ਨਿਊਯਾਰਕ— 11 ਸਤੰਬਰ 2001 ਨੂੰ ਅਮਰੀਕਾ ਤੇ ਦੁਨੀਆ 'ਤੇ ਸਭ ਤੋਂ ਵੱਡਾ ਅੱਤਵਾਦੀ ਹਮਲਾ ਹੋਇਆ ਸੀ। ਇਸ ਹਮਲੇ ਨੂੰ 17 ਸਾਲ ਪੂਰੇ ਹੋ ਚੁੱਕੇ ਹਨ ਤੇ 17 ਸਾਲਾਂ ਬਾਅਦ ਨਿਊਯਾਰਕ ਸਿਟੀ ਦੇ ਇਕ ਸਬਵੇਅ ਰੇਲਵੇ ਸਟੇਸ਼ਨ ਨੂੰ ਦੁਬਾਰਾ ਖੋਲ੍ਹਿਆ ਗਿਆ ਹੈ। ਇਹ ਉਹ ਸਟੇਸ਼ਨ ਹੈ ਜੋ ਹਮਲੇ ਦੌਰਾਨ ਪੂਰੀ ਤਰ੍ਹਾਂ ਜ਼ਮੀਨ 'ਚ ਧੱਸ ਗਿਆ ਸੀ। ਇਸੇ ਸਟੇਸ਼ਨ 'ਤੇ ਵਰਲਡ ਟ੍ਰੇਡ ਸੈਂਟਰ ਦੀਆਂ ਦੋਵੇਂ ਇਮਾਰਤਾਂ ਡਿੱਗੀਆਂ ਸਨ। 17 ਸਾਲਾਂ ਬਾਅਦ ਇਥੇ ਇਕ ਵਾਰ ਫਿਰ ਟਰੇਨ ਦੀ ਆਵਾਜ਼ ਸੁਣੀ ਜਾ ਸਕਦੀ ਹੈ ਤੇ ਲੋਕਾਂ ਦੀ ਚਹਿਲ-ਪਹਿਲ ਨੂੰ ਮਹਿਸੂਸ ਕੀਤਾ ਜਾ ਸਕਦਾ ਹੈ। ਸਬਵੇਅ ਦੇ ਦੁਬਾਰਾ ਖੁੱਲ੍ਹਣ 'ਤੇ ਇਕ ਵੀਡੀਓ ਵੀ ਜਾਰੀ ਕੀਤਾ ਗਿਆ ਹੈ। ਇਸ ਵੀਡੀਓ 'ਚ ਲੋਕਾਂ ਦੇ ਚਿਹਰੇ 'ਤੇ ਮੁਸਕੁਰਾਹਟ, ਤਾਲੀਆਂ ਵਜਾਉਂਦੇ ਤੇ ਇਵੈਂਟ ਨੂੰ ਫੋਨ 'ਤੇ ਰਿਕਾਰਡ ਕਰਦਿਆਂ ਹੋਇਆ ਦੇਖਿਆ ਜਾ ਸਕਦਾ ਹੈ।
ਪੂਰੀ ਤਰ੍ਹਾਂ ਨਾਲ ਤਬਾਹ ਹੋ ਗਿਆ ਸੀ ਸਟੇਸ਼ਨ
11 ਸਤੰਬਰ 2001 ਨੂੰ ਜਦੋਂ ਨਿਊਯਾਰਕ ਸਥਿਤ ਟਵਿਨ ਟਾਵਰ ਨੂੰ ਨਿਸ਼ਾਨਾ ਬਣਾਇਆ ਗਿਆ ਸੀ ਤਾਂ ਇਹ ਸਟੇਸ਼ਨ ਪੂਰੀ ਤਰ੍ਹਾਂ ਨਾਲ ਤਬਾਹ ਹੋ ਗਿਆ ਸੀ। ਇਸ ਸਟੇਸ਼ਨ ਦਾ ਨਾਂ ਕਾਰਟਲੈਂਡੇਟ ਸਟਾਪ ਰੱਖਿਆ ਗਿਆ ਹੈ। ਇਸ ਨੂੰ ਇਹ ਨਾਂ ਇਸ ਲਈ ਦਿੱਤਾ ਗਿਆ ਕਿਉਂਕਿ ਇਸੇ ਗਲੀ 'ਚ ਟਵਿਨ ਟਾਵਰ ਸਥਿਤ ਸਨ। ਸ਼ਨੀਵਾਰ ਨੂੰ ਇਸ ਸਟੇਸ਼ਨ ਨੂੰ ਖੋਲ੍ਹਿਆ ਗਿਆ ਤੇ 17 ਸਾਲ ਬਾਅਦ ਇਥੋਂ ਕੋਈ ਟਰੇਨ ਲੰਘੀ ਹੈ।
181 ਮਿਲੀਅਨ ਡਾਲਰ ਦੀ ਲਾਗਤ ਨਾਲ ਤਿੰਨ ਸਾਲ 'ਚ ਹੋਇਆ ਤਿਆਰ
