ਬੈਂਕਾਕ (ਭਾਸ਼ਾ) ਮਿਆਂਮਾਰ ਦੀ ਇਕ ਅਦਾਲਤ ਨੇ ਸਾਬਕਾ ਬ੍ਰਿਟਿਸ਼ ਰਾਜਦੂਤ ਨੂੰ ਇਮੀਗ੍ਰੇਸ਼ਨ ਨਾਲ ਸਬੰਧਤ ਅਪਰਾਧ ਲਈ ਇਕ ਸਾਲ ਦੀ ਸਜ਼ਾ ਸੁਣਾਈ ਹੈ। ਮਾਮਲੇ ਦੀ ਨਿਗਰਾਨੀ ਕਰ ਰਹੇ ਇਕ ਡਿਪਲੋਮੈਟ ਨੇ ਸ਼ੁੱਕਰਵਾਰ ਨੂੰ ਇਹ ਜਾਣਕਾਰੀ ਦਿੱਤੀ। ਫੌਜ ਦੇ ਨਿਯੰਤਰਣ ਵਾਲੇ ਮਿਆਂਮਾਰ ਵਿੱਚ ਸੁਤੰਤਰ ਮੀਡੀਆ ਅਤੇ ਬੀਬੀਸੀ ਦੀ ਮਿਆਂਮਾਰ ਭਾਸ਼ਾ ਦੀ ਵੈੱਬਸਾਈਟ ਨੇ ਵੀ ਅਦਾਲਤੀ ਕਾਰਵਾਈ ਦੀ ਰਿਪੋਰਟ ਕੀਤੀ। ਨਾਮ ਗੁਪਤ ਰੱਖਣ ਦੀ ਸ਼ਰਤ 'ਤੇ ਡਿਪਲੋਮੈਟ ਨੇ ਕਿਹਾ ਕਿ ਸਾਬਕਾ ਰਾਜਦੂਤ ਵਿੱਕੀ ਬੋਮਨ ਦੇ ਪਤੀ ਨੂੰ ਵੀ ਇਸ ਅਪਰਾਧ ਲਈ ਇਕ ਸਾਲ ਦੀ ਸਜ਼ਾ ਸੁਣਾਈ ਗਈ ਹੈ।
ਪੜ੍ਹੋ ਇਹ ਅਹਿਮ ਖ਼ਬਰ- ਅਮਰੀਕਾ 'ਚ ਗ਼ੈਰ ਕਾਨੂੰਨੀ ਤਰੀਕੇ ਨਾਲ ਦਾਖ਼ਲ ਹੋ ਰਹੇ 17 ਭਾਰਤੀ ਗਿਫ਼ਤਾਰ
ਬੋਮਨ ਦਾ ਪਤੀ ਮਿਆਂਮਾਰ ਦਾ ਨਾਗਰਿਕ ਹੈ। ਮਿਆਂਮਾਰ ਦੀ ਫੌਜੀ ਸਰਕਾਰ ਅਤੇ ਬ੍ਰਿਟਿਸ਼ ਦੂਤਘਰ ਦੋਵਾਂ ਨੇ ਅਦਾਲਤੀ ਕਾਰਵਾਈ ਦੀ ਜਨਤਕ ਤੌਰ 'ਤੇ ਪੁਸ਼ਟੀ ਨਹੀਂ ਕੀਤੀ ਹੈ। ਮਿਆਂਮਾਰ ਦੀ ਫੌਜੀ ਸਰਕਾਰ ਨੇ ਪਿਛਲੇ ਹਫ਼ਤੇ ਕਿਹਾ ਸੀ ਕਿ ਜੋੜੇ ਨੂੰ 24 ਅਗਸਤ ਨੂੰ ਗ੍ਰਿਫ਼ਤਾਰ ਕੀਤਾ ਗਿਆ ਸੀ। ਇਸ ਵਿਚ ਕਿਹਾ ਗਿਆ ਹੈ ਕਿ ਬੋਮਨ, ਜਿਸ ਨੇ 2002-2006 ਵਿਚ ਬ੍ਰਿਟਿਸ਼ ਰਾਜਦੂਤ ਵਜੋਂ ਸੇਵਾ ਨਿਭਾਈ ਸੀ, ਨੂੰ ਪਿਛਲੇ ਸਾਲ ਉਸ ਸਮੇਂ ਹਿਰਾਸਤ ਵਿਚ ਲਿਆ ਗਿਆ ਸੀ ਜਦੋਂ ਉਹ ਯਾਂਗੋਨ ਵਿਚ ਆਪਣੇ ਰਜਿਸਟਰਡ ਪਤੇ ਵਾਲੀ ਰਿਹਾਇਸ਼ ਛੱਡ ਕੇ ਅਧਿਕਾਰੀਆਂ ਨੂੰ ਦੱਸੇ ਬਿਨਾਂ ਸ਼ਾਨ ਰਾਜ ਦੇ ਇਕ ਖੇਤਰ ਵਿਚ ਚਲੀ ਗਈ ਸੀ।
ਸੁਨਕ ਅਤੇ ਟਰਸ ਵਿਚਾਲੇ ਬ੍ਰਿਟੇਨ ਦੇ ਪ੍ਰਧਾਨ ਮੰਤਰੀ ਅਹੁਦੇ ਦੀ ਦੌੜ ਆਖ਼ਰੀ ਪੜਾਅ 'ਤੇ
NEXT STORY 
