ਜਲੰਧਰ- ਐੱਲ.ਜੀ. ਕਿਊ6 ਪਲੱਸ ਸਮਾਰਟਫੋਨ ਬੁੱਧਵਾਰ ਨੂੰ ਭਾਰਤ 'ਚ ਲਾਂਚ ਹੋ ਗਿਆ ਹੈ। ਇਸ ਤੋਂ ਪਹਿਲਾਂ ਕੰਪਨੀ ਨੇ ਪਿਛਲੇ ਮਹੀਨੇ ਹੀ ਐੱਲ.ਜੀ. ਕਿਊ6 ਸਮਾਰਟਫੋਨ ਲਾਂਚ ਕੀਤਾ ਸੀ। ਕਿਊ6 ਸੀਰੀਜ਼ ਬਾਰੇ ਕਿਹਾ ਗਿਆ ਹੈ ਕਿ ਇਨ੍ਹਾਂ ਸਮਾਰਟਫੋਨ 'ਚ ਵਾਜਬ ਕੀਮਤ 'ਚ ਪ੍ਰੀਮੀਅਮ ਫੀਚਰਸ ਦਿੱਤੇ ਗਏ ਹਨ। ਐੱਲ.ਜੀ. ਕਿਊ6 ਪਲੱਸ ਦੀ ਭਾਰਤ 'ਚ ਕੀਮਤ 17,990 ਰੁਪਏ ਹੈ ਅਤੇ ਇਸ ਦੀ ਵਿਕਰੀ ਬੁੱਧਵਾਰ ਤੋਂ ਰਿਟੇਲ ਸਟੋਰ ਰਾਹੀਂ ਐਸਟਰੋ ਬਲੈਕ ਅਤੇ ਆਈਸ ਪਲੈਟਿਨ ਕਲਰ ਵੇਰੀਐਂਟ 'ਚ ਸ਼ੁਰੂ ਹੋਵੇਗੀ।
LG Q6 Plus ਦੇ ਫੀਚਰਸ
ਇਸ ਸਮਾਰਟਫੋਨ 'ਚ 5.5-ਇੰਚ ਦੀ ਫੁੱਲ-ਐੱਚ.ਡੀ. (1080x2160 ਪਿਕਸਲ) 18:9 ਡਿਸਪਲੇਅ ਹੈ। ਇਸ ਵਿਚ ਆਕਟਾ-ਕੋਰ ਕੁਆਲਕਾਮ ਸਨੈਪਡ੍ਰੈਗਨ 435 ਪ੍ਰੋਸੈਸਰ ਦੇ ਨਾਲ 4ਜੀ.ਬੀ. ਦਿੱਤੀ ਗਈ ਹੈ। ਫੋਨ 'ਚ 64ਜੀ.ਬੀ. ਸਟੋਰੇਜ ਦਿੱਤੀ ਗਈ ਹੈ ਜਿਸ ਨੂੰ ਮੈਮਰੀ ਕਾਰਡ ਰਾਹੀਂ 2ਟੀ.ਬੀ. ਤੱਕ ਵਧਾਇਆ ਜਾ ਸਕਦਾ ਹੈ। ਇਹ ਆਊਟ ਆਫ ਬਾਕਸ ਐਂਡਰਾਇਡ 7.1.1 ਨੂਗਾ 'ਤੇ ਚੱਲੇਗਾ।
ਫੋਟੋਗ੍ਰਾਫੀ ਲਈ ਫੋਨ 'ਚ 13 ਮੈਗਾਪਿਕਸਲ ਦਾ ਰਿਅਰ ਅਤੇ 5 ਮੈਗਾਪਿਕਸਲ ਦਾ ਫਰੰਟ ਕੈਮਰਾ ਦਿਤਾ ਗਿਆ ਹੈ। ਫੋਨ ਨੂੰ ਪਾਵਰ ਦੇਣ ਲਈ 3,000 ਐੱਮ.ਏ.ਐੱਚ. ਦੀ ਬੈਟਰੀ ਦਿੱਤੀ ਗਈ ਹੈ।
ਕੁਨੈਕਟੀਵਿਟੀ ਫੀਚਰ 'ਚ 4ਜੀ ਵੀ.ਓ.ਐੱਲ.ਟੀ.ਈ., ਵਾਈ-ਫਾਈ 802.11 ਬੀ/ਜੀ/ਐੱਨ, ਬਲੂਟੁਥ ਵੀ4.2, ਐੱਨ.ਐੱਫ.ਸੀ. ਅਤੇ 3.5 ਐੱਮ.ਐੱਮ. ਹੈੱਡਫੋਨ ਜੈੱਕ ਸ਼ਾਮਲ ਹੈ। ਐਕਸਲੈਰੋਮੀਟਰ, ਐਂਬੀਅੰਟ ਲਾਈਟ ਸੈਂਸਰ, ਜਾਇਰੋਸਕੋਪ ਅਤੇ ਪ੍ਰਾਕਸੀਮਿਟੀ ਸੈਂਸਰ ਇਸ ਦਾ ਹਿੱਸਾ ਹਨ। ਸਮਾਰਟਫੋਨ ਦਾ ਡਾਈਮੈਂਸ਼ਨ 142.5x69.3x8.1 ਮਿਲੀਮੀਟਰ ਅਤੇ ਭਾਰ 149 ਗ੍ਰਾਮ ਹੈ।
ਕਿਸੇ ਵੀ ਐਂਡ੍ਰਾਇਡ ਫੋਨ ਤੋਂ ਹੈ ਜ਼ਿਆਦਾ ਪਾਵਰਫੁੱਲ ਆਈਫੋਨ 8, ਜਾਣੋ ਕਾਰਨ
NEXT STORY 
