ਬਠਿੰਡਾ (ਵਿਜੈ ਵਰਮਾ): ਬਠਿੰਡਾ ਜ਼ਿਲ੍ਹੇ ਵਿੱਚ ਇਸ ਵੇਲੇ ਗਰਮੀ ਅਤੇ ਲੂ ਆਪਣੀ ਚਰਮ ਹੱਦ 'ਤੇ ਹੈ। ਐਤਵਾਰ ਨੂੰ ਤਾਪਮਾਨ ਲਗਭਗ 45 ਡਿਗਰੀ ਸੈਲਸੀਅਸ ਤੱਕ ਪਹੁੰਚ ਗਿਆ ਹੈ ਤੇ ਮੌਸਮ ਵਿਭਾਗ ਵਲੋਂ ਆਉਣ ਵਾਲੇ 24 ਤੋਂ 48 ਘੰਟਿਆਂ ਲਈ ਹੀਟ ਵੇਵ ਅਲਰਟ ਜਾਰੀ ਕੀਤਾ ਗਿਆ ਹੈ। ਮਾਹਿਰਾਂ ਨੇ ਚੇਤਾਵਨੀ ਦਿੱਤੀ ਹੈ ਕਿ ਇਸ ਸਮੇਂ ਕੋਈ ਵੀ ਵੈਸਟਰਨ ਡਿਸਟਰਬੈਂਸ ਸਰਗਰਮ ਨਹੀਂ ਹੈ, ਜਿਸ ਕਰਕੇ ਨਾ ਤਾ ਵਰਖਾ ਦੀ ਉਮੀਦ ਹੈ ਤੇ ਨਾ ਹੀ ਬੱਦਲਾਂ ਤੋਂ ਕੋਈ ਰਹਤ ਮਿਲੇਗੀ। ਇਹ ਹਾਲਤ ਅਗਲੇ 5-6 ਦਿਨਾਂ ਤੱਕ ਬਣੀ ਰਹਿ ਸਕਦੀ ਹੈ। ਹਸਪਤਾਲਾਂ ਵਿੱਚ ਹੀਟ ਸਟਰੋਕ, ਡੀਹਾਈਡਰੇਸ਼ਨ ਦੇ ਮਰੀਜ਼ ਵਧ ਰਹੇ ਨੇ ਬਠਿੰਡਾ ਦੇ ਸਿਵਲ ਹਸਪਤਾਲ ਸਮੇਤ ਹੋਰ ਸਿਹਤ ਕੇਂਦਰਾਂ ਵਿੱਚ ਹੀਟ ਸਟਰੋਕ, ਪਾਣੀ ਦੀ ਕਮੀ (ਡੀਹਾਈਡਰੇਸ਼ਨ) ਅਤੇ ਬਲੱਡ ਪ੍ਰੈਸ਼ਰ ਵਾਲੇ ਮਰੀਜ਼ਾਂ ਦੀ ਗਿਣਤੀ ਤੇਜ਼ੀ ਨਾਲ ਵਧ ਰਹੀ ਹੈ। ਡਾਕਟਰਾਂ ਨੇ ਚੇਤਾਇਆ ਹੈ ਕਿ ਸਰੀਰ ਵਿੱਚ ਪਾਣੀ ਅਤੇ ਲੂਣ ਦਾ ਸੰਤੁਲਨ ਬਣਾਈ ਰੱਖਣਾ ਬਹੁਤ ਜ਼ਰੂਰੀ ਹੈ। ਸਿਹਤ ਵਿਭਾਗ ਵਲੋਂ ਲੋਕਾਂ ਨੂੰ ਦੋਪਹਿਰ 12 ਵਜੇ ਤੋਂ 4 ਵਜੇ ਤੱਕ ਘਰ ਤੋਂ ਬਾਹਰ ਨਾ ਨਿਕਲਣ ਦੀ ਸਖ਼ਤ ਸਲਾਹ ਦਿੱਤੀ ਗਈ ਹੈ। ਬੱਚੇ, ਬਜ਼ੁਰਗ ਅਤੇ ਬੀਮਾਰ ਲੋਕ ਸਭ ਤੋਂ ਵੱਧ ਖ਼ਤਰੇ 'ਚ ਇਸ ਤਾਪਮਾਨ ਦਾ ਸਭ ਤੋਂ ਵੱਧ ਪ੍ਰਭਾਵ ਬੱਚਿਆਂ, ਬਜ਼ੁਰਗਾਂ ਅਤੇ ਪਹਿਲਾਂ ਤੋਂ ਬੀਮਾਰ ਲੋਕਾਂ ਉੱਤੇ ਪੈ ਰਿਹਾ ਹੈ।
ਸਿਹਤ ਵਿਭਾਗ ਵਲੋਂ ਇਨ੍ਹਾਂ ਵਰਗਾਂ ਲਈ ਖ਼ਾਸ ਸਾਵਧਾਨੀ ਵਰਤਣ ਦੀ ਅਪੀਲ ਕੀਤੀ ਗਈ ਹੈ। ਸੜਕਾਂ ਸੁੰਨੀਆਂ, ਬਾਜ਼ਾਰਾਂ ਵਿੱਚ ਸੱਨਾਟਾ ਤਿੱਖੀ ਲੂ ਅਤੇ ਝੁਲਸਾਉਂਦੀ ਗਰਮੀ ਕਾਰਨ ਬਾਜ਼ਾਰਾਂ ਵਿੱਚ ਹੋਰ ਆਮ ਦਿਨਾਂ ਨਾਲੋਂ ਕਾਫੀ ਸੁੰਨਾਪਣ ਹੈ। ਲੋਕ ਕੇਵਲ ਜ਼ਰੂਰੀ ਕੰਮ ਲਈ ਹੀ ਘਰੋਂ ਨਿਕਲ ਰਹੇ ਹਨ। ਸੜਕਾਂ 'ਤੇ ਟ੍ਰੈਫਿਕ ਨਾ ਦੇ ਬਰਾਬਰ ਹੈ ਤੇ ਕਈ ਥਾਵਾਂ 'ਤੇ ਤਾਰਕੋਲ ਵੀ ਪਿਘਲਣ ਲੱਗ ਪਈ ਹੈ। ਪਸ਼ੂ-ਪੰਛੀ ਅਤੇ ਆਵਾਰਾ ਜਾਨਵਰ ਵੀ ਗਰਮੀ ਤੋਂ ਬੇਹਾਲ ਹੋਏ ਪਾਣੀ ਦੀ ਤਲਾਸ਼ 'ਚ ਘੁੰਮਦੇ ਨਜ਼ਰ ਆ ਰਹੇ ਹਨ। ਸਮਾਜਿਕ ਸੰਸਥਾਵਾਂ ਵੱਲੋਂ ਗਰਮੀ ਨੂੰ ਵੇਖਦੇ ਹੋਏ ਪਾਣੀ ਦੀ ਛਬੀਲਾਂ ਲਗਾਈਆਂ ਗਈਆਂ ਹਨ ਬਠਿੰਡਾ ਬੱਸ ਅੱਡੇ ਅਤੇ ਸ਼ਹਿਰ ਵਿੱਚ ਕਈ ਥਾਵਾਂ ਤੇ ਸਹਾਰਾ ਜਨ ਸੇਵਾ ,ਅਮਰਨਾਥ ਸੇਵਾ ਸੰਘ ,ਨੌਜਵਾਨ ਵੈਲਫੇਅਰ ਸੋਸਾਇਟੀ ,ਆਸਰਾ ਵੈਲਫੇਅਰ ਸੋਸਾਇਟੀ ਅਤੇ ਚਰਨ ਪਦ ਕਾ ਸ ਸੇਵਾ ਸੋਸਾਇਟੀ ਵੱਲੋਂ ਵੀ ਠੰਡੇ ਜਲ ਅਤੇ ਸਰਬਤ ਦੀਆਂ ਛਬੀਲਾਂ ਲਗਾਈਆਂ ਗਈਆਂ ਹਨ। ਬਿਜਲੀ ਦੀ ਅੱਖ ਮਿਚੌਲੀ ਨੇ ਮੁਸੀਬਤ ਵਧਾਈ ਜਦੋਂ ਬਿਜਲੀ ਨਹੀਂ ਆਉਂਦੀ ਤਾਂ ਕੁਲਰ ਤੇ ਏ.ਸੀ. ਵੀ ਨਹੀਂ ਚੱਲਦੇ, ਜਿਸ ਕਰਕੇ ਹਾਲਾਤ ਹੋਰ ਵੀ ਗੰਭੀਰ ਹੋ ਜਾਂਦੇ ਹਨ। ਕਈ ਇਲਾਕਿਆਂ ਵਿੱਚ ਬਿਜਲੀ ਦੀ ਅਣਿਸ਼ਚਿਤਤਾ ਲੋਕਾਂ ਲਈ ਦੋਹਰੀ ਮੁਸੀਬਤ ਬਣ ਗਈ ਹੈ।
