ਨੈਸ਼ਨਲ ਡੈਸਕ- ਭਾਰਤੀ ਹਵਾਈ ਫੌਜ ਅੱਜ ਯਾਨੀ ਵੀਰਵਾਰ ਨੂੰ 88ਵਾਂ ਸਥਾਪਨਾ ਦਿਵਸ ਮਨ੍ਹਾ ਰਾਹੀ ਹੈ। ਗਾਜ਼ੀਆਬਾਦ ਸਥਿਤ ਹਿੰਡਨ ਏਅਰ ਫੋਰਸ ਸਟੇਸ਼ਨ 'ਤੇ ਹਵਾਈ ਫ਼ੌਜ ਦਿਹਾੜਾ 'ਤੇ ਪ੍ਰੋਗਰਾਮ ਹੋ ਰਹੇ ਹਨ। ਹਵਾਈ ਫੌਜ ਭਾਰਤੀ ਹਥਿਆਰਬੰਦ ਫੌਜ ਦਾ ਇਕ ਅੰਗ ਹੈ, ਜੋ ਹਵਾਈ ਯੁੱਧ, ਹਵਾਈ ਸੁਰੱਖਿਆ ਅਤੇ ਹਵਾਈ ਚੌਕਸੀ ਦਾ ਮਹੱਤਵਪੂਰਨ ਕੰਮ ਦੇਸ਼ ਲਈ ਕਰਦੀ ਹੈ। ਸਵੇਰੇ 8 ਵਜੇ ਤੋਂ ਸ਼ੁਰੂ ਹੋਏ ਇਸ ਪ੍ਰੋਗਰਾਮ 'ਚ ਭਾਰਤੀ ਹਵਾਈ ਫੌਜ ਦੇ ਜਾਂਬਾਜ਼ ਆਪਣੀ ਤਾਕਤ ਦਾ ਪ੍ਰਦਰਸ਼ਨ ਕਰ ਰਹੇ ਹਨ, ਜੋ ਦੇਖਦੇ ਹੀ ਬਣਦਾ ਹੈ। ਹਿੰਡਨ ਏਅਰਫੋਰਸ ਸਟੇਸ਼ਨ 'ਤੇ ਹੋਏ ਇਸ ਪ੍ਰੋਗਰਾਮ ਕਾਰਨ ਗਾਜ਼ੀਆਬਾਦ ਸਮੇਤ ਕਈ ਹੋਰ ਇਲਾਕਿਆਂ 'ਚ ਟਰੈਫਿਕ ਰੂਟ 'ਚ ਤਬਦੀਲੀ ਕੀਤੀ ਗਈ ਸੀ। ਜਿਸ ਕਾਰਨ ਲੋਕਾਂ ਨੂੰ ਥੋੜ੍ਹੀਆਂ ਪਰੇਸ਼ਾਨੀਆਂ ਦਾ ਸਾਹਮਣਾ ਕਰਨਾ ਪੈ ਸਕਦਾ ਹੈ।
ਆਜ਼ਾਦੀ ਤੋਂ ਪਹਿਲਾਂ ਇਸ ਨਾਂ ਨਾਲ ਜਾਣੀ ਜਾਂਦੀ ਸੀ ਇੰਡੀਅਨ ਏਅਰਫੋਰਸ
ਇਹ ਤਾਂ ਅਸੀਂ ਜਾਣਦੇ ਹਾਂ ਕਿ ਭਾਰਤੀ ਹਵਾਈ ਫੌਜ ਭਾਰਤੀ ਹਥਿਆਰਬੰਦ ਫੌਜ ਦਾ ਇਕ ਬਹੁਤ ਹੀ ਮਹੱਤਵਪੂਰਨ ਅੰਗ ਹੈ ਪਰ ਬਹੁਤ ਘੱਟ ਲੋਕ ਇਹ ਜਾਣਦੇ ਹੋਣਗੇ ਕਿ ਸਾਡੀ ਭਾਰਤੀ ਹਵਾਈ ਫੌਜ ਨੂੰ ਆਜ਼ਾਦੀ ਤੋਂ ਪਹਿਲਾਂ ਕਿਸੇ ਹੋਰ ਨਾਂ ਨਾਲ ਪੁਕਾਰਿਆ ਜਾਂਦਾ ਸੀ। ਜੀ ਹਾਂ ਭਾਰਤੀ ਹਵਾਈ ਫੌਜ ਨੂੰ ਪਹਿਲਾਂ ਰਾਇਲ ਇੰਡੀਅਨ ਏਅਰਫੋਰਸ ਦੇ ਨਾਂ ਨਾਲ ਜਾਣਿਆ ਜਾਂਦਾ ਸੀ। 1950 ਤੋਂ ਬਾਅਦ ਇਨ੍ਹਾਂ 'ਚੋਂ ਰਾਇਲ ਸ਼ਬਦ ਹਟਾ ਕੇ ਇੰਡੀਅਨ ਏਅਰਫੋਰਸ ਕਰ ਦਿੱਤਾ ਗਿਆ।
ਫੌਜ ਦੀ ਤਾਕਤ ਤੋਂ ਅੱਜ ਤੱਕ ਡਰਦਾ ਹੈ ਪਾਕਿਸਤਾਨ
ਦੱਸਣਯੋਗ ਹੈ ਕਿ ਸਾਲ 1965 'ਚ ਛਿੜੇ ਭਾਰਤ-ਪਾਕਿ ਯੁੱਧ ਦੌਰਾਨ ਭਾਰਤੀ ਹਵਾਈ ਫੌਜ ਦੀ ਸਮਰੱਥਾ ਪਾਕਿਸਤਾਨ ਦੇ ਅੱਗੇ ਥੋੜ੍ਹੀ ਘੱਟ ਸੀ ਪਰ ਭਾਰਤੀ ਹਵਾਈ ਫੌਜ ਨੇ ਪਾਕਿਸਤਾਨੀ ਹਮਲੇ ਨੂੰ ਇਸ ਕਦਰ ਨਸ਼ਟ ਕੀਤਾ ਕਿ ਪਾਕਿਸਤਾਨ ਅੱਜ ਤੱਕ ਡਰਦਾ ਹੈ। 1971 ਭਾਰਤ-ਪਾਕਿ ਯੁੱਧ 'ਚ ਤਾਂ ਏਅਰਫੋਰਸ ਨੇ ਅਜਿਹੀ ਮਿਸਾਲ ਪੇਸ਼ ਕੀਤੀ, ਜਿਸ ਦਾ ਉਦਾਹਰਣ ਅੱਜ ਵੀ ਦਿੱਤਾ ਜਾਂਦਾ ਹੈ। ਇਸ ਯੁੱਧ ਦੌਰਾਨ ਭਾਰਤੀ ਹਵਾਈ ਫੌਜ ਨੇ 29 ਪਾਕਿਸਤਾਨੀ ਟੈਂਕਾਂ, 40 ਏ.ਪੀ.ਸੀ. ਅਤੇ ਇਕ ਟਰੇਨ ਨੂੰ ਤਬਾਹ ਕਰ ਦਿੱਤਾ ਸੀ।
ਹੁਣ ਤੱਕ 4 ਯੁੱਧ ਲੜ ਚੁਕੀ ਹੈ ਹਵਾਈ ਫੌਜ
ਭਾਰਤ ਦੀ ਆਜ਼ਾਦੀ ਤੋਂ ਲੈ ਕੇ ਹੁਣ ਤੱਕ ਭਾਰਤੀ ਹਵਾਈ ਫੌਜ ਚਾਰ ਯੁੱਧ ਲੜ ਚੁਕੀ ਹੈ, ਜਿਸ 'ਚ 3 ਪਾਕਿਸਤਾਨ ਅਤੇ ਇਕ ਚੀਨ ਨਾਲ ਲੜਿਆ ਗਿਆ ਹੈ। ਭਾਰਤੀ ਹਵਾਈ ਫੌਜ ਦੇ ਬੇੜੇ 'ਚ ਸੁਖੋਈ-30 ਐੱਮ.ਕੇ.ਆਈ., ਮਿਰਾਜ-2000, ਮਿਗ-29, ਮਿਗ-27, ਮਿਗ-21 ਅਤੇ ਜਗੁਆਰ ਫਾਈਟਰ ਪਲੇਨ ਹੈ, ਜਦੋਂ ਕਿ ਹੈਲੀਕਾਪਟਰ ਸ਼੍ਰੇਣੀ 'ਚ ਐੱਮ.ਆਈ.-25/35, ਐੱਮ.ਆਈ.-26, ਐੱਮ.ਆਈ.-17, ਚੇਤਕ ਅਤੇ ਚੀਤਾ ਹੈਲੀਕਾਪਟਰ ਹਨ, ਉੱਥੇ ਹੀ ਟਰਾਂਸਪੋਰਟ ਏਅਰਕ੍ਰਾਫਟ 'ਚ ਸੀ-130 ਜੇ, ਸੀ-17 ਗਲੋਬਮਾਸਟਰ, ਆਈ.ਐੱਲ.-76, ਏ.ਏ.-32 ਅਤੇ ਬੋਇੰਗ 737 ਵਰਗੇ ਪਲੇਨ ਸ਼ਾਮਲ ਹਨ।
ਏਅਰਫੋਰਸ ਡੇਅ 'ਤੇ ਫ਼ੌਜ ਮੁਖੀ ਭਦੌਰੀਆ ਨੇ ਭਰੀ ਹੁੰਕਾਰ, ਕਿਹਾ- ਅਸੀਂ ਦੁਸ਼ਮਣਾਂ ਨੂੰ ਜਵਾਬ ਦੇਣ ਲਈ ਪੂਰੀ ਤਰ੍ਹਾਂ ਤਿਆਰ
NEXT STORY 
