ਬਿਜ਼ਨੈੱਸ ਡੈਸਕ : ਐਰਿਕਸਨ ਮੋਬਿਲਿਟੀ ਦੀ ਅਗਸਤ ਦੀ ਰਿਪੋਰਟ ਵਿੱਚ ਕਿਹਾ ਗਿਆ ਹੈ ਕਿ 2023 ਦੀ ਦੂਜੀ ਤਿਮਾਹੀ ਵਿੱਚ ਭਾਰਤ 'ਚ 70 ਲੱਖ ਨਵੇਂ ਗਾਹਕਾਂ ਨੂੰ ਜੋੜਿਆ ਗਿਆ, ਜੋ ਵਿਸ਼ਵ ਵਿੱਚ ਸਭ ਤੋਂ ਵੱਧ ਹੈ। ਰਾਸ਼ਟਰੀ ਬਾਜ਼ਾਰਾਂ ਵਿੱਚ ਭਾਰਤ ਤੋਂ ਬਾਅਦ ਚੀਨ (50 ਲੱਖ) ਅਤੇ ਅਮਰੀਕਾ (3 ਲੱਖ) ਦਾ ਨੰਬਰ ਆਉਂਦਾ ਹੈ। ਹਾਲਾਂਕਿ, ਭਾਰਤ ਵਿੱਚ ਮੋਬਾਈਲ ਦੀ ਪਹੁੰਚ 70 ਫ਼ੀਸਦੀ ਹੈ, ਜਦੋਂ ਕਿ ਚੀਨ ਵਿੱਚ ਇਹ 120 ਫ਼ੀਸਦੀ ਹੈ। ਵਿਸ਼ਵ ਪੱਧਰ 'ਤੇ ਮੋਬਾਈਲ ਗਾਹਕੀ ਦੀ ਪ੍ਰਵੇਸ਼ 105 ਫ਼ੀਸਦੀ ਹੈ।
ਇਹ ਵੀ ਪੜ੍ਹੋ : ਇੰਡੀਗੋ ਦੇ ਯਾਤਰੀਆਂ ਲਈ ਵੱਡੀ ਖ਼ਬਰ: ਦਿੱਲੀ ਆਉਣ ਵਾਲੀਆਂ ਸਾਰੀਆਂ ਉਡਾਣਾਂ ਰੱਦ, ਜਾਣੋ ਵਜ੍ਹਾ
ਮੰਗਲਵਾਰ ਨੂੰ ਜਾਰੀ ਰਿਪੋਰਟ 'ਚ ਇਹ ਕਿਹਾ ਗਿਆ ਹੈ ਕਿ ਵਿਸ਼ਵ ਪੱਧਰ 'ਤੇ 5ਜੀ ਸਬਸਕ੍ਰਿਪਸ਼ਨ ਦੀ ਗਿਣਤੀ 2023 ਦੀ ਦੂਜੀ ਤਿਮਾਹੀ 'ਚ 17.5 ਕਰੋੜ ਵਧੀ ਹੈ। ਭਾਰਤ ਵਿੱਚ 5ਜੀ ਨੈੱਟਵਰਕ ਵਿਆਪਕ ਤੌਰ 'ਤੇ ਤਾਇਨਾਤ ਕੀਤਾ ਜਾ ਰਿਹਾ ਹੈ ਅਤੇ ਉਮੀਦ ਕੀਤੀ ਜਾਂਦੀ ਹੈ ਕਿ ਭਾਰਤ ਦਾ ਇਸ ਵਿੱਚ ਵੱਡਾ ਹਿੱਸਾ ਹੋਵੇਗਾ। ਵਿਸ਼ਵ ਪੱਧਰ 'ਤੇ ਮੋਬਾਈਲ ਗਾਹਕਾਂ ਦੀ ਕੁੱਲ ਸੰਖਿਆ 8.3 ਅਰਬ ਹੈ, ਜਿਸ ਵਿੱਚ ਤਿਮਾਹੀ ਦੌਰਾਨ ਸ਼ੁੱਧ ਰੂਪ ਨਾਲ 4 ਕਰੋੜ ਉਪਭੋਗਤਾ ਜੂੜੇ ਹਨ। ਵਿਸ਼ਵ ਪੱਧਰ 'ਤੇ ਵਿਸ਼ੇਸ਼ ਮੋਬਾਈਲ ਗਾਹਕਾਂ ਦੀ ਗਿਣਤੀ 6.1 ਅਰਬ ਹੈ।
ਇਹ ਵੀ ਪੜ੍ਹੋ : ਤਿਓਹਾਰੀ ਸੀਜ਼ਨ ਤੋਂ ਪਹਿਲਾਂ ਬੇਰੁਜ਼ਗਾਰ ਨੌਜਵਾਨਾਂ ਨੂੰ ਵੱਡਾ ਤੋਹਫ਼ਾ ਦੇਣ ਦੀ ਤਿਆਰੀ 'ਚ ਫਲਿੱਪਕਾਰਟ
