ਨਵੀਂ ਦਿੱਲੀ (ਵਾਰਤਾ)- ਚੋਣ ਕਮਿਸ਼ਨ ਨੇ ਮੌਜੂਦਾ ਲੋਕ ਸਭਾ ਚੋਣਾਂ 'ਚ ਵੋਟਿੰਗ ਦੇ ਅੰਕੜਿਆਂ 'ਚ ਅੰਤਰ ਬਾਰੇ ਕਾਂਗਰਸ ਪ੍ਰਧਾਨ ਮਲਿਕਾਰਜੁਨ ਖੜਗੇ ਦੇ 6 ਮਈ ਦੇ ਪੱਤਰ 'ਚ ਚੁੱਕੇ ਗਏ ਸਵਾਲਾਂ ਨੂੰ ਖਾਰਜ ਕੀਤਾ ਅਤੇ ਦੋਸ਼ ਦੱਸਦੇ ਹੋਏ ਸ਼ੁੱਕਰਵਾਰ ਨੂੰ ਖਾਰਜ ਕਰ ਦਿੱਤਾ। ਕਮਿਸ਼ਨ ਨੇ ਖੜਗੇ ਨੂੰ ਭੇਜੇ ਵਿਸਤ੍ਰਿਤ ਜਵਾਬ ਵਿਚ ਕਿਹਾ ਹੈ ਕਿ ਉਨ੍ਹਾਂ ਨੇ ਸੋਸ਼ਲ ਮੀਡੀਆ ’ਤੇ ਜਾਰੀ ਚਿੱਠੀ ਵਿਚ ਸਬੰਧਤ ਮੁੱਦੇ ’ਤੇ ਸਵਾਲ ਪੁੱਛਣ ਦੀ ਆੜ ਵਿਚ ਇਕ ਅਜਿਹਾ ਬਿਆਨ ਦਿੱਤਾ ਜੋ ਜਨਤਕ ਤੱਥਾਂ ਦੇ ਸੰਦਰਭ ਵਿਚ ਝੂਠ ਹੈ। ਕਮਿਸ਼ਨ ਨੇ ਸ਼੍ਰੀ ਖੜਗੇ ਨੂੰ ਲਿਖਿਆ ਹੈ ਕਿ ਸਾਰਿਆਂ ਦੀਆਂ ਅੱਖਾਂ ਦੇ ਸਾਹਮਣੇ ਕਰਵਾਈਆਂ ਜਾ ਰਹੀਆਂ ਚੋਣਾਂ ਬਾਰੇ ਉਨ੍ਹਾਂ ਦਾ ਬਿਆਨ ਹਮਲਾਵਰ ਹੈ। ਇਸ ਲਈ 'ਚੋਣ ਪ੍ਰਕਿਰਿਆ ਦੀ ਨਿਰਪੱਖਤਾ ਨੂੰ ਬਣਾਏ ਰੱਖਣ ਲਈ ਕਮਿਸ਼ਨ ਤੁਹਾਡੇ ਵਲੋਂ ਲਗਾਏ ਦੋਸ਼ਾਂ ਨੂੰ ਖਾਰਜ ਕਰਦਾ ਹੈ ਅਤੇ ਤੁਹਾਨੂੰ ਸਲਾਹ ਦਿੰਦਾ ਹੈ ਕਿ ਤੁਸੀਂ ਇਸ ਤਰ੍ਹਾਂ ਦੇ ਬਿਆਨ ਦੇਣ ਤੋਂ ਬਚੋ।'' ਖੜਗੇ ਨੇ 6 ਤਾਰੀਖ਼ ਨੂੰ ਕਮਿਸ਼ਨ ਨੂੰ ਲਿੱਖੀ ਚਿੱਠੀ 'ਚ 6 ਸਵਾਲ ਚੁੱਕੇ ਸਨ ਅਤੇ ਉਸ ਚਿੱਠੀ ਨੂੰ ਸੋਸ਼ਲ ਮੀਡੀਆ ਪਲੇਟਫਾਰਮ 'ਐਕਸ' 'ਤੇ ਪਾ ਦਿੱਤਾ ਸੀ। ਕਮਿਸ਼ਨ ਨੇ ਕਿਹਾ ਹੈ ਕਿ ਚਿੱਠੀ 'ਚ ਲਿਖਿਆ ਹੈ ਕਿ 'ਇਤਿਹਾਸ 'ਚ ਪਹਿਲੀ ਵਾਰ' ਵੋਟਿੰਗ ਦੇ ਅੰਤਿਮ ਫ਼ੀਸਦੀ ਅੰਕੜੇ ਜਾਰੀ ਕਰਨ 'ਚ ਦੇਰੀ ਕੀਤੀ ਗਈ ਹੈ ਅਤੇ ਉਸ 'ਚ ਮੀਡੀਆ ਦੀਆਂ ਵੱਖ-ਵੱਖ ਖ਼ਬਰਾਂ ਦੇ ਹਵਾਲੇ ਤੋਂ ਕਿਹਾ ਗਿਆ ਹੈ ਕਿ 'ਇਹ ਕਮਿਸ਼ਨ ਦੀ ਕਾਰਜਪ੍ਰਣਾਲੀ 'ਤੇ ਗੰਭੀਰ ਖ਼ਦਸ਼ੇ ਪੈਦਾ ਕਰਦਾ ਹੈ।''
