ਸੰਭਵ ਹੈ ਕਿ ਅਸੀਂ ਭਾਰਤੀਆਂ ਨੇ ਕਦੀ ਵਿਚਾਰ ਹੀ ਨਹੀਂ ਕੀਤਾ ਹੋਵੇਗਾ ਕਿ ਅਸੀਂ ਭਾਰਤ ਵਾਸੀਆਂ ਨੂੰ ਵਿਦੇਸ਼ੀ ਧਰਮਾਂ ਵਾਲਿਆਂ ਨੇ ਆਪਣੇ ਧਰਮ ’ਚ ਤਬਦੀਲ ਕਿਉਂ ਅਤੇ ਕਿਵੇਂ ਕਰ ਲਿਆ? ਵਿਦੇਸ਼ੀਆਂ ਨੇ ਸਾਨੂੰ ਤਬਦੀਲ ਇਸ ਲਈ ਕਰ ਲਿਆ ਕਿਉਂਕਿ ਅਸੀਂ ਉਨ੍ਹਾਂ ਨੂੰ ਤਬਦੀਲ ਨਹੀਂ ਕੀਤਾ (ਹਿੰਦੂ, ਸਿੱਖ, ਜੈਨ, ਬੋਧੀ ਨਹੀਂ ਬਣਾਇਆ) ਜੇ ਅਸੀਂ ਉਨ੍ਹਾਂ ਨੂੰ ਆਪਣੇ ਧਰਮ ’ਚ ਤਬਦੀਲ ਕੀਤਾ ਹੁੰਦਾ ਤਾਂ ਉਹ ਸਾਨੂੰ ਤਬਦੀਲ ਨਾ ਕਰ ਸਕਦੇ। ਮੇਰੀ ਗੱਲ ਵਿਲੱਖਣ ਅਤੇ ਨਵੀਂ ਹੋਣ ਕਾਰਨ ਸ਼ਾਇਦ ਤੁਹਾਨੂੰ ਪ੍ਰਵਾਨ ਨਹੀਂ ਹੋਵੇਗੀ। ਜੇ ਅਸੀਂ ਇਸ ਗੱਲ ’ਤੇ ਵਿਚਾਰ ਕਰਾਂਗੇ ਤਾਂ ਜ਼ਰੂਰ ਸਹਿਮਤ ਹੋ ਜਾਵਾਂਗੇ।
ਕੁਦਰਤ ਦਾ ਅਟਲ ਨਿਯਮ ਹੈ ਜੋ ਸਭ ਜੀਵਾਂ ’ਤੇ ਲਾਗੂ ਹੁੰਦਾ ਹੈ ‘ਖਾਓ, ਨਹੀਂ ਤਾਂ ਖਾਦੇ ਜਾਓਗੇ’ ਇਸ ਲਈ ਜੇ ਅਸੀਂ ਜ਼ਿੰਦਾ ਰਹਿਣਾ ਹੈ ਅਤੇ ਤਰੱਕੀ ਕਰਨੀ ਹੈ ਤਾਂ ਦੂਜਿਆਂ ਨੂੰ ਖਾਣਾ ਅਤਿਅੰਤ ਜ਼ਰੂਰੀ ਹੈ। ਸਭ ਜੀਵ ਕਿਸੇ ਨਾ ਕਿਸੇ ਰੂਪ ’ਚ ਅਜਿਹਾ ਕਰ ਕੇ ਹੀ ਜ਼ਿੰਦਾ ਰਹਿੰਦੇ ਹਨ। ਆਪਣੇ ਆਪ ਨੂੰ ਦਿਆਲੂ ਅਤੇ ਸੱਭਿਅਕ ਸਮਝਣ ਵਾਲੇ ਮਨੁੱਖ ਨੇ ਅੱਜ ਤੱਕ ਜਿੰਨੀ ਵੀ ਪ੍ਰਗਤੀ ਕੀਤੀ ਹੈ, ਉਸੇ ਕਾਰਨ ਉਹ ਧਰਤੀ ’ਤੇ ਰਾਜ ਕਰ ਰਿਹਾ ਹੈ। ਬਾਕੀ ਜੀਵਾਂ ਨੂੰ ਖਾ ਕੇ ਜਾਂ ਉਨ੍ਹਾਂ ਦੀ ਵਰਤੋਂ ਕਰ ਕੇ ਹੀ ਉਹ ਇੰਝ ਕਰ ਰਿਹਾ ਹੈ।
