ਪਟਿਆਲਾ (ਰਾਜੇਸ਼ ਪੰਜੌਲਾ) - ਸ਼ਾਹੀ ਸ਼ਹਿਰ ਦੇ ਅਰਬਨ ਅਸਟੇਟ ਦੇ ਫੇਸ-2 ਵਿਖੇ ਪਟਿਆਲਾ ਡਿਵੈਲਪਮੈਂਟ ਅਥਾਰਟੀ (ਪੀ. ਡੀ. ਏ.) ਵੱਲੋਂ ਅਰਬਾਂ ਰੁਪਏ ਦੀ ਜ਼ਮੀਨ ਕੌਢੀਆਂ ਦੇ ਭਾਅ ਵੇਚਣ ਤੋਂ ਇਸ ਇਲਾਕੇ ਦੇ ਲੋਕ ਭੜਕ ਉੱਠੇ ਹਨ। ਲੋਕਾਂ ਨੇ ਇਸ ਡੀਲ ਨੂੰ ਰੱਦ ਕਰਵਾਉਣ ਅਤੇ ਪੂਰੇ ਮਾਮਲੇ ਦੀ ਜਾਂਚ ਕਰਵਾਉਣ ਨੂੰ ਲੈ ਕੇ ਪੰਜਾਬ ਦੇ ਮੁੱਖ ਮੰਤਰੀ ਭਗਵੰਤ ਮਾਨ, ਹਾਊਸਿੰਗ ਐਂਡ ਅਰਬਨ ਡਿਵੈਲਪਮੈਂਟ ਵਿਭਾਗ ਦੇ ਕੈਬਨਿਟ ਮੰਤਰੀ ਅਮਨ ਅਰੋੜਾ ਅਤੇ ਚੀਫ ਡਾਇਰੈਕਟਰ ਪੰਜਾਬ ਵਿਜੀਲੈਂਸ ਬਿਊਰੋ ਨੂੰ ਮੰਗ-ਪੱਤਰ ਭੇਜ ਕੇ ਉੱਚ ਪੱਧਰੀ ਜਾਂਚ ਦੀ ਮੰਗ ਕੀਤੀ ਹੈ।
ਇਸ ਮੰਗ-ਪੱਤਰ ’ਤੇ ਅਰਬਨ ਅਸਟੇਟ ਦੀਆਂ ਸਮੁੱਚੀਆਂ ਰੈਜੀਡੈਂਟ ਵੈੱਲਫੇਅਰ ਐਸੋਸੀਏਸ਼ਨਾਂ ਅਤੇ ਸੈਂਕੜੇ ਅਰਬਨ ਅਸਟੇਟ ਨਿਵਾਸੀਆਂ ਨੇ ਹਸਤਾਖ਼ਰ ਕੀਤੇ ਹੋਏ ਹਨ। ਲੋਕਾਂ ਨੇ ਆਪਣੀ ਸ਼ਿਕਾਇਤ ’ਚ ਕਿਹਾ ਕਿ ਅਰਬਨ ਅਸਟੇਟ ਫੇਸ-2 ਪਟਿਆਲਾ ਦੇ ਮੇਨ ਗੇਟ ਨੇੜੇ ਪੁੱਡਾ ਦੀ 2.25 ਏਕੜ ਕਮਰਸ਼ੀਅਲ ਜਗ੍ਹਾ ਪੀ. ਡੀ. ਏ. ਵੱਲੋਂ ਕਿਸੇ ਪ੍ਰਾਈਵੇਟ ਬਿਲਡਰ ਨੂੰ ਸਿਰਫ 36 ਕਰੋੜ ਰੁਪਏ ’ਚ ਵੇਚ ਦਿੱਤੀ ਗਈ ਹੈ।
ਬਿਲਡਰ ਵੱਲੋਂ ਇਸ ਜਗ੍ਹਾ ’ਤੇ ਬਹੁ-ਮੰਜ਼ਿਲਾ ਰਿਹਾਇਸ਼ੀ ਫਲੈਟ ਬਣਾਏ ਜਾਣਗੇ ਹਨ। ਇਹ ਜਗ੍ਹਾ ਪੰਜਾਬ ਵਿਧਾਨ ਸਭਾ ਚੋਣਾਂ 2022 ਤੋਂ ਕੁਝ ਸਮਾਂ ਪਹਿਲਾਂ ਹੀ ਵੇਚੀ ਗਈ ਹੈ। ਇਹ ਡੀਲ ਜਲਦਬਾਜ਼ੀ ’ਚ ਕੀਤੀ ਗਈ ਹੈ। ਪੁੱਡਾ ਦੀ ਇਹ ਜ਼ਮੀਨ 100 ਕਰੋੜ ਤੋਂ ਲੈ ਕੇ 150 ਕਰੋੜ ਤੱਕ ਦੀ ਹੈ ਕਿਉਂਕਿ ਇਥੇ ਮਾਰਕੀਟ ਰੇਟ ਕਾਫੀ ਜ਼ਿਆਦਾ ਹੈ। ਕੁਝ ਦਿਨ ਪਹਿਲਾਂ ਹੀ ਇਸ ਜਗ੍ਹਾ ਦੇ ਨਾਲ ਲੱਗਦੀ ਤੰਗ ਮੰਦਿਰ ਦੇ ਸਾਹਮਣੇ ਵਾਲੀ ਮਾਰਕੀਟ ’ਚ ਪੀ. ਡੀ. ਏ. ਵੱਲੋਂ ਬੂਥਾਂ ਤੇ ਸ਼ੌਅ ਰੂਮਾਂ ਦੀ ਨੀਲਾਮੀ ਕੀਤੀ ਗਈ ਸੀ। ਉਸ ਦਾ ਰਿਜ਼ਰਵ ਪ੍ਰਾਈਜ਼ 1 ਲੱਖ ਰੁਪਏ ਪ੍ਰਤੀ ਵਰਗ ਗਜ਼ ਸੀ।
ਜੇਕਰ ਇਹ ਜ਼ਮੀਨ ਇਸੇ ਕੀਮਤ ਦੇ ਹਿਸਾਬ ਨਾਲ ਵੇਚੀ ਜਾਂਦੀ ਤਾਂ ਪੀ. ਡੀ. ਏ. ਨੂੰ 150 ਕਰੋੜ ਤੋਂ ਵੱਧ ਦੀ ਆਮਦਨ ਹੋਣੀ ਸੀ। ਪੁੱਡਾ ਨੇ ਹਾਊਸਿੰਗ ਟਾਵਰ ਦੇ ਨਿਰਮਾਣ ਲਈ ਹੋਰ ਖ਼ਾਲੀ ਪਈਆਂ ਜ਼ਮੀਨਾਂ ਦਾ ਸਰਵੇ ਨਹੀਂ ਕੀਤਾ, ਜਦੋਂ ਕਿ ਫਲੈਟ ਉਥੇ ਬਣਦੇ ਹਨ, ਜਿਥੇ ਜਗ੍ਹਾ ਸਸਤੀ ਮਿਲਦੀ ਹੈ। ਇਸ ਬੇਸ਼ਕੀਮਤੀ ਜਗ੍ਹਾ ’ਤੇ ਪੁੱਡਾ ਕੋਈ ਵੀ ਬਹੁ-ਮੰਜ਼ਿਲਾ ਕਮਰਸ਼ੀਅਲ ਇਮਾਰਤ ਜਾਂ ਕੋਈ ਮਾਲ ਨੂੰ ਖੁੱਲ੍ਹੀ ਬੋਲੀ ਰਾਹੀਂ ਜਗ੍ਹਾ ਦੇ ਸਕਦੀ ਸੀ, ਜਿਸ ਤੋਂ ਕਾਫ਼ੀ ਕਮਾਈ ਹੋਣੀ ਸੀ। ਸਾਬਕਾ ਕਾਂਗਰਸ ਸਮੇਂ ਅਧਿਕਾਰੀਆਂ ਅਤੇ ਉਸ ਸਮੇਂ ਦੇ ਰਾਜਨੀਤਕ ਲੋਕਾਂ ਦੀ ਮਿਲੀਭੁਗਤ ਨਾਲ ਇਹ ਜ਼ਮੀਨ ਵੇਚੀ ਗਈ ਹੈ।
ਜੇਕਰ ਇਹ ਜ਼ਮੀਨ ਇਸੇ ਕੀਮਤ ਦੇ ਹਿਸਾਬ ਨਾਲ ਵੇਚੀ ਜਾਂਦੀ ਤਾਂ ਪੀ. ਡੀ. ਏ. ਨੂੰ 150 ਕਰੋੜ ਤੋਂ ਵੱਧ ਦੀ ਆਮਦਨ ਹੋਣੀ ਸੀ। ਪੁੱਡਾ ਨੇ ਹਾਊਸਿੰਗ ਟਾਵਰ ਦੇ ਨਿਰਮਾਣ ਲਈ ਹੋਰ ਖ਼ਾਲੀ ਪਈਆਂ ਜ਼ਮੀਨਾਂ ਦਾ ਸਰਵੇ ਨਹੀਂ ਕੀਤਾ, ਜਦੋਂ ਕਿ ਫਲੈਟ ਉਥੇ ਬਣਦੇ ਹਨ, ਜਿਥੇ ਜਗ੍ਹਾ ਸਸਤੀ ਮਿਲਦੀ ਹੈ। ਇਸ ਬੇਸ਼ਕੀਮਤੀ ਜਗ੍ਹਾ ’ਤੇ ਪੁੱਡਾ ਕੋਈ ਵੀ ਬਹੁ-ਮੰਜ਼ਿਲਾ ਕਮਰਸ਼ੀਅਲ ਇਮਾਰਤ ਜਾਂ ਕੋਈ ਮਾਲ ਨੂੰ ਖੁੱਲ੍ਹੀ ਬੋਲੀ ਰਾਹੀਂ ਜਗ੍ਹਾ ਦੇ ਸਕਦੀ ਸੀ, ਜਿਸ ਤੋਂ ਕਾਫ਼ੀ ਕਮਾਈ ਹੋਣੀ ਸੀ। ਸਾਬਕਾ ਕਾਂਗਰਸ ਸਮੇਂ ਅਧਿਕਾਰੀਆਂ ਅਤੇ ਉਸ ਸਮੇਂ ਦੇ ਰਾਜਨੀਤਕ ਲੋਕਾਂ ਦੀ ਮਿਲੀਭੁਗਤ ਨਾਲ ਇਹ ਜ਼ਮੀਨ ਵੇਚੀ ਗਈ ਹੈ।
ਅਰਬਨ ਅਸਟੇਟ ਨਿਵਾਸੀ ਮੰਗ ਕਰਦੇ ਹਨ ਕਿ ਇਸ ਫ਼ੈਸਲੇ ਦਾ ਰੀਵਿਊ ਕੀਤਾ ਜਾਵੇ ਅਤੇ ਇਸ ਮਾਮਲੇ ਦੀ ਉੱਚ ਪੱਧਰੀ ਜਾਂਚ ਕਰਵਾਈ ਜਾਵੇ। ਬਹੁ-ਮੰਜ਼ਿਲਾ ਫਲੈਟ ਬਣਨ ਨਾਲ ਅਰਬਨ ਅਸਟੇਟ ’ਚ ਰਹਿਣ ਵਾਲੇ ਲੋਕਾਂ ਦੀਆਂ ਸਮੱਸਿਆਵਾਂ ਵੱਧ ਜਾਣਗੀਆਂ ਅਤੇ ਪਾਰਕਿੰਗ ਸਮੱਸਿਆ ਪੈਦਾ ਹੋ ਜਾਵੇਗੀ। ਈਲੀਟ ਵੈੱਲਫੇਅਰ ਸੋਸਾਇਟੀ, ਟਰਾਈਸੈਂਟ ਅਰਬਨ ਅਸਟੇਟ ਵੈੱਲਫੇਅਰ ਐਸੋਸੀਏਸ਼ਨ ਫੇਸ-2, ਸੀਨੀਅਰ ਸਿਟੀਜ਼ਨ ਵੈੱਲਫੇਅਰ ਸੋਸਾਇਟੀ ਤੋਂ ਇਲਾਵਾ ਦਰਜਨਾਂ ਸੰਸਥਾਵਾਂ ਦੇ ਅਹੁਦੇਦਾਰਾਂ ਨੇ ਮੰਗ ਕੀਤੀ ਕਿ ਜੇਕਰ ਇਸ ਦੀ ਜਾਂਚ ਨਾ ਕੀਤੀ ਗਈ ਤਾਂ ਅਰਬਨ ਅਸਟੇਟ ਨਿਵਾਸੀ ਆਪਣੀਆਂ ਮੰਗਾਂ ਸਬੰਧੀ ਸੰਘਰਸ਼ ਕਰਨਗੇ ਅਤੇ ਹਾਈਕੋਰਟ ਦਾ ਦਰਵਾਜ਼ਾ ਖੜਕਾਉਣਗੇ।
ਪੰਜਾਬ ਵਿਧਾਨ ਸਭਾ 'ਚ ਕਾਂਗਰਸੀਆਂ ਦਾ ਜ਼ਬਰਦਸਤ ਹੰਗਾਮਾ, ਬੋਲੇ-ਮੰਤਰੀ ਫ਼ੌਜਾ ਸਿੰਘ ਸਰਾਰੀ ਨੂੰ ਗ੍ਰਿਫ਼ਤਾਰ ਕਰੋ
NEXT STORY