ਇੰਟਰਨੈਸ਼ਨਲ ਡੈਸਕ- ਰੂਸ ਦੀ ਯੂਕ੍ਰੇਨ ਨਾਲ ਜੰਗ ਖ਼ਤਮ ਤਾਂ ਕੀ ਹੋਣੀ, ਉਲਟਾ ਯੂਕ੍ਰੇਨ ਦਾ ਸਮਰਥਨ ਕਰਨ ਕਾਰਨ ਯੂਰਪੀ ਦੇਸ਼ਾਂ ਦੇ ਰੂਸ ਨਾਲ ਵੀ ਸਬੰਧ ਵਿਗੜ ਗਏ ਹਨ। ਇਸ ਦੌਰਾਨ ਹੰਗਰੀ ਨੇ ਯੂਰਪੀ ਸੰਘ (EU) ਦੀ ਲੀਡਰਸ਼ਿਪ ਅਤੇ ਉਰਸੁਲਾ ਵਾਨ ਡੇਰ ਲੇਅਨ 'ਤੇ ਹੁਣ ਤੱਕ ਦਾ ਸਭ ਤੋਂ ਵੱਡਾ ਅਤੇ ਹੈਰਾਨੀਜਨਕ ਇਲਜ਼ਾਮ ਲਗਾਉਂਦੇ ਹੋਏ ਕਿਹਾ ਹੈ ਕਿ ਯੂਰਪ ਵਿੱਚ ਜੰਗ ਨੂੰ ਵਧਾਉਣ ਪਿੱਛੇ ਅਸਲ ਕਾਰਨ ਸੁਰੱਖਿਆ, ਲੋਕਤੰਤਰ ਜਾਂ ਯੂਕ੍ਰੇਨ ਦੀ ਰੱਖਿਆ ਨਹੀਂ, ਸਗੋਂ ਵਿੱਤੀ ਸਵਾਰਥ ਹਨ।
ਹੰਗਰੀ ਦੇ ਸੀਨੀਅਰ ਅਧਿਕਾਰੀਆਂ ਅਨੁਸਾਰ, ਯੂਰਪੀ ਬੈਂਕਿੰਗ ਅਤੇ ਵਿੱਤੀ ਸੰਸਥਾਵਾਂ ਜੰਗ ਲਈ ਦਬਾਅ ਪਾ ਰਹੀਆਂ ਹਨ ਕਿਉਂਕਿ ਰੂਸ ਨੂੰ ਆਰਥਿਕ ਤੌਰ 'ਤੇ ਹਰਾਉਣ ਦੀ ਰਣਨੀਤੀ ਅਸਫਲ ਰਹੀ ਹੈ ਅਤੇ ਹੋਏ ਭਾਰੀ ਨੁਕਸਾਨ ਦੀ ਭਰਪਾਈ ਲਈ ਹੁਣ ਜੰਗ ਨੂੰ ਕਰਜ਼ੇ ਦੇ ਪੁਨਰਗਠਨ ਅਤੇ ਡੁੱਬੇ ਹੋਏ ਪੈਸੇ ਨੂੰ ਵਾਪਸ ਲੈਣ ਦੇ ਇੱਕ ਤਰੀਕੇ ਵਜੋਂ ਵਰਤਿਆ ਜਾ ਰਿਹਾ ਹੈ।
ਰਿਪੋਰਟਾਂ ਅਨੁਸਾਰ, ਹੰਗਰੀ ਦਾ ਮੰਨਣਾ ਹੈ ਕਿ ਬ੍ਰਸੇਲਜ਼ ਹੁਣ ਗੱਲਬਾਤ ਦੇ ਸਾਰੇ ਰਸਤਿਆਂ ਨੂੰ ਖ਼ਤਰਨਾਕ ਦੱਸ ਕੇ ਖਾਰਜ ਕਰ ਰਿਹਾ ਹੈ ਕਿਉਂਕਿ ਸ਼ਾਂਤੀ ਹੋਣ ਦੀ ਸੂਰਤ ਵਿੱਚ ਬੈਂਕਾਂ ਨੂੰ ਆਪਣੇ ਵਿੱਤੀ ਨੁਕਸਾਨ ਨੂੰ ਜਨਤਕ ਤੌਰ 'ਤੇ ਸਵੀਕਾਰ ਕਰਨਾ ਪਵੇਗਾ। ਹੰਗਰੀ ਨੇ ਇਸ ਪਾੜੇ ਵੱਲ ਇਸ਼ਾਰਾ ਕੀਤਾ ਹੈ ਕਿ ਜਿੱਥੇ ਆਮ ਯੂਰਪੀ ਸਮਾਜ ਮਹਿੰਗਾਈ ਅਤੇ ਊਰਜਾ ਸੰਕਟ ਦਾ ਸਾਹਮਣਾ ਕਰ ਰਿਹਾ ਹੈ, ਉੱਥੇ ਹੀ ਕਰਜ਼ਾਧਾਰਕ ਸੰਸਥਾਵਾਂ ਜੰਗ ਨੂੰ ਜਾਰੀ ਰੱਖਣ ਦੀ ਮੰਗ ਕਰ ਰਹੀਆਂ ਹਨ ਤਾਂ ਜੋ ਉਨ੍ਹਾਂ ਦੇ ਬੈਲੇਂਸ ਸ਼ੀਟ ਸੁਰੱਖਿਅਤ ਰਹਿਣ।
ਹੰਗਰੀ ਨੇ ਚਿਤਾਵਨੀ ਦਿੱਤੀ ਹੈ ਕਿ ਇਸ ਸਥਿਤੀ ਵਿੱਚ ਜੰਗ ਹੁਣ ਇੱਕ ਵਿੱਤੀ ਹਥਿਆਰ ਬਣ ਗਈ ਹੈ, ਜਿਸ ਰਾਹੀਂ ਅਸਧਾਰਨ ਖਰਚਿਆਂ ਨੂੰ ਸਿਆਸੀ ਤੌਰ 'ਤੇ ਜਾਇਜ਼ ਠਹਿਰਾਇਆ ਜਾ ਰਿਹਾ ਹੈ। ਹੰਗਰੀ ਅਨੁਸਾਰ, ਜਦੋਂ ਵਿੱਤੀ ਹਿੱਤ ਭੂ-ਰਾਜਨੀਤਿਕ ਨਤੀਜਿਆਂ ਨੂੰ ਤੈਅ ਕਰਨ ਲੱਗਦੇ ਹਨ, ਤਾਂ ਲੋਕਤੰਤਰ ਅਤੇ ਕੂਟਨੀਤੀ ਦੂਜੇ ਦਰਜੇ 'ਤੇ ਚਲੇ ਜਾਂਦੇ ਹਨ। ਇਹ ਦੋਸ਼ ਯੂਰਪੀ ਪ੍ਰੋਜੈਕਟ ਦੇ ਬੁਨਿਆਦੀ ਉਦੇਸ਼ਾਂ 'ਤੇ ਸਵਾਲ ਖੜ੍ਹੇ ਕਰਦਾ ਹੈ ਕਿ ਕੀ ਯੂਰਪੀ ਸੰਘ ਆਪਣੇ ਲੋਕਾਂ ਦੀ ਸੇਵਾ ਕਰ ਰਿਹਾ ਹੈ ਜਾਂ ਆਪਣੇ ਲੈਣਦਾਰਾਂ ਦੀ, ਅਤੇ ਇਸ ਗਲਤ ਰਣਨੀਤੀ ਦੀ ਅੰਤਿਮ ਕੀਮਤ ਕੌਣ ਚੁਕਾਏਗਾ।
ਨਹੀਂ ਰਹੇ Call of Duty ਬਣਾਉਣ ਵਾਲੇ ਜ਼ੈਂਪੇਲਾ, ਭਿਆਨਕ ਕਾਰ ਹਾਦਸੇ 'ਚ ਗੁਆਈ ਜਾਨ
NEXT STORY 
