ਮੈਲਬੌਰਨ- ਆਸਟ੍ਰੇਲੀਆਈ ਤਕਨੀਕੀ ਮਾਹਰਾਂ ਨੇ ਕਮਾਲ ਕਰ ਦਿਖਾਇਆ ਹੈ। ਆਸਟ੍ਰੇਲੀਆਈ ਤਕਨੀਕੀ ਸਟਾਰਟ-ਅੱਪ ਕੋਰਟੀਕਲ ਲੈਬਜ਼ ਨੇ ਮਨੁੱਖੀ ਦਿਮਾਗੀ ਸੈੱਲਾਂ ਨਾਲ ਚੱਲਣ ਵਾਲਾ ਦੁਨੀਆ ਦਾ ਪਹਿਲਾ ਕੰਪਿਊਟਰ ਬਣਾਇਆ ਹੈ। ਇਸ ਕੰਪਿਊਟਰ ਦਾ ਨਾਮ CL-1 ਹੈ। ਇਸਦੀ ਕੀਮਤ ਲਗਭਗ 30 ਲੱਖ ਰੁਪਏ ਹੈ। ਇਹ ਕੰਪਿਊਟਰ ਇਸ ਸਾਲ ਦੇ ਅੰਤ ਤੱਕ ਬਾਜ਼ਾਰ ਵਿੱਚ ਉਪਲਬਧ ਹੋਵੇਗਾ। ਇਹ ਕੰਪਿਊਟਰ ਮੈਡੀਕਲ ਅਤੇ ਵਿਗਿਆਨਕ ਖੋਜ ਲਈ ਤਿਆਰ ਕੀਤਾ ਗਿਆ ਹੈ ਨਾ ਕਿ ਗੇਮਿੰਗ ਜਾਂ ਆਮ ਵਰਤੋਂ ਲਈ।
ਸਿਲੀਕਾਨ ਹਾਰਡਵੇਅਰ ਦੀ ਵਰਤੋਂ
CL-1 ਕੰਪਿਊਟਰ ਮਨੁੱਖੀ ਦਿਮਾਗੀ ਸੈੱਲਾਂ ਅਤੇ ਸਿਲੀਕਾਨ ਹਾਰਡਵੇਅਰ ਦੇ ਸੁਮੇਲ ਦੀ ਵਰਤੋਂ ਕਰਕੇ ਬਣਾਇਆ ਗਿਆ ਹੈ। ਇਹ ਵਿਸ਼ੇਸ਼ ਤੌਰ 'ਤੇ ਨਿਊਰੋਲੋਜੀਕਲ ਭਾਵ ਤੰਤੂ ਵਿਗਿਆਨ, ਸਾਈਲੋਜੀਕਲ ਭਾਵ ਮਨੋਵਿਗਿਆਨਕ ਅਤੇ ਗੁੰਝਲਦਾਰ ਬਿਮਾਰੀਆਂ ਲਈ ਦਵਾਈਆਂ ਅਤੇ ਇਲਾਜਾਂ ਦੀ ਜਾਂਚ ਲਈ ਤਿਆਰ ਕੀਤਾ ਗਿਆ ਹੈ।
ਕੀ ਇਹ ਮਨੁੱਖਾਂ ਵਾਂਗ ਚੇਤੰਨ ਹੋਵੇਗਾ
CL-1 ਜੈਵਿਕ ਕੰਪਿਊਟਰ ਸੰਬੰਧੀ ਇੱਕ ਹੋਰ ਸਵਾਲ ਇਹ ਹੈ ਕਿ ਕੀ ਇਸ ਵਿੱਚ ਕਿਸੇ ਕਿਸਮ ਦੀ ਚੇਤਨਾ ਵਿਕਸਤ ਹੋ ਸਕਦੀ ਹੈ? ਇਸ 'ਤੇ ਮਾਹਰ ਕਹਿੰਦਾ ਹੈ ਕਿ ਇਸ ਸਮੇਂ ਅਜਿਹਾ ਕੋਈ ਸੰਕੇਤ ਨਹੀਂ ਹੈ। ਉਸਦੀ ਟੀਮ ਬਾਇਓਐਥਿਕਸ ਮਾਹਿਰਾਂ ਦੇ ਸਹਿਯੋਗ ਨਾਲ ਇਸਦੀ ਲਗਾਤਾਰ ਨਿਗਰਾਨੀ ਕਰ ਰਹੀ ਹੈ। ਦੂਜੇ ਪਾਸੇ ਸਟੈਮ ਸੈੱਲ ਖੋਜ ਨਾਲ ਜੁੜਿਆ ਸਿਸਟਮ ਸਿਰਫ ਉਤੇਜਨਾ ਪ੍ਰਤੀ ਪ੍ਰਤੀਕਿਰਿਆ ਕਰਦਾ ਹੈ।
