ਨਵੀਂ ਦਿੱਲੀ — ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਨੇ ਨਵੇਂ ਭਾਰਤ ਦੇ ਨਿਰਮਾਣ ਦੇ ਸੰਕਲਪ ਨੂੰ ਪੂਰਾ ਕਰਨ ਦੇ ਲਈ ਰਾਜਨੀਤਕ ਅਤੇ ਪ੍ਰਬੰਧਕੀ ਸਮਰੱਥਾ ਨੂੰ ਤਰਜੀਹ ਦਿੰਦੇ ਹੋਏ ਅੱਜ 4 ਰਾਜ ਮੰਤਰੀਆਂ ਨੂੰ ਉਨ੍ਹਾਂ ਦੇ ਵਧੀਆ ਪ੍ਰਦਰਸ਼ਨ ਲਈ ਉਨ੍ਹਾਂ ਨੂੰ ਸਨਮਾਨਤ ਕਰਕੇ ਕੈਬਨਿਟ ਮੰਤਰੀ ਬਣਾਇਆ ਅਤੇ ਚਾਰ ਸਾਬਕਾ ਨੌਕਰਸ਼ਾਹਾਂ ਸਮੇਤ 9 ਨਵੇਂ ਚਿਹਰਿਆਂ ਨੂੰ ਆਪਣੇ ਮੰਤਰੀ ਮੰਡਲ 'ਚ ਜਗ੍ਹਾ ਦਿੱਤੀ ਹੈ। ਮੋਦੀ ਨੇ ਕਈ ਮੰਤਰੀਆਂ ਨੂੰ ਵੱਡੀ ਜ਼ਿੰਮੇਵਾਰੀ ਸੌਂਪੀ ਹੈ। ਕੁੱਲ 13 ਮੰਤਰੀਆਂ ਨੇ ਅਹੁਦੇ ਅਤੇ ਗੁਪਤਤਾ ਦੀ ਸਹੁੰ ਚੁੱਕੀ। ਸਹੁੰ ਚੁੱਕ ਸਮਾਗਮ ਤੋਂ ਬਾਅਦ ਵਿਭਾਗਾਂ ਦੀ ਵੰਡ ਕੀਤੀ ਗਈ।
ਨਿਰਮਲਾ ਸੀਤਾਰਾਮ ਨੂੰ ਰੱਖਿਆ ਮੰਤਰਾਲਾ ਦਿੱਤਾ ਗਿਆ ਹੈ। ਨਿਰਮਲਾ ਪਹਿਲੀ ਪੂਰਾ ਸਮਾਂ ਮਹਿਲਾ ਰੱਖਿਆ ਮੰਤਰੀ ਬਣੀ ਹੈ। ਇਸ ਤੋਂ ਪਹਿਲਾਂ ਪ੍ਰਧਾਨ ਮੰਤਰੀ ਰਹਿੰਦੇ ਹੋਏ ਇੰਦਰਾ ਗਾਂਧੀ 2 ਵਾਰ ਇਸ ਵਿਭਾਗ ਨੂੰ ਸੰਭਾਲ ਚੁੱਕੀ ਹੈ। ਇਸ ਦੇ ਨਾਲ ਹੀ ਸੁਰੇਸ਼ ਪ੍ਰਭੂ ਦੇ ਰੇਲ ਮੰਤਰਾਲੇ ਛੱਡਣ ਦੇ ਬਾਅਦ ਪੀਯੂਸ਼ ਗੋਇਲ ਨੂੰ ਰੇਲ ਮੰਤਰੀ ਬਣਾਇਆ ਗਿਆ ਹੈ। ਪਿਯੂਸ਼ ਗਾਇਲ ਦੇ ਕੋਲ ਕੋਲਾ ਮੰਤਰਾਲਾ ਵੀ ਰਹੇਗਾ।
ਕਿਸ ਨੂੰ ਮਿਲੀ ਕਿਹੜੇ ਵਿਭਾਗ ਦੀ ਜ਼ਿੰਮੇਵਾਰੀ
