ਨਵੀਂ ਦਿੱਲੀ— ਜੇਲ 'ਚ ਬੰਦ ਬਲਾਤਕਾਰੀ ਦੋਸ਼ੀ ਗੁਰਮੀਤ ਰਾਮ ਰਹੀਮ ਦੀ ਮੁੰਹ ਬੋਲੀ ਧੀ ਹਨੀਪ੍ਰੀਤ ਨੂੰ ਲੈ ਕੇ ਸੋਮਵਾਰ ਨੂੰ ਬਹੁਤ ਵੱਡੀ ਖਬਰ ਸਾਹਮਣੇ ਆਈ ਹੈ। ਦਿੱਲੀ 'ਚ ਹਨੀਪ੍ਰੀਤ ਦੇ ਵਕੀਲ ਨੇ ਹਨੀਪ੍ਰੀਤ ਨੂੰ ਲੈ ਕੇ ਵੱਡਾ ਖੁਲਾਸਾ ਕੀਤਾ ਹੈ। ਵਕੀਲ ਪ੍ਰਦੀਪ ਆਰਿਆ ਨੇ ਕਿਹਾ ਹੈ ਕਿ ਹਨੀਪ੍ਰੀਤ ਦਿੱਲੀ 'ਚ ਹੀ ਮੌਜੂਦ ਹੈ ਅਤੇ ਉਸਨੇ ਦਿੱਲੀ ਹਾਈ ਕੋਰਟ 'ਚ ਅਗਾਊਂ ਜ਼ਮਾਨਤ ਮੰਗ ਦਾਖਲ ਕੀਤੀ ਹੈ। ਜੇਕਰ ਅਦਾਲਤ ਕਹੇਗੀ ਤਾਂ ਹਨੀਪ੍ਰੀਤ ਨੂੰ 1 ਤੋਂ 2 ਘੰਟੇ ਦੇ ਅੰਦਰ ਪੇਸ਼ ਕਰ ਦੇਵਾਂਗੇ।
ਵਕੀਲ ਪ੍ਰਦੀਪ ਆਰਿਆ ਨੇ ਕਿਹਾ ਕਿ ਹਨੀਪ੍ਰੀਤ ਦਿੱਲੀ ਵਿੱਚ ਹੀ ਮੌਜੂਦ ਸੀ। ਹਨੀਪ੍ਰੀਤ ਉਨ੍ਹਾਂ ਦੇ ਦਫਤਰ ਆਈ ਅਤੇ ਜ਼ਮਾਨਤੀ ਅਰਜ਼ੀ 'ਤੇ ਦਸਤਖਤ ਵੀ ਕੀਤੇ। ਮੰਗਲਵਾਰ ਨੂੰ ਹੀ ਹਨੀਪ੍ਰੀਤ ਦੀ ਅਗਾਊਂ ਜ਼ਮਾਨਤ ਮੰਗ 'ਤੇ ਦਿੱਲੀ ਹਾਈ ਕੋਰਟ 'ਚ ਤੁਰੰਤ ਸੁਣਵਾਈ ਲਈ ਅਪੀਲ ਕੀਤੀ ਜਾਵੇਗੀ। ਹਨੀਪ੍ਰੀਤ ਨੇ ਆਪਣੇ ਵਕੀਲ ਨੂੰ ਇੱਕ ਹੋਰ ਵੱਡੀ ਗੱਲ ਕਹੀ। ਹਨੀਪ੍ਰੀਤ ਨੇ ਕਿਹਾ ਕਿ ਅੱਜ ਕੱਲ ਮੀਡੀਆ 'ਚ ਉਨ੍ਹਾਂ ਦੇ ਅਤੇ ਗੁਰਮੀਤ ਰਾਮ ਰਹੀਮ ਦੇ ਰਿਸ਼ਤੇ ਨੂੰ ਲੈ ਕੇ ਜੋ ਗੱਲਾਂ ਆ ਰਹੀ ਹਨ ਉਹ ਉਸ ਤੋਂ ਬੇਹੱਦ ਦੁਖੀ ਹਨ। ਹਨੀਪ੍ਰੀਤ ਨੇ ਆਪਣੇ ਵਕੀਲ ਨੂੰ ਕਿਹਾ ਕਿ ਉਸ ਦਾ ਅਤੇ ਰਾਮ ਰਹੀਮ ਦਾ ਪਿਤਾ ਅਤੇ ਧੀ ਦਾ ਹੀ ਰਿਸ਼ਤਾ ਹੈ।
ਹਰਿਆਣਾ ਪੁਲਸ ਨੇ ਹਨੀਪ੍ਰੀਤ ਖਿਲਾਫ ਲੁਕਆਉਟ ਨੋਟਿਸ ਜਾਰੀ ਕੀਤਾ ਹੋਇਆ ਹੈ ਅਤੇ ਪੁਲਸ ਉਸ ਨੂੰ ਲੱਭ ਰਹੀ ਹੈ ਪਰ ਹਨੀਪ੍ਰੀਤ ਨੇ ਦਿੱਲੀ 'ਚ ਜ਼ਮਾਨਤ ਅਰਜ਼ੀ ਦਰਜ ਕੀਤੀ ਹੈ ਮਤਲੱਬ ਹੁਣ ਉਨ੍ਹਾਂ ਅਫਵਾਹਾਂ 'ਤੇ ਫੁਲ ਸਟਾਪ ਲੱਗ ਗਿਆ ਜਿਸ 'ਚ ਕਿਹਾ ਜਾ ਰਿਹਾ ਸੀ ਕਿ ਹਨੀਪ੍ਰੀਤ ਦੇ ਨਾਲ ਕੁੱਝ ਗਲਤ ਹੋ ਗਿਆ ਹੈ, ਹਨੀਪ੍ਰੀਤ ਵਿਦੇਸ਼ ਭੱਜ ਗਈ ਹੈ।
ਬੀ. ਐੱਚ. ਯੂ. ਕੁਲਪਤੀ ਨੇ ਕਿਹਾ, ਵਿਦਿਆਰਥਣਾਂ 'ਤੇ ਨਹੀਂ ਹੋਇਆ ਲਾਠੀਚਾਰਜ
NEXT STORY 
