ਲੰਡਨ (ਬਿਊਰੋ): ਬ੍ਰਿਟੇਨ ਦੀ ਮਹਾਰਾਣੀ ਐਲਿਜ਼ਾਬੈਥ II ਦਾ ਵੀਰਵਾਰ ਨੂੰ 96 ਸਾਲ ਦੀ ਉਮਰ ਵਿੱਚ ਦੇਹਾਂਤ ਹੋ ਗਿਆ। ਉਹ ਦੁਨੀਆ ਦੇ ਸਭ ਤੋਂ ਸ਼ਕਤੀਸ਼ਾਲੀ ਲੋਕਾਂ ਵਿੱਚੋਂ ਇੱਕ ਸੀ। ਉਹ ਦੁਨੀਆ ਦੀ ਇਕਲੌਤੀ ਔਰਤ ਸੀ, ਜਿਸ ਨੂੰ ਵਿਦੇਸ਼ ਜਾਣ ਲਈ ਪਾਸਪੋਰਟ ਜਾਂ ਵੀਜ਼ੇ ਦੀ ਲੋੜ ਨਹੀਂ ਸੀ। ਪਰ ਕੀ ਤੁਸੀਂ ਕਦੇ ਸੋਚਿਆ ਹੈ ਕਿ 96 ਸਾਲ ਦੀ ਰਾਣੀ ਕੋਲ ਕਿੰਨਾ ਪੈਸਾ ਸੀ ਅਤੇ ਉਸ ਦੀ ਆਮਦਨ ਦਾ ਵੱਡਾ ਸਰੋਤ ਕੀ ਸੀ? ਕਈ ਰਿਪੋਰਟਾਂ ਵਿੱਚ ਇਸ ਬਾਰੇ ਵੱਖ-ਵੱਖ ਤਰ੍ਹਾਂ ਦੇ ਦਾਅਵੇ ਕੀਤੇ ਗਏ ਹਨ। ਜਿਵੇਂ ਕਿ ਅਸੀਂ ਸਾਰੇ ਜਾਣਦੇ ਹਾਂ ਕਿ ਸ਼ਾਹੀ ਪਰਿਵਾਰ ਦੇ ਮੈਂਬਰ ਟੈਕਸਦਾਤਾਵਾਂ ਦੀ ਤਰਫੋਂ ਵੱਡੀ ਰਕਮ ਪ੍ਰਾਪਤ ਕਰਦੇ ਹਨ। ਜਦਕਿ ਸ਼ਾਹੀ ਪਰਿਵਾਰ ਦੀ ਆਮਦਨ ਦੇ ਹੋਰ ਸਰੋਤ ਅਣਜਾਣ ਹਨ। ਰਿਪੋਰਟਾਂ ਦੇ ਅਨੁਸਾਰ ਮਹਾਰਾਣੀ ਕੋਲ ਆਮਦਨ ਦੇ ਤਿੰਨ ਮੁੱਖ ਸਰੋਤ ਸਨ। ਇਹਨਾਂ ਵਿੱਚ ਸਾਵਰੇਨ ਗ੍ਰਾਂਟ, ਪ੍ਰਾਈਵੀ ਪਰਸ ਅਤੇ ਉਸਦੀ ਨਿੱਜੀ ਜਾਇਦਾਦ ਤੋਂ ਆਮਦਨ ਸ਼ਾਮਲ ਹੈ।
ਬ੍ਰਿਟੇਨ ਦੀ ਮਹਾਰਾਣੀ ਦੀ ਦੌਲਤ ਬਾਰੇ ਅਕਸਰ ਅੰਦਾਜ਼ਾ ਲਗਾਇਆ ਜਾਂਦਾ ਹੈ, ਪਰ ਖੁਦ ਮਹਾਰਾਣੀ ਦੀ ਤਰਫੋਂ ਕਦੇ ਕੁਝ ਵੀ ਜਨਤਕ ਨਹੀਂ ਕੀਤਾ ਗਿਆ। ਪਰ ਉਸ ਦੀ ਆਮਦਨ ਦੇ ਆਧਾਰ ’ਤੇ ਕੁਝ ਮਾਹਿਰਾਂ ਨੇ ਇਸ ਸਬੰਧੀ ਆਪਣੇ-ਆਪਣੇ ਅੰਦਾਜ਼ੇ ਲਾਏ ਹਨ। ਗੁਡਟੂ ਨਾਮ ਦੀ ਇੱਕ ਵੈਬਸਾਈਟ ਦੀ ਰਿਪੋਰਟ ਦੇ ਅਨੁਸਾਰ ਸਾਲ 2022 ਵਿੱਚ ਮਹਾਰਾਣੀ ਐਲਿਜ਼ਾਬੇਥ II ਦੀ ਅਨੁਮਾਨਿਤ ਜਾਇਦਾਦ 365 ਮਿਲੀਅਨ ਪੌਂਡ ਜਾਂ 33.36 ਅਰਬ ਰੁਪਏ ਤੋਂ ਵੱਧ ਸੀ। ਸੰਡੇ ਟਾਈਮਜ਼ ਦੀ ਅਮੀਰ ਸੂਚੀ ਦੇ ਅਨੁਸਾਰ ਇਹ 2020 ਵਿੱਚ ਉਸਦੀ ਕੁੱਲ ਜਾਇਦਾਦ ਨਾਲੋਂ 15 ਪੌਂਡ ਮਿਲੀਅਨ ਵੱਧ ਸੀ ਅਤੇ ਇਸ ਵਿੱਚ ਉਸਦੀ ਨਿੱਜੀ ਆਮਦਨ ਅਤੇ ਸਾਵਰੇਨ ਗ੍ਰਾਂਟਾਂ ਸ਼ਾਮਲ ਹਨ।
ਕੁੱਲ ਜਾਇਦਾਦ 6,631 ਅਰਬ ਰੁਪਏ ਤੋਂ ਵੱਧ
ਪਿਛਲੇ ਕੁਝ ਸਾਲਾਂ ਵਿੱਚ ਮਹਾਰਾਣੀ ਪੇਪਰ ਦੀ ਸਾਲਾਨਾ ਅਮੀਰ ਸੂਚੀ ਵਿੱਚ 30 ਸਥਾਨ ਹੇਠਾਂ ਖਿਸਕ ਗਈ। ਉਹ 2020 ਵਿੱਚ 372ਵੇਂ ਸਥਾਨ 'ਤੇ ਸੀ ਅਤੇ 2018 ਤੋਂ 30 ਸਥਾਨਾਂ ਦੀ ਗਿਰਾਵਟ 'ਤੇ ਸੀ। ਪੂਰੇ ਸ਼ਾਹੀ ਪਰਿਵਾਰ ਦੀ ਦੌਲਤ ਦੀ ਗੱਲ ਕਰੀਏ ਤਾਂ ਫੋਰਬਸ ਮੈਗਜ਼ੀਨ ਮੁਤਾਬਕ ਉਨ੍ਹਾਂ ਦੀ ਕੁੱਲ ਜਾਇਦਾਦ 72.5 ਬਿਲੀਅਨ ਪੌਂਡ (6,631 ਅਰਬ ਰੁਪਏ ਤੋਂ ਵੱਧ) ਹੈ। ਮਹਾਰਾਣੀ ਦੇ ਆਮਦਨੀ ਦੇ ਮੁੱਖ ਸਰੋਤਾਂ ਦੀ ਗੱਲ ਕਰੀਏ ਤਾਂ, ਉਸਨੂੰ ਸਰਕਾਰ ਤੋਂ ਸਲਾਨਾ ਸੋਵਰੇਨ ਗ੍ਰਾਂਟ ਮਿਲਦੀ ਸੀ, ਜਦੋਂ ਕਿ ਦੂਜੇ ਦੋ ਸਰੋਤ ਸੁਤੰਤਰ ਸਨ (ਪ੍ਰਾਈਵੀ ਪਰਸ ਮਹਾਰਾਣੀ ਦੀ ਨਿੱਜੀ ਆਮਦਨ ਹੈ) ਜਿਸ ਵਿੱਚ ਟੈਕਸਦਾਤਾ ਦੇ ਪੈਸੇ ਸ਼ਾਮਲ ਨਹੀਂ ਸਨ।
ਪੜ੍ਹੋ ਇਹ ਅਹਿਮ ਖ਼ਬਰ- ਭਾਰਤੀ ਅਮਰੀਕੀ ਸੰਸਦ ਮੈਂਬਰ ਪ੍ਰਮਿਲਾ ਜੈਪਾਲ ਨੂੰ ਮਿਲੇ ਧਮਕੀ ਭਰੇ ਸੰਦੇਸ਼
ਸ਼ਾਹੀ ਜਾਇਦਾਦਾਂ ਕੋਂ ਨਹੀਂ ਹੁੰਦੀ ਸੀ ਕਮਾਈ
