ਜਲੰਧਰ (ਬਿਊਰੋ)- ਭਾਵੇਂ ਹਰ ਕਿਸੇ ਨੂੰ ਬੁਢਾਪੇ ਵਿੱਚੋਂ ਲੰਘਣਾ ਪੈਂਦਾ ਹੈ, ਪਰ ਇਹ ਇੱਕ ਕੁਦਰਤੀ ਪ੍ਰਕਿਰਿਆ ਹੈ ਜਿਸ ਤੋਂ ਬਚਿਆ ਨਹੀਂ ਜਾ ਸਕਦਾ। ਪਰ ਚੰਗੀ ਜੀਵਨ ਸ਼ੈਲੀ ਅਤੇ ਕੁਝ ਸਾਧਾਰਨ ਟਿਪਸ ਦੇ ਜ਼ਰੀਏ ਤੁਸੀਂ ਬੁਢਾਪੇ ਵਿਚ ਵੀ ਆਪਣੇ ਆਪ ਨੂੰ ਸਿਹਤਮੰਦ ਅਤੇ ਸਕਿਨ (ਚਮੜੀ) ਨੂੰ ਜਵਾਨ ਰੱਖ ਸਕਦੇ ਹੋ। ਇੱਥੇ ਅਸੀਂ ਕੁਝ ਅਜਿਹੀਆਂ ਆਦਤਾਂ ਬਾਰੇ ਦੱਸਾਂਗੇ ਜੋ 50 ਸਾਲ ਦੀ ਉਮਰ ਤੋਂ ਬਾਅਦ ਵੀ ਤੁਹਾਡੇ ਚਿਹਰੇ ਦਾ ਨੂਰ ਬਰਕਰਾਰ ਰੱਖਣਗੀਆਂ। ਤਾਂ ਫਿਰ ਕਿਸ ਗੱਲ ਦੀ ਦੇਰੀ ਹੈ, ਆਓ ਦੱਸਦੇ ਹਾਂ ਉਨ੍ਹਾਂ ਅਜਿਹੀਆਂ ਆਦਤਾਂ ਬਾਰੇ ਜਿਨ੍ਹਾਂ ਨੂੰ ਅੱਜ ਤੋਂ ਹੀ ਤੁਹਾਨੂੰ ਜ਼ਿੰਦਗੀ ਵਿੱਚ ਸ਼ਾਮਲ ਕਰ ਲੈਣਾ ਚਾਹੀਦਾ ਹੈ।
1. ਆਪਣੀ ਚਮੜੀ ਨੂੰ ਹਾਈਡਰੇਟ ਅਤੇ ਨਰਮ ਰੱਖਣ ਲਈ ਬਹੁਤ ਸਾਰਾ ਪਾਣੀ ਪੀਓ।
2. ਪੂਰੀ ਨੀਂਦ ਲਓ ਤਾਂ ਜੋ ਤੁਹਾਡਾ ਸਰੀਰ ਰਾਤ ਭਰ ਆਪਣੇ ਆਪ ਨੂੰ ਆਰਾਮ ਦੇ ਸਕੇ ਅਤੇ ਅਗਲੇ ਦਿਨ ਮੁੜ ਤਰੋਤਾਜ਼ਾ ਹੋ ਸਕੇ।
ਇਹ ਵੀ ਪੜ੍ਹੋ : Health Tips: ਗਰਮੀਆਂ 'ਚ ਭੁੱਲ ਕੇ ਵੀ ਨਾ ਪੀਓ ਫਰਿੱਜ਼ ਦਾ ਪਾਣੀ, ਭਾਰ ਵਧਣ ਸਣੇ ਹੋਣਗੀਆਂ ਇਹ ਪ੍ਰੇਸ਼ਾਨੀਆਂ
3. ਗਰਮੀ ਹੋਵੇ ਜਾਂ ਸਰਦੀ, ਹਮੇਸ਼ਾ ਸਨਸਕ੍ਰੀਨ ਲਗਾਓ। ਸੂਰਜ ਦੀਆਂ ਹਾਨੀਕਾਰਕ ਕਿਰਨਾਂ ਤੋਂ ਬਚਣਾ ਬਹੁਤ ਜ਼ਰੂਰੀ ਹੈ। ਇਨ੍ਹਾਂ ਹਾਨੀਕਾਰਕ ਕਿਰਨਾਂ ਨਾਲ ਸਕਿਨ ਬੇਜਾਨ ਹੋ ਜਾਂਦੀ ਹੈ।
