ਕਿ ਕਿਉਂਕਿ ਮਾਰਜਨ ਅਵਿਵਹਾਰਿਕ ਹੋ ਗਿਆ ਹੈ ਇਸ ਲਈ ਲਾਗਤ ਦੇ ਮੁਕਾਬਲੇ ਇਸਪਾਤ ਨਿਰਮਾਣ ਦੀਆਂ ਕੀਮਤਾਂ ਤੋਂ ਵਿਨਿਰਮਾਤਾਵਾਂ ਦਾ ਗੁਜ਼ਾਰਾ ਕਰਨਾ ਮੁਸ਼ਕਿਲ ਹੋ ਗਿਆ ਹੈ। ਇਸ ਮਹੀਨੇ (ਦਸੰਬਰ) 'ਚ ਉਤਪਾਦ ਦੀਆਂ ਕੀਮਤਾਂ 'ਚ ਵਾਧਾ ਕਰਨ ਦੀ ਇਹ ਮੁੱਖ ਕਾਰਨ ਹੈ। ਇਹ ਵਾਧਾ 1 ਦਸੰਬਰ ਤੋਂ ਪ੍ਰਭਾਵੀ ਰਹੇਗਾ।
ਦਸੰਬਰ 'ਚ ਕੀਤਾ ਜਾਣ ਵਾਲਾ ਇਹ ਵਾਧਾ ਲਗਾਤਾਰ ਦੂਜੇ ਮਹੀਨੇ ਹੋਣ ਵਾਲਾ ਵਾਧਾ ਹੈ। ਨਵੰਬਰ 'ਚ ਵਿਨਿਰਮਾਤਾਵਾਂ ਨੇ ਲਗਭਗ ਛੇ ਮਹੀਨੇ ਦੇ ਅੰਤਰਾਲ ਦੇ ਬਾਅਦ ਇਸਪਾਤ ਉਤਪਾਦ ਦੀਆਂ ਕੀਮਤਾਂ 'ਚ ਪ੍ਰਤੀ ਟਨ 500 ਰੁਪਏ ਤੋਂ 1,000 ਰੁਪਏ ਦੇ ਵਿਚਕਾਰ ਵਾਧਾ ਕੀਤਾ ਸੀ। ਹਾਲਾਂਕਿ ਇਸਪਾਤ ਵਿਨਿਰਮਾਤਾਵਾਂ ਨੂੰ ਇਹ ਉਮੀਦ ਹੈ ਕਿ ਬਾਜ਼ਾਰ ਇਸ ਕੀਮਤ ਨੂੰ ਸਵੀਕਾਰ ਕਰੇਗਾ, ਪਰ ਉਦਯੋਗ ਦੇ ਹੋਰ ਅਧਿਕਾਰੀਆਂ ਦਾ ਮੰਨਣਾ ਹੈ ਕਿ ਉਪਭੋਕਤਾ ਹੁਣ ਵੀ ਤਿਆਰ ਨਹੀਂ ਹੈ ਅਤੇ ਇਸ ਤਰ੍ਹਾਂ ਨਾਲ ਲਗਾਤਾਰ ਵਾਧਾ ਲੰਬੇ ਸਮੇਂ ਤੱਕ ਨਹੀਂ ਟਿਕਿਆ ਰਹੇਗਾ। ਮੁੰਬਈ ਦੇ ਇਕ ਕਾਰੋਬਾਰੀ ਨੇ ਪਛਾਣ ਉਜ਼ਾਗਰ ਨਹੀਂ ਕਰਨ ਦੀ ਸ਼ਰਤ 'ਤੇ ਕਿਹਾ ਕਿ ਬੁਨਿਆਦੀ ਖੰਡ ਵਲੋਂ ਮੰਗ ਬਿਲਕੁੱਲ ਵੀ ਨਹੀਂ ਹੈ। ਨਾਲ ਹੀ ਵਾਹਨਾਂ ਦੀ ਮੰਗ ਵੀ ਸਿਰਫ ਅਕਤੂਬਰ ਦੇ ਤਿਉਹਾਰੀ ਮਹੀਨੇ 'ਚ ਹੀ ਚੰਗੀ ਰਹੀ ਹੈ। ਕੁੱਲ ਮਿਲਾ ਕੇ ਇਸਪਾਤ ਲਈ ਹੁਣ ਤੱਕ ਮਜ਼ਬੂਤ ਮੰਗ ਦਾ ਕੋਈ ਸੰਕੇਤ ਨਹੀਂ ਹੈ। ਇਸ ਤਰ੍ਹਾਂ ਦੇ ਪਰਿਦ੍ਰਿਸ਼ 'ਚ ਲਗਾਤਾਰ ਵਧ ਰਹੀਆਂ ਕੀਮਤਾਂ ਨੂੰ ਬਣਾਏ ਰੱਖਣਾ ਮੁਸ਼ਕਿਲ ਰਹਿ ਸਕਦਾ ਹੈ।
ਅਕਤੂਬਰ 2019 ਤੋਂ ਅੱਠ ਪ੍ਰਮੁੱਖ ਆਧਾਰਭੂਤ ਉਦਯੋਗਾਂ ਦੇ ਸੂਚਕਾਂਕ 'ਚ 5.8 ਫੀਸਦੀ ਤੱਕ ਦੀ ਹੋਰ ਗਿਰਾਵਟ ਆਈ ਹੈ ਜੋ ਆਧਾਰ ਸਾਲ ਦੇ ਰੂਪ 'ਚ 2011-12 'ਚ ਸੂਚਕਾਂਕ ਨਿਰਮਾਣ ਦੇ ਬਾਅਦ ਤੋਂ ਇਸ ਦਾ ਸਭ ਤੋਂ ਹੇਠਲਾ ਪੱਧਰ ਹੈ। ਇਨ੍ਹਾਂ ਅੱਠ ਖੰਡਾਂ 'ਚੋਂ ਇਸਪਾਤ ਉਦਯੋਗ ਦੀ ਵਾਧਾ ਦਰ 'ਚ ਅਕਤੂਬਰ ਦੌਰਾਨ 1.6 ਫੀਸਦੀ ਦੀ ਗਿਰਾਵਟ ਦੇਖੀ ਗਈ ਹੈ ਜੋ ਸਤੰਬਰ 'ਚ ਰਹੀ 1.5 ਫੀਸਦੀ ਦੀ ਗਿਰਾਵਟ ਤੋਂ ਵੀ ਜ਼ਿਆਦਾ ਹੈ। ਪਿਛਲੇ ਸਾਲ ਅਕਤੂਬਰ ਦੇ ਦੌਰਾਨ ਇਸਪਾਤ ਉਦਯੋਗ 'ਚ 2.4 ਫੀਸਦੀ ਦਾ ਵਾਧਾ ਦੇਖਿਆ ਗਿਆ ਸੀ। ਇਸ ਦੌਰਾਨ ਇਸਪਾਤ ਵਿਨਿਰਮਾਤਾਵਾਂ ਨੇ ਇਸਪਾਤ ਦੀਆਂ ਕੀਮਤਾਂ 'ਚ ਹੋਈ ਹਾਲੀਆ ਗਿਰਾਵਟ ਦੇ ਦੌਰਾਨ ਵਾਹਨ ਖੰਡ ਲਈ ਅਰਧ-ਸਾਲਾਨਾ ਅਨੁਬੰਧ ਕਰ ਲਏ ਹਨ। ਆਚਾਰਿਆ ਨੇ ਕਿਹਾ ਕਿ ਪਹਿਲੀ ਛਮਾਹੀ ਤੋਂ ਲੈ ਕੇ ਹੁਣ ਤੱਕ ਕਮੀ ਆਈ ਹੈ।
ਮਹਿੰਗਾ ਪੈ ਰਿਹੈ ਲੰਡਨ, US ਦਾ ਸਫਰ, ਕਿਰਾਏ 'ਚ ਭਾਰੀ ਉਛਾਲ
NEXT STORY 