ਕਈਆਂ ਦਾ ਮੰਨਣਾ ਹੈ ਕਿ ਮਹਾਰਾਣੀ ਨੇ ਸ਼ਾਹੀ ਜਾਇਦਾਦਾਂ ਜਿਵੇਂ ਕਿ ਬਕਿੰਘਮ ਪੈਲੇਸ, ਵਿੰਡਸਰ ਕੈਸਲ ਅਤੇ ਟਾਵਰ ਆਫ਼ ਲੰਡਨ ਦੇ ਸੈਲਾਨੀਆਂ ਤੋਂ ਪੈਸੇ ਪ੍ਰਾਪਤ ਕੀਤੇ ਸਨ। ਹਾਲਾਂਕਿ ਇਹ ਸੱਚ ਨਹੀਂ ਹੈ। ਇਹ ਮਾਲੀਆ ਦਿ ਰਾਇਲ ਕੁਲੈਕਸ਼ਨ ਲਈ ਵਰਤਿਆ ਗਿਆ ਸੀ। ਲੰਡਨ ਤੋਂ ਇਲਾਵਾ ਸਕਾਟਲੈਂਡ, ਵੇਲਜ਼ ਅਤੇ ਉੱਤਰੀ ਆਇਰਲੈਂਡ ਵਿਚ ਵੀ ਸ਼ਾਹੀ ਪਰਿਵਾਰ ਦੀਆਂ ਜਾਇਦਾਦਾਂ ਹਨ। ਇਹ ਰਾਣੀ ਦੀ ਨਿੱਜੀ ਜਾਇਦਾਦ ਹੈ ਜਿਸ ਨੂੰ ਵੇਚਿਆ ਨਹੀਂ ਜਾ ਸਕਦਾ ਪਰ ਉਸਦੇ ਵਾਰਸਾਂ ਨੂੰ ਦਿੱਤਾ ਜਾਵੇਗਾ।
ਰਾਇਲ ਕਲੈਕਸ਼ਨ ਵਿੱਚ 1 ਮਿਲੀਅਨ ਤੋਂ ਵੱਧ ਆਈਟਮਾਂ ਸ਼ਾਮਲ
ਇਸ ਤੋਂ ਇਲਾਵਾ ਮਹਾਰਾਣੀ ਦੀ ਜਾਇਦਾਦ ਵਿੱਚ ਕਈ ਅਨਮੋਲ ਕਲਾਕ੍ਰਿਤੀਆਂ, ਹੀਰੇ ਅਤੇ ਗਹਿਣੇ, ਲਗਜ਼ਰੀ ਕਾਰਾਂ, ਸ਼ਾਹੀ ਸਟੈਂਪ ਕੁਲੈਕਸ਼ਨ ਅਤੇ ਘੋੜੇ ਸ਼ਾਮਲ ਹਨ। ਸ਼ਾਹੀ ਸੰਗ੍ਰਹਿ ਵਿੱਚ 10 ਲੱਖ ਤੋਂ ਵੱਧ ਵਸਤੂਆਂ ਸ਼ਾਮਲ ਹਨ ਜਿਨ੍ਹਾਂ ਦੀ ਅੰਦਾਜ਼ਨ ਕੀਮਤ 10 ਖਰਬ ਰੁਪਏ ਹੈ। ਹਾਲਾਂਕਿ ਇਹ ਜਾਇਦਾਦ ਯੂਕੇ ਦੇ ਇੱਕ ਟਰੱਸਟ ਕੋਲ ਹੈ। ਬ੍ਰਿਟੇਨ ਦੇ ਨਵੇਂ ਬਾਦਸ਼ਾਹ ਕਿੰਗ ਚਾਰਲਸ ਦੀ ਸਾਲਾਨਾ ਆਮਦਨ ਦੀ ਗੱਲ ਕਰੀਏ ਤਾਂ ਉਸ ਨੂੰ ਹਰ ਸਾਲ ਡਚੀ ਆਫ ਕਾਰਨਵਾਲ (Duchy of Cornwall) ਤੋਂ ਲਗਭਗ 21 ਮਿਲੀਅਨ ਪੌਂਡ ਦੀ ਆਮਦਨ ਹੁੰਦੀ ਹੈ।
ਨੋਟ- ਇਸ ਖ਼ਬਰ ਬਾਰੇ ਕੁਮੈਂਟ ਕਰ ਦਿਓ ਰਾਏ।
ਭਾਰਤੀ ਅਮਰੀਕੀ ਸੰਸਦ ਮੈਂਬਰ ਪ੍ਰਮਿਲਾ ਜੈਪਾਲ ਨੂੰ ਮਿਲੇ ਧਮਕੀ ਭਰੇ ਸੰਦੇਸ਼
NEXT STORY 
