ਜਲੰਧਰ (ਬਿਊਰੋ)– ਸਮੇਂ ਤੋਂ ਪਹਿਲਾਂ ਸਫ਼ੈਦ ਵਾਲ ਕਿਸੇ ਲਈ ਵੀ ਡਰਾਉਣਾ ਸੁਪਨਾ ਹੋ ਸਕਦੇ ਹਨ। ਜੇਕਰ ਤੁਸੀਂ ਉਨ੍ਹਾਂ ’ਚੋਂ ਇਕ ਹੋ, ਜੋ ਅਣਚਾਹੇ ਸਫ਼ੈਦ ਵਾਲਾਂ ਨਾਲ ਜੂਝ ਰਹੇ ਹਨ ਤਾਂ ਤੁਸੀਂ ਇਕੱਲੇ ਨਹੀਂ ਹੋ। ਕਾਲੇ ਤੇ ਲੰਬੇ ਵਾਲ ਹਰ ਕਿਸੇ ਨੂੰ ਪਸੰਦ ਹੁੰਦੇ ਹਨ। ਕਾਲੇ ਵਾਲ ਨਾ ਸਿਰਫ਼ ਆਤਮ ਵਿਸ਼ਵਾਸ ਵਧਾਉਂਦੇ ਹਨ, ਸਗੋਂ ਚੰਗੇ ਲੱਗਦੇ ਹਨ। ਸਫ਼ੈਦ ਵਾਲ ਬੁਢਾਪੇ ਦਾ ਪ੍ਰਤੀਕ ਹੁੰਦੇ ਹਨ ਪਰ ਅੱਜ-ਕੱਲ ਵਾਲ ਛੋਟੀ ਉਮਰ ’ਚ ਹੀ ਸਫ਼ੈਦ ਹੋਣ ਲੱਗ ਪਏ ਹਨ। ਵਾਲਾਂ ਦਾ ਸਫ਼ੈਦ ਹੋਣਾ ਕਈ ਕਾਰਨਾਂ ਕਰਕੇ ਹੁੰਦਾ ਹੈ।
ਬਹੁਤ ਸਾਰੇ ਲੋਕ ਇਹ ਨਹੀਂ ਜਾਣਦੇ ਕਿ ਵਾਲ ਸਫ਼ੈਦ ਹੋਣ ’ਤੇ ਬਾਜ਼ਾਰ ’ਚ ਉਪਲੱਬਧ ਸਾਰੇ ਕੈਮੀਕਲ ਤੇ ਹਰਬਲ ਉਤਪਾਦਾਂ ਦੇ ਨਾਮ ’ਤੇ ਕੀ ਲਗਾਉਣਾ ਸ਼ੁਰੂ ਕਰ ਦੇਣਾ ਚਾਹੀਦਾ ਹੈ ਪਰ ਤੁਸੀਂ ਇਹ ਵੀ ਜਾਣਦੇ ਹੋ ਕਿ ਵਾਲਾਂ ਨੂੰ ਦੁਬਾਰਾ ਕਾਲਾ ਕਰਨ ਲਈ ਕੁਦਰਤੀ ਤੇ ਘਰੇਲੂ ਨੁਸਖ਼ਿਆਂ ਤੋਂ ਵੀ ਵਧੀਆ ਹੋਰ ਕੁਝ ਨਹੀਂ ਹੈ। ਸਾਡੀ ਰਸੋਈ ’ਚ ਕੁਝ ਅਜਿਹੀਆਂ ਚੀਜ਼ਾਂ ਹਨ, ਜੋ ਸਫ਼ੈਦ ਵਾਲਾਂ ਨੂੰ ਦੁਬਾਰਾ ਕਾਲਾ ਕਰਨ ’ਚ ਮਦਦ ਕਰ ਸਕਦੀਆਂ ਹਨ। ਇਥੇ ਸਫ਼ੈਦ ਵਾਲਾਂ ਨੂੰ ਕਾਲੇ ਕਰਨ ਦੇ ਤਰੀਕੇ ਜਾਂ ਘਰੇਲੂ ਨੁਸਖ਼ੇ ਹਨ, ਜੋ ਬਹੁਤ ਪ੍ਰਭਾਵਸ਼ਾਲੀ ਮੰਨੇ ਜਾਂਦੇ ਹਨ।
ਸਫ਼ੈਦ ਵਾਲਾਂ ਨੂੰ ਕਾਲੇ ਕਰਨ ਦੇ ਘਰੇਲੂ ਨੁਸਖ਼ੇ
ਵਾਲਾਂ ਦੇ ਸਫ਼ੈਦ ਹੋਣ ਦੀ ਰਫ਼ਤਾਰ ਨੂੰ ਘੱਟ ਕਰਨ ਲਈ ਕੁਦਰਤੀ ਚੀਜ਼ਾਂ ਦੀ ਵਰਤੋਂ ਕੀਤੀ ਜਾ ਸਕਦੀ ਹੈ, ਉਹ ਵੀ ਬਿਨਾਂ ਕਿਸੇ ਮਾੜੇ ਪ੍ਰਭਾਵ ਦੇ।
1. ਕੜੀ ਪੱਤਾ ਸਫ਼ੈਦ ਵਾਲਾਂ ਨੂੰ ਮੁੜ ਤੋਂ ਕਾਲੇ ਕਰ ਦੇਵੇਗਾ
ਕੜੀ ਪੱਤੇ ਦੀ ਔਸ਼ਧੀ ਵਰਤੋਂ ਵਾਲਾਂ ਲਈ ਕਮਾਲ ਕਰ ਸਕਦੀ ਹੈ। ਸਫ਼ੈਦ ਵਾਲਾਂ ਨੂੰ ਠੀਕ ਕਰਨ ਦੇ ਨਾਲ-ਨਾਲ ਸਮੇਂ ਤੋਂ ਪਹਿਲਾਂ ਵਾਲਾਂ ਦੇ ਸਫ਼ੈਦ ਹੋਣ ਨੂੰ ਰੋਕਣ ਲਈ ਕੜੀ ਪੱਤੇ ਦੇ ਪ੍ਰਭਾਵ ਦੀ ਜਾਂਚ ਕੀਤੀ ਗਈ ਹੈ ਤੇ ਬਹੁਤ ਸਾਰੇ ਲੋਕਾਂ ਦਾ ਮੰਨਣਾ ਹੈ ਕਿ ਸਫ਼ੈਦ ਵਾਲਾਂ ਨੂੰ ਕਾਲਾ ਕਰਨ ’ਚ ਕੜੀ ਪੱਤੇ ਸੱਚਮੁੱਚ ਮਦਦ ਕਰ ਸਕਦੇ ਹਨ।
ਇਸ ਤਰ੍ਹਾਂ ਕਰੋ ਵਰਤੋਂ
- ਕੁਝ ਕੜੀ ਪੱਤੇ ਲਓ ਤੇ ਇਸ ਨੂੰ ਨਾਰੀਅਲ ਦੇ ਤੇਲ ਜਾਂ ਜੋਜੋਬਾ ਤੇਲ ਨਾਲ ਮਿਲਾਓ।
- ਮਿਸ਼ਰਣ ਨੂੰ ਉਦੋਂ ਤੱਕ ਗਰਮ ਕਰੋ ਜਦੋਂ ਤੱਕ ਤੇਲ ਦਾ ਰੰਗ ਥੋੜ੍ਹਾ ਕਾਲਾ ਨਾ ਹੋ ਜਾਵੇ।
- ਇਸ ਨੂੰ ਕੁਝ ਸਮੇਂ ਲਈ ਠੰਡਾ ਹੋਣ ਦਿਓ ਤੇ ਹੌਲੀ-ਹੌਲੀ ਆਪਣੇ ਸਿਰ ਦੀ ਚਮੜੀ ’ਤੇ ਤੇਲ ਲਗਾਓ।
- ਵਧੀਆ ਨਤੀਜਿਆਂ ਲਈ, ਇਸ ਨੂੰ ਰਾਤ ਭਰ ਲਗਾ ਕੇ ਰੱਖੋ।
ਇਹ ਖ਼ਬਰ ਵੀ ਪੜ੍ਹੋ : ਚਮੜੀ ਨੂੰ ਕੱਸਣ ਲਈ ਚੌਲਾਂ ਦੇ ਆਟੇ ਦੇ ਬਣੇ ਇਹ 3 ਫੇਸ ਪੈਕ ਲਗਾਓ, ਝੁਰੜੀਆਂ ਤੋਂ ਵੀ ਮਿਲੇਗਾ ਛੁਟਕਾਰਾ
2. ਔਲੇ ਵਾਲਾਂ ਨੂੰ ਕਾਲੇ ਕਰਨ ’ਚ ਮਦਦਗਾਰ
ਸਫ਼ੈਦ ਵਾਲਾਂ ਲਈ ਔਲੇ ਕਿਸੇ ਦਵਾਈ ਤੋਂ ਘੱਟ ਨਹੀਂ ਹਨ। ਇਹ ਵਾਲਾਂ ਲਈ ਹਰਬਲ ਨੁਸਖ਼ਾ ਹੈ। ਇਹ ਐਂਟੀ-ਆਕਸੀਡੈਂਟਸ ਨਾਲ ਭਰਪੂਰ ਹੁੰਦਾ ਹੈ ਤੇ ਇਸ ’ਚ ਐਂਟੀ-ਏਜਿੰਗ ਗੁਣ ਵੀ ਹੁੰਦੇ ਹਨ। ਤੁਸੀਂ ਬਾਜ਼ਾਰ ਤੋਂ ਸਾਬਤ ਔਲੇ ਜਾਂ ਇਸ ਦਾ ਪਾਊਡਰ ਮਿਸ਼ਰਣ ਆਸਾਨੀ ਨਾਲ ਪ੍ਰਾਪਤ ਕਰ ਸਕਦੇ ਹੋ।