ਪੜ੍ਹੋ ਇਹ ਅਹਿਮ ਖ਼ਬਰ-ਭਾਰਤ-ਕੈਨੇਡਾ ਰਿਸ਼ਤੇ ਸੁਧਰਨ ਦੀ ਆਸ, ਜੈਸ਼ੰਕਰ ਨੇ ਕੈਨੇਡੀਅਨ FM ਅਨੀਤਾ ਆਨੰਦ ਨਾਲ ਕੀਤੀ ਗੱਲਬਾਤ
CL-1 ਜਾਨਵਰਾਂ ਦੀ ਜਾਂਚ ਦੀ ਥਾਂ ਲੈ ਸਕਦਾ ਹੈ
ਇਸਦੀ ਮਦਦ ਨਾਲ ਕਈ ਮਾਮਲਿਆਂ ਵਿੱਚ ਜਾਨਵਰਾਂ 'ਤੇ ਕੀਤੀ ਜਾਣ ਵਾਲੀ ਜਾਂਚ ਨੂੰ ਰੋਕਿਆ ਜਾ ਸਕਦਾ ਹੈ। ਇਹ ਵਿਗਿਆਨਕ ਦ੍ਰਿਸ਼ਟੀਕੋਣ ਤੋਂ ਬਿਹਤਰ ਹੋਵੇਗਾ। ਇਹ ਨੈਤਿਕ ਤੌਰ 'ਤੇ ਵੀ ਇੱਕ ਸਹੀ ਕਦਮ ਹੋਵੇਗਾ। 2022 ਵਿੱਚ ਕੰਪਨੀ ਨੇ ਡਿਸ਼ਬ੍ਰੇਨ ਨਾਮਕ ਇੱਕ ਸਿਸਟਮ ਬਣਾਇਆ, ਜਿਸਨੇ ਪੌਂਗ ਨਾਮਕ ਇੱਕ ਵੀਡੀਓ ਗੇਮ ਖੇਡ ਕੇ ਸੁਰਖੀਆਂ ਬਟੋਰੀਆਂ ਸਨ।
ਜੈਵਿਕ ਤਕਨਾਲੋਜੀ AI ਤੋਂ ਵੱਖਰੀ
ਕੋਰਟੀਕਲ ਲੈਬਜ਼ ਟੀਮ ਦਾ ਕਹਿਣਾ ਹੈ ਕਿ ਉਨ੍ਹਾਂ ਦੁਆਰਾ ਵਰਤੀ ਗਈ ਤਕਨਾਲੋਜੀ ਨੂੰ ਸਿੰਥੈਟਿਕ ਬਾਇਓਲਾਜੀਕਲ ਇੰਟੈਲੀਜੈਂਸ (SBI) ਕਿਹਾ ਜਾਂਦਾ ਹੈ। ਇਹ AI ਤੋਂ ਵੱਖਰਾ ਹੈ ਕਿਉਂਕਿ ਇਹ ਮਨੁੱਖੀ ਦਿਮਾਗ ਵਰਗੀ ਜੈਵਿਕ ਸਮੱਗਰੀ ਦੀ ਵਰਤੋਂ ਕਰਦਾ ਹੈ।
ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ
For Android:- https://play.google.com/store/apps/details?id=com.jagbani&hl=en
For IOS:- https://itunes.apple.com/in/app/id538323711?mt=8
ਨੋਟ- ਇਸ ਖ਼ਬਰ ਬਾਰੇ ਕੁਮੈਂਟ ਕਰ ਦਿਓ ਆਪਣੀ ਰਾਏ।
ਭਾਰਤ-ਕੈਨੇਡਾ ਰਿਸ਼ਤੇ ਸੁਧਰਨ ਦੀ ਆਸ, ਜੈਸ਼ੰਕਰ ਨੇ ਕੈਨੇਡੀਅਨ FM ਅਨੀਤਾ ਆਨੰਦ ਨਾਲ ਕੀਤੀ ਗੱਲਬਾਤ
NEXT STORY 
