ਜਲੰਧਰ- ਅੱਜ ਦੇ ਸਮੇਂ 'ਚ ਬੱਚੇ ਅਤੇ ਨੌਜਵਾਨ ਪੀੜੀ ਦੀਆਂ ਅੱਖਾਂ ਦੀ ਰੋਸ਼ਨੀ ਘੱਟ ਰਹੀ ਹੈ, ਉੱਥੇ ਇੱਕ ਅਜਿਹਾ ਬਜ਼ੁਰਗ ਵੀ ਸੀ, ਜੋ 107 ਸਾਲ ਦੀ ਉਮਰ ਵਿੱਚ ਵੀ ਬਿਨਾਂ ਐਨਕਾਂ ਦੇ ਸੂਈ ਧਾਗਾ ਪਾ ਸਕਦੇ ਸੀ, ਪਰ ਅਫ਼ਸੋਸ ਦੀ ਗੱਲ ਇਹ ਰਹੀ ਕਿ ਸੋਮਵਾਰ ਸਵੇਰੇ ਚਾਰ ਵਜੇ ਬਜ਼ੁਰਗ ਉਜਾਗਰ ਰਾਮ ਚੈਂਬਰ ਨੇ ਘਰ 'ਚ ਆਖ਼ਰੀ ਸਾਹ ਲਿਆ। ਜਾਣਕਾਰੀ ਮੁਤਾਬਕ ਬਜ਼ੁਰਗ ਉਜਾਗਰ ਰਾਮ ਚੈਂਬਰ ਦੀ ਦੇਖਣ, ਸੁਣਨ ਅਤੇ ਸਮਝਣ ਦੀ ਸ਼ਕਤੀ ਨੌਜਵਾਨਾਂ ਨਾਲੋਂ ਕਾਫ਼ੀ ਵੱਧ ਸੀ।
ਇਹ ਵੀ ਪੜ੍ਹੋ- ਗੁਰਦਾਸਪੁਰ ਵਾਪਰਿਆ ਭਿਆਨਕ ਹਾਦਸਾ, ਈ-ਰਿਕਸ਼ਾ ’ਤੇ ਸਵਾਰ ਮਾਂ-ਧੀ ਦੀ ਮੌਤ
ਅਜਿਹਾ ਤੰਦਰੁਸਤ ਜੀਵਨ ਬਤੀਤ ਕਰਨ ਵਾਲੇ ਬਾਬਾ ਬੋਹੜ ਉਜਾਗਰ ਰਾਮ ਚੈਂਬਰ ਦੀਆਂ ਅੱਖਾਂ ਦਾਨ ਕੀਤੀਆਂ ਗਈਆਂ ਹਨ। ਉਨ੍ਹਾਂ ਕਿਹਾ ਕਿ ਉਨ੍ਹਾਂ ਨੇ ਲੰਮੇ ਸਮੇਂ ਤੋਂ ਇਨ੍ਹਾਂ ਅੱਖਾਂ ਰਾਹੀਂ ਦੁਨੀਆ ਨੂੰ ਦੇਖਿਆ ਹੈ। ਉਹ ਚਾਹੁੰਦਾ ਸੀ ਕਿ ਜਿਸ ਵਿਅਕਤੀ ਨੂੰ ਦਿਖਾਈ ਨਹੀਂ ਦਿੰਦਾ, ਉਸ ਨੂੰ ਅੱਖਾਂ ਦਾਨ ਕੀਤੀਆਂ ਜਾਣ। ਜਿਸ ਕਾਰਨ ਉਨ੍ਹਾਂ ਆਪਣੀਆਂ ਅੱਖਾਂ ਐੱਸ.ਪੀ. ਸਿੰਘ, ਕਰਮ ਚੰਦ ਸੇਂਖੋ ਦੀ ਅਗਵਾਈ ਹੇਠ ਦਾਨ ਕੀਤੀਆਂ। ਉਨ੍ਹਾਂ ਦੇ ਦੇਹਾਂਤ ਤੋਂ ਬਾਅਦ ਅੱਖਾਂ ਦਾਨ ਕਰਨ ਦੀ ਰਸਮ ਉਨ੍ਹਾਂ ਦੇ ਪੁੱਤਰਾਂ ਗੁਰਚਰਨ ਚੈਂਬਰ , ਨੀਲਮ, ਡਾ: ਰਾਜੀਵ ਚੈਂਬਰ ਅਤੇ ਡਾ: ਗੁਲਤਾਜ ਨੇ ਨਿਭਾਈ। ਐੱਸ. ਪੀ. ਸਿੰਘ ਨੇ ਕਿਹਾ ਕਿ ਉਜਾਗਰ ਰਾਮ ਚੈਂਬਰ ਵੱਲੋਂ ਅੱਖਾਂ ਦਾਨ ਕਰਨਾ ਹੋਰਨਾਂ ਲਈ ਵੀ ਪ੍ਰੇਰਨਾ ਸਰੋਤ ਹੈ।
ਇਹ ਵੀ ਪੜ੍ਹੋ- ਤਰਨਤਾਰਨ 'ਚ ਵੱਡੀ ਵਾਰਦਾਤ, ਫਤਿਆਬਾਦ ਦੀ ਸਬਜ਼ੀ ਮੰਡੀ 'ਚ ਕਿਸਾਨ 'ਤੇ ਚਲੀਆਂ ਅਨ੍ਹੇਵਾਹ ਗੋਲੀਆਂ
