ਵਰਜੀਨੀਆ,(ਰਾਜ ਗੋਗਨਾ)— ਬੀਤੇ ਦਿਨੀਂ ਅਮਰੀਕਾ ਦੇ ਵਰਜੀਨੀਆ ਸੂਬੇ ਦੇ ਮਨਾਸਸ ਇਲਾਕੇ 'ਚ ਵਿਸਾਖੀ ਮਨਾਈ ਗਈ। ਵੱਡੀ ਗਿਣਤੀ 'ਚ ਪੰਜਾਬੀ ਇੱਥੇ ਪੁੱਜੇ। ਸਟੇਟ ਸੈਨੇਟਰ ਮਿਕ ਪਾਈਨ, ਸੁਪਰਵਾਈਜ਼ਰ ਮਾਰਟੀ ਨੋਈ ਅਤੇ ਡੀ. ਜੇ . ਜੋਰਡਨ ਨੇ ਸਭ ਨੂੰ ਵਿਸਾਖੀ ਦੀਆਂ ਵਧਾਈਆਂ ਦੇ ਨਾਲ ਸ਼ੁੱਭਕਾਮਨਾਵਾਂ ਵੀ ਸਾਂਝੀਆਂ ਕੀਤੀਆਂ । ਦੌੜਾਂ ਤੋਂ ਬਾਅਦ ਪੰਜਾਬੀ ਦੇ ਮਸ਼ਹੂਰ ਗਾਇਕ , ਲੇਖਕ ਅਤੇ ਫ਼ਿਲਮੀ ਕਲਾਕਾਰ ਰਾਜ ਕਾਕੜਾ ਵੱਲੋਂ ਪੰਜਾਬੀ ਗਾਣਿਆਂ ਨਾਲ ਸਟੇਜ ਦੀ ਸ਼ੁਰੂਆਤ ਕੀਤੀ ।ਗਾਣਿਆਂ ਦੀ ਸਮਾਪਤੀ ਤੋਂ ਬਾਅਦ ਰਾਜ ਕਾਕੜਾ ਵੱਲੋਂ ਕੌਮੀ ਅਤੇ ਜ਼ਮੀਨੀ ਪੱਧਰ 'ਤੇ ਪੰਜਾਬ ਦੇ ਮਸਲਿਆਂ ਨੂੰ ਅੰਤਰ-ਰਾਸ਼ਟਰੀ ਥਾਂ 'ਤੇ ਉਭਾਰਨ ਲਈ ਦਵਿੰਦਰ ਸਿੰਘ ਬਦੇਸ਼ਾ ,ਰਣਜੀਤ ਸਿੰਘ ਖਾਲਸਾ , ਗੁਰਵਿੰਦਰ ਸਿੰਘ ਪੰਨੂ , ਸਰਤਾਜ ਰੰਧਾਵਾ , ਕਮਲਜੀਤ ਸਿੰਘ ਬਾਜਵਾ , ਗੁਰਵਿੰਦਰ ਬੱਲ , ਇੰਦਰਜੀਤ ਸਿੰਘ ਰਾਣਾ ,ਪਰਮਜੀਤ ਸਿੰਘ ,ਮਹਿਤਾਬ ਸਿੰਘ ਕਾਹਲੋਂ ,ਸਪਨਾ ਭੋਗਲ ਅਤੇ ਪਰਮਜੀਤ ਕੌਰ ਢਿੱਲੋਂ ਨੇ ਗੁਰਦੁਆਰਾ ਸਾਹਿਬ ਜੀ ਵੱਲੋਂ ਯਾਦਗਾਰੀ ਸਨਮਾਨ ਚਿੰਨ੍ਹ ਨਾਲ ਉਨ੍ਹਾਂ ਦਾ ਸਨਮਾਨ ਕੀਤਾ ਗਿਆ ।
