ਸਪੋਰਟਸ ਡੈਸਕ : ਭਾਰਤ ਅਤੇ ਵੈਸਟਇੰਡੀਜ਼ ਦੇ 'ਚ ਵੀਰਵਾਰ ਨੂੰ ਖੇਡੇ ਗਏ ਮੁਕਾਬਲੇ ਦੇ ਦੌਰਾਨ ਤੇਜ਼ ਗੇਂਦਬਾਜ਼ ਮੁਹੰਮਦ ਸ਼ਮੀ ਨੇ ਵੈਸਟਇੰਡੀਜ਼ ਦੇ ਤੇਜ਼ ਗੇਂਦਬਾਜ਼ ਸ਼ੈਲਡਨ ਕੋਰਟੇਲ ਦੇ ਫੌਜੀ ਸਟਾਇਲ 'ਚ ਜਸ਼ਨ ਮਨਾਉਣ ਦਾ ਮਜ਼ਾਕ ਬਣਾਇਆ ਸੀ। ਅਜਿਹੇ 'ਚ ਕੋਰਟੇਲ ਨੇ ਸੋਸ਼ਲ ਮੀਡੀਆ 'ਤੇ ਇਸ ਦਾ ਜਵਾਬ ਦਿੰਦੇ ਹੋਏ ਕਿਹਾ ਨਕਲ ਕਰਨਾ ਹੀ ਸਭ ਤੋਂ ਵੱਡੀ ਚਾਪਲੂਸੀ ਹੈ।
ਕੋਟਰੇਲ ਨੇ ਟਵਿਟਰ 'ਤੇ ਜਵਾਬ ਦਿੰਦੇ ਹੋਏ ਲਿੱਖਿਆ, ਕਾਫ਼ੀ ਮਜਾ ਆਇਆ! ਸ਼ਾਨਦਾਰ ਗੇਂਦਬਾਜ਼ੀ। ਨਕਲ ਕਰਨਾ ਹੀ ਸਭ ਤੋਂ ਵੱਡੀ ਚਾਪਲੂਸੀ ਹੈ। ਕੋਟਰੇਲ ਨੇ ਇਸ ਦੇ ਨਾਲ ਹੀ ਇਸ ਮਾਮਲੇ 'ਚ ਕਿਸੇ ਵੀ ਤਰ੍ਹਾਂ ਦੇ ਵਿਵਾਦ ਨੂੰ ਸ਼ੁਰੂ ਹੋਣ ਤੋਂ ਪਹਿਲਾਂ ਹੀ ਖ਼ਤਮ ਕਰ ਦਿੱਤਾ। ਵੈਸਟਇੰਡੀਜ਼ ਦੀ ਪਾਰੀ ਦੇ ਦੌਰਾਨ ਜਦੋਂ ਕੋਟਰੇਲ ਆਉਟ ਹੋਏ ਤਾਂ ਮੁਹੰਮਦ ਸ਼ਮੀ ਨੇ ਉਨ੍ਹਾਂ ਦੇ ਸੈਲੀਬਰੇਸ਼ਨ ਸਟਾਇਲ ਨੂੰ ਕਾਪੀ ਕਰਦੇ ਹੋਏ ਉਨ੍ਹਾਂ ਦਾ ਮਜ਼ਾਕ ਉਡਾਇਆ ਸੀ। ਦਰਅਸਲ 30 ਓਵਰ 'ਚ ਯੂਜਵਿੰਦਰ ਚਹਿਲ ਨੇ ਕੋਰਟੇਲ ਨੂੰ ਐੱਲ. ਬੀ. ਡਬਲਿਊ. ਆਊਟ ਕੀਤਾ, ਪਰ ਕੋਟਰੇਲ ਨੂੰ ਲਗਾ ਕਿ ਉਹ ਆਊਟ ਨਹੀਂ ਹੈ ਤੇ ਇਸ ਤੋਂ ਬਾਅਦ ਡੀ. ਆਰ. ਐੱਸ. ਲੈ ਲਿਆ, ਪਰ ਥਰਡ ਅੰਪਾਇਰ ਨੇ ਵੀ ਮੈਦਾਨੀ ਅੰਪਾਇਰ ਦਾ ਫੈਸਲਾ ਨਹੀਂ ਬਦਲਿਆ ਤੇ ਕੋਟਰੇਲ ਨੂੰ ਪਵੇਲੀਅਨ ਪਰਤਨਾ ਪਿਆ।
ਹਾਲਾਂਕਿ ਜਦ ਕੋਟਰੇਲ ਦੇ ਆਊਟ ਹੋਣ ਤੋਂ ਬਾਅਦ ਭਾਰਤੀ ਖਿਡਾਰੀਆਂ ਦੇ ਖੁਸ਼ੀ ਮਨਾਉਣ ਦਾ ਰਿਪਲੇਅ ਵੀਡੀਓ ਚਲਾਈ ਗਈ ਤਾਂ ਉਸ 'ਚ ਸ਼ਮੀ ਵਲੋਂ ਉਨ੍ਹਾਂ ਦੇ ਸੈਲਿਊਟ ਸੈਲੀਬ੍ਰੇਸ਼ਨ ਨੂੰ ਕਾਪੀ ਕੀਤਾ ਗਿਆ ਸੀ ਜਿਸ ਨੂੰ ਵੇਖ ਕੇ ਟੀਮ ਦੇ ਸਾਥੀ ਖਿਡਾਰੀਆਂ ਦੇ ਨਾਲ ਵਿਰਾਟ ਕੋਹਲੀ ਵੀ ਆਪਣਾ ਹਾਸਾ ਨਹੀਂ ਰੋਕ ਸਕੇ।
ਪਾਕਿ ਮੁਦਰਾ ਡਿੱਗਣ ਕਾਰਨ ਭਾਰਤੀ ਖੇਡ ਉਤਪਾਦ ਇੰਡਸਟਰੀ ਨੂੰ ਝਟਕਾ
NEXT STORY