ਮੋਬਾਈਲ ਬ੍ਰਾਡਬੈਂਡ ਸਬਸਕ੍ਰਿਪਸ਼ਨ ਇਸ ਤਿਮਾਹੀ ਵਿੱਚ ਕਰੀਬ 10 ਕਰੋੜ ਦਾ ਵਾਧਾ ਹੋਇਆ ਹੈ ਅਤੇ ਕੁੱਲ ਸੰਖਿਆ 7.4 ਅਰਬ ਹੋ ਗਈ ਹੈ। ਇਸ ਵਿੱਚ ਪਿਛਲੇ ਸਾਲ ਦੀ ਮਿਆਦ ਦੇ ਮੁਕਾਬਲੇ 5 ਫ਼ੀਸਦੀ ਦਾ ਵਾਧਾ ਹੋਇਆ ਹੈ। ਕੁੱਲ ਮੋਬਾਈਲ ਸਬਸਕ੍ਰਿਪਸ਼ਨ ਵਿੱਚ ਮੋਬਾਈਲ ਬ੍ਰਾਡਬੈਂਡ 88 ਫ਼ੀਸਦੀ ਹੈ।
ਇਹ ਵੀ ਪੜ੍ਹੋ : ਵਿਜੇ ਸ਼ੇਖਰ ਬਣੇ Paytm ਦੇ ਸਭ ਤੋਂ ਵੱਡੇ ਸ਼ੇਅਰਧਾਰਕ, ਐਂਟਫਿਨ ਦੀ ਹਿੱਸੇਦਾਰੀ ਘਟ ਕੇ ਹੋਈ 9.9 ਫ਼ੀਸਦੀ
ਰਿਪੋਰਟ ਵਿੱਚ ਕਿਹਾ ਗਿਆ ਹੈ ਕਿ ਦੂਜੀ ਤਿਮਾਹੀ ਵਿੱਚ ਗਲੋਬਲ 5ਜੀ ਗਾਹਕੀ ਵਧ ਕੇ 1.3 ਅਰਬ ਹੋ ਗਈ ਹੈ। ਲਗਭਗ 260 ਸੰਚਾਰ ਸੇਵਾ ਪ੍ਰਦਾਤਾਵਾਂ (CSPs) ਨੇ ਵਪਾਰਕ 5G ਸੇਵਾਵਾਂ ਸ਼ੁਰੂ ਕੀਤੀਆਂ ਹਨ। ਲਗਭਗ 35 CSPs ਨੇ ਸਟੈਂਡਅਲੋਨ 5G ਨੈੱਟਵਰਕ ਸ਼ੁਰੂ ਕੀਤੇ ਹਨ। ਸਟੈਂਡਅਲੋਨ (SA) ਮੋਡ ਸਿਰਫ 5G ਲਈ ਇੱਕ ਨੈੱਟਵਰਕ ਬਣਾਉਂਦਾ ਹੈ, ਜਦੋਂ ਕਿ ਗੈਰ-ਸਟੈਂਡਅਲੋਨ (NSA) ਮੋਡ ਇੱਕ ਮੌਜੂਦਾ 4G ਰੇਡੀਓ ਨੈੱਟਵਰਕ ਦੇ ਟਾਪ-ਅੱਪ ਵਜੋਂ ਇੱਕ 5G ਨੈੱਟਵਰਕ ਬਣਾਉਂਦਾ ਹੈ। ਰਿਲਾਇੰਸ ਜੀਓ ਨੇ 5ਜੀ ਨੈੱਟਵਰਕ ਨੂੰ SA ਮੋਡ ਵਿੱਚ ਪੇਸ਼ ਕੀਤਾ ਹੈ, ਜਦੋਂ ਕਿ ਭਾਰਤੀ ਏਅਰਟੈੱਲ ਨੇ NSA ਦੀ ਚੋਣ ਕੀਤੀ ਹੈ।
ਇਹ ਵੀ ਪੜ੍ਹੋ : Jet Airways ਦੇ ਨਰੇਸ਼ ਗੋਇਲ ਨੇ ਖ਼ੁਦ ਲਿਖੀ ਆਪਣੀ ਬਰਬਾਦੀ ਦੀ ਕਹਾਣੀ, ਜਾਣੋ ਅਰਸ਼ ਤੋਂ ਫਰਸ਼ ਤੱਕ ਦਾ ਸਫ਼ਰ!
ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ
For Android:- https://play.google.com/store/apps/details?id=com.jagbani&hl=en
For IOS:- https://itunes.apple.com/in/app/id538323711?mt=8
ਮੁੰਬਈ ਬੁਲੇਟ ਟ੍ਰੇਨ ਪ੍ਰੋਜੈਕਟ ’ਚ ਹੋਰ ਦੇਰ ਹੋਣ ਦਾ ਖਦਸ਼ਾ, ਹੁਣ ਤੱਕ 45,000 ਕਰੋੜ ਖਰਚਾ
NEXT STORY 
