ਮੁੰਬਈ : ਪੰਜਾਬੀ ਮੁੰਡੇ ਵਿੱਕੀ ਕੌਸ਼ਲ ਨਾਲ ਬਾਲੀਵੁੱਡ ਦੀ ਮਸ਼ਹੂਰ ਅਦਾਕਾਰਾ ਕੈਟਰੀਨਾ ਕੈਫ ਦਾ ਵਿਆਹ ਦੇਸ਼-ਵਿਦੇਸ਼ 'ਚ ਸੁਰਖੀਆਂ 'ਚ ਬਣਿਆ ਹੋਇਆ ਹੈ। ਤੁਹਾਨੂੰ ਦੱਸ ਦੇਈਏ ਕਿ ਹੁਸ਼ਿਆਰਪੁਰ ਦੇ ਪਿੰਡ ਮਿਰਜ਼ਾਪੁਰ ਦੀ ਕੈਟਰੀਨਾ ਨੂੰਹ ਬਣੀ ਹੈ। ਵਿੱਕੀ ਕੌਸ਼ਲ ਦੇ ਪਿਤਾ ਅਤੇ ਮਸ਼ਹੂਰ ਬਾਲੀਵੁੱਡ ਐਕਸ਼ਨ ਡਾਇਰੈਕਟਰ ਸ਼ਿਆਮ ਕੌਸ਼ਲ ਮੂਲ ਰੂਪ 'ਚੋਂ ਇੱਥੋਂ ਦੇ ਰਹਿਣ ਵਾਲੇ ਹਨ।
ਇਸ ਸਮੇਂ ਵਿੱਕੀ ਦੇ ਚਾਚੇ ਦਾ ਪਰਿਵਾਰ ਇੱਥੇ ਰਹਿੰਦਾ ਹੈ। ਮਿਰਜ਼ਾਪੁਰ ਦੇ ਲੋਕ ਪਹਿਲਾਂ ਹੀ ਵਿਆਹ ਤੋਂ ਬਾਅਦ ਨੂੰਹ ਕੈਟਰੀਨਾ ਨੂੰ ਆਹਮੋ-ਸਾਹਮਣੇ ਦੇਖਣ ਦੀ ਇੱਛਾ ਜ਼ਾਹਰ ਕਰ ਚੁੱਕੇ ਹਨ। ਦਰਅਸਲ ਬਾਲੀਵੁੱਡ ਅਭਿਨੇਤਰੀਆਂ ਪੰਜਾਬੀਆਂ ਦੀਆਂ ਦੀਵਾਨੀਆਂ ਰਹੀਆਂ ਹਨ। ਪੰਜਾਬੀਆਂ ਦੀ ਸ਼ਾਨਦਾਰ ਜ਼ਿੰਦਗੀ, ਉੱਚੇ-ਲੰਬੇ ਕੱਦ ਅਤੇ ਚੁਸਤੀ ਹਮੇਸ਼ਾ ਭਾਰਤ ਅਤੇ ਵਿਦੇਸ਼ ਦੀਆਂ ਔਰਤਾਂ ਨੂੰ ਆਕਰਸ਼ਿਤ ਕਰਦੀ ਹੈ। ਬੀਤੇ ਸਮੇਂ ਬਾਲੀਵੁੱਡ ਦੀਆਂ ਕਈ ਮਸ਼ਹੂਰ ਅਭਿਨੇਤਰੀਆਂ ਪੰਜਾਬੀ ਸੈਲੀਬ੍ਰਿਟੀਜ਼ ਦੀਆਂ ਜੀਵਨ ਸਾਥਣ ਬਣ ਚੁੱਕੀਆਂ ਹਨ।
ਸਾਹਨੇਵਾਲ ਦੇ ਧਰਮਿੰਦਰ ਨੂੰ ਦਿਲ ਦੇ ਬੈਠੀ ਸੀ ਬਾਲੀਵੁੱਡ ਦੀ ਬਸੰਤੀ ਹੇਮਾ ਮਾਲਿਨੀ
