ਤਿਰੁਅਨੰਤਪੁਰਮ (ਭਾਸ਼ਾ)- ਭਾਰਤ ਦੇ ਪਹਿਲੇ ਟਰਾਂਸਜੈਂਡਰ ਪਾਇਲਟ ਐਡਮ ਹੈਰੀ ਨੂੰ ਦੇਸ਼ ਦੇ ਹਵਾਬਾਜ਼ੀ ਰੈਗੂਲੇਟਰ ਤੋਂ ਸਪੱਸ਼ਟੀਕਰਨ ਮਿਲਣ ਦੇ ਬਾਵਜੂਦ ਜਹਾਜ਼ ਉਡਾਉਣ ਦੇ ਆਪਣੇ ਸੁਪਨੇ ਨੂੰ ਪੂਰਾ ਕਰਨ ਦੀ ਫ਼ਿਕਰ ਹੈ। ਉਨ੍ਹਾਂ ਦਾ ਕਹਿਣਾ ਹੈ ਕਿ ਡਾਇਰੈਕਟੋਰੇਟ ਜਨਰਲ ਆਫ ਸਿਵਲ ਐਵੀਏਸ਼ਨ (ਡੀ.ਜੀ.ਸੀ.ਏ.) ਨੇ ਸਪੱਸ਼ਟ ਕਰ ਦਿੱਤਾ ਹੈ ਕਿ ਹਾਰਮੋਨਲ ਥੈਰੇਪੀ ਲੈਣ ਵਾਲੇ ਵਿਅਕਤੀ ਨੂੰ ਜਹਾਜ਼ ਉਡਾਉਣ ਦੀ ਡਿਊਟੀ ਨਹੀਂ ਦਿੱਤੀ ਜਾ ਸਕਦੀ। ਇਸ ਦੇ ਨਾਲ ਹੀ ਡੀ.ਜੀ.ਸੀ.ਏ. ਨੇ ਕਿਹਾ ਹੈ ਕਿ ਟਰਾਂਸਜੈਂਡਰ ਲੋਕਾਂ ਦੇ ਪਾਇਲਟ ਬਣਨ 'ਤੇ ਕੋਈ ਪਾਬੰਦੀ ਨਹੀਂ ਹੈ ਅਤੇ ਹੈਰੀ ਨੂੰ ਵਪਾਰਕ ਪਾਇਲਟ ਦਾ ਲਾਇਸੈਂਸ ਲੈਣ ਲਈ ਮੈਡੀਕਲ ਜਾਂਚ ਲਈ ਦੁਬਾਰਾ ਅਰਜ਼ੀ ਦੇਣ ਲਈ ਕਿਹਾ ਹੈ। ਹੈਰੀ ਕੋਲ ਨਿੱਜੀ ਪਾਇਲਟ ਦਾ ਲਾਇਸੈਂਸ ਹੈ। ਉਨ੍ਹਾਂ ਕਿਹਾ ਕਿ ਰੈਗੂਲੇਟਰੀ ਬਾਡੀ ਦੇ ਭਰੋਸਾ ਦੇਣ ਵਾਲੇ ਸ਼ਬਦ ਵਿਰੋਧੀ ਹਨ ਕਿਉਂਕਿ ਉਹ ਸਪੱਸ਼ਟ ਕਰ ਚੁੱਕਾ ਹੈ ਕਿ 'ਹਾਰਮੋਨਲ ਰਿਪਲੇਸਮੈਂਟ ਥੈਰੇਪੀ' ਲੈਣ ਵਾਲੇ ਵਿਅਕਤੀ ਨੂੰ ਹਵਾਈ ਜਹਾਜ਼ ਉਡਾਉਣ ਦੀ ਇਜਾਜ਼ਤ ਨਹੀਂ ਦਿੱਤੀ ਜਾ ਸਕਦੀ। ਡੀ.ਜੀ.ਸੀ.ਏ. ਅਧਿਕਾਰੀਆਂ ਵਲੋਂ ਜਹਾਜ਼ ਉਡਾਣ ਦਾ ਲਾਇਸੈਂਸ ਪ੍ਰਾਪਤ ਕਰਨ ਲਈ ਹਾਰਮੋਨਲ ਥੈਰੇਪੀ ਬੰਦ ਕਰਨ ਲਈ ਕਹੇ ਜਾਣ 'ਤੇ ਹੈਰੀ ਨੇ ਉਡਾਣ ਸਿਖਲਾਈ ਸਕੂਲ ਵਿਚ ਦਾਖ਼ਲਾ ਲੈਣ ਲਈ ਦੱਖਣੀ ਅਫਰੀਕਾ ਜਾਣ ਦਾ ਫੈਸਲਾ ਕੀਤਾ ਹੈ।
