ਮੁੰਬਈ (ਬਿਊਰੋ)– ਮੰਗਲਵਾਰ ਨੂੰ ਬਾਲੀਵੁੱਡ ਅਦਾਕਾਰਾ ਕੰਗਨਾ ਰਣੌਤ ਨੇ ਵੱਡਾ ਐਲਾਨ ਕੀਤਾ। ਉਸ ਨੇ ਦੱਸਿਆ ਕਿ ਉਸ ਦੇ ਪ੍ਰੋਡਕਸ਼ਨ ਹਾਊਸ ’ਚ ਬਣ ਰਹੀ ਫ਼ਿਲਮ ‘ਟੀਕੂ ਵੈੱਡਸ ਸ਼ੇਰੂ’ ’ਚ ਨਵਾਜ਼ੂਦੀਨ ਸਿੱਦੀਕੀ ਦੀ ਐਂਟਰੀ ਹੋਈ ਹੈ। ਇਸ ਫ਼ਿਲਮ ਰਾਹੀਂ ਨਵਾਜ਼ ਪਹਿਲੀ ਵਾਰ ਕੰਗਨਾ ਨਾਲ ਨਜ਼ਰ ਆਉਣਗੇ। ਕੰਗਨਾ ਦਾ ਇਹ ਪਹਿਲਾ ਡਿਜੀਟਲ ਪ੍ਰਾਜੈਕਟ ਹੈ।
ਕੰਗਨਾ ਨੇ ਫੇਸਬੁੱਕ ’ਤੇ ਇਕ ਪੋਸਟ ਸਾਂਝੀ ਕਰਦਿਆਂ ਇਸ ਗੱਲ ਦੀ ਜਾਣਕਾਰੀ ਦਿੱਤੀ ਹੈ ਕਿ ਜਲਦ ਹੀ ਉਹ ਅਦਾਕਾਰ ਨਵਾਜ਼ੂਦੀਨ ਸਿੱਦੀਕੀ ਨਾਲ ਫ਼ਿਲਮ ਦੀ ਸ਼ੂਟਿੰਗ ਸ਼ੁਰੂ ਕਰਨ ਜਾ ਰਹੀ ਹੈ। ਕੰਗਨਾ ਨੇ ਨਵਾਜ਼ੂਦੀਨ ਸਿੱਦੀਕੀ ਦੀ ਤਸਵੀਰ ਸਾਂਝੀ ਕਰਦਿਆਂ ਕੈਪਸ਼ਨ ’ਚ ਲਿਖਿਆ, ‘ਸਾਨੂੰ ਸਾਡਾ ਸ਼ੇਰੂ ਮਿਲ ਗਿਆ ਹੈ। ਜਲਦ ਹੀ ਸ਼ੂਟਿੰਗ ਸ਼ੁਰੂ ਹੋਵੇਗੀ।’
ਇਸ ਨਾਂ ਤੋਂ ਬਾਅਦ ਪ੍ਰਸ਼ੰਸਕ ਕਿਆਸ ਲਗਾ ਰਹੇ ਹਨ ਕਿ ਕੀ ਇਹ ਫ਼ਿਲਮ ‘ਤਨੂੰ ਵੈੱਡਸ ਮਨੂੰ’ ਦਾ ਤੀਜਾ ਭਾਗ ਹੋ ਸਕਦੀ ਹੈ ਪਰ ਪ੍ਰਸ਼ੰਸਕ ਕੰਗਨਾ ਤੇ ਨਵਾਜ਼ ਨੂੰ ਇਕੱਠਿਆਂ ਦੇਖਣ ਲਈ ਬੇਤਾਬ ਹਨ। ਹਾਲਾਂਕਿ ਅਜੇ ਇਹ ਪੁਸ਼ਟੀ ਨਹੀਂ ਹੋਈ ਹੈ ਕਿ ਇਸ ਫ਼ਿਲਮ ’ਚ ਮੁੱਖ ਭੂਮਿਕਾ ’ਚ ਕੰਗਨਾ ਹੋਵੇਗੀ ਜਾਂ ਕੋਈ ਹੋਰ ਅਦਾਕਾਰਾ।
ਨਵਾਜ਼ੂਦੀਨ ਸਿੱਦੀਕੀ ਜਲਦ ਹੀ ਫ਼ਿਲਮ ‘ਬੋਲੇ ਚੂੜੀਆਂ’ ’ਚ ਨਜ਼ਰ ਆਉਣ ਵਾਲੇ ਹਨ। ਇਸ ਫ਼ਿਲਮ ’ਚ ਉਨ੍ਹਾਂ ਨਾਲ ਤਮੰਨਾ ਤੇ ਮੌਨੀ ਰਾਏ ਨਜ਼ਰ ਆਉਣਗੀਆਂ। ਇਸ ਤੋਂ ਇਲਾਵਾ ਨਵਾਜ਼ ਫ਼ਿਲਮ ‘ਜੋਗੀਰਾ ਸਾਰਾ ਰਾ ਰਾ’ ਤੇ ‘ਨੋ ਮੈਂਸ ਲੈਂਡ’ ’ਚ ਵੀ ਕੰਮ ਕਰ ਰਹੇ ਹਨ।
ਨੋਟ– ਇਸ ਖ਼ਬਰ ’ਤੇ ਆਪਣੀ ਪ੍ਰਤੀਕਿਰਿਆ ਕੁਮੈਂਟ ਕਰਕੇ ਸਾਂਝੀ ਕਰੋ।
ਐਮੀ ਐਵਾਰਡਜ਼ ’ਚ ਨਾਮੀਨੇਟ ਹੋਇਆ ਸੀਮਾ ਤਪਾਰੀਆ ਦਾ ਸ਼ੋਅ ‘ਇੰਡੀਅਨ ਮੈਚਮੇਕਿੰਗ’
NEXT STORY