ਨਵੀਂ ਦਿੱਲੀ- ਗਰਮੀ ਦੇ ਮੌਸਮ ਵਿਚ ਬਿਮਾਰ ਹੋਣ ਦਾ ਜੋਖ਼ਮ ਸਭ ਤੋਂ ਵੱਧ ਹੁੰਦਾ ਹੈ। ਇਸ ਦੇ ਨਾਲ ਹੀ, ਤੇਜ਼ ਧੁੱਪ 'ਚ ਵਿੱਚ ਤੇਜ਼ ਹਵਾਵਾਂ ਕਾਰਨ ਹੀਟਸਟ੍ਰੋਕ (ਲੂ ਲੱਗਣ) ਦੀ ਸਮੱਸਿਆ ਵੀ ਰਹਿੰਦੀ ਹੈ ਪਰ ਧੁੱਪ ਅਤੇ ਗਰਮੀ ਦੇ ਬਾਵਜੂਦ ਵਿਅਕਤੀ ਨੂੰ ਰੋਜ਼ਾਨਾ ਜ਼ਰੂਰੀ ਕੰਮ ਜਾਂ ਦਫ਼ਤਰ ਜਾਣਾ ਆਦਿ ਲਈ ਘਰ ਤੋਂ ਬਾਹਰ ਨਿਕਲਣਾ ਹੀ ਪੈਂਦਾ ਹੈ। ਅਜਿਹੀ ਸਥਿਤੀ ਵਿੱਚ ਆਪਣੀ ਖ਼ੁਰਾਕ ਦਾ ਪੂਰਾ ਧਿਆਨ ਰੱਖਣਾ ਮਹੱਤਵਪੂਰਨ ਹੈ। ਪੁਰਾਣੇ ਸਮੇਂ ਤੋਂ ਹੀ ਘਰ ਦੇ ਬਜ਼ੁਰਗ ਸਾਡੇ ਘਰਾਂ ਵਿਚ ਗਰਮੀ ਤੋਂ ਬਚਣ ਲਈ ਕਈ ਕਿਸਮਾਂ ਦੇ ਘਰੇਲੂ ਉਪਚਾਰ ਅਪਣਾ ਰਹੇ ਹਨ। ਤੁਸੀਂ ਵੀ ਗਰਮੀ ਤੋਂ ਬਚਣ ਲਈ ਲਈ ਕਈ ਤਰ੍ਹਾਂ ਦੇ ਫ਼ਲਾਂ ਅਤੇ ਸਬਜ਼ੀਆਂ ਨੂੰ ਆਪਣੀ ਖ਼ੁਰਾਕ ਵਿਚ ਸ਼ਾਮਲ ਕਰ ਕੇ ਹੀਟਸਟ੍ਰੋਕ ਤੋਂ ਖ਼ੁਦ ਨੂੰ ਬਚਾ ਸਕਦੇ ਹੋ।
ਧਨੀਆ ਪੱਤੇ
ਵੈਸੇ ਤਾਂ ਧਨੀਏ ਦੇ ਪੱਤੇ ਖਾਣੇ 'ਤੇ ਸਜਾਉਣ ਲਈ ਵਰਤੇ ਜਾਂਦੇ ਹਨ। ਇਹ ਸਲਾਦ ਅਤੇ ਕਈ ਕਿਸਮਾਂ ਦੀਆਂ ਚਟਣੀ ਬਣਾਉਣ ਵਿਚ ਵੀ ਵਰਤਿਆ ਜਾਂਦਾ ਹੈ। ਗਰਮੀਆਂ ਵਿਚ ਲੂ ਤੋਂ ਬਚਣ ਲਈ ਤੁਹਾਨੂੰ ਇਸ ਨੂੰ ਆਪਣੀ ਖ਼ੁਰਾਕ ਵਿਚ ਸ਼ਾਮਲ ਕਰਨਾ ਚਾਹੀਦਾ ਹੈ ਬਹੁਤ ਸਾਰੇ ਪੌਸ਼ਟਿਕ ਤੱਤਾਂ ਨਾਲ ਭਰਪੂਰ ਧਨੀਆ ਹੀਟਸਟ੍ਰੋਕ ਨੂੰ ਰੋਕਦਾ ਹੈ।
ਗੁਲਾਬ ਦਾ ਸ਼ਰਬਤ
ਗੁਲਾਬ ਦਾ ਸ਼ਰਬਤ ਗਰਮੀਆਂ ਵਿਚ ਠੰਢਕ ਦਿੰਦਾ ਹੈ। ਇਹ ਸੁਆਦ ਵਿਚ ਸ਼ਾਨਦਾਰ ਹੈ ਅਤੇ ਤਸੀਰ ਵਿਚ ਠੰਢਾ ਹੁੰਦਾ ਹੈ। ਅਜਿਹੀ ਸਥਿਤੀ ਵਿਚ ਤੁਸੀਂ ਇਸ ਨਾਲ ਰਾਹਤ ਮਹਿਸੂਸ ਕਰੋਗੇ।