ਇਹ ਵੀ ਪੜ੍ਹੋ : ਕਾਂਵੜ ਯਾਤਰਾ 'ਤੇ ਅੱਤਵਾਦੀ ਖ਼ਤਰਾ, ਕੇਂਦਰ ਨੇ ਸੁਰੱਖਿਆ ਵਧਾਉਣ ਦੇ ਦਿੱਤੇ ਨਿਰਦੇਸ਼
ਹੈਰੀ (23) ਨੇ ਇੰਟਰਵਿਊ 'ਚ ਕਿਹਾ,''ਟਰਾਂਸਜੈਂਡਰ ਲੋਕਾਂ ਨੂੰ ਜ਼ਿੰਦਗੀ ਭਰ ਹਾਰਮੋਨਲ ਥੈਰੇਪੀ ਲੈਣੀ ਪੈਂਦੀ ਹੈ। ਉਹ ਇਸ ਨੂੰ ਕਿਵੇਂ ਰੋਕ ਸਕਦੇ ਹਨ? ਇੱਥੇ ਭਾਰਤ 'ਚ ਉਹ ਚਾਹੁੰਦੇ ਹਨ ਕਿ ਮੈਂ ਲਾਇਸੈਂਸ ਲੈਣ ਲਈ ਹਾਰਮੋਨਲ ਥੈਰੇਪੀ ਲੈਣਾ ਬੰਦ ਕਰ ਦਿਆਂ ਅਤੇ ਇਹ ਇਕ ਥਕਾ ਦੇਣ ਵਾਲੀ ਲੜਾਈ ਰਹੀ ਹੈ।” ਉਸ ਨੇ ਰਾਜ ਸਰਕਾਰ ਦੀ ਮਦਦ ਨਾਲ ਇਥੇ 2019 'ਚ ਰਾਜੀਵ ਗਾਂਧੀ ਅਕੈਡਮੀ ਆਫ਼ ਐਵੀਏਸ਼ਨ ਟੈਕਨਾਲੋਜੀ 'ਚ ਦਾਖ਼ਲਾ ਲਿਆ ਸੀ ਪਰ ਡੀ.ਜੀ.ਸੀ.ਏ. ਨੇ ਡਾਕਟਰੀ ਮੁਲਾਂਕਣ ਦੀ ਸ਼ੁਰੂਆਤੀ ਸਮੀਖਿਆ ਦੌਰਾਨ ਉਸ ਨੂੰ ਮੈਡੀਕਲ ਸਰਟੀਫਿਕੇਟ ਦੇਣ ਤੋਂ ਇਨਕਾਰ ਕਰ ਦਿੱਤਾ ਸੀ ਅਤੇ ਬਾਅਦ 'ਚ ਉਸ ਨੂੰ ਜ਼ਮੀਨ 'ਤੇ ਡਾਕਟਰੀ ਜਾਂਚ ਲਈ ਦੁਬਾਰਾ ਅਰਜ਼ੀ ਦੇਣ ਲਈ ਕਿਹਾ ਸੀ। ਹੈਰੀ ਨੇ ਕਿਹਾ,''ਮੈਨੂੰ ਖੁਸ਼ੀ ਹੈ ਕਿ ਹੁਣ ਡੀ.ਜੀ.ਸੀ.