ਹੈਲਥ ਡੈਸਕ - 30 ਸਾਲ ਦੀ ਉਮਰ ਤੋਂ ਬਾਅਦ ਔਰਤਾਂ ਦੇ ਸਰੀਰ 'ਚ ਕਈ ਹਾਰਮੋਨਲ ਬਦਲਾਅ ਹੋਣੇ ਸ਼ੁਰੂ ਹੋ ਜਾਂਦੇ ਹਨ, ਜਿਸ ਕਾਰਨ ਹੱਡੀਆਂ ਦੀ ਘਣਤਾ ਘੱਟ ਸਕਦੀ ਹੈ। ਜੇਕਰ ਸਹੀ ਸਮੇਂ 'ਤੇ ਕੈਲਸ਼ੀਅਮ ਦੀ ਮਾਤਰਾ ਵੱਲ ਧਿਆਨ ਨਾ ਦਿੱਤਾ ਜਾਵੇ, ਤਾਂ ਔਰਤਾਂ ਨੂੰ ਓਸਟੀਓਪੋਰੋਸਿਸ, ਜੋੜਾਂ ਦੇ ਦਰਦ ਅਤੇ ਸਰੀਰਕ ਕਮਜ਼ੋਰੀ ਵਰਗੀਆਂ ਗੰਭੀਰ ਸਮੱਸਿਆਵਾਂ ਦਾ ਸਾਹਮਣਾ ਕਰਨਾ ਪੈ ਸਕਦਾ ਹੈ।
ਕੈਲਸ਼ੀਅਮ ਦੀ ਕਮੀ ਦੇ ਮੁੱਖ ਲੱਛਣ :-
- ਮਾਸਪੇਸ਼ੀਆਂ 'ਚ ਵਾਰ-ਵਾਰ ਖਿਚਾਅ ਜਾਂ ਐਂਠਨ ਹੋਣਾ।
- ਹੱਡੀਆਂ ਅਤੇ ਕਮਰ 'ਚ ਲਗਾਤਾਰ ਦਰਦ।
- ਨਹੁੰਆਂ ਦਾ ਕਮਜ਼ੋਰ ਹੋ ਕੇ ਟੁੱਟਣਾ।
- ਬਹੁਤ ਜ਼ਿਆਦਾ ਥਕਾਵਟ ਅਤੇ ਕਮਜ਼ੋਰੀ ਮਹਿਸੂਸ ਹੋਣਾ।
ਕਿੰਨੀ ਮਾਤਰਾ ਹੈ ਜ਼ਰੂਰੀ?
- 19 ਤੋਂ 50 ਸਾਲ ਦੀਆਂ ਔਰਤਾਂ ਨੂੰ ਰੋਜ਼ਾਨਾ ਲਗਭਗ 1000 ਮਿਲੀਗ੍ਰਾਮ ਕੈਲਸ਼ੀਅਮ ਦੀ ਲੋੜ ਹੁੰਦੀ ਹੈ। ਮੇਨੋਪੌਜ਼ (ਰਜੋਨਿਵਿਰਤੀ) ਤੋਂ ਬਾਅਦ ਇਹ ਲੋੜ ਵਧ ਕੇ 1200 ਮਿਲੀਗ੍ਰਾਮ ਤੱਕ ਹੋ ਜਾਂਦੀ ਹੈ।
ਹੱਡੀਆਂ ਨੂੰ ਮਜ਼ਬੂਤ ਬਣਾਉਣ ਵਾਲੇ ਮੁੱਖ ਆਹਾਰ
ਡੇਅਰੀ ਉਤਪਾਦ
- ਦੁੱਧ, ਦਹੀਂ ਅਤੇ ਪਨੀਰ ਕੈਲਸ਼ੀਅਮ ਦਾ ਸਭ ਤੋਂ ਵਧੀਆ ਸਰੋਤ ਹਨ। ਇਕ ਗਲਾਸ ਦੁੱਧ 'ਚ ਲਗਭਗ 250-300 ਮਿਲੀਗ੍ਰਾਮ ਕੈਲਸ਼ੀਅਮ ਹੁੰਦਾ ਹੈ।