ਵਰਤਣ ਦਾ ਤਰੀਕਾ
- ਔਲਿਆਂ ਦਾ ਰਸ ਕੱਢ ਕੇ ਇਕ ਨਿੰਬੂ ਦੇ ਰਸ ’ਚ ਮਿਲਾ ਲਓ।
- ਇਸ ਨੂੰ ਸਿੱਧੇ ਆਪਣੀ ਖੋਪੜੀ ’ਤੇ ਲਗਾਓ ਤੇ 30 ਮਿੰਟਾਂ ਲਈ ਛੱਡ ਦਿਓ।
- ਇਸ ਨੂੰ ਕੋਸੇ ਪਾਣੀ ਨਾਲ ਧੋਵੋ ਤੇ ਆਪਣੇ ਵਾਲਾਂ ਨੂੰ ਨਰਮ ਤੌਲੀਏ ਨਾਲ ਸੁਕਾਓ।
ਜੇਕਰ ਤੁਸੀਂ ਪਾਊਡਰ ਦੀ ਵਰਤੋਂ ਕਰ ਰਹੇ ਹੋ ਤਾਂ ਪਾਊਡਰ ਨੂੰ ਨਾਰੀਅਲ ਜਾਂ ਜੈਤੂਨ ਦੇ ਤੇਲ ਨਾਲ ਮਿਲਾਓ। ਮਿਸ਼ਰਣ ਨੂੰ ਉਦੋਂ ਤੱਕ ਗਰਮ ਕਰੋ, ਜਦੋਂ ਤੱਕ ਤੇਲ ਦਾ ਰੰਗ ਨਹੀਂ ਬਦਲਦਾ। ਤੇਲ ਨੂੰ ਆਪਣੇ ਵਾਲਾਂ ਤੇ ਸਿਰ ਦੀ ਚਮੜੀ ’ਤੇ ਹੌਲੀ-ਹੌਲੀ ਲਗਾਓ।
3. ਕਾਲੀ ਚਾਹ ਨਾਲ ਚਮਕਦਾਰ ਕਾਲੇ ਬਣਨਗੇ ਵਾਲ
ਕਾਲੀ ਚਾਹ ’ਚ ਟੈਨਿਕ ਐਸਿਡ ਹੁੰਦਾ ਹੈ, ਜੋ ਵਾਲਾਂ ਨੂੰ ਕਾਲੇ ਤੇ ਚਮਕਦਾਰ ਬਣਾਉਣ ਲਈ ਜਾਣਿਆ ਜਾਂਦਾ ਹੈ। ਤੁਸੀਂ ਇਸ ਨੁਸਖ਼ੇ ਨੂੰ ਕੁਝ ਦਿਨਾਂ ਤੱਕ ਅਜ਼ਮਾ ਕੇ ਸਫ਼ੈਦ ਵਾਲਾਂ ਨੂੰ ਕਾਲਾ ਕਰਨ ਦੀ ਕੋਸ਼ਿਸ਼ ਕਰ ਸਕਦੇ ਹੋ।
ਇਸ ਤਰ੍ਹਾਂ ਵਰਤੋਂ
- 2-3 ਟੀ ਬੈਗ ਜਾਂ 2 ਚਮਚੇ ਚਾਹ ਪੱਤੀ ਲਓ।
- ਚੀਨੀ ਦੀ ਵਰਤੋਂ ਕੀਤੇ ਬਿਨਾਂ ਚਾਹ ਬਣਾਓ।
- ਲਾਗੂ ਕਰਨ ਤੋਂ ਪਹਿਲਾਂ ਇਸ ਨੂੰ ਠੰਡਾ ਹੋਣ ਦਿਓ।
- ਇਸ ਦੀ ਵਰਤੋਂ ਹਮੇਸ਼ਾ ਸਾਫ਼ ਤੇ ਗਿੱਲੇ ਵਾਲਾਂ ’ਤੇ ਹੀ ਕਰੋ।
- ਇਸ ਨੂੰ ਘੱਟ ਤੋਂ ਘੱਟ 30 ਮਿੰਟਾਂ ਤੱਕ ਰੱਖੋ ਤੇ ਫਿਰ ਚੰਗੀ ਤਰ੍ਹਾਂ ਧੋ ਲਓ।