ਇਸੇ ਤਰ੍ਹਾਂ ਅੱਜ ਤੱਕ ਜਿੰਨੇ ਵੀ ਧਰਮਾਂ ਨੇ ਤਰੱਕੀ ਕੀਤੀ ਹੈ, ਦੂਜਿਆਂ ਨੂੰ ਖਾ ਕੇ (ਧਰਮ ਤਬਦੀਲ ਕਰਵਾ ਕੇ) ਹੀ ਕੀਤੀ ਹੈ। ਜ਼ਿੰਦਗੀ ਦੀ ਇਸ ਅਟੱਲ ਸੱਚਾਈ ਅਤੇ ਕੁਦਰਤ ਦੇ ਨਿਯਮਾਂ ਨੂੰ ਪ੍ਰਵਾਨ ਕਰਦੇ ਹੋਏ ਅਤੇ ਆਪਣੀ ਸੁਰੱਖਿਆ ਲਈ ਸਾਨੂੰ ਦੂਜਿਆਂ ’ਤੇ ਹਮਲਾ ਕਰਨਾ ਅਤਿਅੰਤ ਜ਼ਰੂਰੀ ਹੈ। ਅੰਗ੍ਰੇਜ਼ੀ ਦੀ ਇਕ ਕਹਾਵਤ ਹੈ ‘ Best defense is the best offence’ ਇਹ ਕਹਾਵਤ ਹਾਕੀ-ਫੁੱਟਬਾਲ ਖੇਡਣ ਵਾਲੇ ਖਿਡਾਰੀ ਵਰਤਦੇ ਰਹਿੰਦੇ ਹਨ।
ਇਸ ਦਾ ਭਾਵ ਹੈ ‘ਤੁਹਾਡੀ ਸੁਰੱਖਿਆ ਉਦੋਂ ਹੀ ਹੈ ਜਦੋਂ ਤੁਸੀਂ ਦੂਜੀ ਟੀਮ ’ਤੇ ਹਮਲਾਵਰ ਰੁਖ ਅਪਣਾ ਕੇ ਰੱਖੋਗੇ ਤਾਂ ਜੋ ਉਨ੍ਹਾਂ ਦੀ ਗੇਂਦ ਸਾਡੇ ਵੱਲ ਹੀ ਨਾ ਆਵੇ।’ ਇਸੇ ਤਰ੍ਹਾਂ ਕੁਦਰਤ ਦਾ ਇਹ ਨਿਯਮ ਹੈ ਕਿ ਹਮਲਾ ਇੰਨਾ ਕੁ ਕਰ ਕੇ ਰੱਖੋ ਕਿ ਦੂਜਾ ਤੁਹਾਡੇ ਵੱਲ ਆ ਹੀ ਨਾ ਸਕੇ।
ਅਸੀਂ ਭਾਰਤ ਵਾਸੀ ਧਰਮਾਂ ਨੇ ਹਮਲਾ ਤਾਂ ਕੀ ਕਰਨਾ ਸੀ, ਅਸੀਂ ਤਾਂ ਜੋ ਵਿਦੇਸ਼ੀ ਧਰਮ ਆਏ, ਉਨ੍ਹਾਂ ਨੂੰ ਸ਼ਰਨ ਦੇ ਕੇ ਉਨ੍ਹਾਂ ਨੂੰ ਹੀ ਪ੍ਰਫੁੱਲਿਤ ਕਰ ਦਿੱਤਾ। ਵਿਦੇਸ਼ੀ ਧਰਮਾਂ ਦੇ ਪ੍ਰਚਾਰ ਲਈ ਭਾਰਤੀ ਰਾਜਿਆਂ ਨੇ ਉਨ੍ਹਾਂ ਨੂੰ ਧਰਮ-ਅਸਥਾਨ ਬਣਵਾ ਕੇ ਦਿੱਤੇ ਅਤੇ ਆਪਣੇ ਉਪਰ ਹਮਲਾ ਕਰਨ ਲਈ ਹਰ ਤਰ੍ਹਾਂ ਨਾਲ ਉਨ੍ਹਾਂ ਦੀ ਮਦਦ ਕੀਤੀ। ਉਨ੍ਹਾਂ ਦਾ ਟੈਕਸ ਮੁਆਫ ਕਰ ਦਿੱਤਾ ਜਦੋਂ ਕਿ ਭਾਰਤ ਵਾਸੀਆਂ ਦਾ ਨਹੀਂ ਕੀਤਾ।
