ਇਸਲਾਮਾਬਾਦ- ਪਾਕਿਸਤਾਨ 'ਚ ਔਰਤਾਂ ਦੀ ਸਥਿਤੀ ਲਗਾਤਾਰ ਖਰਾਬ ਹੁੰਦੀ ਜਾ ਰਹੀ ਹੈ। ਇਸ ਦਾ ਖੁਲਾਸਾ ਹਿਊਮਨ ਰਾਈਟਸ ਵਾਚ (ਐੱਚ.ਆਰ.ਡਬਲਿਊ) ਦੀ ਸਾਲਾਨਾ ਵਿਸ਼ਵ ਰਿਪੋਰਟ 'ਚ ਕੀਤਾ ਗਿਆ ਹੈ। ਐੱਚ.ਆਰ.ਡਬਲਿਊ ਦੀ ਸਾਲਾਨਾ ਵਿਸ਼ਵ ਰਿਪੋਰਟ 2022 ਦੇ ਅਨੁਸਾਰ ਆਪਣੇ ਨੌਜਵਾਨਾਂ, ਵਿਸ਼ੇਸ਼ ਰੂਪ ਨਾਲ ਪੁਰਸ਼ਾਂ ਦੇ ਵੱਧਦੇ ਕੱਟੜਪੰਥ ਦੇ ਵਿਚਾਲੇ, ਪਾਕਿਸਤਾਨ ਦੇ ਸੰਸਥਾਗਤ ਤੰਤਰ ਔਰਤਾਂ ਦੇ ਖ਼ਿਲਾਫ਼ ਅਪਰਾਧਾਂ ਨੂੰ ਰੋਕਣ 'ਚ ਅਸਮਰਥ ਸਾਬਿਤ ਹੋ ਰਹੀ ਹੈ।
ਰਿਪੋਰਟ 'ਚ ਹਾਲ ਦੇ ਕਈ ਮਾਮਲਿਆਂ ਦਾ ਹਵਾਲਾ ਦਿੰਦੇ ਹੋਏ ਕਿਹਾ ਗਿਆ ਹੈ ਕਿ ਪਿਤਰਸੱਤਾ ਦੇ ਪ੍ਰਮੁੱਖ ਜੋ ਔਰਤਾਂ ਨੂੰ ਇਕ ਅਜਿਹੀ ਵਸਤੂ ਦੇ ਰੂਪ 'ਚ ਦੇਖਦੇ ਹਨ ਜਿਨ੍ਹਾਂ ਨੂੰ ਪਰਦੇ 'ਚ ਅਤੇ ਹਮੇਸ਼ਾ ਨਿਗਰਾਨੀ 'ਚ ਰੱਖਣ ਦੀ ਲੋੜ ਹੁੰਦੀ ਹੈ, ਹੌਲੀ-ਹੌਲੀ ਪਾਕਿਸਤਾਨ ਸਮਾਜ 'ਤੇ ਕਬਜ਼ਾ ਕਰ ਰਹੇ ਹਨ। ਹਾਲ ਹੀ 'ਚ 14 ਫਰਵਰੀ ਨੂੰ, ਲਾਹੌਰ ਹਾਈ ਕੋਰਟ (ਐੱਲ.ਐੱਚ.ਸੀ.) ਨੇ ਕੰਦੀਲ ਬਲੂਚ ਨਾਂ ਦੀ ਇਕ ਮਾਡਲ ਦੀ ਹੱਤਿਆ ਦੇ ਮਾਮਲੇ 'ਚ ਮੁੱਖ ਸ਼ੱਕੀ ਨੂੰ ਬਰੀ ਕਰ ਦਿੱਤਾ। ਕਿਉਂਕਿ ਮਾਮਲੇ ਦੇ ਪੱਖਕਾਰਾਂ ਦੇ ਵਿਚਾਲੇ ਇਕ ਸਮਝੌਤਾ ਸੀ ਅਤੇ ਗਵਾਹਾਂ ਦੇ ਬਿਆਨ ਵਾਪਸ ਲੈ ਗਏ ਸਨ। ਕੰਦੀਲ ਬਲੂਚ ਦੀ ਉਸ ਦੇ ਭਰਾ ਮੁਹੰਮਦ ਵਸੀਮ ਨੇ 15 ਜੁਲਾਈ 2016 ਨੂੰ ਮੁਜ਼ੱਫਰਾਬਾਦ 'ਚ ਗਲਾ ਦਬਾ ਕੇ ਹੱਤਿਆ ਕਰ ਦਿੱਤੀ ਸੀ।