ਲੁਧਿਆਣਾ ਦੇ ਸਾਹਨੇਵਾਲ ਦੇ ਰਹਿਣ ਵਾਲੇ ਧਰਮ ਭਾਅਜੀ ਧਰਮਿੰਦਰ ਨੂੰ ਬਾਲੀਵੁੱਡ ਦਾ ਹੀ-ਮੈਨ ਕਿਹਾ ਜਾਂਦਾ ਹੈ। ਆਪਣੇ ਸਮੇਂ ਦੀ ਮਸ਼ਹੂਰ ਅਦਾਕਾਰਾ ਡ੍ਰੀਮ ਗਰਲ ਵਜੋਂ ਜਾਣੀ ਜਾਂਦੀ ਹੇਮਾ ਮਾਲਿਨੀ ਉਨ੍ਹਾਂ ਨੂੰ ਆਪਣਾ ਦਿਲ ਦੇ ਬੈਠੀ ਸੀ। ਧਰਮਿੰਦਰ ਅਤੇ ਹੇਮਾ ਮਾਲਿਨੀ ਦਾ ਵਿਆਹ ਸਾਲ 1980 'ਚ ਹੋਇਆ ਸੀ ਜੋ ਪੂਰੇ ਦੇਸ਼ 'ਚ ਚਰਚਾ ਦਾ ਵਿਸ਼ਾ ਬਣਿਆ ਹੋਇਆ ਸੀ।
ਰਾਜ ਕੁੰਦਰਾ ਨਾਲ ਸ਼ਿਲਪਾ ਸ਼ੈੱਟੀ ਦਾ ਵਿਆਹ
ਅਭਿਨੇਤਰੀ ਸ਼ਿਲਪਾ ਸ਼ੈੱਟੀ ਦਾ ਵਿਆਹ ਰਾਜ ਕੁੰਦਰਾ ਨਾਲ ਹੋਇਆ ਹੈ ਜੋ ਮੂਲ ਰੂਪ 'ਚ ਬਠਿੰਡਾ ਅਤੇ ਲੁਧਿਆਣਾ ਦੇ ਇਕ ਵਪਾਰੀ ਹਨ। ਰਾਜ ਕੁੰਦਰਾ ਦਾ ਪਰਿਵਾਰ ਪਸ਼ਮੀਨਾ ਸ਼ਾਲਾਂ ਦਾ ਕਾਰੋਬਾਰ ਕਰਦਾ ਸੀ। ਕਦੀ ਲੁਧਿਆਣਾ 'ਚ ਉਨ੍ਹਾਂ ਦੀ ਫੈਕਟਰੀ ਸੀ। ਹਾਲਾਂਕਿ ਬਾਅਦ 'ਚ ਪਰਿਵਾਰ ਇੰਗਲੈਂਡ ਸ਼ਿਫਟ ਹੋ ਗਿਆ। ਸ਼ਿਲਪਾ ਸ਼ੈੱਟੀ ਨੇ ਸਾਲ 2009 'ਚ ਆਈ.ਪੀ.ਐੱਲ ਫਰੈਂਚਾਇਜ਼ੀ ਰਾਜਸਥਾਨ ਰਾਇਲਜ਼ ਦੇ ਸਹਿ-ਮਾਲਕ ਰਾਜ ਕੁੰਦਰਾ ਨਾਲ ਵਿਆਹ ਕੀਤਾ ਸੀ।
ਅਦਾਕਾਰਾ ਡਿੰਪਲ ਕਪਾਡੀਆ ਨਾਲ ਰਾਜੇਸ਼ ਖੰਨਾ ਦਾ ਵਿਆਹ
ਅੰਮ੍ਰਿਤਸਰ 'ਚ ਜਨਮੇ ਅਦਾਕਾਰ ਰਾਜੇਸ਼ ਖੰਨਾ ਦਾ ਵਿਆਹ ਬਾਲੀਵੁੱਡ ਅਦਾਕਾਰਾ ਡਿੰਪਲ ਕਪਾਡੀਆ ਨਾਲ ਹੋਇਆ ਸੀ। ਦੋਹਾਂ ਦੇ ਵਿਆਹ ਨੂੰ ਲੈ ਕੇ ਉਸ ਸਮੇਂ ਬਾਲੀਵੁੱਡ 'ਚ ਭੂਚਾਲ ਆ ਗਿਆ ਸੀ। ਵਿਆਹ ਦੇ ਸਮੇਂ ਡਿੰਪਲ ਦੀ ਉਮਰ ਸਿਰਫ 17 ਸਾਲ ਸੀ ਜਦੋਂਕਿ ਰਾਜੇਸ਼ ਖੰਨਾ ਉਸ ਤੋਂ ਲਗਪਗ ਦੁੱਗਣੀ ਉਮਰ ਦੇ ਸਨ। ਹਾਲਾਂਕਿ ਉਨ੍ਹਾਂ ਦਾ ਵਿਆਹ ਜ਼ਿਆਦਾ ਸਮਾਂ ਨਹੀਂ ਚੱਲ ਸਕਿਆ ਅਤੇ ਬਾਅਦ 'ਚ ਦੋਵੇਂ ਵੱਖ ਹੋ ਗਏ। ਅੰਮ੍ਰਿਤਸਰ ਦੇ ਅਕਸ਼ੈ ਕੁਮਾਰ ਦਾ ਵਿਆਹ ਰਾਜੇਸ਼ ਖੰਨਾ ਅਤੇ ਡਿੰਪਲ ਦੀ ਧੀ ਅਦਾਕਾਰਾ ਟਵਿੰਕਲ ਖੰਨਾ ਨਾਲ ਹੋਇਆ ਹੈ।
