ਬਲੋਚਿਸਤਾਨ (ਏਐਨਆਈ): ਬਲੋਚਿਸਤਾਨ ਦੀ ਰਾਜਧਾਨੀ ਸਮੇਤ ਵੱਖ-ਵੱਖ ਜ਼ਿਲ੍ਹਿਆਂ ਵਿੱਚ ਭਾਰੀ ਮੀਂਹ ਕਾਰਨ ਸ਼ਨੀਵਾਰ ਨੂੰ ਮਰਨ ਵਾਲਿਆਂ ਦੀ ਗਿਣਤੀ 22 ਤੱਕ ਪਹੁੰਚ ਗਈ। ਡਾਨ ਨੇ ਇਸ ਸਬੰਧੀ ਜਾਣਦਾਕੀ ਦਿੱਤੀ। ਭਾਰੀ ਮੀਂਹ, ਤੂਫ਼ਾਨ ਅਤੇ ਗੜੇਮਾਰੀ ਨੇ ਕਵੇਟਾ ਘਾਟੀ ਵਿੱਚ ਤਬਾਹੀ ਮਚਾਈ, ਜਿਸ ਕਾਰਨ ਮੁੱਖ ਸੜਕਾਂ ਅਤੇ ਗਲੀਆਂ ਵਿੱਚ ਹੜ੍ਹ ਆ ਗਿਆ। ਡਾਨ ਅਨੁਸਾਰ ਅਚਾਨਕ ਹੜ੍ਹ ਕਾਰਨ ਕਈ ਘਰ ਵਹਿ ਗਏ ਅਤੇ ਭਾਰੀ ਟ੍ਰੈਫਿਕ ਜਾਮ ਹੋ ਗਏ। ਇਸ ਤੋਂ ਇਲਾਵਾ ਈਰਾਨ ਤੋਂ ਤਰਲ ਪੈਟਰੋਲੀਅਮ ਗੈਸ (ਐਲ.ਪੀ.ਜੀ) ਲੈ ਕੇ ਜਾ ਰਿਹਾ ਇੱਕ ਟੈਂਕਰ ਨੋਸ਼ਕੀ ਜ਼ਿਲ੍ਹੇ ਵਿੱਚ ਕਵੇਟਾ-ਤਫ਼ਤਾਨ ਹਾਈਵੇਅ 'ਤੇ ਹੜ੍ਹ ਕਾਰਨ ਮੌਸਮੀ ਧਾਰਾ ਵਿੱਚ ਪਲਟ ਗਿਆ।
ਡਾਨ ਅਨੁਸਾਰ ਅਚਾਨਕ ਹੜ੍ਹ ਨੇ ਟੈਂਕਰ ਨੂੰ ਮੁੱਖ ਹਾਈਵੇਅ ਤੋਂ ਪ੍ਰਭਾਵਿਤ ਕੀਤਾ, ਜਿਸ ਕਾਰਨ ਡਰਾਈਵਰ ਕੰਟਰੋਲ ਗੁਆ ਬੈਠਾ, ਨਤੀਜੇ ਵਜੋਂ ਇਹ ਨਹਿਰ ਵਿੱਚ ਪਲਟ ਗਿਆ। ਹਾਲਾਂਕਿ ਡਰਾਈਵਰ ਅਤੇ ਗੱਡੀ ਵਿੱਚ ਸਵਾਰ ਹੋਰ ਲੋਕ ਸੁਰੱਖਿਅਤ ਭੱਜਣ ਵਿੱਚ ਕਾਮਯਾਬ ਹੋ ਗਏ। ਬੋਲਾਨ ਨਦੀ ਅਤੇ ਨਾਰੀ ਗਜ-ਮੂਲਾ ਨਦੀ ਸਮੇਤ ਮੌਸਮੀ ਨਦੀਆਂ, ਭਾਰੀ ਹੜ੍ਹ ਦੇ ਪਾਣੀ ਨਾਲ ਭਰ ਗਈਆਂ ਹਨ। ਜ਼ਿਆਰਤ, ਕਵੇਟਾ, ਕਲਾਤ, ਕਾਨ ਮੇਹਤਰਜ਼ਈ ਤੇ ਪਿਸ਼ਿਨ ਸਮੇਤ ਉੱਤਰੀ ਬਲੋਚਿਸਤਾਨ ਵਿੱਚ ਤਾਪਮਾਨ ਵਿੱਚ ਗਿਰਾਵਟ ਦਰਜ ਕੀਤੀ ਗਈ ਹੈ, ਜਿਸ ਨਾਲ ਵਸਨੀਕਾਂ ਨੂੰ ਠੰਡ ਦਾ ਮੁਕਾਬਲਾ ਕਰਨ ਲਈ ਗੈਸ ਹੀਟਰਾਂ ਅਤੇ ਗਰਮ ਕੱਪੜਿਆਂ 'ਤੇ ਭਰੋਸਾ ਕਰਨਾ ਪੈਂਦਾ ਹੈ।
ਪੜ੍ਹੋ ਇਹ ਅਹਿਮ ਖ਼ਬਰ-ਇੰਡੋਨੇਸ਼ੀਆ ਦਾ ਇਬੂ ਜਵਾਲਾਮੁਖੀ ਫੁਟਿਆ, 3.5 ਕਿਲੋਮੀਟਰ ਤੱਕ ਫੈਲੀ ਸੁਆਹ