ਇਸ ਸਟੇਸ਼ਨ ਦੇ ਨਿਰਮਾਣ 'ਚ ਕਾਫੀ ਸਮਾਂ ਲੱਗ ਗਿਆ ਕਿਉਂਕਿ ਮਲਬਾ ਸਾਫ ਨਹੀਂ ਹੋ ਸਕਿਆ ਸੀ ਤੇ ਨਿਰਮਾਣ ਕਾਰਜ ਜ਼ਮੀਨ ਦੇ ਅੰਦਰ ਚੱਲ ਰਿਹਾ ਸੀ, ਜਿਸ ਦੇ ਨੇੜੇ ਕਈ ਇਮਾਰਤਾਂ ਹਨ। ਟਵਿਨ ਟਾਵਰਸ ਜਦੋਂ ਇਸ ਸਟੇਸ਼ਨ 'ਤੇ ਡਿੱਗੇ ਤਾਂ ਉਨ੍ਹਾਂ ਨੇ ਸਟੇਸ਼ਨ ਦੀ ਛੱਤ ਨੂੰ ਪੂਰੀ ਤਰ੍ਹਾਂ ਨਾਲ ਤਬਾਹ ਕਰ ਦਿੱਤਾ। ਇਸ ਤੋਂ ਇਲਾਵਾ 1200 ਫੁੱਟ ਦੀ ਟ੍ਰੈਕ ਵੀ ਦੋਵਾਂ ਪਾਸਿਓਂ ਤਬਾਹ ਹੋ ਗਈ। ਇਹ ਪੂਰਾ ਪ੍ਰੋਜੈਕਟ 181 ਮਿਲੀਅਨ ਡਾਲਰ ਦਾ ਸੀ ਤੇ ਇਸ 'ਤੇ ਕਈ ਲੋਕਾਂ ਦੀਆਂ ਨਜ਼ਰਾਂ ਟਿੱਕੀਆਂ ਹੋਈਆਂ ਸਨ। ਦੱਸਣਯੋਗ ਹੈ ਕਿ ਅੱਤਵਾਦੀ ਹਮਲੇ ਸਮੇਂ ਅਲ ਕਾਇਦਾ ਦੇ ਅੱਤਵਾਦੀਆਂ ਨੇ ਦੋ ਯਾਤਰੀ ਜਹਾਜ਼ਾਂ ਨੂੰ ਹਾਈਜੈਕ ਕਰਕੇ ਟਾਵਰਾਂ 'ਚ ਮਾਰ ਦਿੱਤਾ ਸੀ। ਇਸ ਸਟੇਸ਼ਨ ਦਾ ਨਿਰਮਾਣ ਕਾਰਜ ਸਾਲ 2015 'ਚ ਸ਼ੁਰੂ ਕੀਤਾ ਗਿਆ ਸੀ।
3,000 ਲੋਕਾਂ ਦੀ ਹੋਈ ਮੌਤ
9/11 ਹਮਲਿਆਂ 'ਚ ਕਰੀਬ 3 ਹਜ਼ਾਰ ਲੋਕਾਂ ਦੀ ਮੌਤ ਹੋ ਗਈ ਸੀ ਤੇ ਹਮਲੇ ਨੂੰ ਅਲਕਾਇਦਾ ਦੇ ਅੱਤਵਾਦੀਆਂ ਨੇ ਅੰਜਾਮ ਦਿੱਤਾ ਸੀ। ਇਨ੍ਹਾਂ ਹਮਲਿਆਂ ਤੋਂ ਬਾਅਦ ਇਰਾਕ ਤੇ ਅਫਗਾਨਿਸਤਾਨ 'ਚ ਖਤਰਨਾਕ ਤੇ ਕਈ ਸਾਲਾਂ ਤੱਕ ਚੱਲਣ ਵਾਲੇ ਯੁੱਧ ਦੀ ਸ਼ੁਰੂਆਤ ਹੋਈ। ਇਸੇ ਕਾਰਨ ਇਰਾਕ ਤੇ ਅਫਗਾਨਿਸਤਾਨ 'ਚ ਕਈ ਦਿਨਾਂ ਤੱਕ ਹਿੰਸਾ ਦਾ ਦੌਰ ਚੱਲਿਆ ਤੇ ਦੋਵੇਂ ਦੇਸ਼ ਅਸਥਿਰਤਾ ਦਾ ਸਾਹਮਣਾ ਕਰਨ ਲਈ ਮਜਬੂਰ ਹੋ ਗਏ।
ਸ਼ੀ ਦੀ ਸਰਕਾਰ ਨੇ ਬੰਦ ਕਰਾਈ ਬੀਜਿੰਗ ਦੀ 'ਜਿਓਨ' ਚਰਚ
NEXT STORY 
