ਆਟੋ ਡੈਸਕ - ਦੁਨੀਆ ਦੇ ਪਹਿਲੇ ਇਲੈਕਟ੍ਰਿਕ 2-ਵ੍ਹੀਲਰ ਦਾ ਜ਼ਿਕਰ ਲਗਭਗ 130 ਸਾਲ ਪਹਿਲਾਂ ਕੀਤਾ ਗਿਆ ਹੈ। ਪਰ ਇਲੈਕਟ੍ਰਿਕ ਬਾਈਕ ਜਾਂ ਇਲੈਕਟ੍ਰਿਕ ਸਕੂਟਰ ਜਿਸ ਨੂੰ ਆਮ ਲੋਕ ਪਹਿਲੀ ਵਾਰ ਵਰਤਣ ਦੇ ਯੋਗ ਸਨ ਅਤੇ ਜੋ ਪਹਿਲੀ ਵਾਰ ਵਪਾਰਕ ਤੌਰ 'ਤੇ ਉਪਲਬਧ ਹੋਇਆ ਸੀ, ਸਾਲ 1994 ਵਿੱਚ ਬਣਾਇਆ ਗਿਆ ਸੀ। ਇਲੈਕਟ੍ਰਿਕ ਵਾਹਨਾਂ ਦਾ ਕ੍ਰੇਜ਼ ਭਾਰਤ ਵਿੱਚ ਹੁਣੇ ਹੀ ਸ਼ੁਰੂ ਹੋਇਆ ਹੈ ਅਤੇ ਭਾਰਤ ਆਪਣਾ ਇਲੈਕਟ੍ਰਿਕ ਸਕੂਟਰ ਬਣਾਉਣ ਵਿੱਚ ਲਗਭਗ 25 ਸਾਲ ਪਿੱਛੇ ਹੈ।
ਪਹਿਲੀ ਇਲੈਕਟ੍ਰਿਕ ਬਾਈਕ ਜਾਪਾਨ ਦੀ ਹੌਂਡਾ ਕੰਪਨੀ ਨੇ ਤਿਆਰ ਕੀਤੀ ਸੀ। ਇਸ ਦਾ ਨਾਂ Honda CUV:ES ਰੱਖਿਆ ਗਿਆ ਸੀ। ਇਸ ਨਾਂ ਦਾ ਪੂਰਾ ਫੂਲ ਫਾਰਮ ਵੀ ਸੀ। ਇਸ ਦਾ ਨਾਂ ਸੀ ਕਲੀਨ ਅਰਬਨ ਵਹੀਕਲ ਇਲੈਕਟ੍ਰਿਕ ਸਕੂਟਰ। ਹੁਣ ਹੌਂਡਾ ਇਸ ਸੰਕਲਪ ਦੇ ਨਾਲ ਆਪਣਾ ਨਵਾਂ ਇਲੈਕਟ੍ਰਿਕ ਐਕਟਿਵਾ ਸਕੂਟਰ ਲੈ ਕੇ ਆਇਆ ਹੈ।
ਆਧੁਨਿਕ ਸਕੂਟਰ ਲਈ ਪ੍ਰੇਰਣਾ ਬਣਿਆ ਇਹ ਸਕੂਟਰ
ਹੌਂਡਾ ਦਾ ਇਹ ਇਲੈਕਟ੍ਰਿਕ ਸਕੂਟਰ ਉਸ ਸਮੇਂ ਦੇ ਮਸ਼ਹੂਰ ਮਾਡਲ ਹੌਂਡਾ ਡੀਓ ਸਕੂਟਰ 'ਤੇ ਆਧਾਰਿਤ ਸੀ। ਉਸ ਸਮੇਂ ਇਹ ਸਿਰਫ ਜਾਪਾਨ ਵਿੱਚ ਸੀਮਤ ਸੰਖਿਆ ਵਿੱਚ ਵੇਚਿਆ ਜਾਂਦਾ ਸੀ। ਉਸ ਸਮੇਂ, ਬੈਟਰੀ ਤਕਨਾਲੋਜੀ ਅਤੇ ਬੈਟਰੀ ਚਾਰਜਿੰਗ ਸਹੂਲਤਾਂ ਇੰਨੀਆਂ ਪ੍ਰਚਲਿਤ ਨਹੀਂ ਸਨ। ਪਰ ਹੌਂਡਾ ਇਸ ਸਕੂਟਰ 'ਤੇ ਕੰਮ ਕਰਦਾ ਰਿਹਾ। ਉਸ ਸਮੇਂ, ਇਸ ਸਕੂਟਰ ਨੇ 38 ਮੀਲ ਯਾਨੀ ਲਗਭਗ 60 ਕਿਲੋਮੀਟਰ ਦੀ ਰੇਂਜ ਦਿੱਤੀ ਸੀ ਅਤੇ ਇਸਦੀ ਔਸਤ ਸਪੀਡ ਲਗਭਗ 25 ਕਿਲੋਮੀਟਰ ਪ੍ਰਤੀ ਘੰਟਾ ਸੀ।