ਏ. ਨੇ ਕਿਹਾ ਹੈ ਕਿ ਭਾਰਤ 'ਚ ਟਰਾਂਸਜੈਂਡਰ ਲੋਕਾਂ 'ਤੇ ਪਾਇਲਟ ਬਣਨ 'ਤੇ ਕੋਈ ਪਾਬੰਦੀ ਨਹੀਂ ਹੈ। ਇਹ ਚੰਗਾ ਹੈ ਕਿ ਉਸ ਨੇ ਅਧਿਕਾਰਤ ਤੌਰ 'ਤੇ ਇਹ ਕਿਹਾ ਹੈ ਕਿਉਂਕਿ ਇਸ ਨਾਲ ਟਰਾਂਸਜੈਂਡਰ ਲੋਕਾਂ ਦਾ ਮਨੋਬਲ ਵਧੇਗਾ ਜੋ ਆਪਣੇ ਸੁਪਨਿਆਂ ਨੂੰ ਪੂਰਾ ਕਰਨਾ ਚਾਹੁੰਦੇ ਹਨ।''
ਇਹ ਵੀ ਪੜ੍ਹੋ : ਮੁੜ ਸ਼ਰਮਸਾਰ ਹੋਈ ਦਿੱਲੀ, ਚੱਲਦੀ ਕਾਰ ’ਚ 10ਵੀਂ ਦੀ ਵਿਦਿਆਰਥਣ ਨੂੰ ਸ਼ਰਾਬ ਪਿਆ ਕੇ ਕੀਤਾ ਗੈਂਗਰੇਪ
ਹਾਲਾਂਕਿ, ਹੈਰੀ ਨੇ ਰੈਗੂਲੇਟਰ ਦੇ ਦਾਅਵੇ ਨੂੰ 'ਗੁੰਮਰਾਹ' ਕਰਨ ਕਿਹਾ ਕਿ ਉਸਨੇ ਆਪਣੇ ਵਿਦਿਆਰਥੀ ਪਾਇਲਟ ਲਾਇਸੈਂਸ ਦੀ ਵਰਤੋਂ ਕਰਦੇ ਹੋਏ ਲੋੜੀਂਦੇ ਫਲਾਇੰਗ ਘੰਟਿਆਂ ਨੂੰ ਪੂਰਾ ਨਹੀਂ ਕੀਤਾ, ਜੋ ਕਿ ਵਪਾਰਕ ਪਾਇਲਟ ਦੇ ਲਾਇਸੈਂਸ ਲਈ ਲੋੜੀਂਦਾ ਹੈ। ਮਹੱਤਵਪੂਰਨ ਗੱਲ ਇਹ ਹੈ ਕਿ ਇਕ ਪੁਰਸ਼ ਹੋਣ ਦੇ ਨਾਤੇ, ਹੈਰੀ ਇਕ ਵਪਾਰਕ ਪਾਇਲਟ ਵਜੋਂ ਭਾਰਤ ਵਿਚ ਇਕ ਜਹਾਜ਼ ਉਡਾਉਣ ਲਈ ਲੜਾਈ ਲੜ ਰਿਹਾ ਹੈ। ਇਸ ਮਾਮਲੇ 'ਤੇ ਪ੍ਰਤੀਕਿਰਿਆ ਦਿੰਦੇ ਹੋਏ ਕੇਰਲ ਦੇ ਉੱਚ ਸਿੱਖਿਆ ਮੰਤਰੀ ਆਰ. ਬਿੰਦੂ ਨੇ ਕਿਹਾ ਕਿ ਜਦੋਂ ਟਰਾਂਸਜੈਂਡਰ ਲੋਕਾਂ ਦੀ ਮਦਦ ਕਰਨ ਦੀ ਗੱਲ ਆਉਂਦੀ ਹੈ ਤਾਂ 'ਮੌਜੂਦਾ ਸਿਸਟਮ ਕਿੰਨਾ ਨਾਕਾਫੀ' ਹੈ।
ਇਹ ਵੀ ਪੜ੍ਹੋ : ਦਿੱਲੀ 'ਚ ਇਕ ਵਿਅਕਤੀ ਨੇ ਪਤਨੀ ਅਤੇ 2 ਧੀਆਂ ਦਾ ਗੋਲੀ ਮਾਰ ਕੇ ਕਤਲ ਕਰਨ ਤੋਂ ਬਾਅਦ ਕੀਤੀ ਖ਼ੁਦਕੁਸ਼ੀ