ਲੋਕ ਛੱਤਾਂ 'ਤੇ ਪਾਣੀ ਛਿੜਕ ਕੇ ਜਾਂ ਕਮਰਿਆਂ ਵਿੱਚ ਗੀਲੇ ਕੱਪੜੇ ਟਾਂਗ ਕੇ ਠੰਢ ਪਾਉਣ ਦੀ ਕੋਸ਼ਿਸ਼ ਕਰ ਰਹੇ ਹਨ। ਘਰਾਂ ਵਿੱਚ ਅਪਣਾਓ ਇਹ ਘਰੇਲੂ ਉਪਾਅ: ਸਿਹਤ ਮਾਹਿਰਾਂ ਅਤੇ ਪ੍ਰਸ਼ਾਸਨ ਨੇ ਲੋਕਾਂ ਨੂੰ ਘਰ ਵਿੱਚ ਰਹਿ ਕੇ ਹੇਠ ਲਿਖੇ ਉਪਾਅ ਅਪਣਾਉਣ ਦੀ ਸਲਾਹ ਦਿੱਤੀ ਹੈ: ਨਿੰਬੂ ਪਾਣੀ, ਛਾਛ, ਨਾਰੀਅਲ ਪਾਣੀ ਤੇ ਆਮ ਪਾਣੀ ਦਾ ਲਗਾਤਾਰ ਸੇਵਨ ਕਰੋ ਹਲਕੇ ਸੁਤੀ ਕੱਪੜੇ ਪਹਿਨੋ ਵਾਰ-ਵਾਰ ਮੂੰਹ ਧੋਵੋ ਅਤੇ ਸਿਰ ਨੂੰ ਢੱਕ ਕੇ ਰੱਖੋ ਘਰਾਂ ਵਿੱਚ ਪਰਦੇ ਲਗਾਓ ਅਤੇ ਦੁਪਹਿਰ ਵਿੱਚ ਖਿੜਕੀਆਂ ਬੰਦ ਰੱਖੋ ਬੱਚਿਆਂ ਅਤੇ ਬਜ਼ੁਰਗਾਂ ਨੂੰ ਧੁੱਪ ਵਿੱਚ ਨਾ ਨਿਕਲਣ ਦਿਓ ਪ੍ਰਸ਼ਾਸਨ ਸਤਰਕ, ਲੋਕਾਂ ਤੋਂ ਸਹਿਯੋਗ ਦੀ ਅਪੀਲ ਪ੍ਰਸ਼ਾਸਨ ਵਲੋਂ ਹੀਟ ਵੇਵ ਅਲਰਟ ਦੇ ਮੱਦੇਨਜ਼ਰ ਰਾਹਤ ਉਪਾਆਂ 'ਤੇ ਨਜ਼ਰ ਰੱਖੀ ਜਾ ਰਹੀ ਹੈ। ਸਾਰੇ ਨਾਗਰਿਕਾਂ ਤੋਂ ਅਪੀਲ ਕੀਤੀ ਗਈ ਹੈ ਕਿ ਉਹ ਸਾਵਧਾਨ ਰਹਿਣ, ਸੁਰੱਖਿਅਤ ਰਹਿਣ ਅਤੇ ਸਿਹਤ ਵਿਭਾਗ ਦੀਆਂ ਹਦਾਇਤਾਂ ਦੀ ਪਾਲਣਾ ਕਰਨ। ਇਸ ਵੇਲੇ ਗਰਮੀ ਤੋਂ ਰਾਹਤ ਦੀ ਕੋਈ ਉਮੀਦ ਨਹੀਂ, ਐਸੇ ਵਿੱਚ ਸਾਵਧਾਨੀ ਹੀ ਬਚਾਅ ਹੈ" – ਡਾਕਟਰਾਂ ਦੀ ਸਲਾਹ।
ਆਪਣੀ ਹੀ ਧੀ ਬਣੀ ਹੈਵਾਨ! ਬਜ਼ੁਰਗ ਮਾਂ ਦੀ ਕੁੱਟਮਾਰ ਮਗਰੋਂ ਖੋਹੇ ਕੁੰਡਲ ਤੇ 30 ਹਜ਼ਾਰ ਰੁਪਏ, ਘਰੋਂ ਕੱਢਿਆ
NEXT STORY 