ਉਜਾਗਰ ਰਾਮ ਚੈਂਬਰ ਦਾ ਜਨਮ 03 ਜਨਵਰੀ 1914 ਨੂੰ ਪਿੰਡ ਉੜਾਪੜ, ਜ਼ਿਲ੍ਹਾ ਨਵਾਂ ਸ਼ਹਿਰ ਵਿਖੇ ਹੋਇਆ। ਉਨ੍ਹਾਂ ਦਾ ਵਿਆਹ 1937 ਵਿੱਚ ਕਰਤਾਰੀ ਦੇਵੀ ਨਾਲ ਹੋਇਆ ਸੀ। ਉਹ ਹਰ ਰੋਜ਼ ਸਵੇਰੇ ਜਲਦੀ ਉੱਠ ਕੇ ਸੈਰ ਕਰਨ ਜਾਂਦਾ ਸੀ। ਉਜਾਗਰ ਰਾਮ ਚੈਂਬਰ ਜਿਸ ਨੇ ਆਪਣੀ ਜ਼ਿੰਦਗੀ ਵਿਚ ਕਦੇ ਕੋਈ ਗੋਲੀ ਜਾਂ ਕੈਪਸੂਲ ਨਹੀਂ ਲਈ ਸੀ, ਕਦੇ ਹਸਪਤਾਲ ਵੀ ਨਹੀਂ ਗਿਆ ਸੀ। ਉਹ ਆਪਣੇ ਛੋਟੇ ਪੁੱਤਰ ਗੁਰਚਰਨ ਦਾਸ ਨਾਲ ਰਹਿ ਰਿਹਾ ਸੀ, ਜੋ ਉਪ ਆਬਕਾਰੀ ਕਰ ਕਮਿਸ਼ਨਰ ਵਜੋਂ ਸੇਵਾਮੁਕਤ ਹੋਇਆ ਸੀ। ਉਨ੍ਹਾਂ ਦਾ ਛੋਟਾ ਪੁੱਤਰ ਇਸ ਸਮੇਂ 75 ਸਾਲ ਦਾ ਹੈ ਅਤੇ ਵੱਡਾ ਵੱਡਾ 86 ਸਾਲ ਦਾ ਹੈ। ਉਨ੍ਹਾਂ ਦੇ ਪੁੱਤਰਾਂ ਦਾ ਕਹਿਣਾ ਹੈ ਕਿ ਉਨ੍ਹਾਂ ਦੇ ਪਿਤਾ ਨੇ ਇਸ ਉਮਰ ਵਿੱਚ ਅੱਖਾਂ ਦਾਨ ਕਰਨਾ ਲੋਕਾਂ ਨੂੰ ਸੇਧ ਦੇਣ ਵਾਲਾ ਕੰਮ ਹੈ। ਭਾਵੇਂ ਉਹ ਇਸ ਦੁਨੀਆਂ ਵਿੱਚ ਨਹੀਂ ਰਹੇ, ਫਿਰ ਵੀ ਉਹ ਕਿਸੇ ਨੂੰ ਅੱਖਾਂ ਦਾਨ ਕਰਕੇ ਇਸ ਦੁਨੀਆਂ ਵਿੱਚ ਜਿਉਂਦੇ ਰਹਿਣਗੇ।
ਇਹ ਵੀ ਪੜ੍ਹੋ- ਹਰੀਕੇ ਵੈਟਲੈਂਡ ਪੁੱਜੇ ਮਹਿਮਾਨ ਪੰਛੀ, ਦੇਖਣ ਵਾਲਿਆਂ ਦੀਆਂ ਲੱਗੀਆਂ ਰੌਣਕਾਂ, ਹੋਰ ਵੱਧਣ ਦੇ ਹਨ ਆਸਾਰ (ਤਸਵੀਰਾਂ)
ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ
For Android:- https://play.google.com/store/apps/details?id=com.jagbani&hl=en
For IOS:- https://itunes.apple.com/in/app/id538323711?mt=8
ਰਾਹੁਲ ਗਾਂਧੀ ਦੀ 3700 ਕਿਲੋ.ਮੀ. ਯਾਤਰਾ ਨੇ ਭਾਰਤ ਜੋੜੋ ਦਾ ਸੰਦੇਸ਼ ਦਿੱਤਾ ਸੀ : ਮਹਿੰਦਰ ਗਿਲਜੀਆਂ
NEXT STORY 