ਇਸ ਵਿਚਾਲੇ ਪੰਜਾਬ ਪ੍ਰਾਂਤ 'ਚ ਪੁਲਸ ਦੀ ਇਕ ਹਾਲੀਆ ਰਿਪੋਰਟ ਤੋਂ ਪਤਾ ਚੱਲਿਆ ਹੈ ਕਿ ਪਿਛਲੇ ਪੰਜ ਸਾਲਾਂ 'ਚ ਪ੍ਰਾਂਤ ਤੋਂ ਲਗਭਗ 41,000 ਔਰਤਾਂ ਦੇ ਲਾਪਤਾ ਹੋਣ ਦੀ ਸੂਚਨਾ ਮਿਲੀ ਹੈ ਜਿਸ 'ਚੋਂ 3,571 ਔਰਤਾਂ ਅੱਜ ਤੱਕ ਬਰਾਮਦ ਨਹੀਂ ਹੋਈਆਂ ਹਨ। ਇਸਲਾਮ ਖਬਰ ਨੇ ਹਿਊਮਨ ਰਾਈਟਸ ਵਾਚ (ਐੱਚ.ਆਰ.ਡਬਲਿਊ) ਦੀ ਸਾਲਾਨਾ ਵਿਸ਼ਵ ਰਿਪੋਰਟ 2022 ਦਾ ਹਵਾਲਾ ਦਿੰਦੇ ਹੋਏ ਕਿਹਾ ਕਿ ਪਾਕਿਸਤਾਨ 'ਚ ਔਰਤਾਂ ਦੇ ਅਧਿਕਾਰਾਂ ਅਤੇ ਸੁਰੱਖਿਆ ਦੇ ਸਬੰਧ 'ਚ ਡਰਾਵਨੀ ਸਥਿਤੀ ਵੀ ਕੌਮਾਂਤਰੀ ਰਡਾਰ 'ਤੇ ਹੈ। ਐੱਚ.ਆਰ.ਡਬਲਿਊ ਨੇ ਆਪਣੀ ਸਾਲਾਨਾ ਵਿਸ਼ਵ ਰਿਪੋਰਟ 2022 'ਚ, ਪਾਕਿਸਤਾਨ 'ਚ ਬੱਚਿਆਂ ਦੇ ਨਾਲ-ਨਾਲ ਔਰਤਾਂ ਦੇ ਖ਼ਿਲਾਫ਼ ਵਿਆਪਕ ਅਧਿਕਾਰਾਂ ਦੇ ਹਨਨ ਦੇ ਦੋਸ਼ਾਂ ਦਾ ਦਸਤਾਵੇਜ਼ੀਕਰਨ ਕੀਤਾ ਜੋ ਜਾਰਜ ਟਾਊਨ ਯੂਨੀਵਰਸਿਟੀ ਵਲੋਂ ਜਾਰੀ ਸੰਸਾਰਕ ਮਹਿਲਾ, ਸ਼ਾਂਤੀ ਅਤੇ ਸੁਰੱਖਿਆ ਸੂਚਕਾਂਕ 'ਚ 170 ਦੇਸ਼ਾਂ 'ਚੋਂ 167ਵੇਂ ਸਥਾਨ 'ਤੇ ਹਨ।
ਆਸਟ੍ਰੇਲੀਆ ਨੇ ਅੰਤਰਰਾਸ਼ਟਰੀ ਯਾਤਰੀਆਂ ਲਈ ਪੂਰੀ ਤਰ੍ਹਾਂ ਖੋਲ੍ਹੇ ਬਾਰਡਰ
NEXT STORY 
