ਬਿਜ਼ਨੈੱਸ ਡੈਸਕ : ਐਪਲ ਭਾਰਤ 'ਚ ਆਪਣੇ ਆਈਫੋਨ ਦਾ ਉਤਪਾਦਨ ਤੇਜ਼ੀ ਨਾਲ ਵਧਾ ਰਿਹਾ ਹੈ। ਮਾਹਰਾਂ ਦਾ ਕਹਿਣਾ ਹੈ ਕਿ ਭਾਰਤ ਜਲਦ ਹੀ ਚੀਨ ਨਾਲ ਇਸ ਦੀ ਬਰਾਬਰੀ ਕਰ ਸਕਦਾ ਹੈ। ਹਾਲਾਂਕਿ, ਐਪਲ ਨੂੰ ਭਾਰਤ ਵਿੱਚ ਗਲੋਬਲ ਮਾਲੀਏ ਵਿੱਚ ਆਪਣਾ ਹਿੱਸਾ ਵਧਾਉਣ ਵਿੱਚ ਲੰਮਾ ਸਮਾਂ ਲੱਗੇਗਾ, ਕਿਉਂਕਿ ਭਾਰਤ ਦਾ ਖਪਤਕਾਰ ਬਾਜ਼ਾਰ ਕੀਮਤ ਸੰਵੇਦਨਸ਼ੀਲ ਹੈ ਅਤੇ ਪ੍ਰਤੀ ਵਿਅਕਤੀ ਆਮਦਨ ਘੱਟ ਹੈ। ਐਪਲ ਨੇ ਵਿੱਤੀ ਸਾਲ 2024 (FY24) ਵਿੱਚ ਭਾਰਤ ਤੋਂ 8 ਬਿਲੀਅਨ ਡਾਲਰ ਦੀ ਰਿਕਾਰਡ ਆਮਦਨ ਦਰਜ ਕੀਤੀ ਹੈ। ਹਾਲਾਂਕਿ, ਇਹ ਐਪਲ ਦੀ ਕੁੱਲ ਗਲੋਬਲ ਆਮਦਨ ($391 ਬਿਲੀਅਨ) ਦਾ ਸਿਰਫ਼ 2% ਤੋਂ ਥੋੜ੍ਹਾ ਵੱਧ ਹੈ।
ਇਹ ਵੀ ਪੜ੍ਹੋ - ਦੋਹਰੇ ਕਤਲ ਨਾਲ ਫੈਲੀ ਸਨਸਨੀ : ASI ਨੇ ਪਤਨੀ ਤੇ ਸਾਲੀ ਦਾ ਚਾਕੂ ਮਾਰ ਕਰ 'ਤਾ ਕਤਲ
ਇਸਦੇ ਮੁਕਾਬਲੇ ਚੀਨ (ਗ੍ਰੇਟਰ ਚਾਈਨਾ) ਤੋਂ ਐਪਲ ਦੀ ਆਮਦਨ 66.95 ਬਿਲੀਅਨ ਡਾਲਰ ਸੀ, ਜੋ ਇਸਦੇ ਕੁੱਲ ਮਾਲੀਏ ਦਾ ਲਗਭਗ 17% ਸੀ। ਉਦਯੋਗ ਮਾਹਿਰਾਂ ਦਾ ਅਨੁਮਾਨ ਹੈ ਕਿ ਭਾਰਤ ਦੀ ਆਮਦਨ 2026 ਤੱਕ 11 ਬਿਲੀਅਨ ਡਾਲਰ ਤੱਕ ਪਹੁੰਚ ਸਕਦੀ ਹੈ। 2024 ਵਿੱਚ ਮੇਡ-ਇਨ-ਇੰਡੀਆ ਆਈਫੋਨ ਐਪਲ ਦੀ ਕੁੱਲ ਉਤਪਾਦਨ ਸਮਰੱਥਾ ਵਿੱਚ 14-15% ਯੋਗਦਾਨ ਪਾਉਣਗੇ। 