4. ਅਜਿਹੇ ਐਂਟੀ-ਏਜਿੰਗ ਉਤਪਾਦਾਂ ਦੀ ਵਰਤੋਂ ਕਰੋ ਜਿਨ੍ਹਾਂ ਵਿੱਚ ਰੈਟਿਨੋਲ, ਵਿਟਾਮਿਨ ਸੀ ਅਤੇ ਹਾਈਲੂਰੋਨਿਕ ਐਸਿਡ ਵਰਗੇ ਤੱਤ ਹੁੰਦੇ ਹਨ।
5. ਸਮੇਂ ਤੋਂ ਪਹਿਲਾਂ ਬੁਢਾਪੇ ਨੂੰ ਰੋਕਣ ਲਈ ਸਿਗਰਟਨੋਸ਼ੀ ਤੋਂ ਬਚੋ ਅਤੇ ਅਲਕੋਹਲ ਦੀ ਖਪਤ ਨੂੰ ਸੀਮਤ ਕਰੋ।
6. ਐਂਟੀਆਕਸੀਡੈਂਟਸ ਅਤੇ ਜ਼ਰੂਰੀ ਪੌਸ਼ਟਿਕ ਤੱਤਾਂ ਨਾਲ ਭਰਪੂਰ ਸਿਹਤਮੰਦ ਭੋਜਨ ਖਾਓ।
7. ਮੂੰਹ ਦੀ ਸਿਹਤ ਨੂੰ ਬਣਾਈ ਰੱਖਣ ਲਈ ਦੰਦਾਂ ਅਤੇ ਮਸੂੜਿਆਂ ਦੀ ਦੇਖਭਾਲ ਰੱਖੋ।
8. ਹਰ ਰੋਜ਼ ਸੈਰ ਕਰਨ ਜਾਂ ਨਿਯਮਿਤ ਤੌਰ 'ਤੇ ਕਸਰਤ ਕਰਨ ਦੀ ਆਦਤ ਬਣਾਓ। ਇਸ ਨਾਲ ਤੁਹਾਡਾ ਵਜ਼ਨ ਕੰਟਰੋਲ 'ਚ ਰਹੇਗਾ।
9. ਯੋਗਾ, ਧਿਆਨ ਜਾਂ ਲੰਮੇ ਸਾਹ ਲੈਣ ਵਰਗੀਆਂ ਤਕਨੀਕਾਂ ਰਾਹੀਂ ਆਪਣੇ ਤਣਾਅ ਨੂੰ ਦੂਰ ਕਰੋ।
ਇਹ ਵੀ ਪੜ੍ਹੋ : ਚਿਕਨ ਖਾਣ ਦੇ ਸ਼ੌਕੀਨ ਹੋ ਜਾਣ ਸਾਵਧਾਨ, ਜਾਣ ਲਓ ਖਾਣ ਦਾ ਸਹੀ ਢੰਗ ਤੇ ਫ਼ਾਇਦੇ-ਨੁਕਸਾਨ
10. ਚਮੜੀ ਦੀ ਦੇਖਭਾਲ ਦੀਆਂ ਆਦਤਾਂ ਨੂੰ ਜਾਰੀ ਰੱਖੋ ਜਿਵੇਂ ਕਿ ਨਿਯਮਤ ਤੌਰ 'ਤੇ ਚਮੜੀ ਦੀ ਸਫਾਈ ਕਰਨਾ, ਮੋਇਸਚਰਾਈਜ਼ਿੰਗ ਤੇ ਨਿਯਮਿਤ ਤੌਰ 'ਤੇ ਐਕਸਫੋਲੀਏਟ ਕਰਨਾ।
11. ਚਮੜੀ 'ਤੇ ਗਰਮ ਪਾਣੀ ਦੀ ਵਰਤੋਂ ਕਰਨ ਤੋਂ ਪਰਹੇਜ਼ ਕਰੋ। ਕਿਉਂਕਿ ਇਹ ਇਸ ਦੇ ਕੁਦਰਤੀ ਤੇਲ ਨੂੰ ਖੋਹ ਸਕਦਾ ਹੈ ਅਤੇ ਖੁਸ਼ਕੀ ਅਤੇ ਝੁਰੜੀਆਂ ਦਾ ਕਾਰਨ ਬਣ ਸਕਦਾ ਹੈ।