4. ਭ੍ਰਿੰਗਰਾਜ ਵਾਲਾਂ ਨੂੰ ਕਾਲਾ ਕਰ ਸਕਦਾ ਹੈ
ਇਹ ਆਪਣੇ ਵਾਲਾਂ ਦੀ ਦੇਖਭਾਲ ਦੇ ਲਾਭਾਂ ਲਈ ਕਾਫ਼ੀ ਮਸ਼ਹੂਰ ਹੈ। ਭ੍ਰਿੰਗਰਾਜ ਹੇਅਰ ਆਇਲ ਦੀ ਮਾਲਿਸ਼ ਕਰਨ ਨਾਲ ਸਿਰ ਦੀ ਚਮੜੀ ’ਤੇ ਸ਼ਾਂਤ ਪ੍ਰਭਾਵ ਪੈਂਦਾ ਹੈ ਤੇ ਵਾਲ ਝੜਨ, ਸਫ਼ੈਦ ਵਾਲ, ਸਿਰ ਦਰਦ ਆਦਿ ਵਰਗੀਆਂ ਸਮੱਸਿਆਵਾਂ ਤੋਂ ਛੁਟਕਾਰਾ ਮਿਲਦਾ ਹੈ।
ਕਿਵੇਂ ਵਰਤਣਾ ਹੈ?
- ਬਾਜ਼ਾਰ ’ਚ ਰੈਡੀਮੇਡ ਭ੍ਰਿੰਗਰਾਜ ਤੇਲ ਉਪਲੱਬਧ ਹੈ।
- ਜੇਕਰ ਤੁਸੀਂ ਇਸ ਨੂੰ ਘਰ ’ਚ ਬਣਾਉਣਾ ਚਾਹੁੰਦੇ ਹੋ ਤਾਂ ਕੁਝ ਭ੍ਰਿੰਗਰਾਜ ਦੀਆਂ ਪੱਤੀਆਂ ਦਾ ਪਾਊਡਰ ਬਣਾ ਲਓ ਤੇ ਇਸ ’ਚ ਨਾਰੀਅਲ ਦੇ ਤੇਲ ਨੂੰ ਮਿਲਾ ਲਓ।
- ਮਿਸ਼ਰਣ ਨੂੰ ਚੰਗੀ ਤਰ੍ਹਾਂ ਗਰਮ ਕਰੋ।
- ਜਦੋਂ ਮਿਸ਼ਰਣ ਠੰਡਾ ਹੋ ਜਾਵੇ ਤਾਂ ਇਸ ਨੂੰ ਆਪਣੇ ਸਿਰ ’ਤੇ ਲਗਾਓ।
ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ
For Android:- https://play.google.com/store/apps/details?id=com.jagbani&hl=en
For IOS:- https://itunes.apple.com/in/app/id538323711?mt=8
ਨੋਟ– ਇਹ ਆਰਟੀਕਲ ਸਲਾਹ ਸਮੇਤ ਸਿਰਫ਼ ਆਮ ਜਾਣਕਾਰੀ ਪ੍ਰਦਾਨ ਕਰਦਾ ਹੈ। ਇਹ ਕਿਸੇ ਵੀ ਤਰ੍ਹਾਂ ਯੋਗ ਡਾਕਟਰੀ ਰਾਏ ਦਾ ਬਦਲ ਨਹੀਂ ਹੈ। ਵਧੇਰੇ ਜਾਣਕਾਰੀ ਲਈ ਹਮੇਸ਼ਾ ਕਿਸੇ ਮਾਹਿਰ ਜਾਂ ਆਪਣੇ ਡਾਕਟਰ ਨਾਲ ਸਲਾਹ ਕਰੋ।
ਮਹਿਲਾਵਾਂ ਦੀ ਲੰਮੀ ਉਮਰ ਲਈ ਘੱਟ ਭਾਰ ਫ਼ਾਇਦੇਮੰਦ
NEXT STORY 