2027 ਤੱਕ ਇਹ ਅੰਕੜਾ 26-30% ਤੱਕ ਵਧ ਸਕਦਾ ਹੈ। ਐਪਲ ਲਈ ਚੀਨ ਤੋਂ ਬਾਅਦ ਭਾਰਤ ਦੂਜਾ ਸਭ ਤੋਂ ਵੱਡਾ ਆਈਫੋਨ ਨਿਰਮਾਣ ਕੇਂਦਰ ਬਣ ਗਿਆ ਹੈ। ਗ੍ਰੇਟਰ ਚੀਨ ਖੇਤਰ ਵਿੱਚ ਮੁੱਖ ਭੂਮੀ ਚੀਨ, ਹਾਂਗਕਾਂਗ, ਮਕਾਊ ਅਤੇ ਤਾਈਵਾਨ ਸ਼ਾਮਲ ਹਨ। ਹਾਲਾਂਕਿ ਭਾਰਤ ਵਿੱਚ ਆਈਫੋਨ ਦਾ ਉਤਪਾਦਨ ਵਧ ਰਿਹਾ ਹੈ।
ਇਹ ਵੀ ਪੜ੍ਹੋ - ਹਮਲਾ ਸੁਖਬੀਰ ਬਾਦਲ 'ਤੇ ਨਹੀਂ ਸ੍ਰੀ ਹਰਿਮੰਦਰ ਸਾਹਿਬ 'ਤੇ ਹੋਇਆ : ਬਿੱਟਾ
ਐਪਲ ਦੀ ਗਲੋਬਲ ਆਮਦਨ ਜਾਂ ਵਿਕਰੀ ਵਿੱਚ ਭਾਰਤ ਦਾ ਯੋਗਦਾਨ ਚੀਨ ਦੇ ਮੁਕਾਬਲੇ ਬਹੁਤ ਘੱਟ ਹੈ। 2020 ਵਿੱਚ, ਚੀਨ ਨੇ ਐਪਲ ਦੇ ਕੁੱਲ ਮਾਲੀਏ ਵਿੱਚ 14.68% ਦਾ ਯੋਗਦਾਨ ਪਾਇਆ, ਜਦੋਂ ਕਿ ਭਾਰਤ ਨੇ ਸਿਰਫ਼ 0.66% ਦਾ ਯੋਗਦਾਨ ਪਾਇਆ। ਹਾਲਾਂਕਿ ਐਪਲ ਨੇ ਅਮਰੀਕਾ ਅਤੇ ਚੀਨ ਵਿਚਕਾਰ ਵਧਦੇ ਭੂ-ਰਾਜਨੀਤਿਕ ਤਣਾਅ ਦੇ ਕਾਰਨ ਭਾਰਤ ਵਿੱਚ ਨਿਰਮਾਣ ਸ਼ੁਰੂ ਕੀਤਾ, ਐਪਲ ਨੇ ਆਪਣੀ ਸਪਲਾਈ ਲੜੀ ਵਿੱਚ ਵਿਭਿੰਨਤਾ ਲਿਆਉਣ ਦਾ ਫ਼ੈਸਲਾ ਕੀਤਾ।ਭਾਰਤ ਵਿੱਚ ਆਈਫੋਨ ਦੀ ਪਹੁੰਚ ਅਜੇ ਵੀ ਸਮਾਰਟਫੋਨ ਮਾਰਕੀਟ ਵਿੱਚ ਸਿਰਫ 6-7% ਹੈ, ਜੋ ਸੈਮਸੰਗ, ਓਪੋ, ਵੀਵੋ ਅਤੇ ਸ਼ੀਓਮੀ ਵਰਗੇ ਹੋਰ ਐਂਡਰਾਇਡ ਬ੍ਰਾਂਡਾਂ ਨਾਲੋਂ ਕਾਫ਼ੀ ਘੱਟ ਹੈ। ਇਨ੍ਹਾਂ ਬ੍ਰਾਂਡਾਂ ਦੀ ਹਿੱਸੇਦਾਰੀ 94% ਹੈ।
ਇਹ ਵੀ ਪੜ੍ਹੋ - ਹਾਓ ਓ ਰੱਬਾ..., Airport 'ਤੇ ਚੈਕਿੰਗ ਦੌਰਾਨ ਕੋਰੀਅਰ 'ਚੋਂ ਮਿਲਿਆ ਭਰੂਣ, ਫੈਲੀ ਸਨਸਨੀ