12 ਬੁਢਾਪੇ ਵਿਚ ਚਮੜੀ ਨੂੰ ਸਿਹਤਮੰਦ ਰੱਖਣ ਲਈ ਨਿਯਮਿਤ ਤੌਰ 'ਤੇ ਫੇਸ਼ੀਅਲ ਜਾਂ ਮਸਾਜ ਕਰਵਾਓ।
13. ਜ਼ਿਆਦਾ ਰਸਾਇਣਾਂ ਵਾਲੇ ਉਤਪਾਦਾਂ ਦੀ ਵਰਤੋਂ ਕਰਨ ਤੋਂ ਬਚੋ। ਇਹ ਚਮੜੀ ਨੂੰ ਨੁਕਸਾਨ ਪਹੁੰਚਾ ਸਕਦਾ ਹੈ।
14. ਫਲਾਂ ਅਤੇ ਸਬਜ਼ੀਆਂ ਦੇ ਜੂਸ ਪੀਣ ਦੀ ਆਦਤ ਨੂੰ ਅਪਣਾਓ। ਇਹ ਤੁਹਾਡੀ ਚਮੜੀ ਨੂੰ ਹਾਈਡ੍ਰੇਟ ਕਰਨ ਵਿੱਚ ਮਦਦ ਕਰੇਗਾ।
15. ਜੇਕਰ ਤੁਹਾਨੂੰ ਕਿਸੇ ਵੀ ਤਰ੍ਹਾਂ ਦੀ ਸਿਹਤ ਸੰਬੰਧੀ ਸਮੱਸਿਆ ਹੈ ਤਾਂ ਤੁਰੰਤ ਡਾਕਟਰ ਕੋਲ ਜਾਓ। ਨਿਯਮਤ ਸਿਹਤ ਜਾਂਚ ਕਰਵਾਓ। ਜੇਕਰ ਤੁਸੀਂ ਬੀਮਾਰੀਆਂ ਤੋਂ ਦੂਰ ਰਹੋਗੇ ਤਾਂ ਤੁਸੀਂ ਆਪਣੇ-ਆਪ ਹੀ ਜਵਾਨ ਦਿਖਾਈ ਦੇਵੋਗੇ।
ਇਸ ਤੋਂ ਇਲਾਵਾ ਜੀਵਨ ਵਿੱਚ ਦਇਆ, ਹਮਦਰਦੀ ਅਤੇ ਆਤਮ ਵਿਸ਼ਵਾਸ ਨੂੰ ਸ਼ਾਮਲ ਕਰੋ। ਆਪਣੇ ਅੰਦਰ ਕ੍ਰਿਏਟਿਵਿਟੀ ਤੇ ਹਾਸੇ-ਮਜ਼ਾਕ ਵਰਗੇ ਗੁਣ ਵਿਕਸਿਤ ਕਰੋ। ਤੁਸੀਂ ਆਪਣੇ ਆਪ ਨੂੰ ਜਿੰਨਾ ਖੁਸ਼ ਰੱਖੋਗੇ, ਤੁਸੀਂ ਓਨੇ ਹੀ ਸਿਹਤਮੰਦ ਅਤੇ ਫਿੱਟ ਦਿਖਾਈ ਦੇਵੋਗੇ।
ਇਹ ਵੀ ਪੜ੍ਹੋ : ਬਾਜਰੇ ਦੀ ਰੋਟੀ ਸਵਾਦਿਸ਼ਟ ਹੋਣ ਦੇ ਨਾਲ- ਨਾਲ ਸਿਹਤ ਲਈ ਵੀ ਹੈ ਵਰਦਾਨ, ਬੀਮਾਰੀਆਂ ਰਹਿਣਗੀਆਂ ਦੂਰ
ਨੋਟ : ਇਸ ਖ਼ਬਰ ਬਾਰੇ ਕੀ ਹੈ ਤੁਹਾਡੀ ਰਾਏ। ਕੁਮੈਂਟ ਕਰਕੇ ਦਿਓ ਜਵਾਬ।
Health Tips: ਗਰਮੀਆਂ 'ਚ ਭੁੱਲ ਕੇ ਵੀ ਨਾ ਪੀਓ ਫਰਿੱਜ਼ ਦਾ ਪਾਣੀ, ਭਾਰ ਵਧਣ ਸਣੇ ਹੋਣਗੀਆਂ ਇਹ ਪ੍ਰੇਸ਼ਾਨੀਆਂ
NEXT STORY 