ਕਮਿਸ਼ਨ ਨੇ ਕਾਂਗਰਸ ਪ੍ਰਧਾਨ ਨੂੰ ਕਿਹਾ ਕਿ ਤੁਸੀਂ ਇਹ ਕਿਹਾ ਹੈ ਕਿ ਕਮਿਸ਼ਨ ਨੇ ਵੋਟਿੰਗ ਦੇ ਅੰਕੜੇ ਜਾਰੀ ਕਰਨ 'ਚ 'ਬੇਹੱਦ ਦੇਰੀ ਕੀਤੀ ਹੈ' ਅਤੇ ਸ਼ੁਰੂਆਤੀ ਅੰਕੜਿਆਂ ਦੀ ਤੁਲਨਾ 'ਚ ਅੰਤਿਮ ਅੰਕੜਿਆਂ 'ਚ 'ਉੱਚਾ ਵਾਧਾ' ਹੋਇਆ ਹੈ ਜੋ ਈ.ਵੀ.ਐੱਮ. ਨੂੰ ਲੈ ਕੇ ਵੀ ਕੁਝ ਸਵਾਲ ਚੁੱਕੇ ਹਨ। ਕਮਿਸ਼ਨ ਨੇ ਕਿਹਾ ਹੈ ਕਿ 'ਆਪ' ਨੇ ਡਾਟਾ ਜਾਰੀ ਕਰਨ ਦੇ ਸਮੇਂ ਅਤੇ ਉਸ 'ਚ ਵਾਧੇ ਨੂੰ ਉਨ੍ਹਾਂ ਚੋਣ ਖੇਤਰਾਂ ਨਾਲ ਜੋੜਿਆ ਹੈ, ਜਿੱਥੇ ਸੱਤਾਧਾਰੀ ਦਰ ਨੇ 2019 'ਚ ਚੰਗਾ ਪ੍ਰਦਰਸ਼ਨ ਨਹੀਂ ਕੀਤਾ ਸੀ। ਤੁਸੀਂ ਇਹ ਦੋਸ਼ ਲਗਾ ਦਿੱਤਾ ਕਿ ਉਹ ਸਾਰੀਆਂ ਗੱਲਾਂ ਚੋਣ ਨਤੀਜੇ ਨੂੰ ਪ੍ਰਭਾਵਿਤ ਕਰਨ ਦੀ ਕੋਸ਼ਿਸ਼ ਹਨ।'' ਕਮਿਸ਼ਨ ਨੇ ਖੜਗੇ ਨੂੰ ਲਿਖਿਆ ਹੈ ਕਿ ਉਨ੍ਹਾਂ ਨੇ ਆਪਣੀ ਚਿੱਠੀ ਦੇ ਵਿਸ਼ੇ 'ਚ ਜਾਂਚ ਕਰਨ ਲਾਇਕ ਤੱਥਾਂ ਅਤੇ ਸੁਪਰੀਮ ਕੋਰਟ ਦੇ ਪਹਿਲੇ ਆ ਚੁੱਕੇ ਸਪੱਸ਼ਟ ਫ਼ੈਸਲਿਆਂ ਤੋਂ ਬਾਅਦ ਵੀ ਇਕ ਪੱਖਪਾਤ ਕਹਾਣੀ ਪੇਸ਼ ਕਰਨ ਦੀ ਕੋਸ਼ਿਸ਼ ਹੈ। ਕਮਿਸ਼ਨ ਨੇ ਕਿਹਾ ਹੈ ਕਿ ਵੋਟਰ ਸੂਚੀ ਤਿਆਰ ਕਰਨ ਦੀ ਪ੍ਰਕਿਰਿਆ ਦੇ ਹਰ ਪੜਾਅ 'ਚ ਰਾਜਨੀਤਕ ਦਲ ਵੀ ਜੁੜੇ ਹੁੰਦੇ ਹਨ, ਇਸ ਲਈ ਉਨ੍ਹਾਂ ਨੂੰ ਹਰ ਵੋਟਿੰਗ ਕੇਂਦਰ ਅਤੇ ਹੋਰ ਚੋਣ ਖੇਤਰ 'ਚ ਵੋਟਾਂ ਦੀ ਗਿਣਤੀ ਦਾ ਪਤਾ ਹੁੰਦਾ ਹੈ।
ਤਾਜ਼ਾ ਤੇ ਵੱਡੀਆਂ ਖ਼ਬਰਾਂ ਸਭ ਤੋਂ ਪਹਿਲਾਂ ਪੜ੍ਹਨ ਲਈ ਜੁਆਇਨ ਕਰੋ ‘ਜਗ ਬਾਣੀ’ ਦਾ ਵਟਸਐਪ ਚੈਨਲ
👇Join us on Whatsapp channel👇
https://whatsapp.com/channel/0029Va94hsaHAdNVur4L170e
13 ਮਈ ਚੌਥੇ ਪੜਾਅ ਦੀਆਂ ਚੋਣਾਂ :10 ਸੂਬਿਆਂ ਦੀਆਂ 96 ਲੋਕ ਸਭਾ ਸੀਟਾਂ ’ਤੇ ਅੱਜ ਰੁਕ ਜਾਏਗਾ ਚੋਣ ਪ੍ਰਚਾਰ
NEXT STORY 