ਮੌਸਮ ਦੀ ਬੇਵਕਤ ਝੜੀ ਨਾਲ ਕਬੱਡੀ ਲਈ ਤਿਆਰ ਕੀਤਾ ਗਿਆ ਅਖਾੜਾ ਖ਼ਰਾਬ ਹੋਣ ਦੇ ਬਾਵਜੂਦ ਆਗਿਆਪਾਲ ਸਿੰਘ ਬਾਠ ਵੱਲੋਂ ਰੜੇ ਘਾਹ ਉੱਪਰ ਹੀ ਨੌਜਵਾਨਾਂ ਦੀ ਸਹਿਮਤੀ ਨਾਲ ਕਬੱਡੀ ਦੀ ਸੀਟੀ ਵਜਾ ਦਿੱਤੀ । ਕਬੱਡੀ ਵਿੱਚ ਹਿੱਸਾ ਲੈਣ ਲਈ ਟੋਰਾਂਟੋ ਅਤੇ ਮਿਸ਼ੀਗਨ ਤੋਂ ਖ਼ਾਸ ਮਹਿਮਾਨ ਟੀਮਾਂ ਨੇ ਚੜ੍ਹਦੀ ਕਲਾ ਸਪੋਰਟਸ ਕਲੱਬ ਵਰਜੀਨੀਆ ਦੀ ਟੀਮ ਸਭ 'ਚ ਜੋਸ਼ ਭਰ ਦਿੱਤਾ। ਮਿਸ਼ੀਗਨ ਦੇ ਨੌਜਵਾਨਾਂ ਨੇ ਪਹਿਲਾ ਸਥਾਨ ਵਰਜੀਨੀਆ ਨੇ ਦੂਸਰਾ ਅਤੇ ਟੋਰਾਂਟੋ ਨੇ ਤੀਸਰਾ ਸਥਾਨ ਹਾਸਲ ਕੀਤਾ ।ਸਾਰੀ ਕਬੱਡੀ ਦੀ ਕੁਮੈਂਟਰੀ ਆਗਿਆਪਾਲ ਬਾਠ ਵੱਲੋਂ ਬਹੁਤ ਖ਼ੂਬਸੂਰਤੀ ਨਾਲ ਕੀਤੀ ਗਈ ।
ਮੇਲੇ ਵਿੱਚ ਹਰਭਜਨ ਸਿੰਘ ਚਾਹਲ, ਅਮਰੀਕ ਸਿੰਘ ਕਾਹਲੋ , ਅਮਰ ਸਿੰਘ ਮੱਲੀ, ਮਨਰਾਜਵੀਰ ਸਿੰਘ ਕੰਗ , ਗੁਰਸ਼ਰਨ ਸਿੰਘ , ਪਰਮਜੀਤ ਕੌਰ , ਹਰਜਿੰਦਰ ਕੌਰ ,ਮਨਗੀਤ , ਹਰਜਿੰਦਰ ਦੇ ਨਾਲ ਨਾਲ ਪੰਜਾਬੀ ਮੰਚ ਅਤੇ ਪੰਜਾਬੀ ਮੰਚ ਮੈਰੀਲੈਂਡ ਜਿਸ ਵਿੱਚ ਸੰਧੂ ਬ੍ਰਦਰਜ਼ ਅਤੇ ਸਮੂੰਹ ਦੋਸਤਾਂ ਨੇ ਖ਼ਾਸ ਤੋਰ ਤੇ ਸ਼ਿਰਕਤ ਕੀਤੀ ਅਤੇ ਮੇਲੇ ਦਾ ਰੱਜ ਕੇ ਰੰਗ ਬੰਨ੍ਹਿਆ।
ਅਮਰੀਕਾ: ਸਿੱਖ ਸੈਂਟਰ ਵਰਜੀਨੀਆ ਨੇ ਮਨਾਇਆ ਖਾਲਸਾ ਸਾਜਨਾ ਦਿਵਸ
NEXT STORY 
