ਇੰਟਰਨੈਸ਼ਨਲ ਡੈਸਕ- ਚੀਨ ਦੀ ਇੱਕ ਪ੍ਰਮੁੱਖ ਤਕਨੀਕੀ ਕੰਪਨੀ ਨੇ ਆਪਣੇ ਕਰਮਚਾਰੀਆਂ ਨੂੰ ਬੋਨਸ ਵਜੋਂ ਇੱਕ ਅਨੋਖਾ ਅਤੇ ਕੀਮਤੀ ਤੋਹਫ਼ਾ ਦੇ ਕੇ ਸੁਰਖੀਆਂ ਬਟੋਰੀਆਂ ਹਨ। ਕੰਪਨੀ ਨੇ ਪ੍ਰੋਗਰਾਮਰ ਦਿਸਵ ਮੌਕੇ 'ਤੇ ਆਪਣੇ ਕਰਮਚਾਰੀਆਂ ਨੂੰ ਸੋਨੇ ਦੇ ਬਣੇ ਕੰਪਿਊਟਰ ਕੀਬੋਰਡ ਕੈਪਸ (Gold Keyboard Caps) ਦਿੱਤੇ।
ਸ਼ੇਨਝੇਨ, ਗੁਆਂਗਡੋਂਗ ਪ੍ਰਾਂਤ ਵਿੱਚ ਸਥਿਤ ਕੰਪਨੀ Insta360 ਨੇ ਇਸ ਅਨੋਖੇ ਬੋਨਸ ਨੂੰ ਸਿਰਫ਼ ਮਹਿੰਗਾ ਤੋਹਫ਼ਾ ਨਹੀਂ, ਸਗੋਂ ਕਰਮਚਾਰੀਆਂ ਲਈ ਆਰਥਿਕ ਸਥਿਰਤਾ ਦਾ ਇੱਕ ਮਾਧਿਅਮ ਦੱਸਿਆ ਹੈ।
ਕੰਪਨੀ ਨੇ ਪ੍ਰੋਗਰਾਮਰ ਦਿਵਸ (24 ਅਕਤੂਬਰ) ਦੇ ਮੌਕੇ 'ਤੇ ਕਈ ਉੱਤਮ ਕਰਮਚਾਰੀਆਂ ਨੂੰ ਕੁੱਲ 21 ਸੋਨੇ ਦੇ ਕੀਕੈਪਸ ਦੇ ਕੇ ਸਨਮਾਨਿਤ ਕੀਤਾ। ਇਨ੍ਹਾਂ ਕੀਕੈਪਸ ਦੀ ਕੀਮਤ ਬੇਹੱਦ ਆਕਰਸ਼ਕ ਹੈ। ਸਭ ਤੋਂ ਭਾਰੀ ਕੀਕੈਪ ਦਾ ਵਜ਼ਨ 35.02 ਗ੍ਰਾਮ ਦੱਸਿਆ ਗਿਆ ਹੈ। ਇਸ ਦਾ ਮੁੱਲ ਲਗਭਗ 320,000 ਯੂਆਨ ਹੈ, ਜੋ ਕਿ ਭਾਰਤੀ ਕਰੰਸੀ ਵਿੱਚ ਕਰੀਬ 40 ਲੱਖ ਰੁਪਏ ਬਣਦਾ ਹੈ।
ਇਹ ਵੀ ਪੜ੍ਹੋ- 2.5 ਕਰੋੜ ਕੈਸ਼ ਤੇ ਸਰਕਾਰੀ ਨੌਕਰੀ, ਵਿਸ਼ਵ ਕੱਪ ਜਿਤਾਉਣ ਵਾਲੀ ਇਸ ਖਿਡਾਰਣ ਦੀ ਚਮਕੀ ਕਿਸਮਤ
Insta360, ਜੋ ਕਿ 360-ਡਿਗਰੀ ਕੈਮਰਿਆਂ ਦੇ ਖੇਤਰ ਵਿੱਚ ਇੱਕ ਪ੍ਰਮੁੱਖ ਬ੍ਰਾਂਡ ਹੈ ਅਤੇ GoPro ਨੂੰ ਸਖ਼ਤ ਟੱਕਰ ਦਿੰਦਾ ਹੈ, ਪਿਛਲੇ ਚਾਰ ਸਾਲਾਂ ਤੋਂ ਲਗਾਤਾਰ ਆਪਣੇ ਸਟਾਫ ਨੂੰ ਇਸੇ ਤਰ੍ਹਾਂ ਦੇ ਸੋਨੇ ਦੇ ਕੀਕੈਪਸ ਪ੍ਰਦਾਨ ਕਰ ਰਹੀ ਹੈ। ਇਸ ਪਰੰਪਰਾ ਕਾਰਨ ਕੰਪਨੀ ਨੂੰ ਕਰਮਚਾਰੀਆਂ ਅਤੇ ਉਦਯੋਗ ਵਿੱਚ ਕਾਫ਼ੀ ਪ੍ਰਸ਼ੰਸਾ ਮਿਲੀ ਹੈ। ਸੋਨੇ ਦੇ ਬੋਨਸ ਦੇਣ ਦੀ ਇਸ ਨੀਤੀ ਕਾਰਨ ਇਸ ਨੂੰ ਤਕਨੀਕੀ ਉਦਯੋਗ ਵਿੱਚ 'ਗੋਲਡ ਫੈਕਟਰੀ' ਦੇ ਨਾਮ ਨਾਲ ਵੀ ਜਾਣਿਆ ਜਾਂਦਾ ਹੈ।
