ਟੋਕੀਓ: ਜਾਪਾਨ ਨੇ ਵੀਰਵਾਰ ਸਵੇਰੇ ਰਾਸ਼ਟਰੀ ਪੁਲਾੜ ਏਜੰਸੀ ਦੇ ਚੰਦਰਮਾ ਲੈਂਡਰ ਨੂੰ ਲਿਜਾਣ ਵਾਲਾ ਰਾਕੇਟ H-IIA ਲਾਂਚ ਕੀਤਾ। ਖ਼ਰਾਬ ਮੌਸਮ ਕਾਰਨ ਪਿਛਲੇ ਮਹੀਨੇ ਇੱਕ ਹਫ਼ਤੇ ਵਿੱਚ ਤਿੰਨ ਵਾਰ ਮਿਸ਼ਨ ਨੂੰ ਮੁਅੱਤਲ ਕਰਨ ਤੋਂ ਬਾਅਦ ਜਾਪਾਨ ਆਖਰਕਾਰ ਅਜਿਹਾ ਕਰਨ ਵਿੱਚ ਸਫਲ ਹੋ ਗਿਆ। ਇਹ ਲਾਂਚਿੰਗ ਤਾਨੇਗਾਸ਼ਿਮਾ ਸਪੇਸ ਸੈਂਟਰ ਤੋਂ H-IIA ਰਾਕੇਟ ਰਾਹੀਂ ਕੀਤੀ ਗਈ। ਵਾਰ-ਵਾਰ ਖਰਾਬ ਮੌਸਮ ਕਾਰਨ ਜਾਪਾਨੀ ਪੁਲਾੜ ਏਜੰਸੀ ਨੂੰ ਚੰਦਰਮਾ ਮਿਸ਼ਨ ਦੀ ਲਾਂਚ ਤਰੀਕ ਬਦਲਣੀ ਪਈ ਸੀ। ਰਾਕੇਟ ਜਾਪਾਨੀ ਏਰੋਸਪੇਸ ਐਕਸਪਲੋਰੇਸ਼ਨ ਏਜੰਸੀ (JAXA) ਦੁਆਰਾ ਲਾਂਚ ਕੀਤੇ ਜਾਣ ਵਾਲੇ ਚੰਦਰਮਾ ਮਿਸ਼ਨ 'ਮੂਨ ਸਨਾਈਪਰ' ਵਿੱਚ ਇੱਕ ਲੈਂਡਰ ਲੈ ਕੇ ਜਾਵੇਗਾ, ਜਿਸ ਦੇ ਚਾਰ ਤੋਂ ਛੇ ਮਹੀਨਿਆਂ ਵਿੱਚ ਚੰਦਰਮਾ ਦੀ ਸਤ੍ਹਾ 'ਤੇ ਪਹੁੰਚਣ ਦੀ ਉਮੀਦ ਹੈ।
ਜਾਪਾਨ ਦਾ ਚੰਦਰਮਾ ਮਿਸ਼ਨ ਬ੍ਰਹਿਮੰਡ ਦੇ ਵਿਕਾਸ ਦੀ ਜਾਂਚ ਕਰਨ ਲਈ ਤਿਆਰ ਕੀਤਾ ਗਿਆ ਐਕਸ-ਰੇ ਇਮੇਜਿੰਗ ਸੈਟੇਲਾਈਟ ਵੀ ਲੈ ਕੇ ਜਾਵੇਗਾ। ਇਵੈਂਟ ਨੂੰ JAXA ਦੇ YouTube ਚੈਨਲ 'ਤੇ ਲਾਈਵ ਸਟ੍ਰੀਮ ਕੀਤਾ ਗਿਆ ਸੀ, ਜਿਸ ਨੇ ਅੰਗਰੇਜ਼ੀ ਅਤੇ ਜਾਪਾਨੀ ਦੋਵਾਂ ਵਿੱਚ ਪ੍ਰਸਾਰਣ ਦੀ ਪੇਸ਼ਕਸ਼ ਕੀਤੀ ਸੀ। ਜਾਪਾਨ ਲੰਬੇ ਸਮੇਂ ਤੋਂ ਆਪਣੇ ਚੰਦਰਮਾ ਮਿਸ਼ਨ 'ਤੇ ਕੰਮ ਕਰ ਰਿਹਾ ਹੈ। ਜਾਪਾਨ ਦੇ ਚੰਦਰਮਾ ਮਿਸ਼ਨ ਵਿੱਚ ਕਈ ਚੀਜ਼ਾਂ ਸ਼ਾਮਲ ਹਨ। ਇਸ ਮਿਸ਼ਨ ਤਹਿਤ ਚੰਦਰਮਾ 'ਤੇ ਜਾਂਚ ਲਈ ਸਮਾਰਟ ਲੈਂਡਰ ਨੂੰ ਲੈਂਡ ਕੀਤਾ ਜਾਣਾ ਹੈ। ਜਾਪਾਨੀ ਪੁਲਾੜ ਏਜੰਸੀ ਐਚ2ਏ ਰਾਕੇਟ ਰਾਹੀਂ ਚੰਦਰਮਾ 'ਤੇ ਮੂਨ ਸਨਾਈਪਰ ਭੇਜ ਰਹੀ ਹੈ। ਮੂਨ ਸਨਾਈਪਰ 'ਚ ਉੱਚ ਤਕਨੀਕ ਵਾਲੇ ਕੈਮਰੇ ਲਗਾਏ ਗਏ ਹਨ, ਜੋ ਚੰਦਰਮਾ ਨੂੰ ਸਮਝਣ ਦਾ ਕੰਮ ਕਰਨਗੇ। SLIM ਦੀ ਚੰਦਰਮਾ ਦੀ ਲੈਂਡਿੰਗ ਅਗਲੇ ਸਾਲ ਦੀ ਸ਼ੁਰੂਆਤ ਲਈ ਤਹਿ ਕੀਤੀ ਗਈ ਹੈ।
ਪੜ੍ਹੋ ਇਹ ਅਹਿਮ ਖ਼ਬਰ-ਖ਼ਾਲਿਸਤਾਨੀ ਮੁੱਦੇ 'ਤੇ ਬ੍ਰਿਟਿਸ਼ PM ਰਿਸ਼ੀ ਸੁਨਕ ਦਾ ਵੱਡਾ ਬਿਆਨ, ਕਿਹਾ-'ਅੱਤਵਾਦ ਦਾ ਕੋਈ ਰੂਪ ਮਨਜ਼ੂਰਯੋਗ ਨਹੀਂ'
ਜਾਪਾਨ ਏਰੋਸਪੇਸ ਐਕਸਪਲੋਰੇਸ਼ਨ ਏਜੰਸੀ (JAXA) ਦੁਆਰਾ ਚੰਦਰਮਾ 'ਤੇ ਉਤਰਨ ਦੀ ਇਹ ਪਹਿਲੀ ਕੋਸ਼ਿਸ਼ ਹੈ। ਇਸ ਸਾਲ ਮਈ ਵਿੱਚ ਇੱਕ ਨਿੱਜੀ ਜਾਪਾਨੀ ਕੰਪਨੀ ਦੁਆਰਾ ਪਿਛਲੀ ਕੋਸ਼ਿਸ਼ ਅਸਫਲ ਹੋ ਗਈ ਸੀ। SLIM (ਚੰਦਰਮਾ ਦੀ ਜਾਂਚ ਲਈ ਸਮਾਰਟ ਲੈਂਡਰ) ਇੱਕ ਬਹੁਤ ਛੋਟਾ ਪੁਲਾੜ ਯਾਨ ਹੈ, ਜਿਸਦਾ ਵਜ਼ਨ ਲਗਭਗ 200 ਕਿਲੋਗ੍ਰਾਮ ਹੈ। ਇਸ ਦੇ ਮੁਕਾਬਲੇ ਚੰਦਰਯਾਨ-3 ਲੈਂਡਰ ਮਾਡਿਊਲ ਦਾ ਭਾਰ ਲਗਭਗ 1,750 ਕਿਲੋਗ੍ਰਾਮ ਹੈ। SLIM ਦਾ ਮੁੱਖ ਉਦੇਸ਼ ਚੁਣੀ ਗਈ ਸਾਈਟ ਦੇ 100 ਮੀਟਰ ਦੇ ਅੰਦਰ ਸਟੀਕ ਲੈਂਡਿੰਗ ਕਰਨਾ ਹੈ।
ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ
For Android:- https://play.google.com/store/apps/details?id=com.jagbani&hl=en
For IOS:- https://itunes.apple.com/in/app/id538323711?mt=8
ਨੋਟ- ਇਸ ਖ਼ਬਰ ਬਾਰੇ ਕੁਮੈਂਟ ਕਰ ਦਿਓ ਰਾਏ।
ਚੀਨ ’ਚ iPhone ’ਤੇ ਲੱਗੀ ਪਾਬੰਦੀ, ਸਰਕਾਰੀ ਕਰਮਚਾਰੀਆਂ ਨੂੰ ਇਸ ਦੀ ਵਰਤੋਂ ਨਾ ਕਰਨ ਦੇ ਹੁਕਮ
NEXT STORY 