ਪ੍ਰਿਥਵੀ ਰਾਜ ਚੌਹਾਨ ਨੇ ‘ਮੁਹੰਮਦ ਗੌਰੀ’ ਅਤੇ ਰਾਜਾ ਰਤਨ ਰਾਓ ਨੇ ‘ਅਲਾਊਦੀਨ ਖਿਲਜੀ’ ਵਰਗੇ ਵਿਦੇਸ਼ੀ ਧਰਮਾਂ ਵਾਲੇ ਵਿਦੇਸ਼ੀ ਹਮਲਾਵਰ ਵਿਰੋਧੀਆਂ ਨੂੰ ਜ਼ਿੰਦਾ ਛੱਡ ਦਿੱਤਾ। ਸਾਡੀਆਂ ਅਜਿਹੀਆਂ ਗਲਤੀਆਂ ਕਾਰਨ ਹੀ ਵਿਦੇਸ਼ੀ ਧਰਮਾਂ ਵਾਲੇ ਲੋਕ (ਮੁਹੰਮਦ ਗੌਰੀ ਅਤੇ ਅਲਾਊਦੀਨ ਖਿਲਜੀ) ਆਦਿ ਸਾਡੇ ਰਾਜਾ ਬਣੇ ਅਤੇ ਉਨ੍ਹਾਂ ਦੇ ਰਾਜਾ ਬਣਨ ਨਾਲ ਵਿਦੇਸ਼ੀ ਧਰਮ ਭਾਰਤ ’ਚ ਪ੍ਰਫੁੱਲਿਤ ਹੋ ਗਏ।
ਵਿਦੇਸ਼ੀ ਲੋਕਾਂ ਨੇ ਸਾਡੇ ਭਾਰਤੀਆਂ ’ਤੇ ਕਾਬਜ਼ ਹੋ ਕੇ, ਸਾਡੇ ਦੇਸ਼ ਨੂੰ ਗੁਲਾਮ ਬਣਾਇਆ ਅਤੇ ਭਾਰਤੀਆਂ ਕੋਲੋਂ ਹੀ ਟੈਕਸ ਲੈ ਕੇ ਉਸੇ ਆਮਦਨ ਨਾਲ ਸਾਡੇ ਭਾਰਤੀਆਂ ਦਾ ਧਰਮ ਤਬਦੀਲ ਕਰ ਦਿੱਤਾ ਅਤੇ ਸਾਡੀ ਸੱਭਿਅਤਾ ਨਸ਼ਟ ਕਰ ਦਿੱਤੀ ਹੈ।
ਸਭ ਜੀਵਾਂ ’ਤੇ ਲਾਗੂ ਹੋਣ ਵਾਲੀ ਕੁਦਰਤ ਦੇ ਅਟੱਲ ਨਿਯਮਾਂ ਨੂੰ ਸਾਨੂੰ ਵੀ ਪ੍ਰਵਾਨ ਕਰ ਲੈਣਾ ਚਾਹੀਦਾ ਹੈ ਕਿ ਹਮਲਾਵਰ ਬਣ ਕੇ ਰਹੋਗੇ ਤਾਂ ਹੀ ਤੁਹਾਡੀ ਸੁਰੱਖਿਆ ਹੋਵੇਗੀ। ਜੇ ਤੁਸੀਂ ਹਮਲਾ ਨਹੀਂ ਕਰੋਗੇ ਤਾਂ ਦੂਜੇ ਤੁਹਾਡੇ ’ਤੇ ਹਮਲਾ ਕਰ ਦੇਣਗੇ। ਇਸ ਲਈ ਭਾਰਤੀ ਧਰਮਾਂ ਨੂੰ ਤਬਦੀਲ ਹੋਣ ਤੋਂ ਰੋਕਣ ਲਈ ਅਸੀਂ ਧਰਮ ਤਬਦੀਲ ਕਰਨ ਵਾਲਿਆਂ ਦਾ ਹੀ ਧਰਮ ਤਬਦੀਲ ਕਰ ਕੇ ਉਨ੍ਹਾਂ ਨੂੰ ਆਪਣੇ ਧਰਮ ’ਚ ਸ਼ਾਮਲ ਕਰੀਏ। ਹੁਣ ਵੀ ਸਾਨੂੰ ਇੰਝ ਕਰਨਾ ਚਾਹੀਦਾ ਹੈ ਕਿਉਂਕਿ ਹਮਲਾਵਰ ਹੋਣ ਨਾਲ ਹੀ ਸੁਰੱਖਿਆ ਹੈ। ਭਾਰਤੀ ਧਰਮਾਂ ਕੋਲ ਪੈਸਿਆਂ ਦੀ ਕਮੀ ਨਹੀਂ ਹੈ। ਪ੍ਰਗਤੀ ਕਰਨ ਵਾਲੀ ਸੋਚ ਦੀ ਕਮੀ ਹੈ। ਉਸੇ ਕਮੀ ਨੂੰ ਦੂਰ ਕਰ ਕੇ ਆਪਣੇ ਭਾਰਤੀ ਧਰਮਾਂ ਨੂੰ ਵਧਾਉਣਾ ਚਾਹੀਦਾ ਹੈ। ਮੰਦਰਾਂ-ਗੁਰਦੁਆਰਿਆਂ ’ਚ ਜੋ ਵੀ ਕੀਮਤੀ ਪੱਥਰ, ਚੰਦੋਏ, ਸੋਨਾ-ਚਾਂਦੀ ਆਦਿ ਲੱਗਦੇ ਹਨ, ਉਸ ਲਈ ਵਧੇਰੇ ਕਰ ਕੇ ਮਾਇਆ ਆਪਣੇ ਧਰਮ ਦੇ ਪਸਾਰ ਲਈ ਲੱਗਣੀ ਚਾਹੀਦੀ ਹੈ।
ਭਾਰਤੀਆਂ ਨੂੰ ਆਪਣੀ ਧਰਮ-ਨਿਰਪੱਖ, ਦਿਆਲੂ ਅਤੇ ਤਿਆਗੀ ਸੋਚ ਨੂੰ ਬਦਲ ਕੇ ਧਾਰਮਿਕ ਹਮਲਾਵਰਪੁਣਾ, ਲਾਲਚੀ ਅਤੇ ਆਪਣਾ ਧਰਮ ਵਧਾਉਣ ਵਾਲੀ ਸੋਚ ਨੂੰ ਅਪਣਾਉਣਾ ਚਾਹੀਦਾ ਹੈ ਤਦ ਹੀ ਭਾਰਤੀ ਧਰਮਾਂ ਦੀ ਸੁਰੱਖਿਆ ਅਤੇ ਤਰੱਕੀ ਹੋ ਸਕਦੀ ਹੈ। ਹਮਲਾਵਰ ਰੁਝਾਨ ਹੋਣ ਕਾਰਨ ਹੀ ਅੱਜ ਇਸਾਈ ਭਰਾਵਾਂ ਕੋਲ 80 ਦੇਸ਼ ਹਨ। ਮੁਸਲਮਾਨ ਭਰਾਵਾਂ ਕੋਲ 32 ਦੇਸ਼ ਹਨ। ਜਦ ਕਿ ਸਾਡੇ ਗੈਰ-ਹਮਲਾਵਰ ਤੇ ਸਾਊ/ਭੋਲੇ ਰੁਝਾਨ ਦੇ ਹੋਣ ਕਾਰਨ ਸਾਡਾ ਤਾਂ ਭਾਰਤ ਦੇਸ਼ ਵੀ ਭਾਰਤੀ ਧਰਮਾਂ ਲਈ ‘ਆਪਣਾ’ ਨਹੀਂ ਬਚਿਆ ਹੈ।
ਇਸ ਲਈ, ਭਾਰਤੀ ਧਰਮ ਵਾਲਿਓ! ਸਾਨੂੰ ਭਾਰਤੀਆਂ ਨੂੰ ਆਪਣੇ ਦੇਸ਼ ’ਚ ਵਿਦੇਸ਼ੀ ਧਰਮ ਤਬਦੀਲੀ ਰੋਕਣ ਲਈ ਵਿਦੇਸ਼ੀ ਧਰਮਾਂ ਵਾਲਿਆਂ ਦਾ ਆਪਣੇ ਭਾਰਤੀ ਧਰਮਾਂ ’ਚ ‘ਧਰਮ ਤਬਦੀਲ’ ਕਰਨਾ ਅਤਿਅੰਤ ਜ਼ਰੂਰੀ ਹੈ। ਇੰਝ ਕਰ ਕੇ ਹੀ ਭਾਰਤੀ ਧਰਮ ਜ਼ਿੰਦਾ ਰਹਿ ਸਕਦੇ ਹਨ ਅਤੇ ਧਰਮ ਤਬਦੀਲੀ ਰੁਕ ਸਕਦੀ ਹੈ।
ਠਾਕੁਰ ਦਲੀਪ ਸਿੰਘ ਜੀ
ਇਹ ਕਿਹੋ ਜਿਹਾ ‘ਲੋਕਤੰਤਰ ਦਾ ਮੰਦਰ’
NEXT STORY 