ਕੰਪਨੀ ਨੇ ਦੱਸਿਆ ਕਿ ਉਹ ਇਹ ਤੋਹਫ਼ੇ ਕਰਮਚਾਰੀਆਂ ਨੂੰ ਸੋਨੇ ਦੇ ਰੂਪ ਵਿੱਚ ਆਰਥਿਕ ਸੁਰੱਖਿਆ ਪ੍ਰਦਾਨ ਕਰਨ ਲਈ ਦਿੰਦੀ ਹੈ। ਪਿਛਲੇ ਕੁਝ ਸਾਲਾਂ ਵਿੱਚ ਕੁੱਲ 55 ਗੋਲਡ ਕੀਕੈਪਸ ਵੰਡੇ ਜਾ ਚੁੱਕੇ ਹਨ, ਅਤੇ ਸੋਨੇ ਦੀਆਂ ਵਧਦੀਆਂ ਕੀਮਤਾਂ ਕਾਰਨ ਇਨ੍ਹਾਂ ਦਾ ਮੁੱਲ ਪਹਿਲਾਂ ਨਾਲੋਂ ਦੁੱਗਣਾ ਹੋ ਗਿਆ ਹੈ।
ਇਹ ਵੀ ਪੜ੍ਹੋ- ਦੋ ਟ੍ਰੇਨਾਂ ਦੀ ਆਹਮੋ-ਸਾਹਮਣੇ ਹੋਈ ਭਿਆਨਕ ਟੱਕਰ, ਕਈ ਲੋਕਾਂ ਦੀ ਮੌਤ
ਕੰਪਨੀ ਆਪਣੇ ਕਰਮਚਾਰੀਆਂ ਨੂੰ ਪ੍ਰੇਰਿਤ ਰੱਖਣ ਲਈ ਹੋਰ ਮੌਕਿਆਂ 'ਤੇ ਵੀ ਗੋਲਡ ਗਿਫਟ ਦਿੰਦੀ ਹੈ:
• ਕੰਪਨੀ ਦੀ ਦਸਵੀਂ ਵਰ੍ਹੇਗੰਢ 'ਤੇ ਕਰਮਚਾਰੀਆਂ ਅਤੇ ਟ੍ਰੇਨੀਆਂ ਨੂੰ 0.36 ਗ੍ਰਾਮ ਦੇ ਸ਼ੁੱਧ ਸੋਨੇ ਦੇ ਸਟਿੱਕਰਾਂ ਵਾਲੇ ਗੋਲਡ ਬਲਾਈਂਡ ਬਾਕਸ ਦਿੱਤੇ ਗਏ ਸਨ।
• ਜਿਨ੍ਹਾਂ ਕਰਮਚਾਰੀਆਂ ਦਾ ਹਾਲ ਹੀ ਵਿੱਚ ਵਿਆਹ ਹੋਇਆ ਹੈ ਜਾਂ ਜਿਨ੍ਹਾਂ ਦੇ ਘਰ ਬੱਚੇ ਦਾ ਜਨਮ ਹੋਇਆ ਹੈ, ਉਨ੍ਹਾਂ ਨੂੰ 1 ਗ੍ਰਾਮ ਵਜ਼ਨ ਦਾ ਸ਼ੁੱਧ ਸੋਨੇ ਦਾ ਸਿੱਕਾ ਦਿੱਤਾ ਗਿਆ।
• ਸਾਲ ਦੇ ਅੰਤ ਦੀ ਪਾਰਟੀ ਵਿੱਚ 50 ਗ੍ਰਾਮ ਵਜ਼ਨ ਦੇ 999 ਗ੍ਰਾਮ ਸ਼ੁੱਧ ਸੋਨੇ ਦਾ ਮੁੱਖ ਪੁਰਸਕਾਰ ਵੀ ਦਿੱਤਾ ਜਾਂਦਾ ਹੈ।
ਇਨ੍ਹਾਂ ਬੋਨਸ ਗਿਫਟਸ ਦਾ ਉਦੇਸ਼ ਕਰਮਚਾਰੀਆਂ ਨੂੰ ਸਨਮਾਨਿਤ ਮਹਿਸੂਸ ਕਰਵਾਉਣਾ ਅਤੇ ਉਨ੍ਹਾਂ ਨੂੰ ਆਰਥਿਕ ਤੌਰ 'ਤੇ ਸੁਰੱਖਿਅਤ ਰੱਖਣਾ ਹੈ।
ਇਹ ਵੀ ਪੜ੍ਹੋ- ਮੁੰਡੇ ਤੋਂ ਕੁੜੀ ਬਣ ਕ੍ਰਿਕਟ ਦੇ ਮੈਦਾਨ 'ਤੇ ਪਰਤਿਆ ਇਹ ਖਿਡਾਰੀ, ਧੂਮ ਮਚਾ ਰਹੀ ਵੀਡੀਓ
ਇਨ੍ਹਾਂ ਦੋ ਬਲੱਡ ਗਰੁੱਪਾਂ ਵਾਲੇ ਲੋਕਾਂ ਦਾ ਦਿਮਾਗ ਚੱਲਦੈ ਸਭ ਤੋਂ ਤੇਜ਼, ਰਿਸਚਰ 'ਚ ਹੋਇਆ ਵੱਡਾ ਖੁਲਾਸਾ
NEXT STORY 