ਹਾਲਾਂਕਿ, ਉਸੇ ਮਾਡਲ 'ਤੇ, ਕੰਪਨੀ ਨੇ 2009 ਵਿੱਚ EV-Neo ਅਤੇ 2018 ਵਿੱਚ PCX ਇਲੈਕਟ੍ਰਿਕ ਸਕੂਟਰ ਤਿਆਰ ਕੀਤਾ ਸੀ। ਹੁਣ ਕੰਪਨੀ ਨੇ ਕਿਹਾ ਹੈ ਕਿ ਉਹ 2024 'ਚ CUV e ਅਤੇ ICON e ਨੂੰ ਲਾਂਚ ਕਰੇਗੀ। ਖੈਰ, ਹੌਂਡਾ ਇੱਥੇ ਰੁਕਣ ਵਾਲਾ ਨਹੀਂ ਹੈ। ਇਸ ਨੇ ਭਾਰਤ 'ਚ ਆਪਣੇ ਸਭ ਤੋਂ ਮਸ਼ਹੂਰ ਸਕੂਟਰ 'ਐਕਟੀਵਾ' ਦਾ ਇਲੈਕਟ੍ਰਿਕ ਵਰਜ਼ਨ ਲਾਂਚ ਕਰਨ ਦਾ ਵੀ ਐਲਾਨ ਕੀਤਾ ਹੈ। ਇਸ ਨੂੰ ਇਸ ਸਾਲ ਨਵੰਬਰ ਜਾਂ ਅਗਲੇ ਸਾਲ ਦੀ ਸ਼ੁਰੂਆਤ 'ਚ ਆਟੋ ਐਕਸਪੋ ਦੌਰਾਨ ਪੇਸ਼ ਕੀਤਾ ਜਾ ਸਕਦਾ ਹੈ।
ਭਾਰਤ ਨੇ ਬਣਾਇਆ ਆਪਣਾ ਇਲੈਕਟ੍ਰਿਕ ਸਕੂਟਰ
ਭਾਰਤ ਨੇ ਸਾਲ 2018 ਵਿੱਚ ਆਪਣਾ ਪਹਿਲਾ ਸਮਾਰਟ ਇਲੈਕਟ੍ਰਿਕ ਸਕੂਟਰ ਲਾਂਚ ਕੀਤਾ ਸੀ। ਇਹ ਕੰਮ ਅਥਰ ਐਨਰਜੀ ਦੁਆਰਾ ਕੀਤਾ ਗਿਆ ਸੀ, ਜਿਸ ਨੂੰ IIT ਮਦਰਾਸ ਦੇ ਦੋ ਇੰਜੀਨੀਅਰਾਂ ਨੇ 5 ਸਾਲਾਂ ਦੀ ਸਖਤ ਮਿਹਨਤ ਤੋਂ ਬਾਅਦ ਤਿਆਰ ਕੀਤਾ ਹੈ। Ather 450 ਨੂੰ ਭਾਰਤ ਦਾ ਪਹਿਲਾ ਇਲੈਕਟ੍ਰਿਕ ਸਕੂਟਰ ਮੰਨਿਆ ਗਿਆ ਸੀ। ਹਾਲਾਂਕਿ, ਇਸ ਤੋਂ ਪਹਿਲਾਂ 2006 ਵਿੱਚ, YoBikes ਨੇ ਭਾਰਤ ਵਿੱਚ ਆਪਣੇ ਸੀਮਤ ਰੇਂਜ ਦੇ ਇਲੈਕਟ੍ਰਿਕ ਸਕੂਟਰ ਲਾਂਚ ਕੀਤੇ ਸਨ।
ਸਸਤੇ ਹੋ ਗਏ 5G ਸਮਾਰਟਫੋਨ, ਭਾਰਤ 'ਚ ਇਸ ਬ੍ਰਾਂਡ ਨੇ ਵੇਚੇ ਸਭ ਤੋਂ ਜ਼ਿਆਦਾ ਹੈਂਡਸੈੱਟ
NEXT STORY 
