ਤੇਲ ਅਵੀਵ (ਬਿਊਰੋ) - ਇਸਰਾਈਲੀ ਖੋਜਕਾਰਾਂ ਨੇ ਪਹਿਲੀ ਵਾਰ ਇਕ ਅਜਿਹੀ ਉਪਲਬਧੀ ਹਾਸਲ ਕੀਤੀ ਹੈ, ਜਿਸ ਨਾਲ ਕੈਂਸਰ ਦੇ ਇਲਾਜ ’ਚ ਕ੍ਰਾਂਤੀ ਆ ਸਕਦੀ ਹੈ। ਖੋਜਕਾਰਾਂ ਨੇ ਕੈਂਸਰ ਸੈੱਲਾਂ ਨੂੰ ‘ਆਤਮਹੱਤਿਆ’ ਕਰਨ ਲਈ ਪ੍ਰੇਰਿਤ ਕਰਨ ’ਚ ਸਫਲਤਾ ਪਾਈ ਹੈ।
ਪ੍ਰੋਫੈਸਰ ਡੈਨ ਪੀਰ ਅਤੇ ਪੀ. ਐੱਚ. ਡੀ. ਵਿਦਿਆਰਥੀ ਯਾਸਮੀਨ ਗਰੈਨੋਟ ਮਟੋਕ ਦੀ ਅਗਵਾਈ ’ਚ ਤੇਲ ਅਵੀਵ ਯੂਨੀਵਰਸਿਟੀ ਦੀ ਖੋਜ ਟੀਮ ਨੇ ਬੈਕਟੀਰੀਆ ਵੱਲੋਂ ਉਤਪਾਦਿਤ ਇਕ ‘ਜ਼ਹਿਰ’ ਨੂੰ ਮੈਸੈਂਜਰ (ਕਾਸਿਦ) ਆਰ. ਐੱਨ. ਏ. (ਐੱਮ. ਆਰ. ਐੱਨ. ਏ.) ਅਣੂਆਂ ’ਚ ਐਨਕੋਡ (ਸੰਰਚਨਾ ਨੂੰ ਇਕ ਵਿਸ਼ੇਸ਼ ਸਰੂਪ ਦੇਣਾ) ਕੀਤਾ।
ਇਹ ਐੱਮ. ਆਰ. ਐੱਨ. ਏ. ਕਣ ਸਿੱਧੇ ਕੈਂਸਰ ਸੈੱਲਾਂ ਤੱਕ ਪਹੁੰਚਾਏ ਗਏ, ਜਿਸ ਨਾਲ ਸੈੱਲ ਜ਼ਹਿਰ ਪੈਦਾ ਕਰਨ ਲੱਗੇ ਅਤੇ ਉਸ ਨਾਲ ਅਖੀਰ ਉਨ੍ਹਾਂ ਦੀ ਮੌਤ ਹੋ ਗਈ। ਰਵਾਇਤੀ ਕੀਮੋਥੈਰੈਪੀ ਇਲਾਜ ਦੇ ਉਲਟ ਜ਼ਹਿਰੀਲੇ ਪਦਾਰਥ ਨੇ ਆਸ-ਪਾਸ ਦੇ ਸੈੱਲਾਂ ਨੂੰ ਕੋਈ ਨੁਕਸਾਨ ਨਹੀਂ ਪਹੁੰਚਾਇਆ।
ਨੋਟ– ਇਸ ਖ਼ਬਰ ’ਤੇ ਆਪਣੀ ਪ੍ਰਤੀਕਿਰਿਆ ਕੁਮੈਂਟ ਕਰਕੇ ਸਾਂਝੀ ਕਰੋ।
ਗਰਮੀਆਂ ’ਚ ਜਲਦੀ ਬੀਮਾਰ ਹੁੰਦੇ ਨੇ ਬੱਚੇ, ਇੰਝ ਰੱਖੋ ਸਿਹਤ ਦਾ ਧਿਆਨ
NEXT STORY