ਜਲੰਧਰ 'ਚ ਹੋਇਆ ਸੀ ਅਦਾਕਾਰਾ ਗੀਤਾ ਬਸਰਾ ਤੇ ਹਰਭਜਨ ਦਾ ਅਨੰਦ ਕਾਰਜ
ਭਾਰਤੀ ਟੀਮ ਦੇ ਸਪਿੱਨਰ ਹਰਭਜਨ ਸਿੰਘ ਵੀ ਬਾਲੀਵੁੱਡ ਅਦਾਕਾਰਾ ਗੀਤਾ ਬਸਰਾ ਦੀ ਗੁਗਲੀ ਨਾਲ ਕਲੀਨ ਬੋਲਡ ਹੋਏ ਸਨ। ਕਰੀਬ 8 ਸਾਲ ਤਕ ਇਕ-ਦੂਸਰੇ ਨੂੰ ਡੇਟ ਕਰਨ ਤੋਂ ਬਾਅਦ 29 ਅਕਤੂਬਰ 2015 ਨੂੰ ਭੱਜੀ-ਗੀਤਾ ਦਾ ਅਨੰਦ ਕਾਰਜ ਜਲੰਧਰ ਦੇ ਗੁਰਦੁਆਰੇ 'ਚ ਹੋਇਆ ਸੀ। ਉਨ੍ਹਾਂ ਦੇ ਵਿਆਹ 'ਚ ਸ਼ਾਮਲ ਸੈਲੀਬ੍ਰਿਟੀਜ਼ 'ਚ ਮਾਸਟਰ ਬਲਾਸਟਰ ਸਕੱਤਰ ਤੇਂਦੁਲਕਰ ਤੇ ਉਨ੍ਹਾਂ ਦੀ ਪਤਨੀ ਅੰਜਨੀ ਤੇਂਦੁਲਕਰ ਵੀ ਸ਼ਾਮਲ ਸਨ।
ਯੁਵਰਾਜ ਸਿੰਘ ਦਾ ਅਦਾਕਾਰਾ ਹੇਜਲ ਕ੍ਰੀਚ ਨਾਲ ਵਿਆਹ
ਤੂਫ਼ਾਨੀ ਬੱਲੇਬਾਜ਼ ਯੁਵਰਾਜ ਸਿੰਘ 30 ਨਵੰਬਰ, 2016 ਨੂੰ ਅਦਾਕਾਰਾ ਹੇਜਲ ਕ੍ਰੀਚ ਦੇ ਨਾਲ ਵਿਆਹ ਦੇ ਬੰਧਨ 'ਚ ਬੱਝੇ ਸਨ। ਯੁਵਰਾਜ ਸਿੰਘ ਤੇ ਹੇਜਲ ਨੇ ਚੰਡੀਗੜ੍ਹ ਨੇੜੇ ਫਤਿਹਗੜ੍ਹ ਸਾਹਿਬ ਗੁਰਦੁਆਰੇ 'ਚ ਫੇਰੇ ਲਏ ਸਨ। ਯੁਵਰਾਜ ਦੇ ਪਿਤਾ ਯੋਗਰਾਜ ਸਿੰਘ ਵੀ ਕ੍ਰਿਕਟਰ ਦੇ ਨਾਲ-ਨਾਲ ਮੰਨੇ-ਪ੍ਰਮੰਨੇ ਪੰਜਾਬੀ ਅਦਾਕਾਰ ਹਨ।
ਕੈਟਰੀਨਾ ਨੇ ਵਿਆਹ 'ਚ ਪਹਿਨਿਆ ਸਬਿਆਸਾਚੀ ਦਾ ਪੁਰਾਣਾ ਲਹਿੰਗਾ ਤੇ ਗਹਿਣੇ, ਖ਼ੁਦ ਵੇਖੋ ਤਸਵੀਰਾਂ 'ਚ
NEXT STORY 