ਲੱਸੀ ਪੀਓ
ਗਰਮੀਆਂ ਵਿਚ ਲੱਸੀ ਦਾ ਸੇਵਨ ਜ਼ਰੂਰ ਕਰਨਾ ਚਾਹੀਦਾ ਹੈ। ਇਹ ਸਰੀਰ ਨੂੰ ਠੰਢਾ ਰੱਖਦੀ ਹੈ ਅਤੇ ਬਹੁਤ ਜ਼ਿਆਦਾ ਲੱਗਣ ਵਾਲੀ ਪਿਆਸ ਵੀ ਬੁਝਾਉਂਦਾ ਹੈ। ਇਸ ਦੇ ਨਾਲ ਹੀ ਗਰਮੀਆਂ ਵਿਚ ਡੀਹਾਈਡ੍ਰੇਸ਼ਨ ਨੂੰ ਰੋਕਣ ਲਈ ਲੱਸੀ ਪੀਓ।
ਪਿਆਜ਼ ਲਾਜ਼ਮੀ ਹੈ
ਲੂ ਤੋਂ ਬਚਣ ਲਈ ਤੇ ਇਸ ਦੀ ਰੋਕਥਾਮ ਤੇ ਇਲਾਜ ਲਈ ਪਿਆਜ਼ ਬਹੁਤ ਫ਼ਾਇਦੇਮੰਦ ਹੈ। ਇਸ ਲਈ ਪਿਆਜ਼ ਨੂੰ ਆਪਣੀ ਖ਼ੁਰਾਕ ਵਿਚ ਸ਼ਾਮਲ ਕਰੋ। ਕੱਚਾ ਪਿਆਜ਼ ਖਾਣ ਨਾਲ ਸਰੀਰ ਦੀ ਗਰਮੀ ਦੂਰ ਹੋ ਜਾਂਦੀ ਹੈ।
ਬੇਲ ਦਾ ਸ਼ਰਬਤ
ਬੇਲ ਦਾ ਸ਼ਰਬਤ ਗਰਮੀਆਂ ਵਿੱਚ ਠੰਢਕ ਦਿੰਦਾ ਹੈ ਅਤੇ ਬਹੁਤ ਫ਼ਾਇਦੇਮੰਦ ਹੁੰਦਾ ਹੈ। ਇਸ ਦੇ ਨਾਲ ਇਹ ਸਰੀਰ ਵਿਚ ਪਾਣੀ ਦੀ ਘਾਟ ਨੂੰ ਵੀ ਪੂਰਾ ਕਰਦਾ ਹੈ। ਇਸ ਲਈ ਨਿਸ਼ਚਤ ਰੂਪ ਵਿੱਚ ਇਸ ਨੂੰ ਆਪਣੀ ਖ਼ੁਰਾਕ ਵਿੱਚ ਸ਼ਾਮਲ ਕਰੋ।
ਮੌਸਮੀ ਫ਼ਲ
ਇਸ ਤੋਂ ਇਲਾਵਾ ਆਪਣੀ ਖ਼ੁਰਾਕ ਵਿਚ ਮੌਸਮੀ ਫ਼ਲ ਜ਼ਰੂਰ ਸ਼ਾਮਲ ਕਰੋ। ਗਰਮੀਆਂ ਵਿੱਚ ਤੁਹਾਨੂੰ ਤਰਬੂਜ, ਖੀਰੇ, ਅੰਗੂਰ ਆਦਿ ਖਾਣੇ ਚਾਹੀਦੇ ਹਨ ਜਾਂ ਉਨ੍ਹਾਂ ਦਾ ਰਸ ਲੈਣਾ ਚਾਹੀਦਾ ਹੈ।
ਅੰਬ ਦਾ ਪੰਨਾ
ਗਰਮੀਆਂ ਦੇ ਮੌਸਮ ਵਿਚ ਤੁਸੀਂ ਅੰਬਾਂ ਤੋਂ ਆਮ ਪੰਨਾ ਤਿਆਰ ਕਰ ਕੇ ਇਸ ਦਾ ਸੇਵਨ ਕਰ ਸਕਦੇ ਹੋ। ਇਹ ਲੂ ਨੂੰ ਰੋਕਣ ਵਿਚ ਮਦਦ ਕਰਦਾ ਹੈ। ਇਸ ਦੇ ਨਾਲ ਇਹ ਢਿੱਡ ਦੇ ਪਾਚਨ ਨੂੰ ਵੀ ਵਧੀਆ ਰੱਖਦਾ ਹੈ।
ਜਾਣੋ ਕਿਉਂ ‘ਮਾਈਗ੍ਰੇਨ’ ਦੀ ਸਮੱਸਿਆ ਤੋਂ ਪਰੇਸ਼ਾਨ ਹੁੰਦੇ ਨੇ ਲੋਕ, ਰਾਹਤ ਪਾਉਣ ਲਈ ਅਦਰਕ ਸਣੇ ਅਪਣਾਓ ਇਹ ਨੁਸਖ਼ੇ
NEXT STORY 
