ਗੀਤ : ਇਸ਼ਕ ਤੇਰੇ ਦੀਆਂ ਬਾਤਾਂ
ੲਿਸ਼ਕ ਤੇਰੇ ਦੀਆਂ ਜੇ ਬਾਤਾਂ ਮੁੱਕਣ,
ਤਾਂ ਹੀ ਮੇਰੇ ਹੁੰਗ਼ਾਰੇ ਮੁੱਕਣ ..!!
ਰਾਤੀਂ ਜਾਗਾਂ ਨਾ..ਤਾਂ ਦੱਸ ਕਰਾਂ ਕੀ
ਗੀਤ ਹਿਜਰ ਦੇ ਆ ਦੁਆਰ ਢੁੱਕਣ..!!
ੲਿਸ਼ਕ ਤੇਰੇ ਦੀ......
ਰਾਤਾਂ ਦੀ ਰਾਣੀ ਜਦ ਮਹਿਕਾਂ ਛੱਡੇ
ਹਰ ਕਲੀ ਮੈਥੋਂ ਘੁੰਡ ਜਿਹਾ ਕੱਢੇ
ਦਿਲ ਦੇ ਜਖਮ ਉਚੇੜੇ, ਨਸ਼ਤਰ ਵੱਡੇ
ਲੂਣ ਆ ਚੰਨ ਸਿਤਾਰੇ ਭੁੱਕਣ
ਇਸ਼ਕ ਤੇਰੇ ਦੀਆਂ ਜੇ.----------
ਤੁਰ ਫਿਰ ਤਨਹਾ ਰਾਤਾਂ ਜਾਗ ਲੰਘਾਵਾਂ
ਗ਼ਜ਼ਲ਼ਾਂ ਗਾ ਗਾ ਜਿਹਨਾ 'ਚ ਲਿਖਦਾ ਜਾਵਾਂ
ਸ਼ਿਕਰੇ ਨੂੰ ਦਿਲ ਦਾ ਮੈਂ ਮਾਸ ਖੁਆਵਾਂ
ਪੋਟਾ ਪੋਟਾ ਬਿਰਹਾ ਦੀਆਂ ਚੁੰਝਾਂ ਟੁੱਕਣ
ਇਸ਼ਕ ਤੇਰੇ ਦੀਆਂ.---------------
ਯਾਦਾਂ ਆ ਆ ਚੁਫ਼ੇਰੇ ਝੁਰਮਟ ਪਾਲਣ
ਵੰਗਾਂ ਓਹ ਕਦੇ ਝਾਂਜਰ ਛਣਕਾਵਣ
ਅੱਧੀਆਂ ਰਾਤੀਂ ਆ ਆ ਖੋਹੀ ਲਾਵਣ
ਛੇੜ ਖਿਝਾਵਣ ਕੰਧਾਂ ਉਹਲੇ ਲੁੱਕਣ
ਇਸ਼ਕ ਤੇਰੇ ਦੀਆਂ...------------‐
ਕਵਿਤਾ ਦਾ ਸਿਰਜਣ ਕੋਹਲੂ ਦਾ ਪੀੜਣ
ਸੱਥਰ ਤੇ ਵੈਣ ਚਿਤਾਵਾਂ ਦਾ ਕੀਰਣ
"ਬਾਲੀ ਰੇਤਗੜੵ" ਖੁਦ ਹੀ ਜਿਗਰ ਦਾ ਚੀਰਨ
ਨਜ਼ਰਾਂ ਸਾਹਵੇਂ ਹੈ ਏ ਜਿਉਂਦੇ ਫੁਕਣ ..
ਇਸ਼ਕ ਤੇਰੇ ਦੀਆਂ‐‐‐‐‐‐‐‐‐‐‐‐‐‐
ਬਲਜਿੰਦਰ ਸਿੰਘ "ਬਾਲੀ ਰੇਤਗੜੵ"
9465129168
7087629168
baljinderbali68@gmail.com
ਸ਼ੂਗਰ ਦੇ ਮਰੀਜ਼ ਕੀ ਖਾਣ ਤੇ ਕਿਹੜੀਆਂ ਵਸਤੂਆਂ ਤੋਂ ਕਰਨ ਤੋਬਾ, ਜਾਣਨ ਲਈ ਪੜ੍ਹੋ ਇਹ ਖ਼ਬਰ
NEXT STORY 