1. ਧਰਮਿੰਦਰ ਪ੍ਰਧਾਨ — ਹੁਨਰ ਵਿਕਾਸ ਅਤੇ ਪੈਟ੍ਰੋਲਿਅਮ ਮੰਤਰਾਲਾ ਦਿੱਤਾ ਗਿਆ
2. ਪੀਯੂਸ਼ ਗੋਇਲ - ਰੇਲ ਮੰਤਰਾਲਾ
3. ਨਿਰਮਲਾ ਸੀਤਾਰਾਮ - ਰੱਖਿਆ ਮੰਤਰਾਲਾ
4. ਮੁਖਤਾਰ ਅੱਬਬਾਸ ਨਕਵੀ - ਘੱਟ ਗਿਣਤੀ ਮਾਮਲਿਆਂ ਬਾਰੇ ਮੰਤਰਾਲਾ
5. ਸੁਰੇਸ਼ ਪ੍ਰਭੂ - ਵਣਜ ਮੰਤਰਾਲਾ
6. ਸਮਰਿਤੀ ਇਰਾਨੀ - ਸੂਚਨਾ ਅਤੇ ਪ੍ਰਸਾਰਣ ਮੰਤਰਾਲਾ
7. ਨੀਤਿਨ ਗਡਕਰੀ - ਜਲ ਸਰੋਤ ਮੰਤਰਾਲਾ
8. ਉਮਾ ਭਾਰਤੀ - ਪੀਣ ਵਾਲੇ ਪਾਣੀ ਅਤੇ ਸੈਨੀਟੇਸ਼ਨ ਮੰਤਰਾਲਾ
ਰਾਜ ਮੰਤਰੀ
1. ਸ਼ਿਵ ਪ੍ਰਤਾਪ ਸ਼ੁਕਲਾ - ਵਿੱਤ ਮੰਤਰੀ
2. ਅਸ਼ਵਨੀ ਕੁਮਾਰ ਚੌਬੇ - ਸਿਹਤ ਅਤੇ ਪਰਿਵਾਰ ਕਲਿਆਣ ਮੰਤਰੀ
3. ਵੀਰੇਂਦਰ ਕੁਮਾਰ - ਮਹਿਲਾ ਅਤੇ ਬਾਲ ਸੁਧਾਰ ਮੰਤਰੀ
4. ਅਨੰਤ ਕੁਮਾਰ ਹੇਗੜੇ — ਹੁਨਰ ਵਿਕਾਸ ਮੰਤਰੀ
5. ਰਾਜਕੁਮਾਰ ਸਿੰਘ - ਊਰਜਾ ਅਤੇ ਨਵੀਣੀਕਰਣ ਊਰਜਾ ਮੰਤਰਾਲਾ
6. ਹਰਦੀਪ ਸਿੰਘ ਪੁਰੀ - ਮਕਾਨ ਅਤੇ ਸ਼ਹਿਰੀ ਮਾਮਲਿਆਂ ਦੇ ਮੰਤਰਾਲੇ
7. ਗਜਿੰਦਰ ਸਿੰਘ ਸ਼ੇਖਾਵਤ - ਖੇਤੀਬਾੜੀ ਅਤੇ ਕਿਸਾਨ ਕਲਿਆਣ ਮੰਤਰਾਲਾ
8. ਸੱਤਿਆਪਾਲ ਸਿੰਘ - ਐਚਆਰਡੀ ਮੰਤਰਾਲਾ
9. ਅਲਫੋਂਸ ਕੰਨਨਥਨਮ - ਸੈਰ-ਸਪਾਟਾ ਮੰਤਰਾਲਾ
ਸੈਲਫੀ ਦਾ ਸ਼ੌਕ ਪਿਆ ਮਹਿੰਗਾ, ਹਾਥੀ ਦੇ ਹੇਠਾਂ ਦੱਬ ਕੇ ਹੋਈ ਮੌਤ
NEXT STORY 
