ਇੰਟਰਨੈਸ਼ਨਲ ਡੈਸਕ (ਬਿਊਰੋ): ਦੁਨੀਆ ਦੀ ਮਸ਼ਹੂਰ ਅਮੀਰਾਤ ਏਅਰਲਾਈਨਜ਼ ਦੇ ਦਿੱਖ ਪ੍ਰਬੰਧਨ ਪ੍ਰੋਗਰਾਮ ਨੂੰ ਲੈ ਕੇ ਵੱਡੇ ਖੁਲਾਸੇ ਹੋਏ ਹਨ। ਇਸ ਸਬੰਧੀ ਕੁਝ ਏਅਰ ਹੋਸਟੈਸ ਨੇ ਅਹਿਮ ਖੁਲਾਸੇ ਕੀਤੇ ਹਨ। ਇਹਨਾਂ ਵਿਚੋਂ ਅਮੀਰਾਤ ਦੀ ਸਾਬਕਾ ਕਰਮਚਾਰੀ 36 ਸਾਲਾ ਕਾਰਲਾ ਬੇਸਨ ਦਾ ਕਹਿਣਾ ਹੈ ਕਿ ਇਸ ਪ੍ਰੋਗਰਾਮ ਤਹਿਤ ਏਅਰ ਹੋਸਟੈੱਸ ਦੇ ਭਾਰ 'ਤੇ ਨਜ਼ਰ ਰੱਖਣ ਲਈ ਵੇਟ ਪੁਲਸ ਰੱਖੀ ਗਈ ਹੈ। ਇਹ ਵੇਟ ਪੁਲਸ ਏਅਰ ਹੋਸਟੈਸ ਦੇ ਭਾਰ 'ਤੇ ਲਗਾਤਾਰ ਨਜ਼ਰ ਰੱਖਦੀ ਹੈ। ਏਅਰਪੋਰਟ 'ਤੇ ਕੈਬਿਨ ਕਰੂ ਦੇ ਵਜ਼ਨ ਦੀ ਜਾਂਚ ਕਰਨ ਦੇ ਨਾਲ-ਨਾਲ ਏਅਰ ਹੋਸਟੈਸ ਦੀ ਡਰੈੱਸ ਸਾਈਜ਼ 'ਤੇ ਵੀ ਨਜ਼ਰ ਰੱਖੀ ਜਾਂਦੀ ਹੈ।
ਏਅਰਲਾਈਨਜ਼ ਦੁਆਰਾ ਪ੍ਰਾਪਤ ਡਰੈੱਸ ਸਾਈਜ਼ ਦਾ ਪੂਰਾ ਰਿਕਾਰਡ ਏਅਰ ਹੋਸਟੇਸ ਦੁਆਰਾ ਰੱਖਿਆ ਜਾਂਦਾ ਹੈ। ਜੇਕਰ ਕਿਸੇ ਏਅਰ ਹੋਸਟੇਸ ਦਾ ਆਕਾਰ ਥੋੜ੍ਹਾ ਜਿਹਾ ਵੀ ਵੱਧ ਜਾਂਦਾ ਹੈ ਤਾਂ ਉਸ ਨੂੰ ਏਅਰਪੋਰਟ 'ਤੇ ਹੀ ਰੋਕ ਦਿੱਤਾ ਜਾਂਦਾ ਹੈ। ਇਸ ਦੇ ਨਾਲ ਹੀ ਚਾਲਕ ਦਲ ਦੇ ਮੈਂਬਰ ਦੀ ਤਨਖਾਹ ਵੀ ਕੱਟੀ ਜਾਂਦੀ ਹੈ। ਕਾਰਲਾ ਦਾ ਕਹਿਣਾ ਹੈ ਕਿ ਇਹ ਵੇਟ ਪੁਲਸ ਇੰਨੀ ਸਖ਼ਤ ਹੈ ਕਿ ਕਿਸੇ ਵੀ ਕਰੂ ਮੈਂਬਰ ਦੇ ਭਾਰ ਵਧਣ ਦੀ ਸ਼ਿਕਾਇਤ ਮਿਲਣ 'ਤੇ ਤੁਰੰਤ ਵਿਭਾਗੀ ਕਾਰਵਾਈ ਸ਼ੁਰੂ ਕਰ ਦਿੱਤੀ ਜਾਂਦੀ ਹੈ।
ਪੜ੍ਹੋ ਇਹ ਅਹਿਮ ਖ਼ਬਰ- ਕੈਨੇਡਾ ਨੇ ਆਪਣੇ ਨਾਗਰਿਕਾਂ ਲਈ ਯੂਕਰੇਨ ਦੀ ਯਾਤਰਾ ਸਬੰਧੀ ਐਡਵਾਇਜ਼ਰੀ ਕੀਤੀ ਜਾਰੀ
ਇਕ ਟੈਟੂ ਵੀ ਨਹੀਂ ਹੋਣਾ ਚਾਹੀਦਾ
ਅਮੀਰਾਤ ਲਈ ਕੰਮ ਕਰ ਚੁੱਕੀ ਡਾਇਗੂ ਦਾ ਕਹਿਣਾ ਹੈ ਕਿ ਉਸ ਦੇ ਚਾਲਕ ਦਲ ਦੇ ਮੈਂਬਰਾਂ ਵਿੱਚੋਂ ਇੱਕ ਦੇ ਸ਼ਿਕਾਇਤ ਕਰਨ ਤੋਂ ਬਾਅਦ ਲਗਾਤਾਰ ਤਿੰਨ ਸਾਲਾਂ ਤੱਕ ਹਰ ਰੋਜ਼ ਉਸ ਦਾ ਭਾਰ ਚੈੱਕ ਕੀਤਾ ਗਿਆ ਸੀ। ਉਦੋਂ ਤੋਂ ਡਾਇਗੂ ਨੂੰ ਏਅਰਲਾਈਨਾਂ ਨੂੰ ਹਫ਼ਤਾਵਾਰੀ BMI ਸੂਚਕਾਂਕ ਪ੍ਰਦਾਨ ਕਰਨਾ ਪੈਂਦਾ ਹੈ। ਜੇਕਰ ਉਹ ਇੱਕ ਹਫ਼ਤੇ ਤੱਕ BMI ਸੂਚਕਾਂਕ ਨਹੀਂ ਦੇ ਸਕਦੀ ਸੀ, ਤਾਂ ਉਸ ਦੀ ਪੂਰੇ ਮਹੀਨੇ ਦੀ ਤਨਖਾਹ ਕੱਟ ਦਿੱਤੀ ਜਾਂਦੀ ਸੀ।
ਨਾਲ ਹੀ, ਏਅਰਲਾਈਨਜ਼ ਏਅਰ ਹੋਸਟੇਸ ਦੀ ਦਿੱਖ ਨੂੰ ਲੈ ਕੇ ਬਹੁਤ ਸਖ਼ਤ ਹਨ। ਕਿਸੇ ਵੀ ਏਅਰ ਹੋਸਟੇਸ ਦੇ ਸਰੀਰ 'ਤੇ ਕੋਈ ਦਿਖਾਈ ਦੇਣ ਵਾਲਾ ਟੈਟੂ ਵੀ ਨਹੀਂ ਹੋਣਾ ਚਾਹੀਦਾ।ਅਮੀਰਾਤ ਏਅਰਲਾਈਨਜ਼ ਦੀ ਸਾਬਕਾ ਏਅਰ ਹੋਸਟੈਸ ਦਾ ਕਹਿਣਾ ਹੈ ਕਿ ਜਦੋਂ ਉਸਦਾ ਭਾਰ ਜ਼ਿਆਦਾ ਹੁੰਦਾ ਹੈ ਤਾਂ ਉਸਨੂੰ ਐਚਆਰ ਤੋਂ ਨਿਰਦੇਸ਼ਕ ਈਮੇਲਾਂ ਮਿਲਣੀਆਂ ਸ਼ੁਰੂ ਹੋ ਜਾਂਦੀਆਂ ਹਨ। ਇਨ੍ਹਾਂ ਵਿਚ ਚੌਲ-ਰੋਟੀ ਨਾ ਖਾਣ ਅਤੇ ਭਰਪੂਰ ਨੀਂਦ ਲੈਣ ਦੀ ਗੱਲ ਕਹੀ ਗਈ ਹੈ। ਉਡਾਣਾਂ ਦੇ ਵੱਖ-ਵੱਖ ਸਮੇਂ ਕਾਰਨ ਕਿਸੇ ਵੀ ਏਅਰ ਹੋਸਟੈੱਸ ਲਈ ਸਮੇਂ ਸਿਰ ਸੌਣਾ ਸੰਭਵ ਨਹੀਂ ਹੁੰਦਾ।
ਕੈਨੇਡਾ ਨੇ ਆਪਣੇ ਨਾਗਰਿਕਾਂ ਲਈ ਯੂਕਰੇਨ ਦੀ ਯਾਤਰਾ ਸਬੰਧੀ ਐਡਵਾਇਜ਼ਰੀ ਕੀਤੀ ਜਾਰੀ
NEXT STORY 