ਜ਼ੀਰਤ, ਪਿਸ਼ੀਨ, ਕਿਲਾ ਅਬਦੁੱਲਾ, ਕਿਲਾ ਸੈਫੁੱਲਾ, ਝੌਬ, ਸ਼ੇਰਾਨੀ, ਖਾਨੋਜ਼ਈ, ਹਰਨਈ, ਸਿਬੀ, ਮਸਤੁੰਗ, ਕਲਾਤ, ਖੁਜ਼ਦਾਰ, ਝਲ ਮਗਸੀ, ਡੇਰਾ ਮੁਰਾਦ ਜਮਾਲੀ, ਖਰਾਨ, ਚਘਾਈ, ਨੋਸਕੀ, ਵਾਸ਼ੂਕ, ਚਮਨ, ਮਛ ਅਤੇ ਹੋਰ ਕਈ ਇਲਾਕਿਆਂ ਵਿਚ ਭਾਰੀ ਮੀਂਹ ਪਿਆ। ਸੂਬਾਈ ਰਾਜਧਾਨੀ ਕਵੇਟਾ ਵਿੱਚ ਰਾਤ ਭਰ ਹੋਈ ਬਾਰਿਸ਼ ਤੋਂ ਬਾਅਦ ਇੱਕ ਵਾਰ ਫਿਰ ਸ਼ਹਿਰੀ ਹੜ੍ਹ ਦਾ ਸਾਹਮਣਾ ਕਰਨਾ ਪਿਆ। ਭਾਰੀ ਮੀਂਹ ਦੇ ਨਤੀਜੇ ਵਜੋਂ ਵਿਆਪਕ ਤਬਾਹੀ ਹੋਈ, ਜਿਸ ਨਾਲ ਨੀਵੇਂ ਇਲਾਕਿਆਂ ਅਤੇ ਸ਼ਹਿਰ ਦੇ ਕੇਂਦਰੀ ਹਿੱਸਿਆਂ ਨੂੰ ਪ੍ਰਭਾਵਿਤ ਕੀਤਾ। ਜਿਨਾਹ ਰੋਡ, ਕੰਧਾਰੀ ਬਾਜ਼ਾਰ, ਲਿਆਕਤ ਰੋਡ, ਪ੍ਰਿੰਸ ਰੋਡ, ਜ਼ਰਘੂਨ ਰੋਡ, ਸਿਰਕੀ ਰੋਡ, ਗਵਾਲਮੰਡੀ ਸਮੇਤ ਮੁੱਖ ਸ਼ਹਿਰ ਦੀਆਂ ਲਗਪਗ ਸਾਰੀਆਂ ਸੜਕਾਂ ਗੋਡੇ-ਗੋਡੇ ਮੀਂਹ ਦੇ ਪਾਣੀ ਵਿੱਚ ਡੁੱਬ ਗਈਆਂ। ਇਸ ਦੌਰਾਨ ਮੌਸਮ ਵਿਭਾਗ ਨੇ ਕਵੇਟਾ ਸਮੇਤ ਬਲੋਚਿਸਤਾਨ ਦੇ ਵੱਖ-ਵੱਖ ਇਲਾਕਿਆਂ 'ਚ ਤੂਫਾਨ ਅਤੇ ਬਿਜਲੀ ਦੇ ਨਾਲ ਹੋਰ ਮੀਂਹ ਪੈਣ ਦੀ ਭਵਿੱਖਬਾਣੀ ਕੀਤੀ ਹੈ।
ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ
For Android:- https://play.google.com/store/apps/details?id=com.jagbani&hl=en
For IOS:- https://itunes.apple.com/in/app/id538323711?mt=8
ਨੋਟ- ਇਸ ਖ਼ਬਰ ਬਾਰੇ ਕੁਮੈਂਟ ਕਰ ਦਿਓ ਰਾਏ।
ਇੰਡੋਨੇਸ਼ੀਆ ਦਾ ਇਬੂ ਜਵਾਲਾਮੁਖੀ ਫੁਟਿਆ, 3.5 ਕਿਲੋਮੀਟਰ ਤੱਕ ਫੈਲੀ ਸੁਆਹ
NEXT STORY 