ਹਰੀ ਪੱਤੇਦਾਰ ਸਬਜ਼ੀਆਂ
- ਪਾਲਕ, ਮੇਥੀ ਅਤੇ ਸੱਜਣ (ਮੋਰਿੰਗਾ) ਦੀਆਂ ਪੱਤੀਆਂ ਕੈਲਸ਼ੀਅਮ ਦੇ ਨਾਲ-ਨਾਲ ਖੂਨ ਦੀ ਕਮੀ ਨੂੰ ਦੂਰ ਕਰਨ 'ਚ ਵੀ ਮਦਦਗਾਰ ਹਨ।
ਬੀਜ ਤੇ ਮੇਵੇ
- ਚਿੱਟੇ ਤਿਲ, ਬਾਦਾਮ, ਚੀਆ ਸੀਡਜ਼ ਅਤੇ ਅਲਸੀ ਦੇ ਬੀਜਾਂ ਦਾ ਸੇਵਨ ਬਹੁਤ ਫਾਇਦੇਮੰਦ ਹੈ। ਰੋਜ਼ਾਨਾ ਇਕ ਚਮਚ ਤਿਲ ਜਾਂ 5-6 ਭਿੱਜੇ ਹੋਏ ਬਾਦਾਮ ਖਾਣ ਨਾਲ ਜੋੜਾਂ ਦੇ ਦਰਦ ਤੋਂ ਰਾਹਤ ਮਿਲਦੀ ਹੈ।
ਦਾਲਾਂ
- ਸੋਇਆਬੀਨ, ਰਾਜਮਾ ਅਤੇ ਚਨਾ ਵੀ ਕੈਲਸ਼ੀਅਮ ਦੇ ਵਧੀਆ ਸਰੋਤ ਹਨ।
ਵਿਟਾਮਿਨ D ਅਤੇ ਜੀਵਨਸ਼ੈਲੀ 'ਤੇ ਦਿਓ ਧਿਆਨ
ਸਰੀਰ ਵਿਚ ਕੈਲਸ਼ੀਅਮ ਨੂੰ ਸਹੀ ਤਰੀਕੇ ਨਾਲ ਜਜ਼ਬ (Absorb) ਕਰਨ ਲਈ ਵਿਟਾਮਿਨ D ਬਹੁਤ ਜ਼ਰੂਰੀ ਹੈ। ਇਸ ਲਈ ਰੋਜ਼ਾਨਾ 15-20 ਮਿੰਟ ਧੁੱਪ ਵਿਚ ਬੈਠਣਾ ਚਾਹੀਦਾ ਹੈ। ਇਸ ਤੋਂ ਇਲਾਵਾ, 30 ਤੋਂ ਵੱਧ ਉਮਰ ਦੀਆਂ ਔਰਤਾਂ ਨੂੰ ਰੋਜ਼ਾਨਾ ਹਲਕੀ ਕਸਰਤ ਜਾਂ ਸੈਰ ਕਰਨੀ ਚਾਹੀਦੀ ਹੈ ਅਤੇ ਜ਼ਿਆਦਾ ਨਮਕ ਜਾਂ ਜੰਕ ਫੂਡ ਤੋਂ ਪਰਹੇਜ਼ ਕਰਨਾ ਚਾਹੀਦਾ ਹੈ। ਮਾਹਿਰਾਂ ਦੀ ਸਲਾਹ ਹੈ ਕਿ ਬਿਨਾਂ ਡਾਕਟਰੀ ਸਲਾਹ ਦੇ ਕੋਈ ਵੀ ਕੈਲਸ਼ੀਅਮ ਸਪਲੀਮੈਂਟ ਨਾ ਲਿਆ ਜਾਵੇ।
ਘਰ ਦੀ ਸਫਾਈ ਨੂੰ ਆਸਾਨ ਅਤੇ ਮਜ਼ੇਦਾਰ ਬਣਾਉਣ ਲਈ ਅਪਣਾਓ ਇਹ ਖਾਸ ਟਿਪਸ
NEXT STORY 
