ਗੈਜੇਟ ਡੈਸਕ- ਦੇਸ਼ ਦੀ ਪ੍ਰਮੁੱਖ ਆਟੋਮੋਬਾਈਲ ਨਿਰਮਾਤਾ ਕੰਪਨੀ ਟਾਟਾ ਮੋਟਰਜ਼ ਨੇ ਚੁੱਪਚਾਪ ਆਪਣੇ ਵਾਹਨ ਪੋਰਟਫੋਲੀਓ ਨੂੰ ਅਪਡੇਟ ਕਰ ਦਿੱਤਾ ਹੈ। ਕੰਪਨੀ ਨੇ ਘਰੇਲੂ ਬਾਜ਼ਾਰ ਵਿੱਚ ਆਪਣੀ ਮਸ਼ਹੂਰ SUV Nexon CNG ਦਾ ਨਵਾਂ Red Dark Edition ਲਾਂਚ ਕਰ ਦਿੱਤਾ ਹੈ।
ਇਸ ਨਵੇਂ ਡਾਰਕ ਐਡੀਸ਼ਨ ਦੀ ਸ਼ੁਰੂਆਤੀ ਕੀਮਤ 12.70 ਲੱਖ ਰੁਪਏ (ਐਕਸ-ਸ਼ੋਰੂਮ) ਰੱਖੀ ਗਈ ਹੈ। ਇਹ ਨਵਾਂ ਵੇਰੀਐਂਟ ਡਿਊਲ-ਸਿਲੰਡਰ CNG ਤਕਨਾਲੋਜੀ ਦੇ ਨਾਲ ਆਉਂਦਾ ਹੈ।
ਨੈਕਸਨ ਸੀਐੱਨਜੀ ਰੈੱਡ ਡਾਰਕ ਐਡੀਸ਼ਨ ਵਿੱਚ ਕੁਝ ਕਾਸਮੈਟਿਕ ਬਦਲਾਅ ਦੇਖਣ ਨੂੰ ਮਿਲਦੇ ਹਨ ਜੋ ਇਸਦੇ ਬਾਹਰੀ ਹਿੱਸੇ ਵਿੱਚ ਕੀਤੇ ਗਏ ਹਨ। ਇਸ ਵਿੱਚ ਲਾਲ ਰੰਗ ਦੇ ਐਕਸੈਂਟ, ਡਾਰਕ ਥੀਮ ਫਿਨਿਸ਼ ਅਤੇ ਪ੍ਰੀਮੀਅਮ ਇੰਟੀਰੀਅਰ ਸ਼ਾਮਲ ਹੈ। ਇਸ ਦੇ ਪਹੀਆਂ ਨੂੰ ਲਾਲ ਰੰਗ ਦੇ ਐਕਸੈਂਟ ਦੇ ਨਾਲ ਇੱਕ ਬੋਲਡ ਕਾਰਬਨ ਬਲੈਕ ਪੇਂਟ ਫਿਨਿਸ਼ ਦਿੱਤਾ ਗਿਆ ਹੈ, ਜੋ ਇਸ SUV ਨੂੰ ਹੋਰ ਵੀ ਸਪੋਰਟੀ ਬਣਾਉਂਦਾ ਹੈ।
ਦੱਸ ਦੇਈਏ ਕਿ ਪਿਛਲੇ ਸਾਲ ਸਤੰਬਰ ਵਿੱਚ ਕੰਪਨੀ ਨੇ Nexon iCNG ਲਾਂਚ ਕੀਤੀ ਸੀ। ਉਸ ਸਮੇਂ ਇਸ SUV ਦੀ ਸ਼ੁਰੂਆਤੀ ਕੀਮਤ 8.99 ਲੱਖ ਰੁਪਏ ਰੱਖੀ ਗਈ ਸੀ। ਹੁਣ ਕੰਪਨੀ ਨੇ ਆਪਣਾ ਰੈੱਡ ਡਾਰਕ ਐਡੀਸ਼ਨ ਤਿੰਨ ਨਵੇਂ ਵੇਰੀਐਂਟਸ ਕਰੀਏਟਿਵ ਪਲੱਸ ਐੱਸ, ਕਰੀਏਟਿਵ ਪਲੱਸ ਪੀਐੱਸ ਅਤੇ ਫੀਅਰਲੈੱਸ ਪਲੱਸ ਪੀਐੱਸ ਵਿੱਚ ਪੇਸ਼ ਕੀਤਾ ਹੈ। ਇਨ੍ਹਾਂ ਤਿੰਨਾਂ ਵੇਰੀਐਂਟਸ ਦੀ ਕੀਮਤ ਇਸ ਪ੍ਰਕਾਰ ਹੈ।
Nexon iCNG Red Dark Edition Price:
| ਵੇਰੀਐਂਟ |
ਕੀਮਤ (ਐਕਸ-ਸ਼ੋਅਰੂਮ) |
| Creative + S |
12.7 ਲੱਖ ਰੁਪਏ |
| Creative + PS |
13.7 ਲੱਖ ਰੁਪਏ |
| Fearless + PS |
14.5 ਲੱਖ ਰੁਪਏ |
ਪਾਵਰ ਅਤੇ ਪਰਫਾਰਮੈਂਸ
ਇੰਜਣ ਦੀ ਗੱਲ ਕਰੀਏ ਤਾਂ ਇਸ ਐਡੀਸ਼ਨ ਵਿੱਚ 1.2-ਲੀਟਰ ਟਰਬੋ-ਪੈਟਰੋਲ ਇੰਜਣ ਹੈ। ਜੋ ਕਿ 99 bhp ਦੀ ਵੱਧ ਤੋਂ ਵੱਧ ਪਾਵਰ ਦਿੰਦਾ ਹੈ। ਇਸ ਵਿੱਚ ਡਾਇਰੈਕਟ ਸੀਐੱਨਜੀ ਸਟਾਰਟ ਤਕਨਾਲੋਜੀ ਹੈ, ਜੋ ਇਸਨੂੰ ਸਾਡੇ ਬਾਜ਼ਾਰ ਵਿੱਚ ਪਹਿਲਾ ਟਰਬੋਚਾਰਜਡ ਸੀਐੱਨਜੀ ਮਾਡਲ ਬਣਾਉਂਦੀ ਹੈ। ਇਹ ਸਪੈਸ਼ਲ ਐਡੀਸ਼ਨ, ਸਟੈਂਡਰਡ ਵੇਰੀਐਂਟ ਵਾਂਗ ਵਿਸ਼ੇਸ਼ ਤੌਰ 'ਤੇ 6-ਸਪੀਡ ਮੈਨੂਅਲ ਗਿਅਰਬਾਕਸ ਦੇ ਨਾਲ ਆਉਂਦਾ ਹੈ।
ਫੀਚਰਜ਼
ਕੈਬਿਨ ਨੂੰ ਰੈੱਡ ਲੈਦਰ ਦੀ ਅਪਹੋਲਸਟ੍ਰੀ, ਸਟ੍ਰਾਈਕਿੰਗ ਰੈੱਡ ਸਟਿੱਚਿੰਗ ਅਤੇ ਗਲੋਸੀ ਪਿਆਨੋ ਬਲੈਕ ਡਿਟੇਲਸ ਨਾਲ ਰਿਫਾਇੰਡ ਟੱਚ ਦੇਖਣ ਨੂੰ ਮਿਲਦਾ ਹੈ। ਫੀਚਰਜ਼ ਦੀ ਗੱਲ ਕਰੀਏ ਤਾਂ ਇਸ ਵਿੱਚ 10.2-ਇੰਚ ਇੰਫੋਟੇਨਮੈਂਟ ਡਿਸਪਲੇਅ, 360-ਡਿਗਰੀ ਕੈਮਰਾ, ਇੱਕ ਡਿਜੀਟਲ ਇੰਸਟਰੂਮੈਂਟ ਪੈਨਲ, JBL ਤੋਂ 6-ਸਪੀਕਰ, ਸਮਾਰਟਫੋਨ ਕਨੈਕਟੀਵਿਟੀ, ਹਵਾਦਾਰ ਸੀਟਾਂ, ਵਾਇਰਲੈੱਸ ਚਾਰਜਿੰਗ ਅਤੇ ਇੱਕ ਪੈਨੋਰਾਮਿਕ ਸਨਰੂਫ ਮਿਲਦਾ ਹੈ।
ਹੋਰ ਫੀਚਰਜ਼ ਵਿੱਚ ਇਲਿਊਮੀਨੇਟਿਡ ਲੋਗੋ ਵਾਲਾ ਟੂ-ਸਪੋਕ ਸਟੇਅਰਿੰਗ ਵ੍ਹੀਲ, ਹਿੱਲ-ਹੋਲਡ ਕੰਟਰੋਲ, ਸਟੇਅਰਿੰਗ-ਮਾਊਂਟਡ ਕੰਟਰੋਲ, ISOFIX ਚਾਈਲਡ ਸੀਟ ਮਾਊਂਟ, ਰਿਵਰਸ ਪਾਰਕਿੰਗ ਸੈਂਸਰ, ਰੀਅਰ ਏਸੀ ਵੈਂਟ, ਟਾਇਰ ਪ੍ਰੈਸ਼ਰ ਮਾਨੀਟਰਿੰਗ ਸਿਸਟਮ (TPMS), ਰੀਅਰ ਪਾਵਰ ਆਊਟਲੈੱਟ, ਇੰਜਣ ਸਟਾਰਟ/ਸਟਾਪ ਬਟਨ ਅਤੇ ਏਅਰ ਪਿਊਰੀਫਾਇਰ ਸ਼ਾਮਲ ਹਨ।
ਮਾਈਲੇਜ
ਟਾਟਾ ਨੈਕਸਨ ਦੇਸ਼ ਦੀਆਂ ਸਭ ਤੋਂ ਸੁਰੱਖਿਅਤ ਐੱਸ.ਯੂ.ਵੀ. 'ਚੋਂ ਇਕ ਹੈ। ਇਸਨੂੰ ਕ੍ਰੈਸ਼ ਟੈਸਟ 'ਚ 5-ਸਟਾਰ ਰੇਟਿੰਗ ਮਿਲੀ ਹੈ। ਜਿਥੋਂ ਤਕ ਮਾਈਲੇਜ ਦੀ ਗੱਲ ਹੈ ਤਾਂ ਇਸਦਾ ਪੈਟਰੋਲ ਵੇਰੀਐਂਟ ਕਰੀਬ 17 ਕਿਲੋਮੀਟਰ ਪ੍ਰਤੀ ਲੀਟਰ, ਡੀਜ਼ਲ ਵੇਰੀਐਂਟ 23 ਕਿਲੋਮੀਟਰ ਪ੍ਰਤੀ ਲੀਟਰ ਤਕ ਦੀ ਮਾਈਲੇਜ ਦਿੰਦਾ ਹੈ। ਉਥੇ ਹੀ CNG ਵੇਰੀਐਂਟ ਵੀ ਲਗਭਗ 17 ਕਿਲੋਮੀਟਰ ਪ੍ਰਤੀ ਕਿਲੋਗ੍ਰਾਮ ਦੀ ਮਾਈਲੇਜ਼ ਦਿੰਦਾ ਹੈ।
iPhone ਯੂਜ਼ਰਜ਼ ਸਾਵਧਾਨ! ਸਰਕਾਰ ਨੇ ਜਾਰੀ ਕਰ'ਤੀ ਚਿਤਾਵਨੀ
NEXT STORY 
