ਸਿਡਨੀ- ਸੋਸ਼ਲ ਨੈੱਟਵਰਕਿੰਗ ਸਾਈਟ ਫੇਸਬੁੱਕ ਅਗਲੇ ਕੁਝ ਮਹੀਨਿਆਂ ਵਿਚ ਖੁਦਕੁਸ਼ੀ ਵੱਲ ਝੁਕ ਰਹੇ ਆਪਣੇ ਉਪਯੋਗਕਰਤਾ ਦੀ ਮਦਦ ਲਈ ਇਕ ਟੂਲ ਸ਼ੁਰੂ ਕਰੇਗੀ। ਫੇਸਬੁੱਕ ਦੇ ਇਕ ਅਧਿਕਾਰੀ ਨੇ ਇਸ ਦਾ ਐਲਾਨ ਕੀਤਾ।
ਅਮਰੀਕਾ ਵਿਚ ਪਹਿਲਾਂ ਹੀ ਸ਼ੁਰੂ ਕੀਤੇ ਜਾ ਚੁੱਕੇ ਇਸ ਟੂਲ ਦੀ ਮਾਨਸਿਕ ਮਾਹਿਰਾਂ ਨੇ ਕਾਫੀ ਪ੍ਰਸ਼ੰਸਾ ਕੀਤੀ ਅਤੇ ਹੁਣ ਇਸ ਨੂੰ ਆਸਟ੍ਰੇਲੀਆ ਵਿਚ ਸ਼ੁਰੂ ਕੀਤਾ ਜਾ ਰਿਹਾ ਹੈ। ਅਖਬਾਰ 'ਬ੍ਰਿਸਬੇਨ ਟਾਈਮਸ' ਵਿਚ ਸ਼ੁੱਕਰਵਾਰ ਨੂੰ ਪ੍ਰਕਾਸ਼ਿਤ ਰਿਪੋਰਟ ਅਨੁਸਾਰ ਇਹ ਟੂਲ ਆਪਣੇ ਉਪਯੋਗਕਰਤਾਵਾਂ ਨੂੰ ਚਿੰਤਾਜਨਕ ਪੋਸਟ ਬਾਰੇ ਰਿਪੋਰਟ ਕਰਦਾ ਹੈ।
ਇਸ ਤੋਂ ਬਾਅਦ ਉਨ੍ਹਾਂ ਚਿੰਤਾਜਨਕ ਪੋਸਟ ਦੀ ਫੇਸਬੁੱਕ ਸਮੀਖਿਆ ਕਰਦੀ ਹੈ ਅਤੇ ਪੋਸਟ ਪ੍ਰਸਾਰਿਤ ਕਰਨ ਵਾਲੇ ਉਪਯੋਗਕਰਤਾ ਨੂੰ ਸਲਾਹ ਦਿੰਦੀ ਹੈ, ਮਦਦ ਮੁਹੱਈਆ ਕਰਵਾਉਂਦੀ ਹੈ ਅਤੇ ਇਹ ਵੀ ਦੱਸਦੀ ਹੈ ਕਿ ਉਨ੍ਹਾਂ ਨੂੰ ਕਿਥੋਂ ਕਾਰੋਬਾਰੀ ਮਦਦ ਲੈਣੀ ਚਾਹੀਦੀ ਹੈ। ਆਸਟ੍ਰੇਲੀਆ ਅਤੇ ਨਿਊਜ਼ੀਲੈਂਡ ਦੀ ਪ੍ਰਧਾਨ ਮੀਆ ਗਾਰਲਿਕ ਨੇ ਕਿਹਾ ਕਿ ਇਸ ਟੂਲ ਨੂੰ ਕਾਫੀ ਹਾਂ ਪੱਖੀ ਪ੍ਰਤੀਕਿਰਿਆ ਮਿਲ ਰਹੀ ਹੈ ਅਤੇ ਆਸਟ੍ਰੇਲੀਆ ਵਿਚ ਇਸ ਟੂਲ ਨੂੰ ਅਗਲੇ ਕੁਝ ਮਹੀਨਿਆਂ ਵਿਚ ਸ਼ੁਰੂ ਕਰਨ ਜਾ ਰਹੇ ਹਾਂ।
ਆਈਫੋਨ ਯੂਜ਼ਰਸ ਨੂੰ ਜਲਦੀ ਮਿਲੇਗਾ Whatsapp ਦਾ ਇਹ ਖਾਸ ਫੀਚਰ (ਦੇਖੋ ਤਸਵੀਰਾਂ)
NEXT STORY 