ਭਾਰਤ ਦਾ ਖਪਤਕਾਰ ਬਾਜ਼ਾਰ ਐਪਲ ਲਈ ਚੁਣੌਤੀ ਹੈ, ਕਿਉਂਕਿ ਇਸਦੀ ਪ੍ਰਤੀ ਵਿਅਕਤੀ ਆਮਦਨ ਘੱਟ ਹੈ, ਜੋ ਵਿਕਰੀ ਦੇ ਵਾਧੇ ਨੂੰ ਰੋਕਦਾ ਹੈ। ਉਦਾਹਰਣ ਵਜੋਂ ਚੀਨ ਦੀ ਪ੍ਰਤੀ ਵਿਅਕਤੀ ਆਮਦਨ ਭਾਰਤ ਨਾਲੋਂ ਪੰਜ ਗੁਣਾ ਵੱਧ ਹੈ। ਐਪਲ ਨੇ 2020 ਵਿੱਚ ਭਾਰਤ ਵਿੱਚ ਨਿਰਮਾਣ ਨੂੰ ਹੁਲਾਰਾ ਦੇਣ ਲਈ PLI (ਪ੍ਰੋਡਕਸ਼ਨ ਲਿੰਕਡ ਇਨਸੈਂਟਿਵ) ਸਕੀਮ ਦਾ ਲਾਭ ਲਿਆ। ਹੁਣ ਇਸ ਯੋਜਨਾ ਦੇ ਤਹਿਤ ਲਗਭਗ 70% ਆਈਫੋਨ ਭਾਰਤ ਤੋਂ ਬਰਾਮਦ ਕੀਤੇ ਜਾ ਰਹੇ ਹਨ। ਮਾਹਿਰਾਂ ਦਾ ਕਹਿਣਾ ਹੈ ਕਿ ਆਉਣ ਵਾਲੇ ਸਮੇਂ ਵਿੱਚ ਇਹ ਅੰਕੜਾ 80-85% ਤੱਕ ਵਧ ਸਕਦਾ ਹੈ। ਐਪਲ ਦੇ ਇਕ ਅਧਿਕਾਰੀ ਨੇ ਕਿਹਾ ਕਿ ਭਾਰਤ ਦੇ ਨਿਰਮਾਣ ਕੇਂਦਰ ਤੋਂ ਬਰਾਮਦ ਵਧਣ ਦੀ ਉਮੀਦ ਹੈ।
ਇਹ ਵੀ ਪੜ੍ਹੋ - ਵੱਡਾ ਝਟਕਾ : ਅੱਜ ਤੋਂ ਮਹਿੰਗਾ ਹੋਇਆ LPG Gas Cylinder, ਜਾਣੋ ਨਵੀਆਂ ਕੀਮਤਾਂ
ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ
For Android:- https://play.google.com/store/apps/details?id=com.jagbani&hl=en
For IOS:- https://itunes.apple.com/in/app/id538323711?mt=8
EPFO ਨਿਵੇਸ਼ ਫੰਡ 5 ਸਾਲਾਂ 'ਚ ਦੁੱਗਣਾ ਹੋ ਕੇ 24.75 ਲੱਖ ਕਰੋੜ ਰੁਪਏ ਹੋਇਆ
NEXT STORY 
