ਮੁੰਬਈ- ਕਿਹਾ ਜਾਂਦਾ ਹੈ ਕਿ ਪੜ੍ਹਨ ਦੀ ਕੋਈ ਉਮਰ ਨਹੀਂ ਹੁੰਦੀ। ਪੜ੍ਹਨ ਦਾ ਜਨੂੰਨ ਅਤੇ ਸਖ਼ਤ ਮਿਹਨਤ ਇਨਸਾਨ ਨੂੰ ਉਸ ਦੀ ਮੰਜ਼ਿਲ ਤੱਕ ਜ਼ਰੂਰ ਲੈ ਜਾਂਦੀ ਹੈ। ਵੱਡੀ ਉਮਰ ਵਿਚ ਪੜ੍ਹਾਈ ਕਰਨ ਦਾ ਜਨੂੰਨ ਕਿਸੇ-ਕਿਸੇ ਵਿਚ ਹੁੰਦਾ ਹੈ। ਕੁਝ ਅਜਿਹੀ ਹੀ ਹੈ ਮੁੰਬਈ ਦੀ ਰਹਿਣ ਵਾਲੀ ਪ੍ਰਭਾਵਤੀ, ਜੋ ਕਿ 65 ਸਾਲ ਦੇ ਹਨ।
ਪ੍ਰਭਾਵਤੀ ਨੇ 10ਵੀਂ ਜਮਾਤ ਦੀ ਪ੍ਰੀਖਿਆ 52 ਫ਼ੀਸਦੀ ਅੰਕਾਂ ਨਾਲ ਪਾਸ ਕੀਤੀ ਹੈ। ਖ਼ਾਸ ਗੱਲ ਇਹ ਹੈ ਕਿ ਉਸ ਦੇ ਪੋਤੇ ਸੋਹਮ ਜਾਧਵ ਨੇ 82 ਫ਼ੀਸਦੀ ਅੰਕਾਂ ਨਾਲ 10ਵੀਂ ਜਮਾਤ ਪਾਸ ਕੀਤੀ ਹੈ। ਯਾਨੀ ਕਿ ਦਾਦੀ-ਪੋਤੇ ਨੇ ਇਕੱਠਿਆਂ ਹੀ 10ਵੀਂ ਜਮਾਤ ਪਾਸ ਕੀਤੀ ਹੈ। ਇਹ ਦਾਦੀ ਲਈ ਅਤੇ ਉਸ ਦੇ ਪੋਤੇ ਲਈ ਦੁੱਗਣੀ ਖੁਸ਼ੀ ਦੀ ਗੱਲ ਹੈ। ਪ੍ਰਭਾਵਤੀ ਨੇ ਦੱਸਿਆ ਕਿ ਪਾਸ ਹੋ ਕੇ ਮੈਨੂੰ ਬਹੁਤ ਖੁਸ਼ੀ ਹੋਈ। ਮੈਨੂੰ ਖੁਸ਼ੀ ਹੈ ਕਿ ਮੇਰਾ ਪੋਤਾ ਵੀ ਪਾਸ ਹੋਇਆ ਅਤੇ ਮੈਂ ਵੀ ਪਾਸ ਹੋਈ। ਮੇਰਾ ਪੋਤਾ ਅੰਗਰੇਜ਼ੀ ਮੀਡੀਅਮ ਤੋਂ ਪਾਸ ਹੋਇਆ ਹੈ ਅਤੇ ਮੈਂ ਮਰਾਠੀ ਮੀਡੀਅਮ ਵਿਚ ਸੀ। ਪ੍ਰਭਾਵਤੀ ਨੇ ਕਿਹਾ ਕਿ ਜਦੋਂ ਮੈਂ ਪ੍ਰੀਖਿਆ ਦੇਣ ਜਾਂਦੀ ਸੀ ਤਾਂ ਲੋਕ ਖੁਸ਼ ਹੁੰਦੇ ਸਨ।
ਪ੍ਰਭਾਵਤੀ ਸਮਾਜ ਲਈ ਪ੍ਰੇਰਨਾਦਾਇਕ ਬਣ ਗਈ
ਇਸ ਪ੍ਰੇਰਨਾਦਾਇਕ ਕਹਾਣੀ ਨੇ ਪੂਰੇ ਸਮਾਜ ਨੂੰ ਇਹ ਸੰਦੇਸ਼ ਦਿੱਤਾ ਹੈ ਕਿ ਸਿੱਖਣ ਦੀ ਕੋਈ ਉਮਰ ਨਹੀਂ ਹੁੰਦੀ। ਜੇਕਰ ਮਨ ਵਿਚ ਸਮਰਪਣ ਅਤੇ ਸਖ਼ਤ ਮਿਹਨਤ ਦਾ ਜਨੂੰਨ ਹੋਵੇ, ਤਾਂ ਕਿਸੇ ਵੀ ਸੁਪਨੇ ਨੂੰ ਹਕੀਕਤ ਵਿਚ ਬਦਲਿਆ ਜਾ ਸਕਦਾ ਹੈ। ਪ੍ਰਭਾਵਤੀ ਅਤੇ ਉਸਦੇ ਪੋਤੇ ਦੀ ਇਹ ਜੋੜੀ ਅੱਜ ਸਾਰਿਆਂ ਲਈ ਇਕ ਉਦਾਹਰਣ ਬਣ ਗਈ ਹੈ ਕਿ ਉਮਰ ਕੋਈ ਵੀ ਹੋਵੇ, ਸਿੱਖਿਆ ਪ੍ਰਾਪਤ ਕਰਨ ਦੀ ਇੱਛਾ ਹੋਣੀ ਚਾਹੀਦੀ ਹੈ।
ਲੋਕ ਸਭਾ ਸਿਰਫ਼ ਸਦਨ ਨਹੀਂ, ਭਾਰਤੀ ਲੋਕਤੰਤਰ ਦੀ ਆਤਮਾ ਹੈ : ਓਮ ਬਿਰਲਾ
NEXT STORY 