ਮੰਤਰੀ ਨੇ ਟਵੀਟ ਕੀਤਾ,''ਐਡਮ ਦੇ ਮਾਮਲੇ 'ਚ ਉਹ ਭਾਰਤ 'ਚ ਉਡਾਣ ਭਰਨ ਦੇ ਯੋਗ ਹੈ। ਅਮਰੀਕਾ ਅਤੇ ਦੱਖਣੀ ਅਫਰੀਕਾ ਵਰਗੇ ਦੇਸ਼ ਵੀ ਟਰਾਂਸਜੈਂਡਰ ਲੋਕਾਂ ਨੂੰ ਪਾਇਲਟ ਦਾ ਲਾਇਸੈਂਸ ਦਿੰਦੇ ਹਨ।'' ਜ਼ਿਕਰਯੋਗ ਹੈ ਕਿ ਖੱਬੇ ਪੱਖੀ ਸਰਕਾਰ ਨੇ ਹੈਰੀ ਨੂੰ ਸਕਾਲਰਸ਼ਿਪ ਦਿੰਦੇ ਹੋਏ ਰਾਜੀਵ ਗਾਂਧੀ ਏਵੀਏਸ਼ਨ ਅਕੈਡਮੀ ਨੂੰ ਪੈਸੇ ਦਿੱਤੇ ਸਨ ਪਰ ਹੁਣ ਹੈਰੀ ਦੇ ਕਹਿਣ 'ਤੇ ਇਹ ਪੈਸਾ ਵਾਪਸ ਲੈ ਲਿਆ ਹੈ ਅਤੇ ਪ੍ਰਕਿਰਿਆ ਦੱਖਣੀ ਅਫਰੀਕਾ 'ਚ ਇਕ ਸੰਸਥਾ ਨੂੰ ਇਸ ਫੀਸ ਦਾ ਭੁਗਤਾਨ ਕਰਨ ਦਾ ਕੰਮ ਚੱਲ ਰਿਹਾ ਹੈ। ਡੀ.ਜੀ.ਸੀ.ਏ. ਨੇ ਮੰਗਲਵਾਰ ਨੂੰ ਕਿਹਾ ਸੀ ਕਿ ਜੇਕਰ ਬਿਨੈਕਾਰ ਨੇ 'ਹਾਰਮੋਨਲ ਰਿਪਲੇਸਮੈਂਟ ਥੈਰੇਪੀ' (ਔਰਤ ਤੋਂ ਮਰਦ ਤੱਕ ਦੀ ਥੈਰੇਪੀ) ਲਈ ਹੈ ਅਤੇ ਇਸ ਦਾ ਉਸ 'ਤੇ ਕੋਈ ਬੁਰਾ ਪ੍ਰਭਾਵ ਨਹੀਂ ਪੈਂਦਾ ਹੈ, ਤਾਂ ਇਹ ਉਸ ਨੂੰ ਡਾਕਟਰੀ ਜਾਂਚ ਲਈ ਅਯੋਗ ਨਹੀਂ ਠਹਿਰਾਏਗਾ। ਇਸ ਨੇ ਕਿਹਾ ਸੀ ਕਿ ਹਾਲਾਂਕਿ, ਪਾਇਲਟ ਨੂੰ ਇਸ ਥੈਰੇਪੀ ਦੇ ਦੌਰਾਨ ਜਹਾਜ਼ ਨੂੰ ਉਡਾਉਣ ਦੀ ਇਜਾਜ਼ਤ ਨਹੀਂ ਦਿੱਤੀ ਜਾਵੇਗੀ।
ਨੋਟ : ਇਸ ਖ਼ਬਰ ਸੰਬੰਧੀ ਕੀ ਹੈ ਤੁਹਾਡੀ ਰਾਏ, ਕੁਮੈਂਟ ਬਾਕਸ 'ਚ ਦਿਓ ਜਵਾਬ
ਈ-ਆਟੋ ਰਿਕਸ਼ਾ ਨੇ ਕਸ਼ਮੀਰ ਦੇ ਲੋਕਾਂ ਦਾ ਸਫ਼ਰ ਕੀਤਾ ਆਸਾਨ, ਇੰਨਾ ਹੈ ਕਿਰਾਇਆ
NEXT STORY 
